SONYO Umbrella

SONYO Umbrella Dallada SONYO waa Gaboodka qudha ee kulmiya urrurada dhallinyaradda Somaliland.

SONYO waa Hal-abuur Dhallinyaro, waa Hanti Ummaddeed, waa Madal Nabdoon, Waa Han iyo Hawl-qabad tisqaad ah oo waxbadani u hirgaleen tan iyo maalintii la holaday aasaaskeeda! Somaliland Youth Umbrella Organization (SONYO) envisions an inclusive and democratically-healthy society in which youth are empowered, have an equitable access to opportunities and are free from illiteracy and drugs and actively participate in the overall development of Somaliland.

18/08/2026

Guddoomiyaha SONYO Umbrella oo Xafiiskiisa ku Qaabilay Masuuliyiin ka Socday Hay’adda Caalamiga ah ee TAG

Guddoomiyaha SONYO Umbrella oo Xafiiskiisa ku Qaabilay Masuuliyiin ka Socday Hay’adda Caalamiga ah ee TAGHargeysa, Somal...
18/08/2026

Guddoomiyaha SONYO Umbrella oo Xafiiskiisa ku Qaabilay Masuuliyiin ka Socday Hay’adda Caalamiga ah ee TAG

Hargeysa, Somaliland – 18 Agoosto 2026

Guddoomiyaha Dallada Ururrada Dhallinyarada Heer Qaran ee SONYO Umbrella, Mudane Mustafe Dayib Cabdillaahi, ayaa maanta xafiiskiisa ku qaabilay masuuliyiin ka socday hay’adda caalamiga ah ee TAG, oo qayb ka ah hirgelinta Barnaamijka Resilience, Inclusion, Stability and Economic Development in Somaliland (RISES).

Wafdiga waxaa hoggaaminaysay Matilda Martin, Agaasimaha Hay’adda Caalamiga ah ee TAG, waxaana ku wehelinayay Mohamed Yonis, La-taliyaha Mashaariicda ee TAG.

Dhinaca SONYO Umbrella, Guddoomiyaha waxaa kulanka ku wehelinayay Agaasimaha Fulinta ee Dallada iyo Madaxa Barnaamijyada SONYO Umbrella.

Kulanka ayaa diiradda lagu saaray isbarasho, xoojinta xidhiidhka hay’adaha, iyo sahaminta fursadaha wada-shaqayneed ee u dhexeeya SONYO Umbrella iyo TAG. Intii kulanku socday, SONYO Umbrella waxay wafdiga la wadaagtay doorkeeda qaran, shaqada ay ka qabato horumarintan iyo matalaadda dhallinyarada, caqabadaha waaweyn ee horyaalla dhallinyarada iyo fursadaha jira. Waxa si gaar ah looga wada hadlay shaqo-abuurka iyo kobcinta dhaqaalaha dhallinyarada, horumarinta xirfadaha iyo fursadaha shaqooyinka dijitaalka ah, hal-abuurka iyo ganacsiga, ka-qaybgalka dhallinyarada ee go’aan-qaadashada, dawlad dhiska, nabad-dhiska, adkaysiga bulshada iyo xoojinta awoodda ururrada dhallinyarada.

Sidoo kale, labada dhinac waxay ka wada hadleen muhiimadda cilmi-baadhista iyo xogta ku salaysan baahiyaha dhallinyarada, kobcinta awoodda hay’adaha, taageerada farsamo, iyo horumarinta hindisayaal ay dhallinyaradu hormuud ka yihiin oo keeni kara natiijooyin waara.

Guddoomiyaha SONYO Umbrella, Mudane Mustafe Dayib Cabdillaahi, ayaa kulanka ku adkeeyay muhiimadda ay leedahay in dhallinyarada loo aqoonsado shuraako muhiim ah oo qayb ka ah qorshaynta, go’aan-qaadashada iyo hirgelinta barnaamijyada horumarineed, isla markaana barnaamijyada loogu talagalay dhallinyaradu ay si dhab ah uga jawaabaan baahiyahooda iyo himilooyinkooda.

Kulanka ayaa ku soo dhammaaday is-faham ku saabsan muhiimadda sii wadista wada-hadalka iyo sahaminta fursadaha iskaashi ee SONYO Umbrella iyo Haayadda TAG , si loo taageero qorshayaal iyo hindisayaal wax-ku-ool ah oo gacan ka geysta horumarinta dhallinyarada Somaliland.

SONYO UMBRELLA
Codka iyo Madasha Dhallinyarada Somaliland

SONYO OO MARTIGELINAYSA DOOD CILMIYEED KU SAABSAN DIBLOMAASIYADDA DHALLINYARADA, NABAD-DHISKA IYO ISKAASHIGA GEESKA AFRI...
17/08/2026

SONYO OO MARTIGELINAYSA DOOD CILMIYEED KU SAABSAN DIBLOMAASIYADDA DHALLINYARADA, NABAD-DHISKA IYO ISKAASHIGA GEESKA AFRIKA.

Dallada Ururrada Dhallinyarada Heer Qaran ee SONYO Umbrella waxay martigelinaysaa dood-cilmiyeed (Panel Discussion) muhiim ah oo ku saabsan:

“Doorka Diblomaasiyadda Dhallinyarada ee Nabad-dhiska iyo Iskaashiga Gobolka Geeska Afrika”

The Role of Youth Diplomacy in Peacebuilding and Regional Cooperation in the Horn of Africa.

Dooddan waxaa ka qaybgalaya aqoonyahanno, khubaro iyo masuuliyiin khibrad iyo aqoon u leh diblomaasiyadda, xiriirka caalamiga ah, nabad-dhiska, dhaqaalaha iyo siyaasadda gobolka, kuwaas oo wadaagi doona aragtiyo iyo waayo-aragnimo ku saabsan kaalinta dhallinyaradu ka qaadan karaan nabad-dhiska, wada-hadalka iyo xoojinta iskaashiga gobolka Geeska Afrika.
Madashu waxay si gaar ah u iftiimin doontaa muhiimadda diblomaasiyadda dhallinyarada, doorka jiilka cusub ee dhismaha nabadda, kobcinta is-fahamka bulshooyinka, iyo sidii loo abuuri lahaa iskaashi goboleed oo waara.

SONYO Umbrella waxay aaminsan tahay in dhallinyaradu aanay ahayn oo keliya ka-faa'iidaystayaasha nabadda iyo horumarka, balse ay yihiin door muhiim ah oo ka mid ah hoggaaminta wada-hadalka, dhismaha nabadda iyo qaabaynta mustaqbalka gobolka.

Dooddu waxay sidoo kale fursad siin doontaa dhallinyarada iyo ka qaybgalayaasha inay si toos ah ula falgalaan khubarada, su'aalo waydiiyaan, isla markaana fikradahooda iyo aragtiyahooda ka dhiibtaan mustaqbalka nabadda, diblomaasiyadda dhallinyarada iyo iskaashiga Geeska Afrika.

📅 Jimce, 21-ka Agoosto 2026
🕕 6:00 PM
📍 SONYO Umbrella,

Hargeysa
Waxaan ku martiqaadaynaa dhallinyarada, aqoonyahanka iyo daneeyayaasha arrimaha nabadda iyo iskaashiga gobolka inay nagala soo qayb galaan dooddan muhiimka ah.
Ka soo qaybgal, aragtidaada la wadaag madasha, kana qayb qaado wada-hadalka ku saabsan doorka jiilka cusub ee nabadda iyo iskaashiga Geeska Afrika.

SONYO UMBRELLA
Codka iyo Madasha Dhallinyarada Somaliland

Guddoomiyaha SONYO oo ka qaybgalay kulan lagu soo dhawaynayay cilmi-baadhayaal caalami ah.Hargeysa, Somaliland — Guddoom...
17/08/2026

Guddoomiyaha SONYO oo ka qaybgalay kulan lagu soo dhawaynayay cilmi-baadhayaal caalami ah.

Hargeysa, Somaliland — Guddoomiyaha Dallada Ururrada Dhallinyarada Heer Qaran ee Somaliland (SONYO Umbrella), Mudane Mustafe Dayib Cabdillaahi, ayaa xalay ka qaybgalay kulan casho iyo is-dhexgal ah oo Jaamacadda Hargeysa u qabatay cilmi-baarayaal, aqoonyahanno iyo marti sharaf ka kala socday jaamacado iyo hay’ado kala duwan oo caalamka ah.

Kulankan ayaa qayb ka ahaa soo dhawaynta martida ka qaybgalaysa Shirka Caalamiga ah ee Cilmi-baarista ee Jaamacadda Hargeysa, oo qabsoomaya 17–18 Agoosto 2026, kaas oo kulminaya cilmi-baarayaal, aqoonyahanno, jaamacado, hay’ado horumarineed iyo daneeyayaal kale si ay isku dhaafsadaan aqoon, cilmi-baaris iyo aragtiyo ku saabsan horumar waara iyo xalal ku dhisan caddayn iyo cilmi.
Ka qaybgalka.

Guddoomiyaha SONYO wuxuu sidoo kale ka tarjumayaa iskaashiga istaraatiijiga ah ee ka dhexeeya SONYO Umbrella iyo Jaamacadda Hargeysa, gaar ahaan dhinacyada horumarinta dhallinyarada, cilmi-baarista, aqoonta, hal-abuurka, kobcinta hoggaaminta dhallinyarada iyo abuurista fursado ay dhallinyaradu si macno leh uga qaybqaataan horumarka Somaliland.

SONYO Umbrella waxay aaminsan tahay in cilmi-baarista iyo siyaasadaha horumarineed ay noqdaan kuwo si dhab ah u dhegaysta codka, waayo-aragnimada iyo himilooyinka dhallinyarada, isla markaana dhallinyaradu aanay noqon oo keliya mawduuc cilmi-baaris lagu sameeyo, balse ay noqdaan shuraako ka qaybqaata soo saarista aqoonta, dejinta siyaasadaha iyo curinta xalalka mustaqbalka.

SONYO iyo Jaamacadda Hargeysa waxay sii xoojinayaan iskaashigooda istaraatiijiga ah, iyagoo ka wada shaqaynaya isku xidhka aqoonta, cilmi-baarista iyo horumarinta dhallinyarada, si loo kobciyo jiil aqoon, xirfad iyo hal-abuur leh oo door muuqda ka qaata horumarka dalka.

SONYO Umbrella
Codka, Matalaadda iyo Horumarinta Dhallinyarada Somaliland

Guddoomiyaha SONYO oo ka qaybgalay kulan ay yeesheen Golaha Sare ee Sansuuqa Horumarinta dhallinyarada Somaliland ( SYDF...
16/08/2026

Guddoomiyaha SONYO oo ka qaybgalay kulan ay yeesheen Golaha Sare ee Sansuuqa Horumarinta dhallinyarada Somaliland ( SYDF)

Hargeysa, Somaliland — Guddoomiyaha Dallada Ururrada Dhallinyarada Heer Qaran ee Somaliland (SONYO Umbrella) ayaa saaka ka qaybgalay kulan ay isugu yimaadeen Golaha Sare ee Sanduuqa Horumarinta Dhallinyarada Somaliland (Somaliland Youth Development Fund – SYDF), kaas oo ka qabsoomay xafiiska Sanduuqa ee magaalada Hargeysa.

Guddoomiyaha SONYO, oo xubin ka ah Golaha Sare ee maamulka Sanduuqa, ayaa kulanka kala qaybgalay xubnaha kale ee Golaha, iyadoo si gaar ah diiradda loogu saaray hawlaha Sanduuqa, halka ay marayaan qorshayaasha iyo shaqooyinka ilaa hadda la qabtay, iyo sidii loo sii xoojin lahaa doorka Sanduuqa ee horumarinta iyo taageerada dhallinyarada Somaliland.

Kulanka waxaa hoggaaminaysay Wasiirka Wasaaradda Shaqada iyo Arrimaha Bulshada JSL, Marwo Milgo, waxaana sidoo kale ka qaybgalay Agaasimaha Guud ee Wasaaradda Horumarinta Dhaqaalaha iyo Agaasimaha Guud ee Wasaaradda Waxbarashada, iyo xubnaha kale ee Golaha Sare ee Sanduuqa oo uu ka mid yahay agaasimaha fullinta ee sanduuqa.

SONYO Umbrella waxay muhiimad gaar ah siinaysaa in Sanduuqa Horumarinta Dhallinyaradu noqdo hannaan wax-ku-ool ah oo si dhab ah uga jawaaba baahiyaha dhallinyarada, gaar ahaan dhinacyada shaqo-abuurka, hal-abuurka, ganacsiga dhallinyarada, kobcinta xirfadaha iyo abuurista fursado dhaqaale oo waara.

Ka mid ahaanshaha SONYO ee Golaha Sare ee SYDF waxa uu sidoo kale muhiim u yahay xaqiijinta in codka, baahiyaha iyo himilooyinka dhallinyarada Somaliland ay qayb muuqata ka noqdaan jihaynta iyo qorshayaasha Sanduuqa.

SONYO Umbrella waxay sii wadi doontaa kaalinteeda ku aaddan u-doodista, matalaadda iyo horumarinta dhallinyarada Somaliland, iyadoo la shaqaynaysa Dowladda iyo dhammaan bah-wadaagta horumarinta dhallinyarada.

SONYO Umbrella
Codka iyo Madasha Dhallinyarada Somaliland

Kulanka Doorka Dhalinyarada ee Horumarka BulshadaCaawa barxadda SONYO Umbrella waxaa lagu qabtay kulan muhiim ah oo loog...
13/08/2026

Kulanka Doorka Dhalinyarada ee Horumarka Bulshada

Caawa barxadda SONYO Umbrella waxaa lagu qabtay kulan muhiim ah oo looga hadlayay “Doorka Dhalinyaradu ku Leedahay Horumarka Bulshada.”

Kulanka ayaa diiradda lagu saaray muhiimadda ay dhalinyaradu u leeyihiin horumarka bulshada, hoggaaminta, ka qaybgalka arrimaha bulshada iyo sidii ay ugaalin muuqata uga qaadan lahaayeen dhismaha mustaqbal wanaagsan.

Waxaa kulanka marti ku ahaa Dr. Hamse Habiib, oo dhalinyarada la wadaagay aragtiyo, talooyin iyo khibrado ku saabsan fursadaha iyo masuuliyadda dhalinyarada ka saaran horumarinta bulshadooda.

Kulanku wuxuu ahaa madal ay dhalinyaradu ku wadaageen fikrado, su’aalo iyo aragtiyo la xidhiidha sidii ay si firfircoon uga qayb qaadan lahaayeen horumarka bulshada.

WAR-MURTIYEED RASMI AH | MAALINTA CAALAMIGA AH EE DHALLINYARADA 2026Dallada Ururrada Dhallinyarada Heer Qaran ee Somalil...
13/08/2026

WAR-MURTIYEED RASMI AH | MAALINTA CAALAMIGA AH EE DHALLINYARADA 2026

Dallada Ururrada Dhallinyarada Heer Qaran ee Somaliland (SONYO Umbrella) waxay soo saartay War-Murtiyeedkeeda ku aaddan Maalinta Caalamiga ah ee Dhallinyarada 2026.

War-Murtiyeedku wuxuu xoogga saarayaa himilooyinka wadaagga ah ee dhallinyarada Somaliland, oo ay ka mid yihiin waxbarasho tayo leh, shaqo-abuur, xirfadaha dijitaalka, nabad iyo xasillooni, ka-qaybgalka go’aan-qaadashada, hal-abuur iyo fursado dhaqaale.

Waxa kale oo uu si gaar ah u xoojinayaa ilaalinta, daryeelka iyo fursadaha dhallinyarada ku nool xarumaha daryeelka iyo CareLeavers, si aanay uga harin fursadaha iyo horumarka bulshada.

SONYO waxay ku baaqaysaa in xuska Maalinta Caalamiga ah ee Dhallinyaradu aanu ku ekaan munaasabad, balse uu noqdo fursad lagu xoojiyo tallaabo, maalgelin, iskaashi iyo natiijo muuqata oo wax ka beddela nolosha dhallinyarada.

“Xaalado Kala Duwan, Himilooyin Wadaag ah.”

Hal Jiil • Himilooyin Wadaag ah • Tallaabo Wadajir ah

The Somaliland National Youth Organizations Umbrella SONYO Umbrella cordially invites you to an Open Forum focused on:“T...
12/08/2026

The Somaliland National Youth Organizations Umbrella SONYO Umbrella cordially invites you to an Open Forum focused on:

“The Role of Youth in Community Development”

We are honored to host Dr. Hamse Habiib, who will share valuable insights and perspectives on the contribution of youth to the development of society.

📍 Venue: SONYO
📅 Date: 13 August 2026
🕖 Time: Thursday evening

We warmly encourage all young people, as well as anyone interested in strengthening the role of youth in society, to attend and participate in this open forum.

SONYO Umbrella – Empowered Youth, Progressive Society.

12/08/2026

Dallada Ururada Dhalinyarada Somaliland ee SONYO Umbrella ayaa soo qabanqaabisay kulan lagu xusay Maalinta Dhalinyarada Adduunka, oo ku beegan 12-ka Agoosto 2026

Dallada Ururada Dhalinyarada Somaliland ee SONYO Umbrella ayaa soo qabanqaabisay kulan lagu xusay Maalinta Dhalinyarada ...
12/08/2026

Dallada Ururada Dhalinyarada Somaliland ee SONYO Umbrella ayaa soo qabanqaabisay kulan lagu xusay Maalinta Dhalinyarada Adduunka, oo ku beegan 12-ka Agoosto 2026.

Kulanka waxaa kalmado muhiim ah ka jeediyay Guddoomiye Ku-xigeenka SONYO, Mudane Maxamuud Jawaase, Xoghayaha SONYO, Mudane Cabdiraxmaan, iyo Mudane Maxamed Xasan, oo ka tirsan Guddiga BOd ka SONYO. Sidoo kale, waxaa kulanka ka hadlay Agaasimaha Dallada SONYO, Mudane Ahmed, Hanaan, iyo xubno kale oo ka socday Dallada SONYO.

Kulanku wuxuu fursad u ahaa dhalinyarada in ay isugu yimaadaan, wadaagaan fikrado, isla markaana xoojiyaan wacyiga iyo fahamka ku aaddan doorka muhiimka ah ee dhalinyaradu ku leeyihiin horumarinta bulshada.

Sidoo kale, kulanka waxaa qayb ka ahaa Kooxda Qalaamo, Rogadka, oo uu hoggaaminayay Macallin Cabdiraxiin. Kooxdu waxay dhalinyarada u soo bandhigtay bandhigyo madadaalo oo dhaqameed, kuwaas oo si weyn u soo jiitay uguna farxad geliyay ka qaybgalayaasha.

SONYO waxay mar kale adkaynaysaa muhiimadda ay leedahay in dhalinyarada la siiyo fursado ay ku muujiyaan kartidooda, fikirkooda iyo kaalintooda hoggaamineed, maadaama ay yihiin laf-dhabarta horumarka iyo mustaqbalka bulshada.

Address

Sha'ab Area, Opposite To Milgo Digital And Ministry Of Education
Hargeisa
002522

Opening Hours

Monday 07:30 - 15:30
Tuesday 07:30 - 15:30
Wednesday 07:30 - 15:30
Thursday 07:30 - 15:30
Sunday 07:30 - 15:30

Telephone

+252634427327

Website

Alerts

Be the first to know and let us send you an email when SONYO Umbrella posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to SONYO Umbrella:

Shortcuts

Share

Category