14/09/2025
Madaxweynaha Somaliland oo Dhirbaaxo ku dhuftay Wasiir ka tirsan Xukuumadda
Hargeysa — Warar soo baxaya ayaa sheegaya in Madaxweyne Cirro uu dhirbaaxo culus ku dhuftay Wasiirka Diinta Somaliland, Cabdillahi Baashe, intii lagu guda jiray kulan gaar ah oo uu Madaxweynuhu guddoominayay.
Kulanka oo ay ka soo qayb galeen qaar ka mid ah Wasiirrada Xukuumadda, ayaa xaaladdu gashay qalalaase kadib markii Wasiir Cabdillaahi uu si fool xun ah uga hadlay khilaafka wadaaddada dalka hadheeyay bishii ugu dambaysay. Sida wararku sheegayaan, hadalka Wasiirka ayaa si weyn u cadho galiyay Madaxweynaha, taasoo sababtay inuu si lama filaan ah dhirbaaxo ugala dul dhaco Wasiirka, isla markaana labada indhood kaga dhufto.
Markii dhirbaaxadu ku dhacday, Wasiir cabdillaahi ayaa daqiiqado wareeray, iyadoo dhacdaduna ku noqotay mid uu filan waayo. Inta uu isku dayay inuu ka baxsado goobta, ayuu ku dhacay kursiga Wasiirka Arrimaha Gudaha, Cabdalle Sandheere, taasoo sababtay in Cabdalle isna dhulka ku dhaco.
Fowdadaasi kaddib, Madaxweynaha ayaa si degdeg ah ugu dhawaaqay in kulanka xidhan yahay, iyadoo jawigu noqday mid yaab ku reebay wasiirradii kale ee goobta joogay.
Warar kale ayaa intaas ku daraya in Wasiir Cabdillaahi Baashe uu si toos ah u aaday Hotelka Casood, halkaas oo uu xaaladda ku dhacday la wadaagay xubno masuuliyiin ah oo beesha uu ka soo jeedo ah, kuwaas oo iyaguna ku waaniyag in uu dhacdada qariyo oo iyaguna ay si hoose ku dhamaynayaan khilaafka isaga iyo Madaxweynaha.
Goblay TV
