Midowga Dhalinyarada Horumarinta Hintire

13/05/2026

13 May 2026

WAR SAXAAFADEED

Taageerada Nidaamka Doorashada Qof iyo Cod

Midowga Dhalinyarada Beesha Hintire Baalcade waxay si rasmi ah u soo dhaweynayaan una taageerayaan hirgelinta nidaamka cusub ee doorashooyinka dalka ee ku dhisan “Qof iyo Cod”.

Midowgu wuxuu aaminsan yahay in nidaamkan cusub uu yahay tallaabo muhiim ah oo horseed u noqon karta dimuqraadiyad dhab ah isla markaana siinaysa shacabka Beesha gaar ahaan dhalinyarada fursad ay codkooda iyo doorkooda siyaasadeed si xor ah ugu muujiyaan.

Waxaan si gaar ah u muujineynaa in nidaamkan cusub uu dhalinyarada u furayo albaab cusub oo ay kaga qeyb qaadan karaan hoggaanka iyo matalaadda bulshada gaar ahaan kursiga HOPE #080 oo ay deegaan doorashadiisu tahay Dowlad Goboleedka Koonfur Galbeed Soomaaliya.

Midowga Dhalinyarada Beesha Hintire Baalcade waxay rumeysan yihiin in dhalinyaradu yihiin tiirka ugu muhiimsan ee horumarka bulshada islamarkaana ay mudan yihiin in la siiyo fursad ay aqoontooda, kartidooda iyo hogaankooda ugu adeegaan bulshada iyo dalka.

Sidoo kale Midowgu wuxuu bogaadinayaa dhammaan dhalinyarada isu soo taagtay xilalka kala duwan ee heer deegaan iyo heer dowlad goboleed kuwaas oo u taagan isbeddel, horumar iyo matalaad dhab oo bulshada ah.

Ugu dambeyn, Midowga Dhalinyarada Beesha Hintire Baalcade waxay ugu baaqayaan dhammaan dhalinyarada Beesha inay si firfircoon uga qeyb qaataan geeddi-socodka siyaasadeed iyo horumarka dalka, iyagoo taageeraya nabadda, midnimada iyo dimuqraadiyadda Soomaaliya.

“Dhalinyaro awood leh, Bulsho horumarsan”

WABILLAHI TOWFIIQ

07/05/2026

Midowga Dhalinyarada Beesha Hintire wuxuu soo dhaweynaayaa musharax golaha wakiilada KGS
Walaalkeen Mudane Xaaji Nuur Maxamed Shiikh Cumar oo ah musharax utaagan qabashada xilka golaha wakiil kGS ee Besha Hintire

Waxaan urajeyneenaa in uu ilaahay la garab galo dadaalka uu kaga jiro in uu xilkaasi qabto

06/05/2026

Midowga Dhalinyarada Beesha Hintire waxay hanbalyo iyo bogaadin udirayaa Maxamed Cali Axmed oo ku soo baxay Doorashadan Golaha Wakiillada ee KGS ee Xisbiga JSP Gaar ahaan Beesha HINTIRE BAALCADE

Wuxuuna diyaar u yahay in uu la tartamo xisbiyada kale si uu ugu soo baxo golaha wakiilada KGS

Waxaan urajeynaynaa inuu guuleysto insha allah

29/04/2026

Midowga Dhalinyarada Beesha Hintire
Waxay soo dhaweynaayaan shaqada adag oo uu bulshadiisa uhaayo Suldhaan maxamed Mayow Ayaanle oo ah suldhaanka beesha Hintire

Suldhaanka waxaan ku amaaneynaa howlaha adag oo uu bulshada uhaayo iyo sida ugu quruxda badan oo uu magaca beesha umuujinaayo waxaa muiqato matalaad dhab ah

Midowga dhalinyarada waxay utaaganyihiin siday ugu shaqeynlahaayeen horumarinta iyo muujinta magaca iyo dhaqanka ka dhex jiray bulshaweynta hintire

Dhaqanka siyaasiyiinta Aqoonyahanada dhalinyarada iyo qof waliba oo utaagan horumarka beesha waxaan unahay garab iyo gaashaan

SULDHAAN WAN KUGU AMAANEENAA DOORKA UGU MUHIIMSAN AAD BULSHADAADA HINTIRE AAD U HAYSID

HORUMAR WACAN

26/04/2026

Waxaa halkan ugu hambalyeyneenaa Walaalkeena Maxamed Cabduqaadir oo noqday kaamirmaanka ugu fiican ee sanadkan.

Safe Reporters of Somalia (SRS) ayaa bilad sharafeed guddoonsiisay Maxamed Cabduqaadir, iyagoo ku maamuusay dadaalka iyo xirfadda uu ku muujiyay shaqadiisa saxaafadeed.

Hambalyo, horumar iyo guulo badan ayaan kuu rajeynaynaa.

14/04/2026

Waxaan aad ugu faraxsan nahay

Xerig jarka xarunta ururka JSP ee degmada Afgooye taasoo ay qeyb ka ahaayeen matalayaasha degmada Afgooye

Waxaa farxad weyn inoo ah in xaruntaasi uu xarig jaray
Dr Xuseen Cali seedi waxayna cadeyneesaa dowrka weyn ee horumarineed ay beesha hintire ku leedahay Degmada Afgooye

04/04/2026

Kulan Is-Xogwareysi iyo Hambalyo loogu diray Guddoomiyaha Cusub ee Gobolka Shabeellaha Hoose oo lagu qabtay Muqdisho

Kulan isugu jiray is-xogwareysi iyo hambalyo loo dirayay guddoomiyaha cusub ee Gobolka Shabeellaha Hoose ee dhawaan la magacaabay ayaa lagu qabtay magaalada mogadishu

Kulanka waxaa goobjoog ka ahaa xubno kala duwan oo isugu jiray siyaasiyiin, aqoonyahanno, odayaal dhaqameed iyo dhalinyaro, waxaana ka mid ahaa:

1. Xildhibaan dowlad goboleed: Sheekh Nuur

2. Guddoomiyaha Midowga: Siid Cali Maclin Yarow

3. Guddoomiyaha Aqoonyahanada: Cali Axmed Cali Baadda

4. Siyaasi: Xaaji Nuur Maxamed Sheekh

5. Guddiga Midowga Dhalinyarada Hintire

6. Xubno kale oo isugu jira dhalinyaro, aqoonyahanno iyo siyaasiyiin

Sidoo kale waxaa goobta joogay:

Nabadoon: Ibraahim Xaaji Dalxa

Samadoon: Xaaji Xasan Xuseen

Samadoon: Mayow Yaroow Muuse

Guddoomiyaha Degmada Sabiid iyo Caanoole

Ugu horreyn, waxaa kulanka hadallo ka jeediyay xildhibaan Sheekh Nuur oo beesha ku matala Maamulka Koonfur Galbeed Soomaaliya, isaga oo ka warbixiyay xaaladda guud iyo arrimaha taagan.

Waxaa sidoo kale warbixin laga dhageystay guddoomiyaha Degmada Sabiid iyo Caanoole, oo ka hadlay xaaladihii ugu dambeeyay ee degmada iyo horumarka socda.

Intaas kadib, waxaa si rasmi ah loo guda galay qaybta hambalyada, waxaana hadalka ugu horreyn qaatay:

Nabadoon Ibraahim Xaaji Dalxa

Samadoon Xaaji Xasan Xuseen

Samadoon Mayow Yaroow Muuse

Sidoo kale, waxaa halkaas ka hadlay aqoonyahanno ka tirsan beesha Hintire Balicadde, oo ay ka mid yihiin guddoomiyaha aqoonyahannada Cali Axmed Cali Baadda iyo siyaasi Xaaji Nuur Maxamed Sheekh.

Waxaa kale oo goobta ka hadlay guddoomiyaha Sabiid iyo Caanoole Maxamed Abuukar iyo xildhibaan Sheekh Nuur oo ah wasiir ku xigeenka Wasaaradda Dastuurka Koonfur Galbeed Soomaaliya.

Ugu dambeyntii, kulanka waxaa soo xiray xildhibaan h**e Prof prof Maxamed Cumar Dalxa, oo hadal dhiirrigelin iyo dardaaran ah u jeediyay bulshada, isagoo adkeeyay midnimada, wada shaqeynta iyo taageerada guddoomiyaha cusub ee Gobolka Shabeellaha Hoose.

29/03/2026

Midowga Dhalinyarada Beesha Hintire.

Midowga Horumarinta Hintire oo ugu h**eeyo Gudoomiyaga Midowga Mudane Dr. Sayidcali Macallim Yarow Waxa ay si kal iyo laab ah hambalyo ugu direyaan Madaxweynaha Dowlad Goboleedka Koonfur Galbeed ee dib loo doortay, Mudane Cabdicasiis Maxamed Xasan Laftagareen.

Waxaan ugu hambalyeyneynaa guusha uu ka gaaray doorashada, waxaana u rajeyneynaa inuu Alle ku garab galo masuuliyadda culus ee loo igmaday isla markaana uu ku hoggaamiyo horumar, cadaalad iyo midnimo shacabka Koonfur Galbeed.

Sidoo kale, waxaan si gaar ah u bogaadineynaa Xildhibaanka Beesha Hintire, Mudane Xil Nuur Xasan Maxamed oo door muuqda ka qaatay geeddi-socodka doorashada una taagan matalaad dhab ah oo sharaf leh beesha Hintire ku leedahay Dowlad Goboleedka Koonfur Galbeed.

Ururka Dhalinyarada Beesha Hintire waxay mar kale caddeynayaan inay garab taagan yihiin cid kasta oo u adeegta danaha bulshada KGS isla markaana ka shaqeysa horumarka, nabadda iyo midnimada dadka iyo Gobolada Koonfur galbeed.

Hambalyo mar kale!

24/03/2026

24/03/2026

Kulan Aayo-Ka-Tashi oo Muqdisho Lagu Qabtay: Siyaasiyiinta iyo Dhalinyarada Beesha Hintire oo Ka Hadlay Horumarka iyo Xaaladda Dalka

Kulan aayo-ka-tashi ah oo ay magaalada Muqdisho ku yeesheen siyaasiyiinta, dhalinyarada iyo aqoonyahannada beesha Hintire (Balcadde) ayaa diiradda lagu saaray xaaladda siyaasadeed ee dalka iyo horumarka deegaanada beesha.

Kulanka ayaa waxaa si gaar ah loogu falanqeeyay marxaladda siyaasadeed ee uu dalku marayo, doorka beesha Hintire ay ku leedahay, iyo sidii xal loogu heli lahaa caqabadaha ka jira deegaanada ay beesha degto. Sidoo kale, waxaa xoogga la saaray horumarinta waxbarashada, adeegyada caafimaadka, iyo baahiyaha guud ee bulshada.

Kulanka waxaa goobjoog ka ahaa xildhibaan h**e prof moxamed Cumar Dalxa, Dr Siid Cali xuseen guddoomiyaha dhalinyarada beesha Hintire dr sayid cali macalin yarow, iyo xubno kale oo ka tirsan dhalinyarada iyo aqoonyahannada sidoo kale waxaa kulanka qeyb ka ahaa siyaasi xaaji nuur maxamed sheikh

Kulankan ayaa loo arkaa mid muhiim u ah isku duwidda aragtida iyo dadaallada beesha Hintire, si ay door firfircoon uga qaataan horumarka iyo mustaqbalka dalka.

[email protected]

19/03/2026

Gudoomiyaha midowga dhalinyarada horumarinta hintire Mudane Dr sayid cali macalin yarow ayaa hambalyo ku aadan Munaasabadda Ciidul Fitriga u diray shacabka Soomaaliyeed iyo dhammaan Ummadaha Muslimiinta Caalamka isaga oo Alle u weydiiyay in uu ka aqbalo soonkii, salaaddii, sadaqadii iyo dhammaan cibaadooyinkii aan gudannay bishii barakaysnayd ee Ramadan.