HADAF Center for Research and Development

03/10/2026

Tababarka Macalimiinta ee
Ahmed Ali Maax - Taajir.

28/09/2026

21/09/2026

HADAF Official Statement on International Day of Peace: Core Pillars for Conflict Resolution in Sanaag (Baaq Nabadeed).

https://hadafcenter.org/hadaf-official-statement-on-international-day-of-peace-core-pillars-for-conflict-resolution-in-sanaag-baaq-nabadeed/?

21/09/2026

Munaasabadda Maalinta Nabadda Adduunka – 21-ka September.

Ku: Dhammaan shacabka sharafta leh ee Gobolka Sanaag
Ku: Waxgaradka, odayaasha, iyo dhinacyada ay khuseyso ee beelaha Muxumud iyo Bah-ogayslabe.

Assalamu Calaykum Waraxmatullaahi Wabarakaatuh,

Maanta oo ay taariikhdu tahay 21-ka September, oo ku beegan Maalinta Nabadda Adduunka, Hay’adda HADAF waxa ay baaq nabadeed oo xanbaarsan walaalnimo iyo niyad-sami u diraysaa dhammaan walaalaha dirirtu ku dhexmartay gobolka iyo guud ahaan bulshada Sanaag. Waxaan ugu baaqeynaa in la raaco jidka caqliga, la damiyo ficilada colaadda, lana faafiyo dhaqanka dulqaadka iyo wada-noolaanshaha rasmiga ah.

HADAF waxa ay ku baaqaysaa:
1. Joojinta Colaadda: Waxa aan ka codsaneynaa dhinacyada iska soo horjeeda in ay si degdeg ah u aqbalaan dadaallada dhexdhexaadinta, lagana fekero danta guudiyo mustaqbalka bulshada.

2. Dedejinta Nabadeynta iyo Dhexdhaxaadinta: Waxaan ugu baaqeynaa odayaasha dhaqanka, culimada, aqoonyahanka, dhallinyarada, iyo haweenka Gobolka Sanaag inay hormuud ka noqdaan nabadeynta iyo xallinta khilaafka taagan.

3. Xallinta Khilaafaadka Dhulka iyo Daaqsinta: Waxaan ku dhiirigelineynaa dhammaan dhinacyada inay u laabtaan ku-dhaqanka Shareecada Islaamka iyo Xeerka Soomaaliyeed ee cadaaladda ah, si loo xalliyo khilaafaadka la xiriira lahaanshaha dhulka iyo kheyraadka daaqsinta, si looga fogaado soo laabashada dhibaatooyinka.

4. ka hortagga wax kasta oo hurin kara Colaadaha : Gobolka Sanaag wuxuu wajahayaa caqabado waaweyn oo dhanka horumarinta, deegaanka, iyo dhaqaalaha ah. Waxaa bulshada ugu baaqaynaa in ay yareeyaan wax kasta oo keenaya khilaaf, wax yeelaaya midnimada, hurinaya colaadaha, sida: isticmaalka khaldan ee baraha bulshada (Social Media), maandooriyaha faafay iyo hubka ku jira gacmaha aan masuulka ahayn.

Shacabka Sharafta leh ee Sanaagow, Aan ka wada shaqeyno nabadda iyo wada noolaanshaha

"Waxaana dhab ah in Nabaddu ay tahay Nolol".

Waxa soo Saaraey : HADAF
Badhan, Sanaag – Somalia
21- sep-2026

19/09/2026

Sanaag region is historically one of the most remote and fragile territories in Somalia, experiencing a critical absence of active state institutions and a continuous deficit in foundational infrastructure development. This is heavily driven by its political classification as a ‘dispute area’, w...

18/09/2026

17/09/2026

Marti-sharafta ee ka qeybqaadan doona Shirweynaha 4-aad ee Nabadda ee PDRC, oo sannadkan ku suntan mowduuca "Nuglaanta, Dhismaha Dowladnimada & Nabadeynta Soomaaliya".

Maxamud Abdirahman Mohamud, Cilmibaare ka tirsan Xarunta Cilmi-baarista iyo Horumarinta ee HADAF (HADAF Center for Research and Development).

📍 Hoteelka Martisoor, Garowe | 21–23 Sebtembar 2026

15/09/2026

14/09/2026

Wacyigelinta Nabadda Sanaag.

14/09/2026

Innaa Lillaahi Wa Innaa Ilayhi!

Agaasimaha, Golaha La-talinta, maamulka, iyo shaqaalaha xarunta (PDRC) waxay tacsi tiiraanyo leh u dirayaan qoyska, ehelada, saaxiibbada, iyo dhammaan shacabka Soomaaliyeed ee ay ka geeriyootay Alle ha naxariistee marxuumad Hawa Aden Mohamed (Mama Hawa), oo ahayd xaaskii Allaha u naxariistee Cabdiraxmaan Cabdille Shuuke oo ka mid ahaa aasaaseyaasha xarunta PDRC.

Marxuumad Mama Xaawa waxay ahayd qof qaran oo safka h**e uga jirta u ololeynta xuquuqda haweenka iyo carruurta, waxbarashada, iyo aasaasaha xarunta Galkayo Education Center for Peace and Development (GECPD), halkaas oo ay muddo dheer soo hoggaamineysay. Waxaan Alle uga baryeynaa inuu marxuumadda ka waraabiyo Jannatul Firdowsa, samir iyo iimaanna naga wada siiyo qoyskeeda, eheladeeda, iyo dhammaan ummadda Soomaaliyeed.

TAARIIKH NOLOLEEDKA MARXUUMAD XAAWO AADAN MOHAMED (MAMA XAAWA).

Hawa Aden Mohamed waxay ku dhalatay 1949-kii magaalada Baydhabo ee dalka Soomaaliya, iyada oo waxbarashadeeda ku qaadatay dalka iyo dibadda. Waxa ay soo qabatay shaqooyin dhanka waxbarashada ah, iyada oo xilal kala duwan ka soo qabatay Wasaaraddii Waxbarashada ee Soomaaliya. Markii uu qarxay dagaalkii sokeeye ee Soomaaliya, waxay u qaxday dalka dibaddiisa iyadoo muddo qaxooti ku ahayd dalka Kanada. Sanadkii 1995-kii ayay si iskeed ah ugu soo noqotay dalka si ay gacan uga geysato gurmadka dadka barakacay. Sanadkii 1999-kii ayay magaalada Gaalkacyo ka aasaastay xarunta caanka ah ee Galkayo Education Center for Peace and Development (GECPD). Xaruntani waxay noqotay hoy lagu xannaaneeyo, wax lagu baro, laguna siiyo tababaro xirfadeed gabdhaha iyo haweenka ay saamaynta ba'an ku yeesheen colaadaha dalka ka jiray. Marxuumaddu waxay ahayd macallimad, hawlwadeen bulsho, iyo u-doode u taagan xuquuqda aadanaha.

ABAALMARINNADII IYO SHAHAADOOYINKII CAALAMIGA AHAA EE AY QAADATAY.

Hawa Aden Mohamed waxay dadaalkeeda bani'aadamnimo iyo waxbarasho ku mutaysatay abaalmarino iyo shahaadooyin caalami ah, oo ay ka mid yihiin:

Abaalmarinta Haweeneyda Sannadka (1994): Waxaa gudoonsiiyay Ontario Women's Directorate (Kanada).

Abaalmarinta Codadka Geesinimada (2001): Waxaa bixisay Women's Commission for Refugee Women and Children.

Abaalmarinta Caalamiga ah ee "Golden Doves for Peace" (2006): Waxaa la guddoonsiiyay abaalmarintan nabadda ee ay bixiso hay'adda Talyaaniga ah ee Archivio Disarmo.

Abaalmarinta Qaxootiga ee UNHCR Nansen (2012): Waa mid ka mid ah billadaha ugu waaweyn ee caalamka, taas oo ay u aqoonsatay UNHCR adeeggyada muhiimka ee ay u hayso haweenka iyo gabdhaha barakacayaasha ah ee Soomaaliyeed.

Abaalmarinta TRT World Citizen Educator Award (2019): Abaalmarintaan oo ahayd mid loogu aqoonsaday doorkeedii hanka iyo hagar la'aanta ahaa ee dhanka waxbarashada iyo horumarinta bulshada.

In kastoo geeridu xaq tahay, waxaa hubaal ah in ay Soomaalidu si weyn u tebi doonto kaalinteedii lama-illaawaanka ahayd MAMA HAWA ADAN CAMEEY.