Somaliland Engineering Association

01/05/2026

Ururka injineerada somaliland ee (Sea) waxaa uu hanbalyo u dirayaa dhamaan shaqaale waynaha somaliland si gaar ah waxa uu ugu hanbalyaynayaa dhamaan injineerada somaliland ee dedaalka balaadhan ugu jira sidii ay uga qayb qaadan lahaayeen horumarka balaadhan ee ka socda dalka.

Ururka injineerada somaliland waxaa u taagan yahay mar walba inuu ilaaliyo xaquuqada shaqo ee injineerada somaliland.

30/04/2026

𝐀𝐐𝐎𝐎𝐍𝐒𝐈 𝐈𝐘𝐎 𝐀𝐃𝐊𝐄𝐘𝐒𝐈
Dhamaan shacabka reer somaliland waxa aan ku diiri galinaynaa inay si balaadhan ugu diyaar garoobaan maalinta qaran ee 18.may 2026.

30/04/2026

09/11/2025

🧱 Dillaacyada Dhismayaasha – Sababaha, Noocyada, iyo Sida Loo Hortago
__________________________________________________

1. Maxaa Keena Dillaacyada Dhismayaasha?

Dillaacyada dhismayaashu waxay badanaa ka dhashaan dhaqdhaqaaq, cadaadis, ama agab tayo hoose leh. Sababaha ugu waaweyni waa:

1. Aasaas liita ama dhul aan si fiican loo cadaadin:
Haddii dhulkii hoose aanu adkayn ama uu jilicsan yahay (sida dhoobada), aasaaska ayaa dhaqaaqaya oo dillaacyo ayaa ka dhalanaya.

2. Isbeddelka heerkulka (kulayl iyo qabow):
Marka walxaha sida laamiga ama shubku kululaadaan way balaadhanayaan, marka ay qabowdana way yaraadaan — taasina waxay dhalisaa dillaacyo.

3. Qallayl degdeg ah oo shubka ama jaakadda (plaster):
Marka shubka ama jaakadda si degdeg ah u qalalaan, way yaraadaan (shrinkage) oo dillaacyo yaryar ayaa ka dhasha.

4. Culays badan ama naqshad khaldan:
Culayska xad-dhaafka ah ama naqshad dhisme oo khaldan waxay keentaa dillaacyo qaab foorarsan ama jiifa oo ku dhaca tiirarka, laamiyada ama sabbiyada.

5. Agab iyo shaqo tayo hoose leh:
Isticmaalka sibidh iyo ciid aan tayo lahayn, biyo badan ama yar, iyo daryeel la’aan marka la shubayo waxay daciifiyaan dhismaha.

6. Biyo joogto ah iyo daadad:
Biyaha aan la xakamayn ama daadadka ku wareegsan aasaaska waxay daciifiyaan gidaarka waxayna sababi karaan dillaacyo muddo kadib.

________________________________________________

2. Noocyada Dillaacyada

1. Dillaacyo Qaab-dhismeed (Structural):

Waxay saameeyaan adkaysiga iyo xasiloonida dhismaha.

Waxaa laga helaa tiirarka, sagxadaha, iyo gidaarrada xambaarsan culayska.

Badanaa waxay udhacan dilacyadasi qaab gudban, xagal daacsan ama xagal quman ah oo toosan.

Dilacyadasi waa ka khatarsabyihin kuwa kale — waxayna u baahan yihiin dayactir injineernimo.

2. Dillaacyo Aan Qaab-dhismeed Ahayn (Non-Structural):

Ma saameeyaan adkaysiga dhismaha.

Waxaa laga helaa talbiista gidaarka, sagxadaha.

Wa dilaacyo Fudud — waxaa lagu hagaajin karaa talbiis waafaqsan habraaca dawaynta dhismaha dilaca.

_________________________________________________

3. Sida Loo Hortago Dillaacyada

✅ Xakamee Dhulka iyo Aasaaska:

Hubi in dhulku si fiican loo cadaadiyay.

Dooro nooca aasaaska ee ku habboon xaaladda dhulka.

✅ Isticmaal Agab Tayo Leh:

Adeegso sibidh, ciid, iyo dhagax tayo leh.

Ilaali isku-dhafka biyaha iyo sibidhka (water-cement ratio) oo ku shub muddo lagu daayo (curing) ugu yaraan 7–14 maalmood.

✅ Naqshad Injineernimo oo Sax ah:

Raac xeerarka dhismaha (building codes).

Samee kala-go’ (expansion joints) meelaha derbiyada dhaadheer si ay u nuugaan isbeddelka heerkulka.

✅ Samee Biyo-mareen Wanaagsan:

Ka fogee biyaha aasaaska iyo gidaarrada adigoo sameeya biyo-mareen sax ah.

✅ Dayactir Joogto ah:

Eeg dillaacyada waqtigooda, hagaaji kuwa yaryar, hana u oggolaan biyo inay galaan.

Dillaacyada waa caadi, laakiin waa muhiim in la fahmo sababta keentay ka hor inta aan la hagaajin.
Inta badan waxaa keena dhul liita, agab daciif ah, isbeddel heerkul, ama naqshad aan injineernimo ahayn.
Haddii la isticmaalo injineernimo sax ah, agab tayo leh, iyo kormeer joogto ah, dhismayaashu way adkaan doonaan oo muddo dheer ayey sii jiri doonaan.

08/11/2025

Waxyabaha Soo Dadajiya Burburka Wadooyinka Somaliland Gaar Ahaan Hargeisa.

Wadooyinka laamiga ee Somaliland, gaar ahaan kuwa Hargeysa, si fudud ayey u burburaan muddo kooban kadib marka la dhiso. Sababta ugu weyn waa biyo aan si fiican u socon iyo tayada hoose ee dhismaha.

Si loo sameeyo wadooyin adag oo muddo dheer sii jira, waa in la sameeyaa tallaabooyinkan soo socda:

1. Naqshad Biyaha-mareenka oo la Saxo:
Wado kasta waa in lagu daraa biyo-mareen dhinacyada ah, meelaha biyuhu isku-dhaafaan, iyo Buundooyin (culverts) si biyuhu u socdaan, oo aanay dusha waddada ugu ururin.

2. Diyaarinta Dhulka Waddada ka hor Dhismaha Laamiga:
Diyaarinta Dhulka ( Site Clearance) qodaalka kadib waa in si fiican loo cadaadiyaa (compaction) oo laga saaraa walxaha aan adkayn, si uu u noqdo meel adag oo la dhigi karo lakabka hoose (Sub-Grade).

3. Agab Tayo Leh iyo Kormeer Qorshaysan:
Waa in la isticmaalaa agab tayo sare leh sida Dhagaxanta iyo Daamurka (Asphalt), lana hubiyaa tayadoda shaqada inta lagu jiro dhismaha — gaar ahaan dhumucda iyo cadaadinta lakab kasta.

4. Dayactir Joogto ah:
Wadooyinka waa in si joogto ah loo eega, biyo-mareennadana la nadiifiyaa, dillaacyadana la xdharaa marka ay yaryar yihiin ka hor inta aanay noqoneyn godad waaweyn.

Haddii la hagaajiyo maaraynta biyaha lana xoojiyo tayada dhismaha, Somaliland waxay yeelan doontaa wadooyin waara, tayo leh oo kharash yar ku dhamaada.

07/10/2025

07/10/2025

Musuq-Maasuqii Ugu Weynaa ee Ka Dhacay Guddiga Qandaraasyada Qaranka iyo Wasaaradda Caddaaladda Somaliland.

10 shirkadood oo ka qayb galay tartankii qandaraaska dhismaha xabsiga degmada Oodwayne, waxaan si adag uga cabanaynaa musuq-maasuq baahsan oo ka dhacay gudaha Guddiga Qandaraasyada Qaranka iyo Wasaaradda Caddaaladda.

Qandaraaskii waxaa si sharci-darro ah loogu leexiyay shirkad gaar ah, iyadoo:
- Lagu jebiyay xeerkii Qandaraasyada Qaranka (Lr.82/2018)
- Lagu tirtiray qiimihii saxda ahaa ee ay diyaarisay Wasaaradda Hawlaha Guud
- Lagu beddelay qiime aan shaqo ku lahayn mashruuca.
- Shirkadaha kale lagu sameeyay caddaalad darro iyo cadaadis dhaqaale

Tani waa fadeexad qaran, waxaana ugu baaqaynaa:
👉 Madaxweynaha Jamhuuriyadda Somaliland
👉 Hantidhawrka Guud
👉 Iyo hay’adaha la dagaallama musuqmaasuqa

in ay arrintan si dhab ah u baadhaan oo cadaalad u helaan shirkadihii la dulmiyay.

Waxa cabashadan lasoo wadaagay Xafiiska Ururka Injineerada Somaliland. Sida ku cad waraqahan Hoose.

03/06/2025

Ururka Injineerada Somaliland (Somaliland Engineering Association - SEA) iyo jaamacada Franz fanon waxay wada bilaabi doonaan fursado waxbarasho oo muhiim ah oo lagu horumarinayo xirfadaha Injineerada, gaar ahaan isticmaalka software-yada casriga ah ee loo adeegsado cilmiga Injineerinka.

Casharrada la Bixinayo:

1. Structural Analysis Softwares

Etabs
SAFE
Revit for Structure
Prota Structural
Robot Structural Analysis
CSI Bridge
STAAD Pro

2. Building Information Modeling (BIM)

SketchUp
Archicad
Lumion
Photoshop

3. Electrical Engineering Softwares.

Simulink
Power World Simulator
Matlab
GNS3

4. Geographic Information Systems (GIS)

GIS Software

Faa’iidooyinka Barnaamijkan:
✅ Koorsooyin si xirfadaysan loo bixinayo
✅ Shahaado rasmi ah (Certified) oo ay wada bixinayaan Jaamacadda FFU iyo SEA
✅ Macallimiin khibrad sare leh
✅ Fursado shaqo iyo horumar aqooneed

Sida Iskaga Diiwaan Gelin Kartid:
Waxaad si toos ah ugu imaankartaa xarunta Jaamacadda FFU ama waxaad kala xiriiri kartaa lambarradan hoose:

📍 Road 1 No.1, Downtown – Agagaarka Saldhigga Dhexe ee Booliska, Hargeysa, Somaliland
📞 +252 636477712 / +252 634180330
📞 +252 063711222 / +252 633448821 / +252 634166152

26/05/2025

Ururka Injineerada Somaliland iyo jaamacada Frantz Fanon oo Kala Saxeexday Heshiis Taariikhi ah

Waxa si rasmi ah heshiis iskaashi u kala saxeexday Jamacadda Frantz Fanon iyo Ururka Injineerada Somaliland (Somaliland Engineering Association). Heshiiskan ayaa salka ku haya kor u qaadista tayada iyo xirfadaha Injineerada dalka, iyada oo la abuurayo fursado waxbarasho, tababaro xirfadeed, iyo cilmi-baarisyo la xidhiidha cilmiga dhismaha iyo horumarinta kaabeyaasha dhaqaalaha.

Iskaashigan cusub ayaa noqon doona mid fure u ah kobcinta aqoonta Injineerada Somaliland, korna u qaadi doona heerka xirfadeed ee ay bulshada ugu adeegayaan. Waxa sidoo kale heshiiska qayb ka ah in la sameeyo cilmi-baadhisyo la xiriira deegaanka, qaab-dhismeedka magaalooyinka, iyo hal-abuurka casriga ah ee dhismaha.

Hoggaamiyeyaasha labada dhinac ayaa muujiyey sida ay uga go’an tahay in la xoojiyo wada-shaqaynta cilmiyeed iyo horumarinta xirfadaha Injineernimo ee dalka.

Tani waa guul weyn oo u soo hoyatay bulshada Injineerada iyo guud ahaan qaranka Somaliland.