Social Welfare and Development Organization SOWDO

13/08/2026

🌍 INTERNATIONAL YOUTH DAY 2026 | SOWDO

🗣️ KULANKA DHALINYARADA

Hay’adda Social Welfare and Development Organization (SOWDO) ayaa maanta, 13 Agoosto 2026, qabatay kulan wadatashi ah oo qayb ka ah xuska Maalinta Caalamiga ah ee Dhalinyarada (International Youth Day).

🎯 MOWDUUCA KULANKA:
“Doorka Bulshada Rayidka ah ee Yaraynta Musuqmaasuqa”

Kulanka waxaa si qoto dheer looga hadlay doorka bulshada rayidka ah ee la-dagaallanka musuqmaasuqa, kor u qaadista daahfurnaanta, isla-xisaabtanka iyo wacyigelinta bulshada.

🤝 Waxaa kulanka ka qaybgalay dhalinyaro iyo xubno ka tirsan bulshada rayidka ah, waxaana lagu sameeyay dood-wadaag iyo is-dhaafsi fikrado ku saabsan sidii loo xoojin lahaa doorka dhalinyarada iyo bulshada rayidka ah ee yaraynta musuqmaasuqa.

🎤 Waxaan kulanka daadihinayey:
Mr. Bashir Abdulhadi Mumin Haji
Agaasimaha Labaad ee SOWDO

📍 Goobta: Holl SOWDO.org
📅 Taariikh: 13 Agoosto 2026

✨ Dhalinyaro wacyi leh, bulsho hufan, Soomaaliya ka madax-bannaan musuqmaasuq.

13/08/2026

🌍 INTERNATIONAL YOUTH DAY 2026 | 12 AUGUST

SOWDO – Social Welfare and Development Organization waxay si diirran ugu hambalyeynaysaa dhammaan dhalinyarada Soomaaliyeed Maalinta Caalamiga ah ee Dhallinyarada.

Dhallinyaradu waa awoodda maanta iyo hoggaamiyeyaasha berri. SOWDO waxay aaminsan tahay in dhalinyarada loo baahan yahay in la siiyo waxbarasho, xirfado, fursado shaqo, hoggaan, ka-qaybgal bulsho iyo jawi ay ku horumariyaan kartidooda.

💙 SOWDO waxay garab taagan tahay dhalinyarada si ay:
✅ U helaan waxbarasho iyo aqoon
✅ U bartaan xirfado shaqo-abuur
✅ Ka qaybqaataan horumarinta bulshada
✅ U noqdaan hoggaamiyeyaal wanaagsan
✅ U dhisaan mustaqbal nabdoon oo barwaaqo ah

“Dhallinyaro maanta wax barata, mustaqbalka waddanka dhista.” 🌱

🤝 SOWDO & DHALLINYARADA — WADAJIR AYAAN MUSTAQBALKA U DHISAYNAA.

10/08/2026

🎓 HAMBALYO IYO BOGAADIN 🎓

Maamulka lawaad iyo Xoghayaha Guud ee SOWDO
Mudane Bashir C/khadir Muumin, Maamulka Labaad ee SOWDO, iyo Marwo Ikraan C/khadir Yuusuf, Xoghayaha Guud ee SOWDO, waxay hambalyo iyo bogaadin u dirayaan dhammaan ardayda Soomaaliyeed ee ku guuleystay imtixaanka Dowladda.

Waxaan si gaar ah ugu hambalyeynaynaa arday kasta oo dadaal, dulqaad iyo juhdi badan ku bixiyay waxbarashadiisa, kuna guuleystay natiijo wanaagsan.

Guushu waa bilowga waddo cusub oo aqoon iyo horumar leh.
Waxaan idin rajaynaynaa mustaqbal ifaya, aqoon waxtar leh iyo guulo isdaba-joog ah. 🌹🎓

Hambalyo dhammaan ardayda guuleysatay!
Hambalyo waalidiinta, macallimiinta iyo dhammaan intii ka qayb qaadatay guusha ardayda.

SOWDO – Waxbarasho, Horumar & Mustaqbal. 🇸🇴

09/08/2026

09/08/2026

, Soomaaliya | 09 Agoosto 2026

SOWDO oo ka qeyb-gashay Wadatashiga Daneeyayaasha Kala Duwan ee Hannaanka Dib-u-habaynta Doorashooyinka Soomaaliya

Welfare and Development Organization (SOWDO) ayaa maanta ka qeyb-gashay kulanka Wadatashiga Daneeyayaasha Kala Duwan ee hannaanka dib-u-habaynta Doorashooyinka Soomaaliya, kaas oo Muqdisho lagu soo gabagabeeyay.

Kulankan waxaa soo qabanqaabisay Dalladda Bulshada Rayidka Soomaaliyeed (SONSA – Somalia Non-State Actors), waxaana looga hadlay soo-jeedimaha Bulshada Rayidka Soomaaliyeed ee ku aaddan dib-u-habaynta hannaanka doorashooyinka dalka.

Kulanka ayaa si qoto dheer looga dooday sidii loo heli lahaa hannaan doorasho oo loo dhan yahay, lagu kalsoonaan karo, nabad ah, isla markaana muwaadiniinta Soomaaliyeed ay si toos ah uga qeyb qaadan karaan.

Madaxa Sare ee SOWDO, Mudane Xasan Maxamed Xuseen Enow, oo kulanka hadal ka jeediyay, ayaa adkeeyay muhiimadda ay leedahay in Bulshada Rayidka Soomaaliyeed ay door muuqda ka qaadato dib-u-habaynta hannaanka doorashooyinka iyo dhismaha hannaan siyaasadeed oo loo dhan yahay.

Xasan ayaa sheegay in wada-hadal, wadatashi ballaaran, daahfurnaan iyo ka-qaybgalka bulshada ay yihiin tiirarka muhiimka u ah in la gaaro hannaan doorasho oo lagu wada kalsoonaan karo.

“Bulshada Rayidka Soomaaliyeed waxay leedahay door muhiim ah oo ku aaddan wacyigelinta bulshada, dhiirrigelinta ka-qaybgalka muwaadiniinta iyo isu-soo-dhoweynta aragtiyada kala duwan. Waa muhiim in hannaanka doorashooyinka lagu saleeyo wadatashi ballaaran oo ay qeyb ka yihiin dhammaan qeybaha bulshada Soomaaliyeed,” ayuu yiri Xasan Maxamed Xuseen Enow.

waxay sidoo kale carrabka ku adkeysay muhiimadda matalaadda haweenka, dhalinyarada, dadka naafada ah iyo qeybaha kale ee bulshada, si loo xaqiijiyo hannaan doorasho oo loo dhan yahay, isla markaana dhowra xuquuqda iyo ka-qaybgalka bulshada.

Kulanka waxaa ka qeybgalay wakiillo ka socday ururrada Bulshada Rayidka Soomaaliyeed, jaamacadaha iyo bahda tacliinta, hay’adaha cilmi-baarista, ururrada haweenka, dhalinyarada, dadka naafada ah, odayaasha dhaqanka, culimada iyo qeybaha kale ee bulshada.

waxay uga mahadcelineysaa SONSA qabanqaabada kulankan muhiimka ah iyo dadaallada ay ku xoojinayso wadatashiga, ka-qaybgalka bulshada iyo doorka Bulshada Rayidka Soomaaliyeed ee hannaanka dib-u-habaynta doorashooyinka dalka.

Welfare and Development Organization (SOWDO)
Bulsho awood leh, horumar waara.

09/08/2026

Su’aal: Sidee loo xaqiijin karaa in talooyinka Ururrada Bulshada Rayidka (CSOs) ay si dhab ah uga mid noqdaan dib-u-habaynta doorashooyinka Soomaaliya?

23/07/2026

Xoghayaha Guud ee Ururka Social Welfare and Development Organization (SOWDO), Marwo Ikraan Cabdulqaadir Yuusuf, ayaa maanta si rasmi ah uga qeyb gashay tababar ku saabsanaa Nadaafadda iyo Fayadhowrka (Hygiene and Sanitation), kaas oo ay soo qabanqaabisay Nasiib Community Health Center.

Tababarkan oo la qabtay maanta ayaa waxaa maalgelin iyo taageero ka geystay Dowladda Federaalka Soomaaliya (Federal Government of Somalia) iyo Center for Peace and Democracy (CPD). Ujeeddada tababarku waxay ahayd xoojinta aqoonta iyo wacyiga ku saabsan nadaafadda, fayadhowrka, ka hortagga cudurrada, iyo horumarinta caafimaadka bulshada.

Ka qeybgalka Xoghayaha Guud ee SOWDO ee tababarkan wuxuu muujinayaa sida ay SOWDO uga go'an tahay taageeridda barnaamijyada kor loogu qaadayo caafimaadka bulshada, wacyigelinta bulshada, iyo horumarinta adeegyada bulshada si loo dhiso bulsho caafimaad qabta oo horumarsan.

SOWDO waxay mar walba garab taagan tahay dadaallada lagu horumarinayo caafimaadka, nadaafadda, iyo tayada nolosha bulshada Soomaaliyeed.

23/07/2026

Dhallinyaradii ay Dowladda Federaalka Soomaaliya ka cafisay eedeymihii loo haystay ayaa si weyn ugu mahadceliyey Wasiirka Dhallinyarada iyo Ciyaaraha, Mudane Maxamed Cabdulqaadir, dadaalka iyo doorkii muuqday ee uu ka qaatay dib u helidda xorriyaddooda.

Sidoo kale, waxay si weyn ugu faraxsan yihiin Madaxa Sare ee SOWDO, Hassan Mohamed Hussein Enow, iyo dhammaan howl-wadeennada SOWDO, iyagoo uga mahadceliyey taageerada, dhiirrigelinta, iyo garab istaagga joogtada ah ee ay la garab taagan yihiin dhallinyarada Soomaaliyeed.

Waxay tilmaameen in dadaallada wadajirka ah ee Dowladda, SOWDO, iyo dhammaan howl-wadeennadeedu ay door muhiim ah ka qaateen dib u soo celinta rajada, kalsoonida, iyo fursadaha cusub ee dhallinyarada Soomaaliyeed.

20/07/2026

Ka-qaybgal Madal Dood iyo U-doodis oo ku saabsan Heshiiska Malabo

Waxaa sharaf iyo farxad ii ahayd inaan ka qayb galo Madal Dood iyo U-doodis oo ay soo qabanqaabisay Dalladda Bulshada Rayidka Soomaaliyeed (SONSA) iyada oo loo marayo Mashruuca ReCIPE, taas oo diiradda lagu saaray saxiixa iyo ansixinta Heshiiska Midowga Afrika ee Amniga Internet-ka iyo Ilaalinta Xogta Shakhsiyeed (Malabo Convention).

Anigoo ah Hassan Mohamed Hussein Enow, Madaxa Sare ee Social Welfare and Development Organization (SOWDO), waxaan si buuxda u taageerayaa dadaallada lagu xoojinayo amniga dijitaalka, ilaalinta xogta shakhsiyeed, iyo horumarinta xuquuqda dijitaalka ee Soomaaliya.

Waxaan aaminsanahay in ansixinta Heshiiska Malabo ay tahay tallaabo muhiim u ah dhismaha nidaam dijitaal ah oo ammaan, hufan, isla markaana waafaqsan heerarka gobolka iyo kuwa caalamiga ah. Waxaan ku baaqayaa in Dowladda Federaalka Soomaaliya ay dardargeliso geeddi-socodka saxiixa iyo ansixinta heshiiskan, iyadoo la xaqiijinayo ka-qaybgal buuxa oo bulshada rayidka ah iyo dhammaan daneeyayaasha.

Waxaan uga mahadcelinayaa Dalladda SONSA, Mashruuca ReCIPE, Oxfam, Midowga Yurub, iyo dhammaan ka-qaybgalayaashii ka shaqeeyay qabsoomidda madashan muhiimka ah. Wadajir ayaan u dhisi karnaa mustaqbal dijitaal ah oo ammaan iyo horumar u horseeda Soomaaliya.

26/05/2026

Hambalyo Ciidul Adxaa – SOWDO 🎉

Maamulka iyo dhammaan hawl-wadeenada 𝐒𝐎𝐖𝐃𝐎 waxay hambalyo iyo bogaadin ku aaddan munaasabadda barakeysan ee Ciidul Adxaa u dirayaan dhammaan shacabka Soomaaliyeed, asxaabta, iyo bahda taageerta SOWDO.

Waxaan idin leenahay:
Ciid Wanaagsan – Allaha idiin ku gaarsiiyo nabad, farxad, caafimaad, barako, iyo nolol wanaagsan idinka iyo eheladiinna dhammaan.

Ciiddan ciideeda kale kheyr, horumar, iyo wadajir Allaha nagu gaarsiiyo. 🤲🌙