Oppilan Association Singapore

Directions

Oppilan Association Singapore Contact information, map and directions, contact form, opening hours, services, ratings, photos, videos and announcements from Oppilan Association Singapore, Community Center, Singapore.

Oppilan Singapore Association empowers communities through education, networking & collaboration, focusing on sustainable growth, measurable impact & cultural enrichment to drive professional development & organizational excellence in Singapore.

Thank you Porto-Novo Association
09/10/2026

Thank you Porto-Novo Association

பூதமங்களம் (சிங்கப்பூர்) சங்கம் திறப்பு விழா –பூதமங்களம் (சிங்கப்பூர்) சங்கத்தின் திறப்பு விழா நாளான இன்று, அனைவருக்கும்...
04/10/2026

பூதமங்களம் (சிங்கப்பூர்) சங்கம் திறப்பு விழா –

பூதமங்களம் (சிங்கப்பூர்) சங்கத்தின் திறப்பு விழா நாளான இன்று, அனைவருக்கும் ஒப்பிலான் சங்கம் (சிங்கப்பூர் ) சார்பாக மனமார்ந்த வாழ்த்துக்களைத் தெரிவித்துக் கொள்கிறோம் .
சிங்கப்பூரில் வாழும் பூதமங்களம் மக்கள் ஒன்றிணைந்து, தங்கள் பண்பாடு, பாரம்பரியம் மற்றும் உறவுகளைப் பேணிப் பாதுகாக்கும் ஒரு அற்புதமான முயற்சியாக இந்தச் சங்கம் அமைந்துள்ளது. இது சமூகத்தின் ஒற்றுமைக்கும், அன்புக்கும், ஒத்துழைப்புக்கும்
அனைவரையும் ஒன்றிணைக்கும் ஒரு குடும்பமாகவும்,
இளைய தலைமுறையினருக்கு நம் மரபுகளைக் கற்றுக்கொடுக்கும் கல்விக்களமாகவும்,
தேவை இருப்போருக்கு உதவும் ஒரு சேவை அமைப்பாகவும்,
செயல்படவும் ,இந்த நல்ல முயற்சியைத் தொடங்கிய அனைத்து நிர்வாகிகளுக்கும்,
உறுப்பினர்களுக்கும்
வாழ்த்துக்களை தெரிவித்துக் கொள்கிறோம் .
இன்றைய நிகழ்வில் பூதமங்களம் பள்ளி வாசல் கட்டிடப் பணிக்கு
நல்ல பிணைப்பையும் நெகிழ்வுத்தன்மையையும் தரும் கருப்பட்டி ,பூஞ்சைக் காளான் பிடிக்காமல் இருக்க கடுக்காய் ,விரிசல் ஏற்படாமல் இருக்க நெல் உமி ,நீர் கசியாமல் இருக்க முட்டை வெள்ளைக் கரு
இவற்றை அரைத்து செய்த இடத்தின் படத்தை வைத்து சங்கத்தின் ஒற்றுமை
உறுதியான பள்ளி வாசல் சுவர்கள் போல் இருக்க வேண்டும் என்பதை காட்சிப் படுத்திய விதம் அருமை ..வாழ்க வளர்க
Millat Ahmad
Hamid Razak 贺明医生 ஹமீது

ஓவியன் கையில் கிடைத்த தூரிகை போல, கலைஞன் மனதில் தோன்றிய கவிதை போல என் மனதில் ஒப்பிலான் பற்றி பதிவாகி உள்ள நினைவுகள் பசு...
03/10/2026

ஓவியன் கையில் கிடைத்த தூரிகை போல, கலைஞன் மனதில் தோன்றிய கவிதை போல என் மனதில் ஒப்பிலான் பற்றி பதிவாகி உள்ள நினைவுகள் பசுவின் மடி தேடி ஓடும் கன்று போல தாய் வீடு என எண்ணினால், எண்ணத்தில் பூ மலர்வது போல மலர்ந்து மணம் வீசிய நாற்பதாண்டுக்கு முந்தைய என் தாய்மடியாம் ஒப்பிலான் எனும் என் நெய்தல் கிராமம் உண்மையில் இன்று கவனமற்று மாறி தெரிகிறதே என வருந்தி இதை யாரிடம் சொல்லி சீர்செய்ய என்ற எனது ஏக்கம் இறைவனின் செவிகளில் விழுந்ததோ எனும்படி இப்பெரும் முயற்சியாக "ஒப்பிலானின் நெய்தல் நில இயற்கை எழிலை பாதுகாக்க முன்னெடுத்திருக்கும் இம்முயற்சி நெய்தல் நில சமுதாயத்தின் சகல திசைகளையும் தரிசிக்க துடிக்கிற "ஒப்பிலான் அசோசியேசன்_ சிங்கப்பூர் " தான் செய்ய நினைக்கும் சிறப்புகளை சீரிய முறையில் செய்து சிறப்பற்றோங்க எல்லாம்வல்ல இறையோனிடம் இருகரமேந்தி இறைஞ்சுகறோம்

ஆசிரியர்
திருமதி ஜே. பேபி

ஒப்பிலான் சங்கம் - 1வது ஆண்டு விழா வாழ்த்து 🎉அன்பு நண்பர்களே,"ஒற்றுமையே பலம்" என்பதை நிரூபித்துக் காட்டிய ஒரு வருடம் இது...
03/10/2026

ஒப்பிலான் சங்கம் - 1வது ஆண்டு விழா வாழ்த்து 🎉

அன்பு நண்பர்களே,

"ஒற்றுமையே பலம்" என்பதை நிரூபித்துக் காட்டிய ஒரு வருடம் இது!

ஒப்பிலான் சங்கம் தொடங்கிய போது ஒரு சின்ன விதை; இன்று அது ஒரு வலுவான மரமாக வளர்ந்துள்ளது. இதற்குக் காரணம் நம் அனைவரின் அன்பும், உழைப்பும் தான்.

இந்த ஒரு வருடப் பயணத்தில் நீங்கள் சந்தித்த சவால்கள், பெற்ற வெற்றிகள் அனைத்தும் நினைவுகூரத்தக்கவை. இனி வரும் ஆண்டுகளில் நாம் இன்னும் பல சாதனைகளைப் படைக்க வேண்டும்.

சங்கத்தின் அனைத்து உறுப்பினர்களுக்கும் இனிய ஆண்டு நிறைவு வாழ்த்துகள்! 🥳

அப்துல் சமது
ஒப்பிலான் .

அன்புத் தமிழ் உறவுகளே, 01.10.26 இன்றைய நாள் உண்மையிலேயே இனிய நாளாக மாறியுள்ளது ! ஏனெனில் சிங்கையில் ஒப்பிலான் சங்கம் ...
03/10/2026

அன்புத் தமிழ் உறவுகளே,

01.10.26 இன்றைய நாள் உண்மையிலேயே இனிய நாளாக மாறியுள்ளது !
ஏனெனில் சிங்கையில் ஒப்பிலான் சங்கம் எனும் புதிய சுடர் (அமைப்பு) உதயமாகிய நாள்

ஒளி போல உதித்தது ஒப்பிலான் இன்று
ஒற்றுமையை விதைத்து அழைத்தது நன்று !
அன்பை வளர்க்கும் அருமைத் தாய்மைக்கு சிறப்பு
பண்பாட்டை காப்பதோர் வாழ்த்தியது களிப்பு!

இளையோர்க்கு தந்தது நம்பிக்கையின் நிழல்,
முதியோருக்கு அளித்தது மரியாதையின் குரல்!
நான்கு வாழ்த்துரை தந்தவர் நம் சிங்கை ஆளுமைகள்
தலைமுறைகள் தொடரும் வரை ஒப்பிலான் பெரும் பெருமைகள் !

நான் இதுவரை கண்ட எந்தத் திறப்பு விழாவும் இவ்வளவு பிரமாண்டமாகத் தோன்றியதில்லை,
ஏனெனில், “ஒப்பிலான்” என்ற பெயரே அதன் உயர்ந்த நோக்கத்தையும் தனித்துவத்தையும் வெளிப்படுத்துகிறது.
இச்சங்கம் தமிழ் மொழி, பண்பாடு, பாரம்பரியம் ஆகியவற்றின் காவலனாக, இளைஞர்களின் கனவுகளுக்குத் திசை காட்டும் வழிகாட்டியாக,சமூக முன்னேற்றத்தின் சுடராக விளங்கட்டும்.

ஒற்றுமை, அன்பு, பண்பு, வளர்ச்சி இந்த நான்கு தூண்களின்மேல் எழுந்து, ஒப்பிலான் சங்கம் பல தலைமுறைகளுக்கும் ஒரு பெருமைமிகு அடையாளமாக நிலைத்திட உளமாற வாழ்த்துகிறோம்!

-மஹா ஜபீன்

மாறாத அன்பும் ♥️
மறவாத நன்றியும் 🙏
அ. மஹ்ஜபீன்
தாரகை முத்தமிழ்க் கழகம், சிங்கப்பூர் 🇸🇬

என் அன்புக்குரிய ஒப்பிலான் உறவுகளுக்கு…‘ஒப்பிலான்’ – பெயரில் மட்டுமல்ல, ஒற்றுமையிலும்❤️‍🩹ஆரம்ப விழாவையே பிரம்மாண்டமாகத் ...
03/10/2026

என் அன்புக்குரிய ஒப்பிலான் உறவுகளுக்கு…

‘ஒப்பிலான்’ – பெயரில் மட்டுமல்ல, ஒற்றுமையிலும்❤️‍🩹

ஆரம்ப விழாவையே பிரம்மாண்டமாகத் தொடங்கி, இன்று முதலாம் ஆண்டு நிறைவை எட்டியிருக்கும் சிங்கப்பூர் ஒப்பிலான் சங்கத்தின் பயணம் உண்மையிலேயே நெகிழச் செய்கிறது.

அன்பும், ஒற்றுமையும், சகோதரத்துவமும் என்றும் நிலைத்திருக்க, இச்சங்கம் மென்மேலும் சிறப்புடன் பயணிக்க மனமார்ந்த வாழ்த்துகள்! ❤️🤲🤲🤲❤️

*ஒப்பற்ற ஒப்பிலான் ஓங்குக ஒற்றுமை* இன்று விதைத்த நல்லுறவு,நாளைய எதிர்காலத்திற்கு நிழல் தரும் விருட்சமாய் எழுக. கடல் கட...
02/10/2026

*ஒப்பற்ற ஒப்பிலான் ஓங்குக ஒற்றுமை*

இன்று விதைத்த நல்லுறவு,
நாளைய எதிர்காலத்திற்கு நிழல் தரும் விருட்சமாய் எழுக.

கடல் கடந்து,
உடல் வருத்தி,
நீங்கள் சிந்திய உழைப்பின் முத்துக்கள்,
சிங்கப்பூர் மண்ணில் ஒளிர்ந்து இந்தச் சங்கத்தை இன்று மலரச் செய்கின்றன.

அன்பெனும் அமுதத்தால்,
பாசமெனும் உணர்வால்,
பிணைப்பெனும் உறவால் கட்டப்படும் ஒப்பிலான் சங்கம்,
சிங்கப்பூரில் என்றும் நிலைபெற்று நிற்கட்டும்.
​பண்பாட்டின் வழியில்,
பிரிவில்லாத ஒற்றுமையுடன்,
வளங்கள் பல பெற்று,
கீர்த்தியுடன் வளர
மனமார்ந்த வாழ்த்துக்கள்!

இது வெறும் தொடக்கம் அல்ல,
நம் உறவுகளின் தொடக்கம்,
வருங்கால சந்ததியினருக்கு
அமைத்து வைத்த நல்வழிப் பாதை.

சிறு பொறி பெரும் தீயாய்
சிங்கப்பூரில் சின்னஞ்சிறு
சமூகம் மாபெரும் சமுதாயமாக
சரித்திரம் படைக்கட்டும்.

மதம், இனம் கடந்து
மனிதநேயம் எனும் ஒரே குடையின் கீழ் ஒப்பிலான் சங்கம் நிலைபெற்று
வெற்றியடைய இறைவனிடம் இறைஞ்சுகிறேன்.

என்றும் துஆவுடன்,
*மில்லத் அகமது*
எழுத்தாளர், பதிப்பாளர்

ஒரு மீன்பிடி கிராமத்தில் இருந்து மற்றொரு மீன்பிடி நகர-நாட்டில் ஒப்பிலான் சங்கம்! ஒரு கிராமத்தின் பெரும்பான்மையான மக்கள் ...
02/10/2026

ஒரு மீன்பிடி கிராமத்தில் இருந்து மற்றொரு மீன்பிடி நகர-நாட்டில் ஒப்பிலான் சங்கம்!

ஒரு கிராமத்தின் பெரும்பான்மையான மக்கள் சிங்கப்பூரில் புலம்பெயர்ந்து நூற்றாண்டு காலமாக வாழ்ந்து வருகிறார்கள் என்றால் அது தமிழ்நாட்டின் இராமநாதபுரம் மாவட்டம் கடலாடி வட்டத்தில் இருக்கும் ஒப்பிலான் கிராமத்தில் இருந்து மட்டுமே என்று கூறிவிடலாம்.

ஒரு மீன்பிடி கிராமத்தில் இருந்து மற்றோரு மீன்பிடி நகர நாடான சிங்கப்பூருக்கு அந்த கிராமத்தின் பெரும்பான்மையினர் புலம்பெயர்ந்ததில் வியப்பு இல்லை. அடிப்படையில் ஒப்பற்ற உழைப்பை தன்னகத்தே கொண்ட ஒப்பிலான் கிராம பூர்வீக முஸ்லிம்கள் சிங்கப்பூர் முழுவதும் உணவு தேவையை பூர்த்தி செய்யும் தனித்துவமான இடத்தை தக்கவைத்துக் கொண்டுள்ளனர் என்றால் மிகை ஆகாது. எம் கடன் பணி செய்து கிடப்பதே என்று எண்ணி உழைத்துக் கொண்டே இருந்ததாலோ என்னவோ தங்களுக்கென்று ஒரு அமைப்பு - சங்கம் தேவை என்பதை ஏறத்தாழ நூறாண்டுகளுக்குப் பின் உணரத் தலைப்பட்டிருக்கிறார்கள் என்று எண்ணுகிறேன்.

சிங்கப்பூரில் குடியேறிய தமிழ் முஸ்லிம்கள் அவர்களின் சொந்த கிராமத்தை முன்னிறுத்தி சங்கங்களை உருவாக்கி பதிவு செய்து, வாழும் நாட்டிற்கும் பிறந்த ஊருக்கும் வளம் சேர்த்து வருகிறார்கள். இந்த எண்ணம் எப்படி ஒட்டுமொத்தமாக எல்லோருடைய எண்ணங்களிலும் தோன்றி இருக்கிறது என்று சிந்தித்தால் , நாம் முன்மாதியாக ஏற்றுக்கொண்ட அண்ணலெம் பெருமானார் முஹம்மது நபி ஸல்லல்லாஹு அலைஹிவஸல்லம் அவர்கள் காலத்தில் அரேபியாவின் மக்கமா நகரில் ஹில்ஃபுல் ஃபுழூல் என்கிற சீர்திருத்தச் சங்கம் இருந்திருக்கிறது. அதில் பெருமானாரும் ஒரு உறுப்பினராக இருந்து சேவையாற்றி இருக்கிறார்கள். அந்த சங்கம் சமூகத்தில் நேர்மையுடன் நடக்கவும், அநியாயத்தை எதிர்க்கும் விதத்தில் அனைவரும் இணைந்து செயல்பட வேண்டும் என்ற கொள்கையைக் கொண்டு வந்தது மட்டுமல்லாமல் பல்வேறு குலங்கள் இடையே தோன்றும் பிரச்சினைகளைத் தீர்க்கவும், சமூக நீதியை உறுதி செய்யவும் இந்த அமைப்பினால் முயற்சிக்கப்பட்டிருக்கிறது என்பதை வரலாற்றின் சுவடுகளில் இருந்து நாம் அறிகிறோம். இதன் பிரதிபலிப்புதான் நாம் இப்போது தோற்றுவிக்கும் சங்கங்களுக்கான அடிப்படை காரணமாக இருக்கலாம்.

சிங்கப்பூர் ஒப்பிலான் சங்கம் பல சிறப்பான நோக்கங்களை முன்னிறுத்தி துவங்கப்பட்டிருப்பதாக ஜனாப் ஷானவாஸ் அவர்கள் மூலம் அறியும் போது மகிழ்வாக இருக்கிறது. சிங்கப்பூர் வாழ் ஒப்பிலான் முஸ்லிம் சகோதர சகோதரிகளின் நல்லெண்ணங்கள் ஈடேறவும் இந்த சங்கம் காலமெல்லாம் நிலைத்திருந்து ஒப்பிலான் மக்களுக்கும் சிங்கப்பூரின் பல்லின சமூகத்திற்கும் தொண்டாற்றிட வல்ல இறைவன் பேரருள் புரிவானாக என ,என் இதயங்கனிந்த நல்வாழ்த்துகளைத் தெரிவித்து மகிழ்கிறேன்.

பேரன்புடன்,
ஹாஜி அ. முஹம்மது பிலால்
தலைவர்,
சிங்கப்பூர் இந்திய முஸ்லிம் பேரவை

ஒப்பிலான் சங்கம் வாழ்க .. துவக்க விழாவில் உங்களின் விருந்தோம்பல் ஏற்பாடு எல்லாம் மிகவும் சிறப்பு.இன்னும் பல நிகழ்ச்சிகள்...
02/10/2026

ஒப்பிலான் சங்கம் வாழ்க ..

துவக்க விழாவில் உங்களின் விருந்தோம்பல் ஏற்பாடு எல்லாம் மிகவும் சிறப்பு.

இன்னும் பல நிகழ்ச்சிகள் தாங்கள் ஏற்பாடு செய்து நாங்கள் நடத்த தயாராக இருக்கிறோம் அந்த நிகழ்ச்சியில் தனியாக கச்சேரி மட்டும் நடத்தக்கூடிய ஒரு வாய்ப்பை எல்லாம் வல்ல இறைவன் அருளால், தாங்களும் முயற்சி செய்து அழையுங்கள். ஒப்பிலான் சங்க நிர்வாகிகளுக்கும் குடும்பத்தார்களுக்கும் என்னுடைய மனம் நிறைந்த நன்றியை குழுவின் சார்பில் தெரிவித்துக் கொள்கின்றேன். அஸ்ஸலாமு அலைக்கும் வரஹ்மத்துல்லாஹி வபரக்காத்துஹூ.

அன்புடன் நெல்லை GS அபூபக்கர்

முதலாம் ஆண்டு வாழ்த்துச் செய்திபல இன, கலாசார சூழல் நிறைந்த சிங்கப்பூரில் தமிழ் முஸ்லிம்களுக்கென்றே உள்ள தனித்துவத்தை ...
02/10/2026

முதலாம் ஆண்டு
வாழ்த்துச் செய்தி

பல இன, கலாசார சூழல் நிறைந்த சிங்கப்பூரில் தமிழ் முஸ்லிம்களுக்கென்றே உள்ள தனித்துவத்தை உணவு மூலம் பறை சாற்றும் குழுவினரில் ஒப்பிலானை பூர்வீகமாகக் கொண்ட சிங்கப்பூரர்கள் பிரபலமானவர்கள்.

யுனெஸ்கோ அங்கீகாரம் பெற்ற சிங்கப்பூரின் உணவங்காடி நிலையங்களில் கோலோச்சும் இவர்கள், இந்திய, மலாய் உணவு வகைகளை இணைத்தும் சுவையோடு வழங்குகிறார்கள்.

பல இன, பல நாட்டு மக்களும் இவர்கள் தயாரிக்கும் சுவையான உணவு வகைகளை ருசித்துப்பார்க்கத் தவறுவதில்லை. அவர்களின் கடைகளைத் தேடி வருகிறார்கள்.

1970 களில், நான் மாணவனாக இருந்த காலகட்டத்தில், ஆன்சன் ரோட்டில் குடியிருந்தேன். ஷெண்டன் வே பகுதியில் இரவு நேர அங்காடி கடை நடத்தி வந்த ஒப்பிலானைச் சேர்ந்த மெய்தீன் பிச்சை என்பவரின் கடையைத் தேடிச் சென்று அவர் தயாரித்துத்தரும் மீ கோரிங், பீஃப் ஸ்டிக் உணவு வகைகளை ருசித்து சுவைத்ததை இன்றும் கூட மறக்க முடியவில்லை.

சிங்கப்பூரில் உணவுத் துறையில் நன்மதிப்பை பெற்று உயரிய நிலையை, பொருளாதார ரீதியிலும் அடைந்துள்ள இவர்கள், தங்களின் அடுத்த தலை முறையினருக்கு கல்வியின் அவசியத்தை உணர்த்தி நல்ல தேர்ச்சியடையவும் வைத்திருக்கிறார்கள்.

ஒப்பிலானை பூர்வீகமாகக் கொண்ட அவர்களுக்கு கைப்பக்குவமே (சமையல்) மூலதனம்! ஆனால் அவர்களின் சந்ததிகள் பலர் இன்று, பட்டதாரிகளாக மிளிர்வதைக் காண்பதில் மட்டற்ற மகிழ்ச்சியாக இருக்கிறது.

சமூக உணர்வோடு ஒன்று சேர்ந்து சமுதாய நலனுக்கு நற்சேவையாற்ற உறுதியோடும் உற்சாகத்தோடும் எழுத்தாளர் திரு.ஷாநவாஸ் அவர்களின் வழிகாட்டுதலில் வருகிறார்கள்.

பாரம்பரியத்தை விட்டுக் கொடுக்காமல், கட்டிக்காத்து வரும் ஒப்பிலானைச் சேர்ந்த இம்மக்கள் இன்று சிங்கப்பூர் குடியரசில் சிங்கப்பூர், ஒப்பிலான் சங்கம் (Oppilan Association Singapore) கண்டிருக்கிறார்கள்.

சிங்கப்பூரின் பன்முகத் தன்மைக்கும், இந்திய, குறிப்பாக தமிழ் முஸ்லிம்களின் தனித்துவ அடையாளத்துக்கும் சங்கம் மேலும் வலுசேர்த்து, மெருகூட்டி சிங்கப்பூரின் வளர்ச்சிக்கு சேவையாற்ற வாழ்த்துகிறோம்.

அன்புடன்,
எம். இலியாஸ்
ஆசிரியர்
செம்மொழி, சமூக இலக்கிய இதழ்.

Address

Singapore

Website

Alerts

Be the first to know and let us send you an email when Oppilan Association Singapore posts news and promotions. Your email address will not be used for any other purpose, and you can unsubscribe at any time.

Shortcuts

Share

Category