Damal Relief Organization

Damal Relief Organization Isku tashigu waa iskaa wax u qabso.
(1)

URURKA DAMAL RELIEF ORGANIZATION OO CIIDSIIYEY 60 AGOON AH.Ururka Damal Relief Organization ayaa sidii caadadiisa ahayd ...
19/03/2026

URURKA DAMAL RELIEF ORGANIZATION OO CIIDSIIYEY 60 AGOON AH.

Ururka Damal Relief Organization ayaa sidii caadadiisa ahayd xilliyada munaasabadaha Ciidka ah ka qaybqaata farxadda agoonta ay gacanta ku hayaan;
Ururku isaga oo taa ka duulaya ayuu ciidsiiyey 60 carruur ah oo kala jooga magaalooyinka Awrboogays, Widhwidh, Boocame, Taleex, Kalabaydh iyo Yagoori, carruurtaas oo dhammaantood ah agoontii dagaallada ku agoomowdey, waxbarashadoodana uu ururku gacanta ku hayo.

Ururku waxa uu si weyn ugu mahadcelinayaa dhammaan xubnaha dhaqaale bixiyayaasha joogtada ah ee ururka oo iyagu ah tiirka koowaad ee uu ku tiirsan yahay dhaqaalaha ururku.

Ugu dambayn waxa uu ururku si mug iyo miisaan leh ugu mahadcelinayaa Shirkadda Kaamil General Trading oo ka qayb qaadatay ciidsiinta agoontaas, sidoo kalena noqotay shirkadihii codsiyada ururku u gudbiyey midda keliya ee ka soo jawaabtey.

Waxa aan sidoo kale u mahadcelinaynaa mudane Cabdiqani Aw-Daahir oo ka qaybqaatay farxadda ciidsiinta agoonta.

Inta ka qaybqaadatay dhammaantood Alle ha barakeeyo, wanaagna haka abaal mariyo, meesha ay ka bixiyeenna mid ka barako badan Rabbi ha ugu beddelo.

Mahadsanidiin.

Bismillaah, Ramadaan Mubaarak.Damal Relief Organization waxay sanadkan guddoonsiiyeen shahaado sharaf iyo hadiyad dhiirr...
25/02/2026

Bismillaah, Ramadaan Mubaarak.

Damal Relief Organization waxay sanadkan guddoonsiiyeen shahaado sharaf iyo hadiyad dhiirrigelin ah Saynab Maxamuud Salaad, oo ku guulaysatay abaalmarinta qofka sanadka ugu hawl-karsan ururka, taas oo ay ku mutaysatay waxqabadkeedii hagar la’aanta ahaa ee sanadkii h**e 2025.

Tani waa sanadkii labaad ee ururku bixiyo abaalmarintan, taas oo sanad walba la siin doono xubinta ugu wanaagsan dhanka hawl-karnimada iyo iskaa wax u qabso. Ujeeddadu waa aqoonsi iyo dhiirrigelin loo sameeyo xubnaha dadaalka dheeraadka ah muujiya.

Ururka Damal Relief Organization wuxuu mahadnaq u jeedinayaa dhammaan xubnaha ka qayb qaatay hawlaha samafalka sanadkii 2025, gaar ahaan xubnaha gudaha dalka ku sugan oo iyagu shaqada ugu badan qabtay.

Mahad oo dhan Alle ayaa iska leh.

ABAAL-MARINTA XUBINTA UGU HAWL-KARSAN SANADKII TAGAY| 2025Dhammaan xubnaha Damal Relief Organization oo muujiyey dadaal,...
24/02/2026

ABAAL-MARINTA XUBINTA UGU HAWL-KARSAN SANADKII TAGAY| 2025

Dhammaan xubnaha Damal Relief Organization oo muujiyey dadaal, naf-hurnimo iyo u adeegis bulsho, ayaa haddana ururku sanadkii tagay si gaar ah u aqoonsanayaa hal xubin oo si muuqata uga dhex-muuqatay hawlaha samafalka ee ururku hayo.

Damal Relief waxay shahaado sharaf iyo abaal-marin guddoonsiin doonaan xubinta ugu hawl-karsanayd sanadkii tagay ee 2025, taas oo astaan u ah aqoonsiga dadaalka, juhdiga joogtada ah iyo saameynta la taaban karo ee xubintaasi ku yeelatay GURMADKA WAXBARASHADA CARRUURTA HALGAMAYAASHA.

Abaal-marintani waa mahadnaq iyo qaddarin sare oo lagu bogaadinayo waxqabadka hagar la’aanta ah ee xubintaasi u hurtay u adeegista carruurta halgamayaasha.

⏳ La soco shaacinta rasmiga ah.

🌙 Ramadaan Mubaarak 🌙Ururku wuxuu dhammaan umadda Muslimiinta ugu hambalyeynayaa curashada bisha barakaysan ee Ramadaan....
17/02/2026

🌙 Ramadaan Mubaarak 🌙

Ururku wuxuu dhammaan umadda Muslimiinta ugu hambalyeynayaa curashada bisha barakaysan ee Ramadaan.

Waxaan Alle (SWT) ka baryeynaa in uu inaga dhigo kuwo si dhab ah uga faa’iideysta kheyrka bisha Ramadaan.

Sidoo kale waxaan Alle ka baryeynaa in uu abaaraha dalka ka jira inaga kor qaado, raxmaddiisana gaarsiiyo dhammaan dadka dhibaateysan, gaar ahaan danyarta, agoomaha, barakacayaasha iyo qoysaska tabaaleysan.

Ramadaan waa bil naxariis, wadajir iyo isu gargaaris, aan noqono kuwo isu naxariista, wax wadaaga, kana shaqeeya samatabbixinta cid kasta oo u baahan gacan qabasho iyo gargaar.

🔔SHAACIN: | Kordhin Kafaalo-qaadka cusub.Ururka Damal Relief Organization wuxuu shaacinayaa in la kordhiyey barnaamijka...
26/01/2026

🔔SHAACIN: | Kordhin Kafaalo-qaadka cusub.

Ururka Damal Relief Organization wuxuu shaacinayaa in la kordhiyey barnaamijka kafaalo-qaadka Carruurta halgamayaasha, kuwaas oo waalidkood u hureen naftooda difaaca dadka, deegaanka iyo karaamada ummadda.

Iyadoo laga duulayo mas’uuliyadda bini’aadantinimo iyo waajibka bulsho, Damal Relief waxay kordhisay sannad dugsiyeedkan socda tirada carruurta ka faa’iidaysanaya taageerada waxbarashada, garab istaagga iyo horumarinta mustaqbalka carrurta halgamayaasha.

📍 MAGAALOOYINKA LAGA HIRGELIYEY.

• Boocame – 10 carruur ah oo cusub.
• Kalabaydh – 10 carruur ah oo cusub
• Yagoori – 10 carruur ah oo cusub
• Taleex – 10 carruur ah oo cusub.

Waxaa sidoo kale kordhin lagu sameeyey carruurtii h**e u joogtay;

• Laascaanood – 17 carruur ah oo cusub
• Buuhoodle – 16 carruur ah oo cusub
• Widhwidh – 7 carruur ah oo cusub.

Carruurtani waxay si rasmi ah uga mid noqonayaan carruurtii h**e, kuwaas oo muddo laba sano iyo badh ah ay hay’adda Damal Relief Organization si joogto ah u maamuleysay una taageeraysay waxbarashadooda. Waxa kale oo ay heli doonaan taageero dhanka agabka waxbarashada ah, sida dirayska, buugaagta, iyo qalimada.

Waxaan dhammaan taageerayaasha, daneeyayaasha, iyo xubnaha ururka Damal Relief Organization isku dhiirigelinaynaa in halkaas laga sii wado taageerada iyo garab-istaagga carruurta qiimaha gaarka ah inoo leh, maadaama ay tahay masuuliyad weyn oo u baahan in si wadajir ah, isku-duubni, iyo daacadnimo leh looga soo baxo.

Ballan qaadkeennu waa in aan mar walba garab istaagno ubadka ay inooga tageen halgamayaashii maalmaha adkaa ina wada badbaadiyey, kuwaas oo sabab u ah wanaagga, xasilloonida, iyo horumarka maanta la haysto. Innagoo muujinayna masuuliyad, hufnaan, iyo wada-shaqeyn buuxda, waxaan xaqiijin karnaa in aan si sharaf leh uga soo baxno waajibka inaga saaran ubadka la inooga tagay, isla markaana aan u abuurno mustaqbal ifaya oo rajo leh.

Fadlan faafi si ay u gaadho cid kasta oo danaynaysa inay qayb ka noqoto masuuliyaddan ballaadhan.

Guul insha Allah, waad mahadsan tihiin.

Kulan ay isugu yimaadeen xubno ka tirsan ururka, kuwaas oo isugu jiray xubnaha qurbe-joogta ah iyo kuwa gudaha dalka ku ...
15/12/2025

Kulan ay isugu yimaadeen xubno ka tirsan ururka, kuwaas oo isugu jiray xubnaha qurbe-joogta ah iyo kuwa gudaha dalka ku sugan, ayaa si rasmi ah markii ugu horaysay uga qabsoomay xafiiska ururka ee magaalada Laascaanood.

Ujeeddada kulanka ayaa ahayd is-xogwaraysi guud, wadaagista warbixinno la xiriira hawlaha ururka, iyo qiimeyn lagu sameeyo heerka ay marayso taageerada waxbarasho ee carruurta halgamayaasha.

Intii uu kulanku socday, waxaa la is dhaafsaday warbixinno dhamaystiran oo ku saabsan caqabadaha jira, fursadaha la heli karo, iyo horumarka laga sameeyay hawlaha waxbarasho. Ka doodis dheer kadib, xubnaha kulanka ka qaybgalay waxay si mideysan u isla qaateen in la sii wado lana xoojiyo gurmadka waxbarasho ee carruurta halgamayaasha.

Sidoo kale, kulanku wuxuu xoogga saaray muhiimadda wada-shaqaynta, is-fahamka, iyo masuuliyadda guud ee saaran dhammaan xubnaha ururka, si loo xaqiijiyo hirgelinta go’aamada la gaaray iyo hirgelinta ujeeddooyinka ururka.

Ugu dambeyn, kulanka ayaa kusoo dhammaaday is-afgarad iyo ballanqaad wadajir ah oo ku aaddan adkaynta midnimada iyo dadaallada horumarineed ee ururka.

Dhammaad.

Ururka Damal Relief Organization wuxuu si weyn ugu mahadcelinayaa Jaamacadda Ilays shahaado sharafta iyo maamuuska ay na...
28/11/2025

Ururka Damal Relief Organization wuxuu si weyn ugu mahadcelinayaa Jaamacadda Ilays shahaado sharafta iyo maamuuska ay na guddoonsiisay. Aqoonsigan sharafeed waxa uu noo yahay dhiirigelin muhiim ah oo muujinaysa muhiimada shaqada bani’aadantinimo ee aan bulshada u hayno.

Waxaan si gaar ah u bogaadinaynaa madaxda iyo maamulka jaamacadda, kuwaas oo si hufan u qiray kaalinta muuqata ee ururku qaatay.

Damal Relief Organization waxa uu mar labaad adkaynayaa ballan-qaadkiisa ah in uu sii xoojin doono dadaalka, u heelnaanta, iyo gudashada waajibaadka uu u taagan yahay.

Dhammaad.

MAHADCELIN IYO BAAQ.Damal Relief Organization oo ah urur samafal oo ka shaqeeya garab-istaagga iyo taageerada waxbarasha...
12/11/2025

MAHADCELIN IYO BAAQ.

Damal Relief Organization oo ah urur samafal oo ka shaqeeya garab-istaagga iyo taageerada waxbarashada carruurta agoonta, kuwaas oo waalidkood ku naf waayeen dagaalladii lagu difaacayey dadka iyo deegaanka SSC, ayaa halkan mahadnaq ballaadhan ugu soo jeedinaya saddex dugsi/iskuul oo ka qayb qaatay gurmadka waxbarasho carruurta halgamayaasha ee ururku muddadii labada sano ah gacanta ku hayey.

Ururku wuxuu si weyn ugu mahadcelinayaa hay’adaha waxbarasho ee hoos ku xusan:

✅ FUTURE TECHNOLOGY COLLEGE-LAASCAANOOD

College-kani wuxuu kafaalo qaaday 10 carruur ah oo kamid ah carruurtii halgamayaasha, kuwaas oo fursad u helay barashada xirfadda kombiyuutarka. Kaalmadan ayaa gacan ka geysan doonta in ardaydu helaan xirfado casri ah oo ay ku horumarin karaan mustaqbalkooda.

✅ DUGSIGA FARSAMADA GACANTA EE XIRFAD-KAAB

Iskuulkan wuxuu kafaalo buuxa u fidiyey 10 carruur ah, kuwaas oo baran doona xirfadaha:

1. Korontada
2. Biyo-gelinta
3. Cillad-saaridda telefoonada
4. Cillad-saaridda kombiyuutarada

Tababarradan xirfadeed ayaa horseedi doona in ardaydu helaan aqoon iyo xirfado ay ugu diyaar garoobaan shaqo-abuur iyo inay ka madax-bannaanadaan duruufaha nololeed.

✅ DUGSIGA HOOSE/DHEXE EE NUURADIIN-LAASCAANOOD

Iskuulka Nuuradiin wuxuu kafaalo qaaday 5 carruur ah oo kamid ah carruurtii halgamayaasha, kuwaas oo heli doona fursad ay ku dhammaystaan waxbarashada heerka hoose/dhexe. Tani waa tallaabo qiimo leh oo wax weyn ka tari doonta mustaqbalka ardaydaas.

Ururku wuxuu baaq u dirayaa dhammaan bahda waxbarashada, ganacsatada iyo bulshada qaybaheeda kala duwan inay ka qayb qaataan taageerada carruurta iyo garab istaagga carruurtaa qiimaha leh ee aabbayaashood dadka iyo deegaanka naftooda u hureen, waa waajib cid kasta saaran, loona baahan yahay si wadajir ah in la isku garab taago.

— DHAMAAD —

KAFAALO QAAD CUSUB.Ururka Damal Relief Organization wuxuu ku faraxsan yahay kordhinta tirada carruurta cusub ee uu ururk...
09/10/2025

KAFAALO QAAD CUSUB.

Ururka Damal Relief Organization wuxuu ku faraxsan yahay kordhinta tirada carruurta cusub ee uu ururku kafaalo qaadayo, kuwaas oo si rasmi ah loogu damaanad qaadayo waxbarashadooda diini iyo maaddi labadaba.

Tallaabadan cusub waxay qayb ka tahay dadaalka joogtada ah ee ururku ugu jiro in caruurta halgamayaashu helaan fursad waxbarasho oo tayo leh, bilaash ah, si ay mustaqbal wanaagsan u dhistaan.

Carruurta cusub ee la kafaalo qaaday waxaa si toos ah looga bixin doonaa dhammaan agabka waxbarashada oo ay ka mid yihiin buugaag, qalimaan iyo dirayska iskuulka.

Ururku wuxuu qabaa in taageerada waxbarashada carruurta halgamayaashu ay tahay maalgashiga ugu mudan ee wakhtigan, wuxuuna ballan qaadayaa inuu si joogto ah u sii wadi doono barnaamijyada gurmadka waxbarashada ee carruurta halgamayaasha.

Faahfaahin dheeraad ah iyo magacyada iskuullada ama goobaha laga qaadanayo carruurta cusub waxaa lagu shaacin doonaa dhawaan warbixinada dambe.

Ugu dambeyn Ururka Damal Relief Organization wuxuu ugu baaqayaa dhammaan bulshada Waqooyo-bari, gudaha dalka iyo dibaddiisaba, oo ay ka mid yihiin jaaliyadaha qurbejoogta, ganacsatada, bahda waxbarashada, iyo hay’adaha kala duwan ee dowladeed iyo kuwa gaarka ah, inay si mideysan uga qayb qaataan gurmadka lagu taageerayo waxbarashada carruurta halgamayaasha.

Ururku wuxuu ku dhiirrigelinayaa dhammaan hay’adaha iyo shakhsiyaadka awoodda u leh inay door muuqda ka qaataan barnaamijkan muhiimka ah, si aan si wadajir ah u xaqiijino in ubadka halgamayaashu helaan fursad ay mustaqbalkooda iyo dalkoodaba ku horumariyaan.

Dhammaad.

25/09/2025

Masuulkii labaad ee fuliyey ballan-qaadkii dhaqaale ayaa noqday Mudane Wasiir Cabdiqani Xuseen X. Hiirad.

Mudane Cabdiqani wuxuu si toos ah ugu wareejiyey Damal Relief Organization dhammaan dhaqaalihii uu ballan qaaday oo dhan $2,500, isaga oo muujiyey, daacadnimo iyo biseyl hoggaamineed oo ku dayasho mudan.

Taageeradan qiimaha badan waxay noqon doontaa iftiin iyo fursad waxbarasho oo ay ka faa’iidi doonaan carruur badan oo kamid ah agoonta, kuwaas oo u baahan garab iyo gacanqabasho si ay u dhistaan mustaqbal wanaagsan.

Ururka Damal Relief Organization wuxuu si weyn uga mahadcelinayaa Mudane Wasiir Cabdiqani taageerada iyo garab istaagga uu muujiyey. Waxa kale oo aanu ku dhiirrigelinaynaa dhammaan masuuliyiinta iyo bulshada inteeda kale in ay ku daydaan ficilkan wanaagsan, si aan wadajir ugu xaqiijinno in carruurta agoonta ahi helaan waxbarasho dhamaystiran iyo nolol mustaqbal leh oo wanaagsan.

Masuulkii ugu horreeyey ee fuliyey ballan-qaadkii dhaqaale ayaa noqday Mudane Cabdirisaaq Khaliif Axmed.Mudane Cabdirisa...
22/09/2025

Masuulkii ugu horreeyey ee fuliyey ballan-qaadkii dhaqaale ayaa noqday Mudane Cabdirisaaq Khaliif Axmed.

Mudane Cabdirisaaq wuxuu si toos ah ugu wareejiyey Sanduuqa Damal Relief Organization dhammaan dhaqaalihii uu ballan qaaday, isaga oo muujiyey kalsooni, daacadnimo iyo biseyl hoggaamineed oo ku dayasho mudan.

Taageeradan qiimaha badan waxay noqon doontaa ilays iyo fursad waxbarasho oo ay ka faa’iidi doonaan carruur badan oo agoonta ah, kuwaas oo u baahan garab iyo gacanqabasho si ay mustaqbal wanaagsan u dhistaan.

Ururka Damal wuxuu si weyn uga mahadcelinayaa Mudane Cabdirisaaq taageerada iyo garab istaagga uu muujiyey. Waxa kale oo aanu ku dhiirrigelinaynaa dhammaan masuuliyiinta iyo bulshada inteeda kale in ay ku daydaan ficilkan wanaagsan, si aan wadajir ugu xaqiijinno in carruurta agoonta ahi helaan waxbarasho dhamaystiran iyo nolol ifaysa.

📍BUUHOODLE.Hay’adda Damal Relief Organization ayaa agab waxbarasho gaadhsiisay carruurta agoomaha ee halgamayaasha qaybt...
03/09/2025

📍BUUHOODLE.

Hay’adda Damal Relief Organization ayaa agab waxbarasho gaadhsiisay carruurta agoomaha ee halgamayaasha qaybtooda ku sugan magaalada 𝗕𝘂𝘂𝗵𝗼𝗼𝗱𝗹𝗲.

Carruurtaas oo muddo labo sano ah hay’addu si joogto ah u kafaalo qaadday waxbarashadooda, ayaa markan la gaadhsiiyay agab muhiim ah oo ka kooban:
📚 𝗕𝘂𝘂𝗴𝗮𝗮𝗴
✏️ 𝗤𝗮𝗹𝗶𝗺𝗮𝗮𝗻
👕👧 𝗗𝗶rayska iskuulka.

𝗧𝗮laabadani waa mid muujinaysa sida DRO uga go’an tahay taageeridda waxbarashada iyo dhisidda mustaqbal ifaya oo carruurta halgamayaashu helaan, gaar ahaan kuwooda jilicsan ee u baahan garab istaagga.

#𝗗𝗮𝗺𝗮𝗹𝗥𝗲𝗹𝗶𝗲𝗳 #𝗕𝘂𝘂𝗵𝗼𝗼𝗱𝗹𝗲 #𝗪𝗮𝘅𝗯𝗮𝗿𝗮𝘀𝗵𝗼.

Address

Laascaanood

Telephone

+436643447649

Website

Alerts

Be the first to know and let us send you an email when Damal Relief Organization posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Damal Relief Organization:

Shortcuts

Share

Category