Balcad Community Centre

Balcad Community Centre Contact information, map and directions, contact form, opening hours, services, ratings, photos, videos and announcements from Balcad Community Centre, Youth Organization, W Balcad, Balcad.

Balcad Community is youth non Governmental Organization play a critical part in developing society, improving community and Social movements "Let's Make Our District Better Together"
"Balcad Together As One"
οΏ½οΏ½ We Love Our Country Somalia οΏ½οΏ½

𝐁𝐚π₯𝐜𝐚𝐝 π’π­πšπ« 𝐅𝐂 𝐨𝐨 𝐒𝐬𝐀𝐚 𝐱𝐚𝐚𝐝𝐒𝐫𝐒𝐬𝐚𝐲 π…π’π§πšπ₯𝐀𝐚 π‡π¨π«π²πšπšπ₯𝐀𝐚 π‡πžπžπ«π€πš 𝟏-𝐚𝐚𝐝 𝐞𝐞 πƒπžπ π¦πšππš 𝐁𝐚π₯𝐜𝐚𝐝.
30/01/2026

𝐁𝐚π₯𝐜𝐚𝐝 π’π­πšπ« 𝐅𝐂 𝐨𝐨 𝐒𝐬𝐀𝐚 𝐱𝐚𝐚𝐝𝐒𝐫𝐒𝐬𝐚𝐲 π…π’π§πšπ₯𝐀𝐚 π‡π¨π«π²πšπšπ₯𝐀𝐚 π‡πžπžπ«π€πš 𝟏-𝐚𝐚𝐝 𝐞𝐞 πƒπžπ π¦πšππš 𝐁𝐚π₯𝐜𝐚𝐝.

πŸ—“ Furitaanka Tartanka kubada cagta naadiyada heerka 1aad ee Degmada Balcad - 2025Balcad – 05 December 2025πŸ“ Garoonka Deg...
05/12/2025

πŸ—“ Furitaanka Tartanka kubada cagta naadiyada heerka 1aad ee Degmada Balcad - 2025

Balcad – 05 December 2025
πŸ“ Garoonka Degmada Balcad

FT: Iridoole FC 1️⃣ – 0️⃣ B. Star FC

Waxaa si rasmi ah maanta loo daah-furay tartanka kubadda cagta ee naadiyada heerka 1-aad ee degmada Balcad, kaasoo sanad kasta lagu qabto garoonka degmada si loo xoojiyo isdhexgalka bulshada, kor loogu qaado xirfadda ciyaartooyda iyo dhalinyarada.

Munaasabadda furitaanka waxaa goob-joog ka ahaa mas’uuliyiin ka tirsan Maamulka Degmada Balcad oo ugu h**eeyo Gudoomiyaha Degmada Balcad Qaasim Cali Nuur, ururrada dhallinyarada iyo taageerayaal aad u farabadan oo ka kala socday xaafadaha degmada.

Kulanka ugu horreeyay ee lagu furay tartanka ayaa dhex maray Iridoole FC iyo Balcad Star FC. Labada kooxood oo si ciyaar adag u soo bandhigay, ayaa ugu dambeyn waxaa guusha ku raacday Iridoole oo 1 – 0 kaga adkaatay B. Star.

Waxaana lagu wadaa in maalmaha soo socda ay si habsami leh u socon doonaan kulamada kala duwan ee kooxaha ka qeybgalaya tartanka heerka 1-aad ee degmada Balcad.

.

ISKU-AADKA TARTANKA KUBADDA CAGTANAADIYADA HEERKA 1-AAD EE DEGMADA BALCAD – 2025. Isku aadka Tartanka kubadda cagta ee h...
29/11/2025

ISKU-AADKA TARTANKA KUBADDA CAGTA
NAADIYADA HEERKA 1-AAD EE DEGMADA BALCAD – 2025.

Isku aadka Tartanka kubadda cagta ee heerka 1-aad ee Degmada Balcad ayaa si rasmi ah loo shaaciyey xalay iyadoo la soo bandhigay isku-aadka (Group-yada) kooxaha ka qeyb gelaya xilli ciyaareedkan.

Tartankaan uu soo qaban-qaabiyay Xiriirka Kubada Cagta Degmada Balcad, Tartankaan ayaa ka mid ah kuwa ugu xiisaha badan ee ka dhaca Degmada Balcad, waxa uuna soo jiitaa taageerayaal fara badan maadaama uu yahay madal lagu soo bandhigo kartida iyo hibada ciyaartoyda da’da yar ee Balcad.

Ujeedooyinka iyo muhiimadda tartankaan ayaa ah:

1. Kor u qaadidda isdhexgalka dhalinyarada Degmada Balcad.
2. In la dhiirrigeliyo ciyaartooyda degmada.
3. In la helo ciyaartoy tayo sare leh oo mustaqbalka u gudbi kara kooxaha heerarka sare ee dalka.
4. In la xoojiyo tartanka iyo hibada ciyaareed ee naadiyada deegaanka.

Tartankan ayaa ka dhigan fursad weyn oo lagu kobcinayo ciyaaraha Balcad, laguna soo bandhigi doono ciyaaro adag oo xiiso leh. Kooxaha ayaa diyaar u ah inay taageerayaashooda u soo bandhigaan xilli ciyaareed ka fiican kuwii h**e, waxaana la filayaa in jadwalka kulamada mar dhaw la shaaciyo.

.

Hambalyo & Bogaadin Arday F4.Bahda Balcad Community Centre waxay hambalyo gaar ah u direysaa Qadro Axmed Cabdiraxmaan oo...
24/08/2025

Hambalyo & Bogaadin Arday F4.

Bahda Balcad Community Centre waxay hambalyo gaar ah u direysaa Qadro Axmed Cabdiraxmaan oo kaalinta 7aad ka gashay imtixaanka qaranka ee fasalka 12aad, iyadoo ka tirsan Dugsiga Maclow Abiikar – Balcad, Hirshabeelle State, isla markaana heshay 91.38%.

Sidoo kale, waxaan hambalyo iyo bogaadin u diraynaa guud ahaan ardayda Soomaaliyeed ee gudubtay imtixaanka dugsiyada sare ee ay qaaday Wasaaradda Waxbarashada, Hidaha iyo Tacliinta Sare ee XFS.

Guushan waa mid sharaf iyo sumcad u ah bulshada Balcad, Hirshabeelle, iyo guud ahaan shacabka Soomaaliyeed.

Waxaan u rajeyneynaa ardayda dhammaan guul, horumar iyo mustaqbal ifaya. 🌹✨

.

Balcad May 4, 2025.OGEYSIIS MUHIIM AH – Imtixaanka Shahaadiga ee Fasalka 8aad--------------------------------Wasaaradda ...
04/05/2025

Balcad May 4, 2025.
OGEYSIIS MUHIIM AH – Imtixaanka Shahaadiga ee Fasalka 8aad
--------------------------------
Wasaaradda Waxbarashada iyo Tacliinta Sare ee Dowladda Hirshabelle ayaa si rasmi ah u shaacisay in imtixaanka shahaadiga ee fasalka 8aad ee sanad-dugsiyeedka 2024–2025 uu bilaaban doono maalinta Sabtida ah ee 21-ka Juun 2025, wuxuuna socon doonaa ilaa 24-ka Juun 2025.

Imtixaankan oo ah kii lixaad ee mideysan ee ay qaadayso Wasaaradda, ayaa ujeedkiisu yahay:

1. In la xoojiyo tayada waxbarashada.
2. In la mideeyo nidaamka imtixaanka dhammaan dugsiyada ku yaalla gobollada iyo degmooyinka Hirshabelle.

Wasaaradda waxay faraysaa dhammaan dugsiyada leh fasalka 8aad in ay si buuxda isugu diyaariyaan qabsoomidda imtixaanka, ayna ardayda wacyigeliyaan si ay u muujiyaan dadaal iyo feejignaan.

Sidoo kale, waxaa la farayaa Maamullada Dugsiyada iyo Macallimiinta:

1. In ay xaqiijiyaan dhameystirka manhajka.
2. In ay ardayda siiyaan fursad ay dib ugu eegaan casharrada.
3. Si loo gaaro natiijooyin sare oo lagu faano.

Balcad Community Centre waxay u rajeynaysaa dhammaan ardayda fasalka 8aad guul iyo guul darajo leh!

β€” DHAMMAAD β€”

.

09/04/2025

Kaalay nagula dalxiis Balcad Barwaaqo.
The Greenland ☘️β™₯️✌️

.

31/03/2025

Haddii aadan Balcad u dalxiis tagin, ma adigaaba ciiday.
Ciideysigaada waa ku celis.

Ma huraan Balcad, dhulkii dooga iyo barwaaqada.

Ciid wanaagsan dhammaan Bulsha-weynta Degmada Balcad iyo guud ahaan ummada Soomaaliyeed. Farxad iyo Rayn-rayn ku ciida. πŸŽ†πŸŒ™πŸŽ‰

.

Xafladda Abaalmarinta Tartanka Quraanka Kariimka ee Degmada Balcad oo qabsoontay. Maalintii Khamiista ahayd ayaa degmada...
28/03/2025

Xafladda Abaalmarinta Tartanka Quraanka Kariimka ee Degmada Balcad oo qabsoontay.

Maalintii Khamiista ahayd ayaa degmada Balcad lagu qabtay xafladda abaalmarinta ardaydii ku guuleysatay tartankii Quraanka Kariimka ee bisha barakaysan ee Ramadaan. Tartankan oo ahaa mid heer sare ah ayaa waxaa ka qeyb galay 40 arday oo ku tartamay afar qeybood oo kala duwan, iyada oo la abaalmariyay ardaydii kaalmaha h**e gashay.

Tartanka oo lagu qiimeeyay heerka xifdinta Quraanka Kariimka iyo tajwiidkiisa ayaa waxaa guulo ka gaaray 12 Arday kuwaa oo la abaal mariyay.

Qeybta 30 Juz

Ardayda kaalmaha h**e gashay ee la abaal mariyay:

1. Salma Cabdinaasir Cilmi – $1,000 Dollar
2. Cabdiraxmaan Bishaar Cismaan – $700 Dollar
3. Xasan Axmed Isaaq – $500 Dollar

Qeybta 15 Juz

1. Yaasir Maxamed Maxamuud – $500 Dollar
2. Sakariye Cali Maxamed – $400 Dollar
3. Maxamed Cabduqaadir Cali – $300 Dollar

Qeybta 10 Juz

1. Xasan Saalim Xasan – $400 Dollar
2. Sayid Cali Cabdi Cali – $300 Dollar
3. Isaaq Ayuub Yusuf – $200 Dollar

Qeybta 5 Juz

1. Cabdiraxmaan Maxamed Cali – $300 Dollar
2. Cabdirisaaq Ibraahim Maalin – $200 Dollar
3. Maryam Cumar Axmed – $100 Dollar

Dhiirrigelinta Ardayda iyo Mahadcelin
Xafladda abaalmarinta oo ahayd mid si heer sare ah loo soo agaasimay ayaa lagu dhiirrigeliyay dhammaan ardaydii qeybta ka ahayd tartanka, iyadoo la bogaadiyay dadaalkooda iyo dedaalkii ay geliyeen xifdinta iyo barashada Quraanka Kariimka. Waxa sidoo kale mahad gaar ah loo jeediyay macalimiinta iyo qabanqaabiyaasha tartanka kuwaas oo si hagar la'aan ah ugu howlanaa sidii ay u qabsoomi lahaa tartanka loona kobcin lahaa aqoonta diinta islaamka ee bulshada ku dhaqan Degmada Balcad.

Maamulka Degmada Balcad oo taabagaliyay tartankaan ayaa bogaadiyay dadaalka ardayda iyo ka qaybqaadashada waalidiinta, macalimiinta iyo garsoorayaashii tartanka, iyagoo ballan qaaday in tartamada noocan oo kale ah la sii xoojin doono si kor loogu qaado barashada diinta iyo wanaagga bulshada.

Gunaanadkii Bahda Balcad Community Centre waxay bogaadineysaa Maamulka Degmada iyo guddigii qaban qaabada tartanka ee sida hagar la'aanta ah uga shaqeeyay qabsoomida tartankaan quruxda badan leh iyo dhammaan Dugsiyadii ka qeyb galay tartanka iyo garsoorayaasha sida quruxda badan leh qeybta uga ahaa tartanka Quraanka Kariimka ee bisha Ramadaan ee degmada Balcad, tartankaan wuxuu mar kale caddeeyay sida ay bulshadu ugu heelan tahay kor u qaadista xifdinta Quraanka iyo dhiirrigelinta dhalinyarada.

Xafladdan abaalmarinta waxay ahayd mid taariikhi ah oo lagu xasuusan doono dadaalka ardayda iyo kobcinta diinta Islaamka ee bulshada Soomaaliyeed.

Fadlan Share dheh.
.

Balcad, 21 Maarso, 2025.Maanta waxaa si rasmi ah Degmada Balcad loogu soo gabagabeeyay tartankii Qur'aanka Kariimka ee b...
21/03/2025

Balcad, 21 Maarso, 2025.

Maanta waxaa si rasmi ah Degmada Balcad loogu soo gabagabeeyay tartankii Qur'aanka Kariimka ee bisha barakaysan ee Ramadaan. Tartankan ayaa waxaa ka qaybgalay 40 arday oo iskugu jiray wiilal iyo gabdho, kuwaas oo ka kala socday ilaa 14 dugsi oo ku yaal degmada Balcad. Tartanku wuxuu ahaa mid lagu maamuusayay bisha Ramadaan iyo dhiirrigelinta xifdinta Qur'aanka Kariimka ee bulshada.

Ardayda tartameysay ayaa u qeybsanayd 4 kooxood, kuwaas oo ku tartamayay qeybaha kala duwan ee Qur'aanka Kariimka:

1. Qeybta 1aad: 30 juz
2. Qeybta 2aad: 15 juz
3. Qeybta 3aad: 10 juz
4. Qeybta 4aad: 5 juz

Tartanka ayaa lagu qabtay masjidka Iskuulka Imaamu Nawawi ee degmada Balcad, waxaana kasoo qeyb galay dhammaan qeybaha bulshada degmada Balcad.

Waxaa tartanka garsoorayaal ka ahaa macallimiin ka socda Jaamatul Qur'aan ee magaalada Muqdisho, kuwaas oo si hufan u ilaalinayay tartanka. Tartanka ayaa noqday mid aad u xiiso leh, iyadoo ardayda iyo macallimiinta ay muujinayaan kartidooda iyo dadaalkooda ku aaddan xifdinta Qur'aanka.

Ugu dambeyn, waxaa dhawaan qabsoomi doonto munaasabada abaalmarinta ardadii guuleysatay, xafladaasi oo lagu maamuusi doono ardayda ugu wanaagsan ee ku tartamay qaybaha kala duwan ee Qur'aanka iyo macalimiintooda, iyada oo lagu abaalmarin doono dadaalkooda iyo waxqabadkoodii qiimaha badanaa.

Mahadcelin iyo Gunaanad: Bahda Balcad Community Centre Waxay halkaan uga mahad celineysaa qabanqaabiyaasha tartanka ee isku howlay qabsoomida tartankaan quruxda badan leh iyo Maamulka Degmada Balcad oo lahaa taaba galinta tartanka.
Sidoo kale waxaa halkaan uga mahad celineenaa Macalimiinta oo muujiyay dadaalkooda iyo Garsoorayaashii tartanka ee sida quruxda badan uga qeyb qaatay tartanka.
.............. Dhammaad ...............

.

Maalmaha soo socda waxaa degmada Balcad ka dhacaya Tartanka Qur'aanka Kariimka ee bisha barakaysan ee Ramadaan. Tartanka...
17/03/2025

Maalmaha soo socda waxaa degmada Balcad ka dhacaya Tartanka Qur'aanka Kariimka ee bisha barakaysan ee Ramadaan. Tartankan waxaa ku tartami doona 40 arday oo iskugu jira wiilal iyo gabdho, kuwaas oo ka kala socda ilaa 14 dugsi oo ku yaal degmada Balcad.

Ardayda tartameysa ayaa u qeybsan ilaa 4 kooxood oo kala ah:

- Qeybta 1aad: Kooxdan ayaa ku tartami doonta 30 juz ee Qur'aanka.
- Qeybta 2aad: Kooxdan ayaa ku tartami doonta 15 juz ee Qur'aanka.
- Qeybta 3aad: Kooxdan ayaa ku tartami doonta 10 juz ee Qur'aanka.
- Qeybta 4aad: Kooxdan ayaa ku tartami doonta 5 juz ee Qur'aanka.

Tartanka waxaa taabagaliyay Maamulka Degmada Balcad oo ugu h**eeyo Guddoomiye Kasim Ali Nur, waxaana loogu talagalay in lagu xuso bisha Ramadaan iyo in la dhiirrigeliyo xifdinta Qur'aanka Kariimka ee bulshada.

Tartanka waxaa lagu qaban doonaa masjidka Iskuulka Imaamu Nawawi ee degmada Balcad, waxaana lagu martiqaadayaa dhammaan dadweynaha inay ka soo qayb galaan tartankaan qiimaha badan.

Waxaa la qorsheynayaa in tartanku uu noqdo mid xiiso leh oo dhiirrigeliyo tartamayaasha si ay ugu dadaalaan xifdinta Qur'aanka Kariimka.

Tani waxay noqonaysaa fursad fiican oo lagu soo bandhigo kartida macallimiinta Qur'aanka iyo ardayda, laguna abaalmariyo waxqabadkooda qiimaha badan, Insha Allah.

Tartankaan waxaa garsoorayaal ka ah macallimiin ka socda Jaamatul Qur'aan ee Magalada Muqdisho.

Fadlan Share dheh oo la wadaag asxaabtaada.
.

Balcad 17, Janaayo 2025. Waxaa farxad weyn u ah bulshada ku dhaqan Degmada Balcad iyo nawaaxigeeda in maanta xariga laga...
17/01/2025

Balcad 17, Janaayo 2025.
Waxaa farxad weyn u ah bulshada ku dhaqan Degmada Balcad iyo nawaaxigeeda in maanta xariga laga jaray labo qeyb oo muhiim u ah caafimaadka bulshada oo lagu soo kordhiyay adeegyadii uu horay u bixin jiray Cisbitaalka Guud ee Degmada Balcad Adeegyadaan oo kala ah qeybta Dhalmada iyo Adeegyada la xiriira oo ay ku jirto salaadda qalliinka "CS" iyo qeybta daryeelka degdega ah ee carruurta nafaqo-darrada la ildaran lagula tacaalo (Stabilization Center).

Waxaa xariga ka jaray qeybahaan cusub Wasiirka Wasaaradda Caafimaadka iyo Daryeelka Bulshada XFS, Dr. Cali Xaaji Aadam, waxaana wehlinayay masuuliyiin kale oo isugu jira heer Federal iyo heer Dowlad Goboleed. Waxaa ka mid ahaa Wasiiru Dowlaha Arrimaha Dibadda XFS, Xil. Cali Cumar "Cali Balcad", Guddoomiyaha Guddiga Arrimaha Bulshada Aqalka Sare Sen. Dr. Cusmaan Dufle, Agaasimaha Guud ee Wasaaradda Caafimaadka ee Hirshabelle, iyo Guddoomiyaha Maamulka Degmada Balcad Qaasim Cali Nuur ( Qaasim Furdug).

Sidoo kale, Guddiga Isbitaalka Guud ee Degmada Balcad waxay Wasiirka Wasaaradda Caafimaadka Dr. Cali Xaaji kala wareegeen gaari Ambalaas ah oo loogu adeegi doono bulshada Degmada Balcad.

Dib u howlgalinta Cisbitaalka Guud ee Degmada Balcad ayaa waxaa iska kaashaday bulshada deegaanka oo ku dhisay si iskaashi ah maadaama ay jirtay baahi weyn oo dhanka daryeelka caafimaadka degmada ah.

------------------------------

Address

W Balcad
Balcad

Website

Alerts

Be the first to know and let us send you an email when Balcad Community Centre posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Balcad Community Centre:

Shortcuts

Share

Category