Dhaab Institute

08/11/2025

Xarunta Daraasaadka Siyaasadaha iyo Istaratijiyadaha (Dhaab Institute for Policy and Strategic Studies), waxa u buuxsamay 2000 Kun oo taageerayaal ah (Followers).

Taageerayaasha iyo Daneeyayaashaba waxa aanu u diyaarin doonnaa barnaamijyo mudan oo matalaad bulsho ah. Daraasaad togan iyo doodo maangal ah oo waqtiga la jaanqaadaya.

Waad ku mahadsan tihiin in aad nala socotaan oo aad taageero iyo daneeyayaal noo tihiin.

08/11/2025

The Chairman of the Canadian International School, Mr. William Top, highlights and emphasized that hosting a debate and book analysis last night was a brilliant and inspiring idea. His colleague, Mr. Chad Harper, expressed his gratitude for such a wonderful initiative, saying, “I’m very excited and interested in this season.”

06/11/2025

Wada sheekaysi iyo Falanqayn!

Habeenkii xalayto ahaa, waxa si heer sare ah loo qabtay kulan wada sheekaysi iyo falanqayn: Kaas oo lagu lafagurayay buugga “𝐇𝐚𝐠𝐚𝐡𝐚 𝐃𝐢𝐛𝐥a𝐦𝐚𝐚𝐬𝐢𝐠𝐚.”

Kulanka waxa kasoo qaybgalay dhallinyaro aqoonyahanno ah iyo madax kala duwan oo kala matalayay qaybaha kala duwan ee bulshada. Qodobadii muhiimka ahaa ee gorfeeyay waxa ugu mudnaa"Diblamaasiyadda iyo sida ay u shaqayso, Habmaamuuska Togan iyo Xidhiidhka Caalamiga ah. Ujeedadu waxa ay ahayd in la xoojiyo doorka akhrisku ku leeyahay kobcinta fahamka iyo aqoonta bulshada ee dhanka Siyaasadda iyo Arrimaha Dibada.

06/11/2025

Kelmadihii madaxdii iyo hawlwadeennadii ka socday Canadian International School: Mr. Chad Harper, Mr. William Top iyo Lataliye Ahmednor. Bahda Dhaab Institute iyo Qoraa Mukhtaar Maxamed waxa ay u ahayd madal ay kula caweeyeen dad mudan iyo muddakar ah.

06/11/2025

Guddoomiyaha Ururka Baraaruga Bulshada Banaadir (BBB) mudane Siciid Nabaddoon iyo kelmaddiisii Gorfaynta Buugga Hagaha Diblamaasiga.

06/11/2025

Hadalladii cajaa'ibka ahaa ee qoraa Mukhtaar Maxamed ee Gorfayntii Buugga Hagaha Diblamaasiga ee xalayto uu qabtay Machadka Dhaab Institute.

Qoraagu waxa uu fahamka usoo dhawaynaya qof aan wali kala furin baalasha dhiganaha Hagaha Diblamaasiga.

Daawasho wacan!

04/11/2025

Machadka Daraasaadka Siyaasadaha iyo Istaratijiyadaha ee Dhaab Institute waxa farxad u ah Gorfaynta Buugga Hagaha Diblamaasiga ee uu qoray Mukhtaar Maxamed. Qoraagu isaga ayaa doortay in dhiganaha uu qoray la soo gole joojiyo oo la jirabo, lana layl'yo isla markaana la lafa-guro, lana saxar-qaado, si uu u noqdo buug macna leh oo taabbagal ah.

Machadka Dhaab Institute, waxa uu haldoorka ku casuumayaa Gorfaynta Buuggan cusub ee xiisaha gaarka ah leh.

Goobta iyo goortaba jaantuuska ka akhriso! Fadhiga falanqayntu waa mid xadidan ee h**e usoo xaadir, yaanu kaa buuxsamin. Fadlan.

Gorfayn wanaagsan.

06/07/2025

Dhaab Institute iyo Bandhigga Buugga Hoobaan ee uu qoray Cabdixakiin Maxamed Haaddi Cabdixakiin M. Haaddi . Kaas oo lagu dhiteeyay sooyaalkii iyo Gabayadii Abwaan Cabdi Gorod AHN-tee.

Halkan ka dhugo oo ka dhagayso kelmadaha masuuliyiintii kasoo qaybgashay bandhigga buugga Hoobaan. Si gaar ah na qoraaga kelmaddiisa ayaa iyaduna aan ka maqnayn hadal jeedinta madasha bandhigga buugga Hoobaan.

05/07/2025

Dhaab Institute, 04-07-2025:

Habeenkii xalayto ahayd, Machadka Dhaab Institute waxa uu Bandhig iyo Baalfur u sameeyay Buugga Hoobaan ee laga qoray Sooyaalkii iyo diwaankii Gabayadii Abwaan Cabdi Gorod, AHN-tee. Kaas oo lagu soo bandhigay Magaalada Caasimadda ah ee Mogadishu.

Qoraaga buugga Hoobaan oo ahaa Cabdixakiin Maxamed Haaddi Cabdixakiin M. Haaddi ayaa madasha la wadaagay mudadii uu waday qorista, ururintii xogaha, dhacdooyinkii iyo dhigaalladii buugga Hoobaan. Kaas oo koobsanaya maansooyin miisaaman sidan: Gabayo, Geeraar, Murti, Maahmaahyo, Maad, Madadaalo, Odhaahyo iyo Hal-ku-dhigyo. Kuwaas oo Soomaalida dhexdeeda si wayn ugu faafay, lana sugay abaartooda.

Madashu waxa ay ahayd mid ay soo ajiibeen marti sharaf badan oo ka kala socday qaybaha kala duwan ee bulshada Soomaaliyeed.

Machadku waxa uu u mahadnaqaya cid kasta oo madasha bandhigga buugga Hoobaan nala bishay oo nagala qaybgashay oo nala Baalfurtay.

02/07/2025

Dhaab Institute iyo Qoraa Cabdixakiin M. Haaddi waxa ay kugu casuumayaan madasha bandhigga buugga Hoobaan. Waa Jimcaha, habeenka sabti soo galayso, goobtuna waa Al-caasima Hotel iyo bacda makhrib. IA.

Kasoo qaybgalkaagu waa noo muhiim.

Dhaab Institute, waxa uu kugu marti qaadayaa baalfurka buugga "Hoobaan" oo goorta iyo goobta uu ka dhacayo ay hoos ku qoran yihiin.

Hoobaan oo ah buug kugu martigalinaya; gabayo murti badan, af hodan ah, taariikh iyo dhaqankeenna Soomaaliga ah, ka qaygalkaagu waa mid mudan oo aad ka dhaxli doonto aqoon waafi ah, waayo-aragnimo iyo xikmado xeeldheer.

Waxa aanu idinka rajaynaynaa in aad soo ajiibtaan oo aynu halkaas jiibta iyo jaanta isla wada helno, baalfurka buuggan qiimaha badanna aan ka dhigno mid bilan.

Aan wada dhiirigalinno qoraaga buugga Hoobaan Cabdixakiin M. Haaddi, kaas oo inoo dhiteeyay dhiganahan iyo dhigaalkan oo noqonaya dhaxal ummadeed.

31/05/2025

Dhaab Institute, waxa uu kugu marti qaadayaa baalfurka buugga "Hoobaan" oo goorta iyo goobta uu ka dhacayo ay hoos ku qoran yihiin.

Hoobaan oo ah buug kugu martigalinaya; gabayo murti badan, af hodan ah, taariikh iyo dhaqankeenna Soomaaliga ah, ka qaygalkaagu waa mid mudan oo aad ka dhaxli doonto aqoon waafi ah, waayo-aragnimo iyo xikmado xeeldheer.

Waxa aanu idinka rajaynaynaa in aad soo ajiibtaan oo aynu halkaas jiibta iyo jaanta isla wada helno, baalfurka buuggan qiimaha badanna aan ka dhigno mid bilan.

Aan wada dhiirigalinno qoraaga buugga Hoobaan Cabdixakiin M. Haaddi, kaas oo inoo dhiteeyay dhiganahan iyo dhigaalkan oo noqonaya dhaxal ummadeed.

24/03/2025

Mahadcelin Gaar ah, Eng. Abdisalan Qorane.....

Machadka Daraasaadka Siyaasadaha iyo Istaratijiyadaha ee Dhaab Institute waxa uu si xoogan ugu mahadcelinayaa Abdisalan Qorane. Annaga oo xusayna kaalintii muhiimka ahayd ee uu ka qaatay horumarinta muuqaalka iyo naqshadaynta (Graphic designs) ee barnaamijyadeennii kala duwanaa ee Bishan Barakaysan ee Ramadaanta sida Taxanaha ahaa u baxay.

Waxa aan la hilmaami karin shaqadii mutadawacnimada ahayd, Waxqabadkiisii quruxda badnaa, fikirkiisii hal-abuurka lahaa iyo ka go'naantiisii shaqo ee uu u muujiyay hawlaha muhiimka u ahaa Machadka Dhaab Institute. Kuwaas oo ahaa kuwo la isku hallayn karo, isla markaana kor u qaaday sumcadda iyo tayada shaqadeenna.

Abdisalan, Dhaab Institute waxa uu ku leeyahay waxa aad mudan tahay mahad, milgo iyo maamuus wayn!

Mahadsanid, Eng. Qorane.

Ramadan Mubarak,

Dhaab Institute for Policy and Strategic Studies