Ururka Akhris-Maal

11/04/2026

H**e ma u akhridey buuggan?
Magaca Buugga👇
Men Are from Mars, Women Are from Venus
الرجال من المريخ والنساء من الزهرة
Maan Rag iyo Maskax Dumar

Nuxurka (Summary) buugga dhawaan filo.

Mohamed Ahmed Husein
Agaasimaha Ururka Akhris-Maal
Møhamett Jigne

20/03/2026

18/03/2026

WEYDIIN: MAXAA WAX LOO QORAA?

Qoraaga weyn ee IBNU KHALDUUN oo aristol soo xiganaya, ayaa inoo sheegay in ujeeddada qoraalku Toddoba ujeeddo uu ku dhisan yahay:
1. Cilmi cusub (Yagleedid).
2. Sharrixidda wixii h**e u qornaa oo fahan cusub la saarayo, meelo kala duwanna laga eegayo.
3. Sixidda wixii khaladaad h**e ee kitaab lagu qoray oo la saxayo. Qof ayaa kitaabkii dib u qoraya si uu u saxo wixii fahan ah ee khaldamay.
4. Mawduuc qaybo ah oo la dhamaystirayo oo la ballaadhinayo.
5. Isku soo aruurin masalooyin aan hal meel ku qornayn oo hal meel layskugu keenno oo hal cilmi ka wada hadlaya.
6. Cilmi laamo kale ku dhex jiray oo si keligii ah hal meel layskugu keenayo.
7. In la soo koobo qoraallo dhaadheer oo cilmi aasaaskiisa laga qoray, si koobanna loo qoro

Weydiintan waxa kale oo si kale uga jawaabay, qoraaga weyn ee GEORGE ORWELL. Isagu waxa uu sheegay Afar sababood in wax loo qoro:
1. Anaaniyad, qabweyni iyo ha lagaa sheekeeyo (FAAN)
2. Jacayl iyo xiiso uu qofku u hayo qalinka iyo qoraalka inuu wax ku qoro. Quruxda ereyada gudihiisa ku jira uu qalinka ku sawiro.
3. Rabitaan runta laga salgaadhayo oo wixii dhacay diiwaanka lagu kaydinayo, si sannado badan loogu aayo.
4. Rabitaan ujeeddo SIYAASADEED oo gaar ah; in adduunka meel qudha loo wada leexiyo hal aragtina lagu maamulo.
XIGASHO: BUUGGA NUUN
QORAA: MAXAMED YUUSUF
Akhriste: Xuseen Cabdi wahaab Siigaale

01/03/2026

Magaca Buugga: Caawiye
Qoraaga: Dr. Raaqib Sarajaani
Turjume: Cabdixakiim Obsiiye

Hordhaca Buugga
Buuggan Caawiye, hordhaca waxa uu qoraagu kaga hadlayaa ahmiyadda qaybidda Quraanka, mucjisanimadiisa, in uu yahay masuuliyad culus, iyo kaalinta uu xaafidku ku leeyahay Islaamka dhexdiisa.

Buuggu waxa uu ka kooban yahay labo cutub iyo saddex faallo oo gaagaaban.

Cutubka 1aad:
Qoraagu waxa uu ku soo bandhigayaa 10 qodob oo gundhig iyo aasaas u ah qofka doonaya inuu qaybo Quraanka.

Cutubka 2aad:
Qoraagu waxa uu innagula wadaagayaa 10 xeer oo uu u bixiyay kaaliyayaasha xifdinta Quraanka. 10-ka qodob, inkastoo aanay muhiim u hayn sida kuwa h**e, haddana la’aantood Quraan-qaybiyuhu kuma tallaabsan karo horumar uu ku tanaado.

Cutubka 1aad

1.Ikhlaas

2.Ka go’naasho dhan ah

3.Baro qiimaha Quraanka

4.Ku dhaqan Quraanka

5.Jooji dambiyada

6.Ha moogaan ducada

7.Faham sax ah

8.Tajwiid sugan oo sax ah

9.Akhris joogto ah

10.Ku tuko casharkaad qaybtay

Cutubka 2aad

1.Qorshe cad

2.Ku xidhnow koox

3.Qaado kitaab yar

4.Dhagayso imaamka

5.Qaybaha fudud hor xifdi

6.Adeegso kitaab kaliya

7.Ha dhaafin cashar aanad sugin

8.Qayb-qaybi suuradaha

9.Ka war hay aayadaha isu eg

10.Ka qayb gal tartanka Quraanka

Maxaa aynu ka faa’iidaysanaynaa buuggan?

✓ Muhiimadda ay leedahay qaybidda Quraanku.
✓ In ay yihiin dadka Quraanka qaybsan dadka ugu khayrka badan. Nabigu (SCW) waxa uu yidhi: “Waxaa idiinku khayr badan qofka Quraanka barta dadkana bara.”
✓ Qaabka aynu u qaybi lahayn Quraanka.
✓ In aanu ku qaybno Quraanka Tajwiid sugan oo sax ah, si aanu wakhti badan inooga lumin; waana dhibaatada ugu badan ee bulshadeenna haysata.

17/02/2026

Soon-Qaad Wanaagsan Dhamman Ummada Islaamka gaar ahaan Ummada Soomaaliyeed.
Illahay SWT kuwo ka faa'idaysta bishan Barakaysan ha inaga yeelo oo cibaado suuban iyo Khayr ku camira.

Ururka Akhris-maal

14/02/2026

Hablaha Ururka Akhris-Maal ayaa maalintii aheyd isugu yimid kulan si qoto dheer loogu soo dhoweeyay bisha barakaysan ee Ramadaan. Kulanka waxa uu ahaa mid ay ku dheehan tahay xusuusin, wacyigelin iyo is-dhiirigelin, iyadoo diiradda la saaray diyaar-garowga cibaadada, joogtaynta akhriska, iyo xoojinta walaaltinimada iyo is-garab istaagga.

Ramadaan waa bil isbeddel iyo is-horumarin; waxaan rajaynaynaa inay noqoto mid aqoon, cibaado iyo camal suuban ku reebta qalbiyadeenna.

Risala Media

09/02/2026

Ururka Akhris-Maal waxa uu si mug iyo miisaan leh ugu mahadcelinayaa Lajnatu alamru bil macruuf wanahyi canil munkar oo nagu wareejisay tartanka Xiddigaha Akhriska, gaar ahaan qaybta ragga. Waxaan uga mahadnaqaynaa kalsoonida, wada-shaqaynta, iyo doorkii ay ka qaateen horumarinta akhriska iyo kobcinta hibada dhalinyarada.

Risala Media

08/02/2026

📚✨ BANDHIGA BUUGGA HIIL-SAMO ✨📚

Ka soo qayb gal wanaagsan bandhiga buugga qiimaha badan ee HIIL-SAMO — buug ka hadlaya toosinta iyo tarbiyaynta nafta, kuna hagaya jidka guusha iyo horumarka shakhsiga.

🎤 Qoraa: Filsan Cabdiraxman Cige
🗓 Taariikh: 12/2/2026
📍 Goobta: Hoolka Sahan Books – Hargeysa
⏰ Waqtiga: 7:00 PM

💬 “Dhibku waa cashar samirkuna waa furaha guusha.”

Ha moogaanin fursaddan qaaliga ah! Kaalay, la kulan qoraaga, hel saxiixa buugga, kana faa’iidayso aqoon iyo dhiirrigelin noloshaada wax ka beddeli karta.

👉Fadlan ku Soo biir group WhatsApp oo Lifaaqa ( link) hoose ku dhuffo. https://chat.whatsapp.com/BUSvMQlX5n12iK02Lkz8tG?mode=gi_t

06/02/2026

📖✨ Ururka Akhris-Maal oo sii wada ololaha Akhriska Dugsiyada waxbarashada! ✨📖

Ururka Akhris-maal ayaa maalintii Arbacada galinkii danbe barnaamij u qabtay ardayda dugsiga Ardaale Primary School.

Barnaamijka waxaa qaadaa dhigay Mohamed Ahmed Husein oo ah Agaasimaha Ururka Akhris-Maal.
Waxaanu diiradda saaray:
📚 Dhiirrigelinta akhriska
💡 Muhiimadda akhriska
🚧 Caqabadaha ardayda ka hortaagan wax akhriska
🧭 Tabbaha iyo toobiyaha wanaagsan ee wax loo akhriyo

Ugu danbayntii, waxaa ururka u mahadnaqayaa Mamulka Dugsiga, macalimiinta qiimaha badan iyo ardayda dugsiga dhammantiin waad mahadsantihiin-- جزاكم الله خيرالجزاء.

11/01/2026

MAHADSANIID Dawladeedana Hoose -Borama

𝐇𝐀𝐌𝐁𝐀𝐋𝐘𝐎

Dawladda Hoose ee Borama, waxay shahaado sharaf gudoonsiinaysaa. Maktabada Akhris-Maal ee Borama oo kusoo guulaysatay, Maktabada akhriska ugu wanaagsan ee deegaanada Soomaalida, Tartan loo codaynayay hab online ay qabatay, Xarunta IQRA BOOKS.

04/01/2026

Ururka Akhris-Maal waxa uu si kal iyo laab ah ugu mahadcelinayaa Dr. Abdi Hakim Cambe oo ururka u qabtay kulan qureec-sharafeed ah, kaas oo ku salaysnaa hambalyo iyo bogaadin guul-wadareedkii aynu gaadhnay.

Kulanka waxa sidoo kale nagala soo qayb galay Ustaad Naafic Mohamed Qaadi , Dr. Aamiin Cabdirahman Farax, Dr. Xasan Digif iyo Eng. Cabdirahman Maxamuud Cabdinaasir, kuwaas oo la wadaagay ururka Hambalyo iyo talooyin qiimo leh.

Gebogebadii, kulankani qureec-sharafeedka waxa uu ahaa mid si cad u muujinaya muhiimadda ay leedahay wada-shaqaynta, is-qaddarinta iyo garab istaaga joogtada ah ee Dr. Cabdixakiim Canbe ururka la garabtaaganahay.

Ururka Akhris-Maal waxa ka go’an sii adkaynta himiladiisa kor u qaadista akhriska iyo wacyiga bulshada, isaga oo ku dhisan taageerada, talooyinka iyo dhiirrigelinta ay siiyaan haldoorka iyo saaxiibbada ururku.

01/01/2026

Waxa aannu u hamuun qabnaa in aannu helno Boorama maktabadd laga hago oo dhallinteedu maktabadda kasoo ogaal qaataan.

Waxaanad nagu ogaataan garashada, sariigashada, ogaal kobcinta, naqdinta toolmoon, fikirka haboon, falka san, niyadda suuban, akhriska aayatiinka leh iyo jihaynta jiilka cusub.

Ururka Akhris-Maal