01/06/2026
𝐊𝐔𝐋𝐀𝐍𝐊𝐀 𝐁𝐈𝐋𝐋𝐀𝐇𝐀 𝐀𝐇 𝐄𝐄 𝐃𝐀𝐁𝐀𝐆𝐀𝐋𝐊𝐀 𝐌𝐀𝐒𝐇𝐑𝐔𝐔𝐂𝐀 𝐑𝐎𝐀𝐃 𝐈𝐍𝐅𝐑𝐀𝐒𝐓𝐑𝐔𝐂𝐓𝐔𝐑𝐄 𝐏𝐑𝐎𝐆𝐑𝐀𝐌𝐌𝐄 𝐒𝐎𝐌𝐀𝐋𝐈𝐀 (𝐑𝐈𝐏𝐒𝐎) 𝐄𝐄 𝐖𝐀𝐃𝐀𝐃𝐀 𝐃𝐇𝐔𝐔𝐒𝐀𝐌𝐀𝐑𝐑𝐄𝐄𝐁–𝐐𝐀𝐑𝐀𝐃𝐇𝐈(𝟔𝟎𝐊𝐌)
𝐃𝐇𝐔𝐒𝐀𝐌𝐀𝐑𝐄𝐄𝐁 | 𝟎𝟏 𝐉𝐔𝐍 𝟐𝟎𝟐𝟔 – Maareeyaha Mashruuca Road Infrastructure Programme Somalia (RIPSO), Mudane 𝐀𝐁𝐃𝐔𝐋𝐋𝐀𝐇𝐈 𝐌 𝐌𝐀𝐀𝐋𝐋𝐈𝐌 𝐅𝐀𝐑𝐈𝐌𝐎𝐒 oo ay wehliyaan qaar ka mid ah howlwadeennada mashruuca, ayaa maanta shir-guddoomiyey kulanka billaha ah ee mashruuca, kaas oo ay kasoo qeybgaleen shirkadda dhismaha ee Alnasri Construction Company iyo kooxda kormeerka ee KKATT Consult.
Kulanka ayaa diiradda lagu saaray dib-u-eegista horumarka shaqooyinka socda, qiimeynta waxqabadka muddadii la soo dhaafay, ka doodista caqabadaha jira, iyo dardargelinta howlaha mashruuca si loo xaqiijiyo in shaqooyinka ku socdaan qorshihii loo dejiyey.
Ujeeddada kulanka ayaa ahayd xoojinta wada-shaqeynta iyo isku-duwidda howlaha u dhexeeya dhinacyada kala duwan ee mashruuca, si loo hubiyo hirgelinta shaqooyinka si hufan, tayo leh, isla markaana waafaqsan jadwalka iyo qorshaha fulinta mashruuca.
Sidoo kale, waxaa kulanka lagu lafaguray qorshayaasha shaqo ee bilaha soo socda, iyadoo xoogga la saaray sidii loo sii xoojin lahaa tayada fulinta, kor loogu qaadi lahaa waxqabadka, loona xaqiijin lahaa dhammeystirka mashruuca waqtigii loogu talagalay.
Kulanka ayaa ku soo dhammaaday is-afgarad iyo go'aamo wax ku ool ah oo lagu sii xoojinayo wada-shaqeynta dhinacyada mashruuca, si loo dardargeliyo hirgelinta iyo horumarinta kaabeyaasha waddooyinka ee deegaanka.
– 𝐃𝐇𝐀𝐌𝐌𝐀𝐀𝐃 –
