https://www.facebook.com/105418215122695/

Ururka Milgo-reeb

Home
Somalia
Borama
Ururka Milgo-reeb

Dad dhisan ayaa, Dal iyo Dad dhisi kara. Ururka Milgo-reeb waa urur mutadawac ah oo ka dhisan gobolka Awdal, gaar ahaan magaalada Boorama.

Waxa uu ka shaqeeyaa ururku arimaha bulshada gaar ahaan saddex waaxood oo kala ah: Waaxda waxbarashada, Waaxda la dagaalanka qabyaaladda iyo Waaxda Af-soomaaliga. Waxa kale oo saddexdaas waaxood soo raaca, laba gudi kaabayaal oo kala ah: gudida arimaha bulshada iyo gudida tababarada. Waxa uu ururka qabtaa barnaamijyo kala duwan oo taabanaya dhinacyada kala duwan ee bulshada soomaaliyeed. Waxa uu i

sku xilqaamay ururku in uu buuxiyo kaalmahaas saddexda ah iyo waxyaabaha kala ee kaga soo aada arimaha bulshada. Ururka Milgo-reeb waa urur shuruucdiisa iyo nidaamkiisu udhamaystiran yahay lehna kala sarayn maamul (Chain of command) iyo kala xadayn shaqo (Division of labour) labadaas oo ah labada shuruuc walba oo dhumuc lehi ay ku taagantahay. Ururka Milgo-reeb waxa uu wada shaqayn la leeyahay hay'addo dawli ah iyo kuwo aan dawli ahaynba.

09/08/2026

Wacyigalin ku saabsan caafimaadka hooyada iyo dhalaanka ayaa uu Ururka uqabtay hooyooyinka waxbarashada dadka waaweyn ee uu ururku gacanta ku hayo.

Ururku, waxa uu gacanta ku hayaa hooyooyin uu waxbarashada aasaasiga ah si mutadawacnimo ah ubaro. Hooyooyinkan oo iskuulo kala duwan ku dhigta maadoiyinka: Soomaaliga iyo Xisaabta ayaa maalinimadii Arbacadii (5/8/2026) ururku si gaar ah ugu qabtay wacyigalin dhinaca caafimaadka ah. Wacyigalinta oo wajigii koobaad laga fuliyay labada fasal ee dugsiga hoose dhexe ee Sheekh Clraxmaan Qaadi wax ku barta ayaa waxa fuliyay Clsamad oo ah xubin ururka ka tirsan isla markaana jaamacadda Adal ka ah arday sanadkii udamabeeyay dhigta kuliyadda Caafimaadka iyo Koos oo iyadu ka baxday kuliyadda Caafimaadka.

Waxa aannu rejaynayaa in dhawaan hooyooyinkaas ay waxbarashadu si habsami leh ugu soo dhamaan doonto.

07/08/2026

Waxa xalay magaalada Boorama lagu soo bandhigay buugga Han-dhis oo ka waramaya rejo galinta iyo naf-la-hadalka toolmoon.

Buuga waxa ka qaybgalay xubno ururka Milgo-reeb ka tirsan- Nasra Cali-Xoghaya ururka- iyo Sareedo Muuse-waxana afka ururka ku hadashay Sareedo oo ah xubin muhiimka oo ururka ka tirsan.

Ururka Milgo-reeb, waxa uu dhiirigalinayaa akhriska iyo qoraalka; si gaar ah, waxa uu aad udhiirigalinayaa dhalinyarta qalinkooda ku dhiganayaasha anfaca leh.

Safa Cali oo ah qoraaga buugga Han-dhis, waxa aannu ku bogaadinaynaa dhiiranaanta iyo ka go'naashaha ay ku wajahday qorista iyo soo bandhigista dhiganaha Han-dhis.

02/08/2026

Waxa maanta soo xidhmay tababar ay soo qabanqaabisay xarunta tababarada ee Al-hakiim training center. Tababarkan macalimiinta soo jeedinayay qaar kamid ahi waxa ay ahaayeen xubnaha muhiimka ah ee ururka Milgo-reeb.

Cabdiladiif Bashiir, Umulkhayr Mukhtaar iyo Suhayb Clrashiid ayaa qayb ka ahaa dhalinyartii ufaa'idaysay kasoo qayb galayaashii tababarka.
Waxa aannu xubnahan ku bogaadinaynaa in ay bulshadooda kaalin fiican oo mutadawacnimo ah ugu jiraan.

Sidoo kale xarunta tababarka soo qabanqaabisay waxa maamule ka ah: Muxiyadiin Farxaan oo ahaa xubin firfircoon oo h**e uga tirsanaan jiray ururka Milgo-reeb; waxa aannu ku bogaadinaynaa kaalinta muuqata ee uu bulshada ugu jiro.

11/07/2026

Bandhiga buuga 'Furaha aan la fahmin' ayaa ka qabsoomay magaalada Boorama habeenimadii Jimce soo galayay (9/7/2026)

Ururka Milgo-reeb, waxa uu si gaar ah ugu mahadcelinayaa Faiza Hassen Abdilahi oo ah qoraaga buugga oo ururka ku maamuustay shahaado sharaf.

Waxa aannu dhamaan bulshoweynta magaalada Boorama uga mahadcelinaynaa kasoo qaybgalkoodii ay kasoo qaybgaleen bandhiga buugga.

08/07/2026

Gudoomiyaha jaamacadda Beder-faraceeda Boorama ayaa xafiiskiisa ku qaabilay qoraaga buugga 'Furaha aan la fahmin' oo habeen dambe lagu soo bandhigi doono hoolka dawladda hoose ee magaalada Boorama.

Waxa uu gudoomiyuhu qoraaga si guud kusoo dhaweeyay magaalada si gaar ahna jaamacadda Beder.

07/07/2026

Waxa magaalada Boorama ka qabsoomi doona barnaamij lagaga hadli doono tiknoolajiyadda cusub, gaar ahaan, garaadka macmalka ah.

Barnaamijkan waxa soo jeedin doona C/majiid Muxumed oo khibrad durugsan uleh mawduucan.

Barnaamijku waxa uu qabsoomi doonaa 10/7/2026 habeenka Sabti soo galayso, waxana uu ka qabsoomi doonaa hoolka jaamacadda Beder ee magaalada Boorama insha Allah.

Si aad uga qayb noqoto kusoo biir group what's appkan hoose:

https://chat.whatsapp.com/D4XlJYWvQdT7tmb2PRcTIe?s=cl&p=a&ilr=0&amv=1

05/07/2026

Buugga 'Furaha aan la fahmin' ayaa lagu soo bandhigi doonaa magaalada Boorama.

Buuggu waxa uu ka hadlayaa dhismaha qofka, qoyska iyo qarankaba.

Buugga waxa lagu soo bandhigi doonaa hoolka dawladda hoose ee magaaladda Boorama 9/7/2026 habeenka jimce soo galayo.

Si aad uga qaybnoqoto martida bandhiga kusoo biir what's app groupkan:

https://chat.whatsapp.com/Lp1L5vEdca66sbVouR3a3Y?s=cl&p=a&ilr=0&amv=1

28/06/2026

Waxa aannu dhamaan bulshoweynta ku dhaqan magaalada Boorama ku martiqaadaynaa kasoo qaybgalka bandhigga buugga 'Furaha aan la fahmin'

Goorta: 9/7/2026 habeenka Jimce soo galayo
Goobta: Hoolka dawladda hoose ee magaalada Boorama.

Kasoo qaybgalkiinu waa noo muhiim iyo dhiirigalin aynu dhiirigalinayno qoraaga da'da yar ee magaalada Jigjiga inooga soo safartay.

22/06/2026

Bulshoweynta magaalada Boorama iyo buugga 'Furaha aan la fahmin'

Wakhti dhaw waxa aannu shaacin doonnaa wakhtiga, goobta iyo qaabka uu uqabsoomayo bandhigga buuggu insha Allah.

20/06/2026

Bulshawaynta magalaada Boorama iyo buugga 'Furaha aan la fahmin'

Dhawaan ayaa buugga lasoo bandhigi doonaa insha Allah.

Address

Borama

Opening Hours

16:00 - 18:00

Telephone

+252633768973

Website

facebook.com

Alerts

Be the first to know and let us send you an email when Ururka Milgo-reeb posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Ururka Milgo-reeb:

Want your organization to be the top-listed Non Profit Organization in Borama?