http://Www.fuadsaney.blogspot.com/

Maamulka Dhalinyarada Xaafada Howlwadag, Mogadishu (2026)

16/08/2025

Guddoomiyaha Dhalinyarada Xaafadda Howlwadaag, Mudane Mohamed Abdirahman Iiman (Shaar Cade), ayaa maanta ka qeybgalay kulankii lagu mideynayay dhalinyarada oo ay soo qabanqaabiyeen hay’adaha SPL, LPI iyo SGRDO, kaas oo ay ka qeyb galeen in ka badan 180 dhalinyaro.

13/08/2025

Guddoomiyaha dhalinyarada xaafadda Howlwadaag, Mudane Mohamed Abdirahman Iiman (Shaar Cade), ayaa maanta ka qayb galay kulan ay soo qabanqaabiyeen hay’adaha SPL, LPI iyo SGRDO, kuwaas oo gacan ka geysta dhisidda iyo horumarinta dhalinyarada.

Kulanka oo lagu qabtay magaalada Baydhabo ee xarunta Gobolka Baay, ayaa diiradda lagu saaray kor u qaadista iskaashiga iyo wadajirka bulshada, iyadoo la xoojiyey doorka dhalinyarada ee horumarka deegaanka.

12/08/2025

Warbixin Ku Saabsan Munaasabadda Xuska Maalinta Dhalinyaradda Adduunka ee Baydhabo

Maanta magaalada Baydhabo waxaa si weyn looga xusay Maalinta Dhalinyaradda Adduunka, munaasabaddan oo ay soo qabanqaabisay Wasaaradda Dhalinyaradda ee Dowlad Goboleedka Koonfur Galbeed, iyada oo kaashaneysa hay’adaha SPL, LPI, iyo SGRDO.

Munaasabadda waxaa ka soo qeybgalay masuuliyiin heer sare ah oo ay ka mid yihiin:

Wasiirka Wasaaradda Cadaaladda iyo Garsoorka

Wasiir kuxigeenka Wasaaradda Dhalinyaradda

Wasiir kuxigeenka Wasaaradda Haweenka

Xildhibaan ka tirsan Baarlamaanka Koonfur Galbeed

Masuuliyiin ka socday hay’adaha SPL, LPI, iyo SGRDO

Qeybaha kala duwan ee dhalinyarada magaalada Baydhabo

Inta lagu guda jiray munaasabadda, waxaa la jeediyey khudbado dhiirigelin ah oo lagu xusayey muhiimadda dhalinyaradu ku leeyihiin horumarinta bulshada, nabadeynta, iyo hoggaaminta mustaqbalka. Masuuliyiintu waxay carrabka ku adkeeyeen in dhalinyaradu yihiin laf-dhabarta horumarka, isla markaana loo baahan yahay in si buuxda loo taageero, loo tababaro, loona abuuro fursado shaqo iyo horumarineed.

Waxaa sidoo kale xafladda ka qeybgalay Guddoomiyaha Dhalinyarada Xaafadda Howlwadaag, mudane Mohamed Moalin Abdirahman, oo xusay muhiimadda ay dhalinyaradu ku leeyihiin horumarinta xaafadaha iyo bulshada guud ahaan, isaga oo ku baaqay midnimo, wadajir, iyo ka qeybqaadasho toos ah oo ku aaddan horumarka deegaanka.

Munaasabaddan ayaa ku soo dhammaatay jawi farxad leh, iyadoo lagu heshiiyey in la xoojiyo iskaashiga ka dhexeeya wasaaradaha, hay’adaha iyo dhalinyarada si loo gaaro himilooyinka horumarineed ee deegaanka iyo dalka.

08/08/2025

🏟️ Xarig-Jarka Rasmiga ah ee Garoonka Cusub: Howlwadaag Futsal Stadium 🏟️

Magaalada Baydhabo, gaar ahaan xaafadda Howlwadaag, waxaa si rasmi ah xarigga looga jaray garoon cusub oo casri ah oo loogu magac daray "Howlwadaag Futsal", kaasi oo lagu dhisay gudaha xaafadda si loogu dhiirrigeliyo isboortiga iyo horumarinta dhalinyarada.

Munaasabadda xarig-jarka garoonkan ayaa waxaa si rasmi ah u daahfuray Guddoomiyaha Dhalinyarada Xaafadda Howlwadaag, Mudane Mohamed Abdirahman Iimaan (Shar Cade), oo sheegay in salaxan (garoonkan) uu yahay mid muhiimad gaar ah u leh dhalinyarada xaafadda, maadaama uu siinayo fursado ay ku kobcin karaan hibadooda ciyaareed.

Mudane Shar Cade ayaa si gaar ah ugu mahadceliyey shaqsigii hirgeliyey garoonkan, isagoo tilmaamay in dadaalkiisa uu yahay mid lagu xusuusan doono, loogana baahan yahay in ay bulshada kale ay ka daydaan si loo gaaro horumar waara.

"Salaxani waa mid dhalinyaradu ay ku heli doonaan fursad ay ku kobciyaan xirfadooda, uguna adeegaan bulshada. Waxaan u mahadcelinayaa qofkii dadaalka u galay hirgelinta mashruucan qiimaha badan leh,” ayuu yiri guddoomiyuhu.

Garoonka Howlwadaag Futsal ayaa hadda noqonaya xarun muhiim ah oo ay dhalinyarada ku qaban doonaan tartamo joogto ah, tababaro, iyo howlo isboorti oo kor u qaadaya nabadda, isdhexgalka iyo horumarka bulshada.

08/08/2025

🎉 Daahfur Rasmi ah: Tartanka Kubadda Cagta ee Xaafadda Howlwadaag 🎉

Waxaa si rasmi ah magaalada Baydhabo uga furmay Tartanka Kubadda Cagta ee Xaafadda Howlwadaag, tartankan oo ah mid sannadle ah ayaa sanadkan gaar u ah muhiimaddiisa, maadaama ay ka qeybgalayaan 20 kooxood oo matalaya xaafadda Howlwadaag.

Munaasabadda furitaanka tartanka ayaa lagu furay ciyaar xiiso leh oo dhexmartay kooxaha Midnimo iyo Al-Wadan, kuwaas oo sanadkan loo xulay inay noqdaan kooxaha furitaanka tartanka. Labada koox ayaa soo bandhigay ciyaar heer sare ah oo daawadayaashii ku dhiirrigelisay farxad iyo sacab joogto ah.

Waxaa tartanka si rasmi ah u daahfuray Guddoomiyaha Dhalinyarada Xaafadda Howlwadaag, Mudane Mohamed Abdirahman Iimaan (Shaar Cade), isagoo sheegay in tartankan uu yahay fursad weyn oo dhalinyaradu ku horumarinayaan xirfadooda ciyaareed, isla markaana uu kobcinayo isdhexgalka bulshada iyo nabadda xaafadda.

👉 Tartankani waa mid dhiirrigelinaya kartida, isdhexgalka iyo horumarka dhalinyarada. Waxaa la filayaa in maalmaha soo socda ay ka dhacaan ciyaaro kale oo aad u xiiso badan, iyadoo koox walba ay u dagaallami doonto hanashada koobka sannadka.

📍 Howlwadaag ayaa markale muujisay hormarka dhalinyarada iyo sida ay ugu heelan yihiin isboortiga iyo mideynta bulshada.

26/07/2025

📢 OGEYSIIS MUHIIM AH – HOWLWADAAG FUSTAL GRAND OPENING ⚽

Dhammaan dhalinyarada jecel sports-ka gaar ahaan kubadda salaaxa waxaa lagu wargelinayaa in Xaafadda Howlwadaag laga furay SALAX (Fustal) heerkiisu sareeyo oo si casri ah loo dhisay.

Waxaa weli yaalla boosas bannaan oo la qabsan karo. Haddii aad rabto inaad boos ka qabsato, fadlan la xiriir lambarrada hoos ku qoran:

📞 Hormuud

615572325

612084348

📞 Somtel

625572325

622084348

Fursadda ha moogaanin! Ku raaxayso ciyaar heer sare ah oo ku taal xaafaddaada!

15/07/2025

Guddoomiyaha dhalinyarada xaafadda Howlwadaag, Mudane Mohamed Abdirahman Iimaan, ayaa maanta ka qaybgalay siminaar dood-wadaag ah oo ay soo qabanqaabiyeen Hay’adda UNDP iyo Wasaaradda Cadaaladda ee Federaalka iyo Koonfur Galbeed (KGS). Siminaarka ayaa diiradda lagu saaray xoojinta cadaaladda, wada shaqeynta bahda cadaaladda iyo bulshada, iyo sidii loo heli lahaa cadaalad hufan oo loo wada siman yahay.
KA QAYBGALKA SIMINAARKA
Siminaarka ayaa waxaa ka soo qaybgalay:
Maxkamadaha degmada baydhabo ilaa heer State
Wasaaradda Cadaaladda ee Federaalka iyo KGS
Guddoomiyeyaasha bulshada iyo odayaasha dhaqanka

Ururrada dhalinyarada iyo haweenka
Bulshada qaybaheeda kala duwan
Guddoomiyaha dhalinyarada xaafadda Howlwadaag ayaa si firfircoon uga qaybqaatay doodaha iyo wada-tashiyada siminaarka, isagoo matalayey codka dhalinyarada deegaanka.
UJEEDADA SIMINAARKA
Siminaarkan ayaa ujeedadiisu ahayd:
1. In la xoojiyo isfahanka qoto dheer ee u dhexeeya bahda cadaaladda iyo bulshada.
2. In bulshada lagu wacyigeliyo muhiimadda ay leedahay helitaanka cadaalad siman.
3. In la abuuro wada shaqeyn dhow oo u dhaxeysa maxkamadaha, wasaaradaha cadaaladda iyo bulshada.
4. In la dhiirrigeliyo bulshada, gaar ahaan dhalinyarada, inay ka qaybqaataan ilaalinta cadaaladda iyo xallinta khilaafaadka.
HADALKII GUDDOOMIYAHA DHALINYARADA
Mudane Mohamed Abdirahman Iimaan, oo halkaas ka hadlay, ayaa sheegay in:
“Dhalinyaradu ay diyaar u yihiin inay qayb ka noqdaan xoojinta cadaaladda iyo nabadda deegaanka. Waxaan ku boorinayaa bahda cadaaladda inay dhageystaan codka bulshada, gaar ahaan dhalinyarada, oo ay bixiyaan cadaalad daahfuran oo lagu kalsoonaan karo. Dhalinyarada xaafadda Howlwadaag waxay diyaar u yihiin wada shaqeyn iyo in ay qayb ka qaataan wacyigelinta bulshada.”

14/07/2025

📝 WARBIXIN KU SAABSAN SIMINAAR WACYIGELIN DHALINYARO

Cinwaan: Dhalinyarada Xaafadda Howlwadaag oo Wacyigelin Loogu Qabtey Kaalintooda Amni iyo Horumar

Taariikh: [8/7/2025]

Goobta: Xaafadda Howlwadaag – Magaalada Baydhabo

Guddoomiyaha Dhalinyarada Xaafadda Howlwadaag, Mudane Mohamed Abdirahman Iiman, ayaa qabtay siminaar muhiim ah oo loogu talagalay kor u qaadidda wacyiga dhalinyarada ee ku aaddan kaalintooda amniga, nabadda, iyo horumarka dalka.

Siminaarkan oo ay ka qeybgaleen qaar kamid ah dhalinyarada xaafadda Howlwadaag ayaa diiradda lagu saaray:

Kobcinta doorka dhalinyarada ee amniga bulshada

Dhiirrigelinta in dhalinyaradu ay aamminaan dalkooda oo ay ka shaqeeyaan horumarkiisa

Abuurista kalsooni iyo wacyi ku dhisan nabad iyo wadajir

Siminaarka waxaa si hufan u daadihinayey Guddoomiyaha dhalinyarada xaafadda Howlwadaag, Mudane Mohamed Abdirahman Iiman, oo si qoto dheer uga hadlay muhiimada ay leedahay in dhalinyaradu ay noqdaan laf-dhabarta nabadda iyo horumarka.

Waxa uu ku booriyey dhalinyarada in ay:

Ka fogaadaan wax walba oo amniga wax u dhimaya

Noqdaan kuwo togan oo isu taaga dalkan

Ka qeybqaataan howlaha bulshada iyo barnaamijyada horumarineed

Gunaanad:
Siminaarkan ayaa lagu soo gabagabeeyey jawi wanaagsan, waxaana laga helay talooyin wax ku ool ah iyo dhiirrigelin ku saleysan midnimo, waddaniyad iyo himilo dhalinyaro.

-warfaafinta-maamulka-dhalinyarada-xaafda-howlwadag

03/07/2025

GUDDOOMIYAHA DHALLINYARADA XAFAADDA HOWLWADAAG OO KA QEYB GALAY DAAHFURKA OLOLAHA DIIWAANGELINTA CODBIXINTA DEEGAANNADA KOONFUR GALBEED

Guddoomiyaha Dhallinyarada Xaafadda Howlwadaag, Mudane Maxamed Cabdiraxmaan Iimaan, ayaa maanta si rasmi ah uga qeyb galay munaasabadda daahfurka ololaha diiwaangelinta codbixinta ee deegaanada Dowlad Goboleedka Koonfur Galbeed Soomaaliya. Munaasabaddan oo muhiim u ah geeddi-socodka dimuqraadiyadda iyo doorashooyinka dalka ayaa waxaa si rasmi ah u daahfuray Madaxweynaha Dowlad Goboleedka Koonfur Galbeed, Mudane Cabdicasiis Xasan Maxamed (Laftagareen).

Mudane Maxamed Cabdiraxmaan Iimaan ayaa carabka ku adkeeyay muhiimadda ay leedahay in dhallinyarada iyo bulshada reer Koonfur Galbeed ay si firfircoon uga qeyb qaataan diiwaangelinta codbixinta, si ay u helaan fursad ay codkooda ku muujiyaan mustaqbalkooda siyaasadeed. Waxa uu sidoo kale bogaadiyay dadaallada ay wadaan madaxda Koonfur Galbeed ee ku aaddan hirgelinta doorasho xor iyo xalaal ah.

Munaasabaddan ayaa si weyn loogu ammaanay kaalinta ay bulshada rayidka ah iyo gaar ahaan dhallinyaradu ku leeyihiin taageeridda hannaanka doorashooyinka iyo horumarinta dowladnimada Koonfur Galbeed.

01/07/2025

HAMBALYO SANAD GUURADA 65-AAD EE 1-DA LUULYO

Anigoo ah Guddoomiyaha Dhalinyarada Xaafadda Howlwadaag, Mudane Mohamed Abdirahman Iiman, waxa aan dhammaan shacabka Soomaaliyeed iyo gaar ahaan dhalinyarada Soomaaliyeed u dirayaa hambalyo iyo bogaadin ku aaddan munaasabadda qiimaha leh ee 1-da Luulyo, oo ah maalintii ay dalkayaga hooyo ee Soomaaliya xorriyaddiisa ka qaatay gumeystihii, islamarkaana gobolladii koonfureed ay la midoobeen waqooyiga, oo ay dhalatay Jamhuuriyadda Soomaaliyeed.

Maanta oo kale 65 sano ka hor, shacabkeenna geesiga ah waxa ay dunida tusyeen in ay u midoobi karaan hal calan, hal qaran, iyo hal yool. Waxaa naga go’an in aan sii wadno ilaalinta midnimada, horumarka iyo nabadda dalkeenna, anagoo ka faa’iideysanayna dhiirrigelinta iyo halgankii qiimaha lahaa ee ay soomaalidu u soo mareen xornimada.

Dhalinyaradu waa laf-dhabarta qaranka, waana in aan ka shaqeynaa sidii aan uga qeyb qaadan lahayn dib u dhiska dalka, horumarinta bulshada, iyo sugidda nabadda. Waxaan ugu baaqayaa dhalinyarada Soomaaliyeed in ay ka shaqeeyaan midnimo, wadaninimo, iyo horumar.

Allaha na waafajiyo ilaalinta iyo dhismaha qarankeena hooyo.
Waa Mahadsan tihiin.

29/06/2025

Warbixin: Ka Qaybgalka Guddoomiyaha Dhalinyarada Xaafadda Howlwadaag ee Dood Cilmiyeedka Maamulka Wanaagga

Caawa oo ay taariikhdu tahay [29/06/2025], waxaa magaalada Baydhabo ka dhacay dood cilmiyeed muhiim ah oo lagu lafagurayay aragtida Islaamka ee maamulka wanaagga dowladnimo. Dooddaas oo uu soo qabanqaabiyay Wasaaradda Diinta iyo Awqaafta ee Dowladda Koonfur Galbeed Soomaaliya, ayaa waxaa kasoo qeyb galay masuuliyiin sare oo ka tirsan dowladda, agaasimeyaal, culimo, odayaal dhaqameed, iyo qaybaha kala duwan ee bulshada rayidka.

Waxaa xusid mudan in Guddoomiyaha Dhalinyarada Xaafadda Howlwadaag, Mudane Maxamed Cabdiraxmaan Iimaan, uu si rasmi ah uga qayb galay doodda. Guddoomiyuhu wuxuu carabka ku adkeeyay doorka dhalinyarada ee ku aaddan kor u qaadista maamulka wanaagga iyo sidii ay dhalinyaradu gacan uga geysan lahaayeen hirgelinta nidaam dowladeed oo hufan oo waafaqsan shareecada Islaamka.

Intii doodda lagu guda jiray ayaa waxaa si qoto dheer looga dooday:
✔️ Doorka diinta Islaamka ee hagidda maamulka dowladnimo
✔️ Kaalinta culimada iyo odayaasha dhaqanka ee kobcinta dowlad wanaagga
✔️ Sida bulshada rayidku ugu lug yeelan karto ilaalinta daahfurnaanta iyo isla xisaabtanka
✔️ Caqabadaha heysta hirgelinta dowlad wanaagga iyo xalalka laga faa’iideysan karo Islaamka dhexdiisa

Gebogebadii doodda ayaa waxaa laga soo saaray talooyin muhiim ah oo la xiriira sidii loo adkeyn lahaa maamulka wanaagga iyadoo laga duulayo mabaadi’da Islaamka, loona dhiirrigelin lahaa wada shaqaynta bulshada, culimada, iyo dowladaba.

Maamulka Dhalinyarada Xaafada Howlwadag

16/08/2025

13/08/2025

12/08/2025

08/08/2025

08/08/2025

26/07/2025

15/07/2025

14/07/2025

03/07/2025

01/07/2025

29/06/2025

Address

Telephone

Website

Alerts

Contact The Organization

Shortcuts

Share

Category