OZ molody.Rusyny

01/06/2026

🌿 15. RUSYŇSKA VATRA / PROGRAM/ Malŷj Lypnyk / 10. - 12. jul 2026 👌

👉 Folklorna grupa Osturňanka vŷnykla v 2010-ŷm roci a svij repertoar dodnes’ čerpať z grekokatolŷc’koho horalskoho razovitoho sela Osturňa, kotre mať špecifičnŷj tradičnŷj odev, folklornŷj projav i originalnu bis’idu. Na Rusyňskij vatri s’a peredstavľať po peršij raz a poťišať nas pastŷrskŷma spivankamy а parobskŷma i ďivockŷma spivankamy. 🤩👏

FS Osturňanka

👉 Program MOZAIKA REGIONU - Kolo sebe je muzyčno-tanečnŷm dialogom dvoch etnografičnŷch grup - Guraliv a Rusyniv, kotrŷ po generaciji žŷjuť v našim regioňi. Choc každa z nych mer’kuje i choronyť svoju identitu, viďity možeme i mnohŷ spoločnŷ znakŷ v jich tanc’och i spivankach. Vkažeme vam, v čim suť Gurali i Rusynŷ podobnŷ a v čim sobi každŷj trymle toto svoje, od guralskoj muzykŷ a křesanego až po veceholosnŷj rusyňskŷj spiv a kolomŷjku. ❤😍

Avtorka programu: Aleksandra Bachledova 🤝

Poďija je realizovana z finančnov pidporov:
🔸 Fondu na pidporu kulturŷ narodnostnŷch menšŷn Fond na podporu kultúry národnostných menšín
🔸 SLOVAKIA TRAVEL Slovakia Travel
🔸 Pr’ašivskoho samospravnoho kraju Prešovský samosprávny kraj

------

🌿 15. РУСИНЬСКА ВАТРА / ПРОҐРАМ/ Малый Липник / 10. - 12. юл 2026 👌

👉 Фолклорна ґрупа Остурнянка выникла в 2010-ым році а свій репертоар доднесь черпать з ґрекокатолыцького горалского разовітого села Остурня, котре мать шпеціфічный традічный одев, фолклорный прояв і оріґіналну бісїду. На Русиньскій ватрі ся передставлять по першій раз а потїшать нас пастырскыма співанками а паробскыма і дївоцкыма співанками. 🤩👏

👉 Проґрам МОЗАІКА РЕҐІОНУ - Коло себе є музично-танечным діалоґом двох етноґрафічных ґруп - Ґуралів а Русинів, котры по ґенерації жыють в нашім реґіонї. Хоц кажда з них мерькує і хоронить свою ідентіту, відїти можеме і многы сполочны знакы в їх танцёх і співанках. Вкажеме вам, в чім суть Ґуралі і Русины подобны а в чім собі каждый тримле тото своє, од ґуралской музикы а кřесанеґо аж по вецеголосный русиньскый спів а коломыйку. ❤😍

Авторка проґраму: Александра Бахледова 🤝

Подїя є реалізована з фінанчнов підпоров:
🔸 Фонду на підпору културы народностных меншын
🔸 СЛОВАКІА ТРАВЕЛ
🔸 Пряшівского самосправного краю

29/05/2026

🌿 15. RUSYŇSKA VATRA / PROGRAM/ Malŷj Lypnyk / 10. - 12. jul 2026 👌

👉 Taňci i spivankŷ z rusyňskoho sela Čirč nam ponukne Folklornŷj ansambeľ Bardiov z Bardijova. Osnovaly ho molodŷ ľude v 2019-ŷm roci, kotrŷ s’a zanymajuť tradičnov ľudovov kulturov v centri hornoho Šariša. Aktualno ho tvor’ať škoľari osnovnŷch škol i študentŷ seredňich a vŷsokŷch škol. Program zo sela Čirč vŷtvoryly na osnovi terennoho badaňa v seli Čirč. 👍

Fs Bardiov

👉 Program MOZAIKA REGIONU - Kolo sebe je muzyčno-tanečnŷm dialogom dvoch etnografičnŷch grup - Guraliv a Rusyniv, kotrŷ po generaciji žŷjuť v našim regioňi. Choc každa z nych mer’kuje i choronyť svoju identitu, viďity možeme i mnohŷ spoločnŷ znakŷ v jich tanc’och i spivankach. Vkažeme vam, v čim suť Gurali i Rusynŷ podobnŷ a v čim sobi každŷj trymle toto svoje, od guralskoj muzykŷ a křesanego až po veceholosnŷj rusyňskŷj spiv a kolomŷjku. ❤😍

Avtorka programu: Aleksandra Bachledova 🤝

Poďija je realizovana z finančnov pidporov:
🔸 Fondu na pidporu kulturŷ narodnostnŷch menšŷn Fond na podporu kultúry národnostných menšín
🔸 SLOVAKIA TRAVEL Slovakia Travel
🔸 Pr’ašivskoho samospravnoho kraju Prešovský samosprávny kraj

-----

🌿 15. РУСИНЬСКА ВАТРА / ПРОҐРАМ/ Малый Липник / 10. - 12. юл 2026 👌

👉 Таньці і співанкы з русиньского села Чірч нам понукне Фолклорный ансамбель Бардіов з Бардіёва. Основали го молоды люде в 2019-ым році, котры ся занимають традічнов людовов културов в центрі горного Шаріша. Актуално го творять школярі основных школ і штуденты середнїх а высокых школ. Проґрам зо села Чірч вытворили на основі теренного баданя в селі Чірч. 👍

👉 Проґрам МОЗАІКА РЕҐІОНУ - Коло себе є музично-танечным діалоґом двох етноґрафічных ґруп - Ґуралів а Русинів, котры по ґенерації жыють в нашім реґіонї. Хоц кажда з них мерькує і хоронить свою ідентіту, відїти можеме і многы сполочны знакы в їх танцёх і співанках. Вкажеме вам, в чім суть Ґуралі і Русины подобны а в чім собі каждый тримле тото своє, од ґуралской музикы а křesanego аж по вецеголосный русиньскый спів а коломыйку. ❤😍

Авторка проґраму: Александра Бахледова 🤝

Подїя є реалізована з фінанчнов підпоров:
🔸 Фонду на підпору културы народностных меншын
🔸 СЛОВАКІА ТРАВЕЛ
🔸 Пряшівского самосправного краю

28/05/2026

✨ SPIVANA PROHUĽKA na 15. Rusyňskij vatri v Malŷm Lypnyku 👏😍

👉 V ramkach suprovodnoho programu festivalu vam peredstavyme krasnŷj projekt pro rusyňskŷ ďitočkŷ i molodŷ rodyny - Spivana prohuľka. 👏

🕕 Koly: v pjatnic’u, 10. jula 2026 od 18:00 h

Ťišŷty s’a možete na:
✅ bis’idu iz interpretamy, kotrŷ nahravajuť spivankŷ v ramkach projektu - Ivanov Brillovov, Darijov Kočan a Ivanom HEKTOROM Hudakom, ❤
✅ i dalšŷ aktivitŷ jak kviz pro ďity, navčaňa slov spivanok, maľovaňa obrazikiv pro ďity i rusyňskŷj kviz pro malŷch i velykŷch.

👉 Kulturno-muzyčnŷj projekt Spivana prohuľka vŷnyknuv pid zastrešiňom o.z. molodŷ.Rusynŷ a stojiť za nym Martina Leňova, Zdenka Citriakova i Lea Vas’kova. Choče pydporyty chosnovaňa rusyňskoho jazŷka v rodynach a prybyžŷty ho ďiťom atraktivnov i pryrodzenov formov.
👉 Na projekťi beruť učasť profesionalnŷ interpretŷ rusyňskoho pochodžiňa i ďitskŷ interpretŷ, v kotrŷch interpretaciji už zanedovho učujete modernŷ avtorskŷ spivankŷ v rusyňskŷm jazŷku pro ďity.

-----

✨ СПІВАНА ПРОГУЛЬКА на 15. Русиньскій ватрі в Малым Липнику 👏😍

👉 В рамках супроводного проґраму фестівалу вам передставиме красный проєкт про русиньскы дїточкы і молоды родини - Співана прогулька. 👏

🕕 Коли: в пятніцю, 10. юла 2026 од 18:00 г

Тїшыти ся можете на:
✅ бісїду із інтерпретами, котры награвають співанкы в рамках проєкту - Іванов Брілловов, Даріёв Кочан а Іваном ГЕКТОРОМ Гудаком, ❤
✅ і далшы актівіты як квіз про дїти, навчаня слов співанок, малёваня образіків про дїти і русиньскый квіз про малых і великых.

👉 Културно-музичный проєкт Співана прогулька выникнув під застрешінём о.з. молоды.Русины а стоїть за ним Мартіна Ленёва, Зденка Цітріакова і Леа Васькова. Хоче пидпорити хоснованя русиньского языка в родинах а прибижыти го дїтём атрактівнов і природзенов формов.
👉 На проєктї беруть участь професіоналны інтерпреты русиньского походжіня і дїтскы інтерпреты, в котрых інтерпретації уж занедовго учуєте модерны авторскы співанкы в русиньскым языку про дїти.

26/05/2026

🌿 15. RUSYŇSKA VATRA / PROGRAM/ Malŷj Lypnyk / 10. - 12. jul 2026 👌

👉 Jubilejnŷj ročnyk Rusyňskoj vatrŷ tancamy i spivankamy z dolnoho i seredňoho Spiša zbohatyť Folklornŷj ansambeľ Čačina zo Spišskoj Novoj Vsi, kotrŷj na sceňi ďije už vece jak 50 rokiv. Dnes’ je generačňi omolodežnŷj a minuloho roku s’a odprezentovav z novŷm profilovŷm programom pid nazvov ČloveČiny, kotroho avtorŷ s’a zamir’aly na region Spiša. Jak raz fragmentŷ z toho programu budete moči viďity v programi Vitajte sus’idove. ❤😍👏

Folklórny súbor Čačina

👉 Vitajte sus’idove - Valachi seu Rutheni - je nazva druhoho subotnoho programu na 15. ročnyku festivalu Rusyňska vatra. Peredstavyť muzyčnŷj i tanečnŷj folklor rusyňskŷch sel seredňoho Spiša, kotrŷ bŷly naselenŷ valaskov kolonizacijov. Program choče poukazaty na vŷznam valasko-rusyňskoj kolonizaciji pri tvoriňu kulturnoj identitŷ seredňoho Spiša.

Avtor programu: Peter Kovač

Poďija je realizovana z finančnov pidporov:
🔸 Fondu na pidporu kulturŷ narodnostnŷch menšŷn Fond na podporu kultúry národnostných menšín
🔸 SLOVAKIA TRAVEL
🔸 Pr’ašivskoho samospravnoho kraju samosprávny kraj

-------

🌿 15. РУСИНЬСКА ВАТРА / ПРОҐРАМ/ Малый Липник / 10. - 12. юл 2026 👌

👉 Юбілейный рочник Русиньской ватры танцами і співанками з долного і середнёго Спіша збогатить Фолклорный ансамбель Чачіна зо Спішской Новой Всі, котрый на сценї дїє уж веце як 50 років. Днесь є ґенерачнї омолодежный а мінулого року ся одпрезентовав з новым профіловым проґрамом під назвов ЧловеЧіни, котрого авторы ся заміряли на реґіон Спіша. Як раз фраґменты з того проґраму будете мочі відїти в проґрамі Вітайте сусїдове. ❤😍👏

Фолклóрни сúбор Чачіна

👉 Вітайте сусїдове - Валахі сеу Рутгені - є назва другого суботного проґраму на 15. рочнику фестівалу Русиньска ватра. Передставить музичный і танечный фолклор русиньскых сел середнёго Спіша, котры были населены валасков колонізаціёв. Проґрам хоче поуказати на вызнам валаско-русиньской колонізації прі творіню културной ідентіты середнёго Спіша.

Автор проґраму: Петер Ковач

Подїя є реалізована з фінанчнов підпоров:
🔸 Фонду на підпору културы народностных меншын
🔸 СЛОВАКІА ТРАВЕЛ
🔸 Пряшівского самосправного краю

26/05/2026

📣 POZOR SÚŤAŽ! 📣 МЕРЬКУЙ КОНКУРЗ! 📣 ATTENTION, GIVEAWAY!

Traja z vás môžu vyhrať 2 kusy CD Spivana prohuľka hneď po jeho vydaní.
Podmienky súťaže:
✅ Sledujte stránku Prohuľka – Прогулькa
✅ Do komentára napíšte, na pesničku ktorého interpreta alebo interpretov sa najviac tešíte, a označte osobu, ktorej by ste darovali druhé CD
✅ Verejne zdieľajte tento príspevok

Súťaž končí 2. 6. 2026.
Žrebovanie prebehne 3. 6. 2026.
Držíme vám palce ! 🔅

----
Троє з вас можуть выграти 2 компактны діскы (CD) Співана прогулька такой по ёго
выданю.
Условія конкурзу:
✅ Слїдуйте сторінку Prohuľka – Прогулька
✅ До коментаря напиште, на співанку котрого інтерпрета або інтерпретів ся найвеце
тїшите, і означте особу, котрій бы сьте даровали друге CD
✅ Публічно ся подїльте о тот пост.

Конкурз кончіть 2. юна 2026. Вылосованя ся одбуде 3. юна 2026.
Тримаме вам палцї!🔅

----
ATTENTION, GIVEAWAY!
Three of you can win 2 copies of the CD Spivana prohuľka right after its release.
Giveaway rules:
✅ Follow the page Prohuľka – Прогулька
✅ In the comments, write which performer’s song or performers’ songs you are most looking
forward to, and tag the person you would give the second CD to
✅ Share this post publicly
The giveaway ends on 2 June 2026.

The draw will take place on 3 June 2026.
Good luck! 🔅

____
Tento projekt je realizovaný s finančnou podporou Fondu na podporu kultúry národnostných menšín.

#русины #прогулька

24/05/2026

🌿15. RUSYŇSKA VATRA / PROGRAM/ Malŷj Lypnyk / 10. - 12. jul 2026 👌

👉 V ramkach koncertu Večur rusyňskŷch holosiv, kotrŷj perepojuje narodnu, duchovnu i modernu rusyňsku muzyku a spivanku, nas svojima holosamy v pjatnic’u poťišŷť i Spivacka grupa Stoličnoho džŷvkŷ z Velykoho Lypnyka. V jich interpretaciji sobi vŷsluchame duchovnu pisňu i narodnu spivanku z jich rodnoho sela. 😍🤩👏

Stoličnoho džyvky

👉 Grupa Stoličnoho džŷvkŷ začinaly spivaty jak tri, dnes’ suť už štyry, pryčim ide o rodynne zoskupliňa. Vo svojim repertoaru prezentujuť peredovšŷtkŷm narodnŷ spivankŷ svoho rodnoho sela, kotrŷm je Velykŷj Lypnyk v okresi Stara Ľubovňa. Tot s’a vŷznačuje špecifičnŷm i unikatnŷm dialektom rusyňskoho jazŷka, ovplyvnenŷm goralskŷma dialektamy v okolyc’i na Zamaguri. Ďivčata možete poznaty i z televiznoj relaciji Zemľa spivať. Naj vas ale nesplete to, že Velykŷj Lypnyk s’a nachodyť kolo toho Maloho Lypnyka. Oďďiľuje jich asi 30 km drahŷ čerez misto Stara Ľubovňa. 😉🤓

Serdečňi pozŷvame. ❤

Poďija je realizovana z finančnov pidporov:
🔸 Fondu na pidporu kulturŷ narodnostnŷch menšŷn Fond na podporu kultúry národnostných menšín
🔸 SLOVAKIA TRAVEL Slovakia Travel
🔸 Prjašivskoho samospravnoho kraju Prešovský samosprávny kraj

------

🌿15. РУСИНЬСКА ВАТРА / ПРОҐРАМ/ Малый Липник / 10. - 12. юл 2026 👌

👉 В рамках концерту Вечур русиньскых голосів, котрый перепоює народну, духовну і модерну русиньску музику а співанку, нас своїма голосами в пятніцю потїшыть і Співацка ґрупа Столічного джывкы з Великого Липника. В їх інтерпретації собі выслухаме духовну пісню і народну співанку з їх родного села. 😍🤩👏

👉 Ґрупа Столічного джывкы зачінали співати як трі, днесь суть уж штири, причім іде о родинне зоскупліня. Во своїм репертоару презентують передовшыткым народны співанкы свого родного села, котрым є Великый Липник в окресі Стара Любовня. Тот ся вызначує шпеціфічным і унікатным діалектом русиньского языка, овпливненым ґоралскыма діалектами в околицї на Замаґурі. Дївчата можете познати і з телевізной релації Земля співать. Най вас але несплете то, же Великый Липник ся находить коло того Малого Липника. Оддїлює їх асі 30 км драгы через місто Стара Любовня. 😉🤓

Сердечнї позываме. ❤

Подїя є реалізована з фінанчнов підпоров:
🔸 Фонду на підпору културы народностных меншын
🔸 СЛОВАКІА ТРАВЕЛ
🔸 Пряшівского самосправного краю

20/05/2026

👉 Serdečňi pozŷvame na folklornŷj festival do Kamjunkŷ v posľidnŷj majovŷj vikend. ❤🎼🎻🪗

➡️ I toho roku je naša organizacija partnerom Festivalu folkloru Rusyniv Slovenska v Kamjunci. 30. a 31. maja 2026 s’a odbude už joho 61. ročnyk a organizatorŷ pro navščivnykiv zas pryhotovyly interesnŷj i bohatŷj program.

➡️ Pjať programovŷch blokiv festivalu bude prochydyty v areaľi pryrodnoho amfiteatra Dubne a nediľna suťaž spivackŷch skupin zo severovŷchodňoj Slovakiji s’a odbude v Kulturnŷm domi v Kamjunc’i.

➡️ V programi vŷstupľať interpretŷ i folklornŷ kolektivŷ zo sela Kamjunka, z navkoľišňich sel i mista Stara Ľubovňa, ale i z inšŷch rusyňskŷch regioniv a spivom ci tancom vas potišať i hosty.

Ťišŷme s’a na vas v Kamjunc’i. 🥳

--------

👉 Сердечнї позываме на фолклорный фестівал до Камюнкы в послїдный маёвый вікенд. ❤🎼🎻🪗

➡️ І того року є наша орґанізація партнером Фестівалу фолклору Русинів Словенска в Камюнці. 30. а 31. мая 2026 ся одбуде уж ёго 61. рочник а орґанізаторы про навщівників зас приготовили інтересный і богатый проґрам.

➡️ Пять проґрамовых блоків фестівалу буде прохидити в ареалї природного амфітеатра Дубне а недільна сутяж співацкых скупін зо северовыходнёй Словакії ся одбуде в Културным домі в Камюнцї.

➡️ В проґрамі выступлять інтерпреты і фолклорны колектівы зо села Камюнка, з навколїшнїх сел і міста Стара Любовня, але і з іншых русиньскых реґіонів а співом ці танцом вас потішать і гости.

Тїшыме ся на вас в Камюнцї. 🥳

👉 KAMIENKA opäť ožije folklórom. 🎼🎻🥳

Ponúkame vám prehľad PROGRAMU 61. ročníka Festivalu folklóru Rusínov Slovenska KAMIENKA / КАМЮНКА 🎼🎻
✨ 30. - 31. máj 2026 | Kamienka, prírodný amfiteáter Dubne ✨

➡️ Tešiť sa môžete na 6 programových blokov, ktoré ponúknu zaujímavých účinkujúcich, odprezentujú rôzne prejavy tradičnej ľudovej kultúry a folklóru Rusínov či hostí z iných regiónov Slovenska a veríme, že vám prinesú aj mnoho krásnych zážitkov a momentov, na ktoré budete dlho spomínať. 😍

➡️ Festival je tiež príležitosťou na osobné stretnutia s rodinou, priateľmi, známymi či rodákmi, ktorých ste dlhšie nevideli. Vytvára priestor pre zachovanie a rozvíjanie rusínskej kultúrnej identity v modernom svete. Je miestom medzigeneračného i ľudského dialógu a oslavy spoločných koreňov. Príďte si teda tieto vzácne chvíle užiť do areálu prírodného amfiteátra Dubne v obci Kamienka. ❤🥳

➡️ Súčasťou programu festivalu bude v nedeľu o 13:00 hodine aj pietny akt pri pomníku padlých v 1. a 2. svetovej vojne pri kultúrnom dome, na ktorý nadviažeme krojovaným sprievodom obcou až k amfiteátru Dubne. Srdečne vás pozývame aj na túto aktivitu.👍

Organizátormi a partnermi podujatia sú:
Rusínska obroda na Slovensku
Obec Kamienka
Ľubovnianske osvetové stredisko Stará Ľubovňa
OZ molody.Rusyny

Podujatie je realizované s finančnou podporou:
Ministerstvo financií SR
Fond na podporu kultúry národnostných menšín
Prešovského samosprávneho kraja
a TIPOS, národnej lotériovej spoločnosti, a.s.

Pozvite svojich blízkych a priateľov do Kamienky v posledný májový víkend a príďte si užiť festivalovú atmosféru a vzácne chvíle. Tešíme sa na vás! ❤🎼🎻🪗

FS Barvinok z Kamienky
FS Ľubovňan
Marianna Železná
FSk Poráčan
Čerkoše
Inovské trio
Kečera
ŽSS Litmanivka
Folklórny súbor Vagonár

20/05/2026

Odkaz od MARIÁNA ČEKOVSKÉHO 🔥🎶
__
A message from the MARIÁN ČEKOVSKÝ🔥🎶
__
Справа од Маріяна Чековского🔥🎶

——

Tento projekt je realizovaný s finančnou podporou Fondu na podporu kultúry národnostných menšín.

#русины #прогулька

18/05/2026

🌿 15. RUSYŇSKA VATRA / PROGRAM/ Malŷj Lypnyk / 10. - 12. jul 2026 👌

👉 Festival Rusyňska vatra už tradičňi zaveršŷme v neďiľu, a to svjatov liturgijov a malŷm koncertom duchovnoj pisňi v mistnŷm grekokatolyc’kŷm chrami sv. Kozmu i Damijana v Malŷm Lypnyku. 😇 Toho roku naše pozvaňa pryjala Mužska spivacka grupa Šambriňci z nedalekoho rusyňskoho sela Šambron. 🥳😍

👉 Šambriňci už vece jak 10 rokiv prezentujuť rusyňskŷ narodnŷ spivankŷ zo svojoho rodnoho sela, kotrŷ s’a navčily od svojich ďidŷv i otciv. Okrim toho majuť vo svojim repertoari i duchovnŷ pisňi, jakŷ suť neoddumateľno zvjazanŷ z rusyňskov kulturov. Paru z nych nam ponuknuť v nediľu, 12. jula 2026, po sv. liturgiji a dovjedna z nyma zaveršŷme jubilejnŷj 15. ročnyk festivalu Rusyňska vatra. ❤

Poďija je realizovana z finančnov pidporov:
🔸Fondu na pidporu kulturŷ narodnostnŷch menšŷn Fond na podporu kultúry národnostných menšín
🔸SLOVAKIA TRAVEL

---------

🌿 15. РУСИНЬСКА ВАТРА / ПРОҐРАМ/ Малый Липник / 10. - 12. юл 2026 👌

👉 Фестівал Русиньска ватра уж традічнї завершыме в недїлю, а то святов літурґіёв а малым концертом духовной піснї в містным ґрекокатолицькым храмі св. Козму і Даміяна в Малым Липнику. 😇 Того року наше позваня прияла Мужска співацка ґрупа Шамбріньці з недалекого русиньского села Шамброн. 🥳😍

👉 Шамбріньці уж веце як 10 років презентують русиньскы народны співанкы зо своёго родного села, котры ся навчіли од своїх дїдыв і отців. Окрім того мають во своїм репертоарі і духовны піснї, якы суть неоддумательно звязаны з русиньсков културов. Пару з них нам понукнуть в неділю, 12. юла 2026, по св. літурґії а довєдна з нима завершыме юбілейный 15. рочник фестівалу Русиньска ватра. ❤

Подїя є реалізована з фінанчнов підпоров:
🔸Фонду на підпору културы народностных меншын Фонд на подпору култúри нáродностнýх меншíн
🔸СЛОВАКІА ТРАВЕЛ

17/05/2026

🌿 15. RUSYŇSKA VATRA / PROGRAM/ Malŷj Lypnyk / 10. - 12. jul 2026 👌

👉 V spivpraci z Rusyňskov obrodov na Slovensku vam v ramkach programu festivalu Rusyňska vatra i toho roku ponukneme koncert laureativ i uspišnŷch ocinenŷch interpretiv bŷvšŷch ročnykiv spivackoho konkurzu Spivŷ moho rodu. 🤩

👉 Narodnov spivankov z Jakubjan nas poťišŷť Spivacke trio Kečera, kotre samostatňi funguje od roku 2013, no peredtŷm joho členkŷ učinkovaly vo Folklornij grupi Kečera.
👉 Vo svojim repertoari prezentujuť tradičnŷ spivankŷ sela Jakubjanŷ na rozličnŷ temŷ: svadobnŷ, ľubostnŷ, robotnŷ, postnŷ ci žartovnŷ spivankŷ, ale i roždestvennŷ koľadŷ.
👉 Unikatnu atmosferu na svojich vŷstupiňach vŷtvar’ajuť vďaka trojholosnomu spivu bez muzyčnŷch nastrojiv a vďaka rusyňskomu dialektu.

Jich unikatnŷj spiv s’a v pjatnic’u, 10. jula, bude nesty i festivalovŷm arealom Rusyňskoj vatrŷ. ❤

Avtorka programu: Marianna Železna

Poďija je realizovana z finančnov pidporov:
🔸Fondu na pidporu kulturŷ narodnostnŷch menšŷn
🔸SLOVAKIA TRAVEL

--------

🌿 15. РУСИНЬСКА ВАТРА / ПРОҐРАМ/ Малый Липник / 10. - 12. юл 2026 👌

👉 В співпраці з Русиньсков обродов на Словенску вам в рамках проґраму фестівалу Русиньска ватра і того року понукнеме концерт лауреатів і успішных оціненых інтерпретів бывшых рочників співацкого конкурзу Співы мого роду. 🤩

👉 Народнов співанков з Якубян нас потїшыть Співацке тріо Кечера, котре самостатнї фунґує од року 2013, но передтым ёго членкы учінковали во Фолклорній ґрупі Кечера.
👉 Во своїм репертоарі презентують традічны співанкы села Якубяны на розлічны темы: свадобны, любостны, роботны, постны ці жартовны співанкы, але і рождественны коляды.
👉 Унікатну атмосферу на своїх выступінях вытваряють вдяка тройголосному співу без музичных настроїв а вдяка русиньскому діалекту.

Їх унікатный спів ся в пятніцю, 10. юла, буде нести і фестіваловым ареалом Русиньской ватры. ❤

Авторка проґраму: Маріанна Железна

Подїя є реалізована з фінанчнов підпоров:
🔸Фонду на підпору културы народностных меншын
🔸СЛОВАКІА ТРАВЕЛ #словакіатравел