16/09/2026
๐๐จ๐ซ๐ฎ๐ฆ๐๐ซ๐ข๐ง๐ญ๐ ๐ฆ๐๐ฑ๐๐ฅ๐ฅ๐ข๐ ๐ ๐๐ก ๐จ๐จ ๐ง๐๐ญ๐ข๐ข๐ฃ๐จ ๐ฆ๐ฎ๐ฎ๐ช๐๐ญ๐ ๐ค๐ ๐๐ก๐๐ฅ๐ข๐ฌ๐๐ฒ ๐๐ข๐ฌ๐ฆ๐๐๐ฒ๐จ
Wakiillo ka socda bahwadaagta taageerta Soomaaliya ee Norway, Midowga Yurub ee Soomaaliya, Netherlands, Switzerland iyo Sweden, oo ay weheliyaan Wakiilka UNDP Soomaaliya Christophoros Politis iyo Somali Joint Fund---- ayaa booqday Kismaayo, Jubbaland, si ay u arkaan sida maalgelinta wadajirka ahi uga dhalinayso natiijooyin la taaban karo bulshada deegaanka.
๐๐ข๐ฒ๐จ-๐ฆ๐๐ซ๐๐๐ง๐ง๐จ ๐ฐ๐๐ง๐๐๐ ๐ฌ๐๐ง, ๐ฐ๐๐๐จ๐จ๐ฒ๐ข๐ง ๐๐ฆ๐ฆ๐๐๐ง ๐๐ก
Wafdigu waxay ka qayb galeen munaasabadda lagu wareejinayay mashruuc biyo-mareenno ah oo loo gudbinayay maamulka deegaanka. Mashruucan waxaa lagu taageeray barnaamijka iyo Sanduuqa Horumarinta Deegaanka, iyadoo ay qayb ka qaateen bulshada iyo maamulka deegaanka.
Mashruucu wuxuu wax ka qabanayaa caqabadaha la xiriira biyaha, wuxuuna gacan ka geysan doona abuurista deegaan oo u adkaysan kara xaaladaha adag.
Barnaamijku wuxuu sidoo kale xoojinayaa awoodda dowladaha hoose si ay si wax-ku-ool ah uga jawaabaan baahiyaha iyo xuquuqda dhammaan muwaadiniinta. Sannadkii 2025, in ka badan 1 milyan oo qof ayaa ka faaโiiday dhismaha iyo dayactirka kaabayaasha muhiimka ah ee adeegyada dowladaha hoose iyo bulshada, guud ahaan Soomaaliya.
๐๐จ๐จ๐๐จ ๐ฐ๐๐ฑ๐๐๐ซ๐๐ฌ๐ก๐จ ๐จ๐จ ๐ฌ๐ก๐๐ช๐๐ฒ๐ง๐๐ฒ๐
Dugsiga Ganaane, oo lagu dayactiray qaabka adeeg-bixinta ee DowladKaab, ayaa booqashada ku muujiyay sida maalgelinta kaabayaashu u horseedi karto fasallo ammaan ah iyo adeegyo muhiim ah oo si hufan u gaara carruurta Kismaayo.
๐๐๐๐ฒ๐๐๐ฌ๐ก๐ ๐จ๐จ ๐ฑ๐๐ฅ ๐ฎ ๐ก๐๐ฅ๐๐ฒ๐ ๐ค๐ก๐ข๐ฅ๐๐๐๐๐๐๐ค๐.
Wafdigu waxay la kulmeen odayaasha dhaqanka ee ka qayb qaata dib-u-heshiisiinta bulshada Jubbaland. Odayaashu waxay la wadaageen wafdiga sida ay u xalliyaan khilaafaadka beelaha iyo murannada dhulalka.
Shaqadni waxaa lagu taageeraa Barnaamijka Taageerada Dowlad-dhiska iyo Dib-u-heshiisiinta (SRSP), oo ah barnaamij ay si wadajir ah u fuliyaan UNDP iyo UNTMIS. Barnaamijku wuxuu gacan ka geystay xallinta 15 khilaaf oo ka dhex dhacay beelaha Soomaaliyeed, ka hor inta aysan isku badalin rabsho. Taasi waxay gacan ka geysatay in nolosha ay ammaan u noqoto in ka badan 2 milyan oo Soomaali ah.
๐๐๐๐๐๐๐ฅ๐๐ ๐๐ฒ ๐๐ฎ๐ฅ๐ฌ๐ก๐๐๐ฎ ๐ฌ๐ข ๐๐ฎ๐๐ฎ๐ ๐ฎ ๐ก๐๐ฅ๐ข ๐ค๐๐ซ๐ญ๐จ
Iyadoo loo marayo Barnaamijka Wadajirka ah ee Caddaaladda iyo Asluubta (JJCP), kooxdu waxay la kulantay dadka ka shaqeeya Xallinta Khilaafaadka ee Baddalka ah (ADR) iyo xubno ka tirsan bulshada oo ka shaqaynaya sidii caddaaladdu u noqon lahayd mid la heli karo taas oo nabad ku dhisan. Shaqadani waxay xoojinaysaa kalsoonida iyo isku-duubnida bulshada ilaa heer deegaan.
Barnaamijku wuxuu tababar siiyay in ka badan 2,000 dhexdhexaadiye oo ka shaqeeya xarumaha ADR, kuwaas oo sannadkii 2025 oo kaliya gacanta ku dhigay in ka badan 5,300 kiis.
Laga soo bilaabo biyo-mareennada ilaa xallinta khilaafaadka, booqashadu waxay si cad u muujisay in iskaashi joogto ahi keeni karo: dowlado hoose iyo bulshooyin awood u leh inay xal u helaan caqabadaha deegaankooda.
