https://www.facebook.com/277568825429749/

A Better Tomorrow, Singapore (2026)

22/07/2026

ပိုမိုကောင်းမွန်တဲ့ မနက်ဖြန်များစွာအတွက် မျှော်လင့်ရင်း…

ချစ်ရတဲ့သူမအတွက်မျှော်လင့်ရင်း…

မကြာခင်ကပြုလုပ်ခဲ့တဲ့

“A Better Myanmar with Her” လို့ အမည်ပေးခဲ့တဲ့
“အမေစုမွေးနေ့အထိမ်းအမှတ်ပွဲ” မှ မြေပြင်အတွက်ထောက်ပို့မှုအစုစုတို့ကို တစုတစည်းတည်းဖော်ပြလိုက်ရပါတယ်။

ပါဝင်ကူညီပေးတဲ့အလှူရှင်များ၊ စတုဒိသာအလှူရှင်များ၊ volunteerများ အားလုံးကို A Better Tomorrow အဖွဲ့သူ၊ အဖွဲ့သားအားလုံးက ကျေးဇူးအထူးတင်ပါတယ် လို့ လှိုက်လှိုက်လှဲလှဲ ရင်ထဲက ပြောလိုက်ပါရစေ။ 🙏🙏🙏

စစ်အာဏာရှင်စနစ်ကျဆုံးရေးအတွက်
မပြိုလဲ၊ မရပ်နား၊ အရှူံးမပေးကြဘဲ…
နိုင်သည်အထိ အတူတကွဆက်လက်ချီတက်ကြပါစို့…

#ပိုမိုကောင်းမွန်တဲ့မနက်ဖြန်များဆီသို့

29/06/2026

A Better Myanmar with Her
ကျမတို့ သူ့ကို ချစ်ကြတယ်
ကျမတို့ သူ့ ခေါင်းဆောင်မှုကို ယုံကြည်ကြတယ်

သူဟာ ကျမတို့ လိုအပ်ချက်အရ အပြည့်အဝ ဖြစ်တည်လာခဲ့လေသလားထိ တွေးမိဖူးပါတယ်

သူ့ ဘုန်းတော်ဘွဲ့တွေ ဟာ ကျမတို့လို ချစ်ခင်ကြည်ညိုရသူတွေ ကြား မှာ ရေးမကုန် ပြောမကုန် ဖတ်မကုန်လို့ ထပ်ဖွဲ့နေရစရာတောင် မလိုလောက်အောင်ပဲ

ဒီနှစ် အမေ့မွေးနေ့ အတွက် Theme ကို ရွေးကြတော့ A Better Tomorrow အဖွဲ့သား တစ်ယောက်က A Better Myanmar with Her လို့ ပြောလာတော့ အားလုံးပဲ နွေးထွေးတဲ့ အတိတ်တစ်ခုက ကျမတို့ဆီ ဆိုက်မြိုက်ရောက်လာသလို တညီတည်းခံစားကြရ အကြိုက်ညီကြပါတယ် ။

ဘယ်လိုလူတွေ ဘလိုပင် ငြင်းဆိုကာ ကဲ့ရဲ့စကားတင်း ဆိုကြပါစေ အမေစု ဦးဆောင်မှုအောက်မှာ ကျမတို့ အားလုံး ပိုမိုကောင်းမွန်တဲ့ ဘဝအနေတခုကို ဆုပ်ကိုင်စွဲပိုင်ခဲ့ကြပါတယ် ။ ဒါဟာ လူပုဂ္ဂိုလ် နဲ့ ဘက်တွေကို ကျော်လွန် သွားတဲ့ အမှန်တရားဖြစ်တယ်။
အခု လက်ရှိမှာ စစ်အာဏာရူးတွေက ကျမတို့အများ ချစ်ကြည်ညို တဲ့ ကျမတို့ရဲ့ ပိုမိုကောင်းမွန်တဲ့ အနာဂတ်လည်း ဖြစ်တဲ့ ခေါင်းဆောင်ကို အကျဉ်းချထားတယ်။ သေရှင်ကောင်းဆိုးပင် မကြားမသိရလေအောင် ရက်စက်ကြမ်းကြုတ်စွာ အငြိုးတေးကြီးစွာ အဆက်ဖြတ်ထားကြတယ်။

ကျမတို့ အဆက်ပြတ်မသွားတဲ့ အပြင် ပိုလို့တောင် မှ နှောင်ဖွဲ့ လေးမြတ်လာခဲ့ကြပါတယ်။

အသက် ၈၁ နှစ် အဖွားအရွယ်ထိ လောင်ကျွမ်းစတေး ခံနေရတဲ့ ငါတို့ အားလုံးရဲ့ အမေ

ဒီ အမေ မွေးနေ့ အမှတ်တရ ပွဲလေးကို ရင်ဘတ်တူရာ သားသမီးမြေးတွေ အချင်းချင်း လက်တို့ပြီး အထိမ်းအမှတ် ကျင်းပခဲ့ကြတယ် ။ စားဖွယ်တွေ အမှတ်တရ ပစ္စည်းတွေ ပန်းချီကားတွေ ပန်းမာလ်တွေ လှူကြဝေကြ ရောင်းချကြရင်း ရသမျှငွေ တွေ အားလုံး ( အားလုံး ) ကို နိုင်ငံ အနှံ့က လွတ်မြောက်ရေး ဆောင်ကြဉ်းပေးဖို့ အသက်ပေးထားကြတဲ့ သူရဲကောင်းတွေဆီကို ဖြန့်ကျက် ပို့ဆောင်ပေးခဲ့ကြရာမှာ

ဒီနေ့ ဆိုရင် စင်ကာပူဒေါ်လာ တသိန်း ကျော်ထိ - မြန်မာကျပ်ငွေ သိန်း ၃ ထောင်ကျော် ထိ
- တပ်ရင်း တပ်ဖွဲ့ ၄၀ ကျော်ထိ ပို့ပေးခဲ့ပါပြီ

အမေ့ပွဲလေးကနေ ထွက်ပေါ်လာတဲ့ ရ-သုံး စာရင်းကိုလည်း ပွင့်လင်းစွာ တင်ပြထားပါတယ်။

ကျမတို့ အားလုံး ဒီ A Better Myanmar with Her ကနေ ယုံကြည်မှု တိုးလာတာကတော့

ငါတို့ အားလုံး လွတ်လပ်တဲ့ အနေအထားမှာ ကျန်းမာသက်ရှည်နေတဲ့ အမေ့ရဲ့ ဦးဆောင်မှု အောက်မှာ ပြန်လည် လန်းဆန်းနိုးထကြရဦးမှာ မလွဲမသွေပါ ဆိုတဲ့ သန္နိဋ္ဌာန် ပါပဲ။

A Better Myanmar with Her ကာလဟာ ဆိုက်ဆိုက်မြိုက်မြိုက် ရောက်လာရတော့မှာ ဖြစ်တယ်။

19/06/2026

ဒီကနေ့ဟာ အမေ ဒေါ်အောင်ဆန်းစုကြည် ရဲ့ ၈၁ နှစ်ပြည့် မွေးနေ့ဖြစ်ပါတယ်။

ဒီ Video လေးဟာ စင်ကာပူမှာ ကျင်းပပြုလုပ်ခဲ့တဲ့
‘A Better Myanmar with Her’ ဆိုတဲ့ အမေစုရဲ့ ၈၁ နှစ်ပြည့် မွေးနေ့ အထိမ်းအမှတ်ပွဲမှာ အမေ့သားသမီးများမှ စုပေါင်းသီဆိုထားတဲ့ မွေးနေ့ဆုတောင်း Video လေး ဖြစ်ပါတယ်။

ပြည်သူတွေရဲ့ မေတ္တာကိုလည်း အမေ ရရှိခံစားရလိမ့်မယ် လို့လည်း ယုံကြည်ပါတယ်…။

အမေ ကျန်းမာပါစေ။

18/06/2026

A Better Myanmar with Her ( အမေစု မွေးနေ့အတွက် အထိမ်းအမှတ်ပြု ကျင်းပတဲ့ပွဲ ) က ထွက်ပေါ်လာတဲ့ အကူငွေများ နဲ့ နိုင်ငံ အနှံ့က တော်လှန်တပ်ရင်းတပ်ဖွဲ့ များဆီ ၂၁၇၃ သိန်း ၉ သောင်း ၂ ထောင် ကျပ် ပို့ပေးပြီးပါပြီ
တိုင်းစစ်ဌာန တခု ၊ နည်းပညာ တပ်ဖွဲ့ ၂ ခု ၊ ခရိုင်ကွပ်ကဲရေး စစ်ဌာန ၃ ခု နဲ့ တပ်ရင်း ၂၀ ခန့်ကို ပထမ အသုတ်အနေနဲ့ ပို့ကူခဲ့တာ ဖြစ်ပါတယ်

ဒါဟာ ကနဦး ထွက်ပေါ်လာတဲ့ ပန်းချီကားလေလံဖိုး လက်မှတ်ဖိုး ပန်းဖိုး အင်္ကျီဖိုး အမှတ်တရပစ္စည်း ဖိုး များ ကရလာတဲ့ ထောက်ပို့ငွေဖြစ်ပါတယ်

စာရင်းချုပ်နေဆဲ ကာလမှာ ငွေတွေမအိပ်ရအောင် ရှိသလောက် ပို့ထားတာဖြစ်ပါတယ်

လော့ကက် ၊ ရင်ထိုး ၊ Giftset နဲ့ အခြား merchandise items များ အမှာစာ ပိတ်ပြီးတာနဲ့ ဒုတိယသုတ် ထောက်ပို့ငွေများကို လမကုန်ခင် ဆက်လက် ပို့ဆောင်ပါမယ်

အကျဉ်းစံ အမေ့ကို မကြာမတင်မှာ လွှတ်ပေးရမယ့် အခြေအနေ မျိုးထိ ဆိုက်အောင် ဆက်လက် ဝါယမစိုက် တော်လှန်ကြပါမယ် လို့ ကတိပြုရင်း အလှူရှင် အကူရှင်များ အားလုံးကို လေးစားလျှက်ပါ 🙏🏼

17/06/2026

အမေစု ရဲ့ ၈၁ နှစ်ပြည့် မွေးနေ့ အမှတ်တရ ထုတ်တဲ့

Pin badge လေး ရယ်၊ Coaster လေး အနည်းငယ် လက်ကျန်ရှိပါတယ်ရှင်။

Pin badge တစ်ခုကို $12
Coaster တစ်စုံကို $15 နဲ့ ပါဝင်အားဖြည့်လို့ရပါတယ်။

Ei Pont Minimart နဲ့ ဆု မီနီမတ် - Su minimart မှာ Walk-in ဝယ်လို့ ရပါတယ်နော်။ 🥰

16/06/2026

Phone screen ကြီးကို လျှာနဲ့ လျှက်ရမယ့် အချိန် ကျရောက်လို့ လာပါပြီ 😋😋😋

အမေ့ မွေးနေ့ဆုတောင်းပွဲ တက်ရောက်ခဲ့တဲ့ ဧည့်ပုရိသတ် ၄၀၀ ကျော်အတွက် ချက်ပြုတ်ပြင်ဆင်ပေးမှုလေးပါ။

ဘာတွေ စားခဲ့ကြရလဲရှင်…။ 😋

ပွဲအတွင်းနဲ့ အခန်းပြင်ပ ဓာတ်ပုံ Video လေးတွေ ရှိရင်လည်း Messenger ကနေ မျှဝေပေးပါဦးရှင်။ Video မှတ်တမ်းလေးတွေ မရခဲ့လို့ပါ။ 🙆‍♀️

16/06/2026

လေးစားရတဲ့ အမေစုအပေါ်ချစ်ခင် မြတ်နိုးကြတဲ့ တော်လှန်ပြည်သူ အပေါင်းတို့ ရှင်

လာမယ့် ဂျွန်လ ၁၉ ရက်နေ့မှာ ကျရောက်မယ့် လူထုမိခင် ပြည့်သူနှလုံးသည်းပွတ် အမေဒေါ်အောင်ဆန်းစုကြည် ရဲ့ အသက် ၈၁ နှစ်ပြည့် မွေးနေ့ အတွက် ရည်ရွယ် အထိမ်းအမှတ်ပြုကာ ကျမတို့ စင်ကာပူနေ အမေစုသားသမီး တစုက A Better Myanmar with Her အမည်နဲ့ ပွဲလေး တခု ကျင်းပခဲ့ကြပါတယ်ရှင် ။

ကျမတို့ဟာ လက်ရှိ အကျဥ်းစံအမေရဲ့ ဦးဆောင်မှု အောက်မှာ အင်မတန် ကောင်းမွန်လုံခြုံတဲ့ မြန်မာ့ လူနေမှုဘဝ အခြေအနေတခုကို ပိုင်ဆိုင်ရရှိခဲ့ကြဖူးတယ် ဆိုတာ သူမအပေါ် ချစ်ခင်မြတ်နိုးသူရော မုန်းတီးရှုတ်ချလိုသူများပါ အချက်အလက်အရ ငြင်းမရတဲ့ အရှိတရား တခုဖြစ်ပါတယ်။

တော်လှန်ဆဲကာလ ဒီနှစ်များမှာလည်း ကျမတို့ရဲ့ အမေ့အပေါ်ထားရှိခဲ့ ထားရှိဆဲ ထားရှိနေဦးမယ့် ယုံကြည် မျှော်လင့်မှုနဲ့ ချစ်မြတ်နိုးမှုဟာ ဘယ်သောအခါမှ လျော့ကျမှေးမှိန်သွားမှာ မဟုတ်ဘူး ဆိုတဲ့ ရပ်တည်မှု နဲ့ A Better Myanmar with Her လို့ ဆောင်ပုဒ်အမည်ပေးခါ ဒီမွေးနေ့ အမှတ်ရပွဲလေး ဆောင်ရွက်ကျင်းပ ဖြစ်ခဲ့တာပါရှင် ။

ဒီ ပွဲလေး ကျင်းပဖြစ်အောင် အစစ ကူညီ ဆောင်ရွက် လုံ့လထုတ်ရင်း ကိုယ်စွမ်း ဉာဏ်စွမ်း ငွေအား လူအား ယာဥ်အား ပညာအား အဖက်ဖက်က အားပေးကူညီခဲ့ကြတဲ့

• ဘူဖေး အစားအစာ မျိုးစုံ လိုလေသေးမရှိ လှူဒါန်းပေးခဲ့ကြတဲ့ အလှူရှင် အစုအဖွဲ့ ၂၀ ကျော်

• ပွဲမစခင် ပွဲကျင်းပချိန် နဲ့ ပွဲအပြီးထိ သယ်ယူဆောင်ရွက်စရာ ရှိသည်များကို ပင်ပင်ပမ်းပမ်း ထမ်းရွက် ဆောင်ကြဥ်းပေးခဲ့ကြတဲ့ ကိုရော်နယ် ကိုထူး ကိုမင်းဦး နဲ့ အခြား အမည်မဖော်တဲ့ ဗော်လံတီယာ လုပ်အားရှင် မောင်ငယ် ညီမငယ် များစွာ

• အခမ်းအနားအတွက် လိုအပ်တဲ့ အသုံးအဆောင် နဲ့ အထိမ်းအမှတ်အင်္ကျီများ နှင်းဆီပန်းများ အခြား မွေးနေ့ အတွက် အလှဆင်ဖွယ် မျိုးစုံ လှူဒါန်းခဲ့ကြတဲ့ အလှူရှင်များ

• ပွဲ ကျင်းပစဥ် လိုအပ်တဲ့ အသံစနစ်နဲ့ ဂီတအစီအစဥ်များကို ကူညီဆောင်ရွက်ပေးခဲ့ကြတဲ့ ကိုအဒူလေးနဲ့ အဖွဲ့

• A Better Myanmar With Her ပွဲ အတွက် အသုံးပြုမည့် Art Logo နှင့်တကွ Paper Quills Art များ ဖန်တီးထုတ်လုပ်ခါ Gift Set အော်ဒါများကို တစ်ဦးတည်း အပင်ပမ်းခံ ဆောင်ရွက်ပေးသည့် ဗော်လံတီယာ ကို Nelson

• အခမ်းအနား အတွင်း အမေစုအတွက် မွေးနေ့အထိမ်းအမှတ် ဆုတောင်းစကားများ ပါဖောင်းမန့်စ် အစီအစဥ်များ နဲ့ အားဖြည့်ဝန်းရံခဲ့ကြတဲ့ ကျောင်းသားလူငယ်လေးတွေ

• အမေ့အတွက် အမှတ်တရ မေတ္တာဆုတောင်းစကား မျှဝေပေးပါသော မမထိုက် (ထိုက်သူရ)

• ပွဲမကျင်းပခင်ကတည်းက အမေစုမွေးနေ့ ပွဲ အတွက် ရည်ရွယ်ခါ စင်ကာပူဒေါ်လာ ၈၁၀၀ လှူဒါန်းကူညီပြီး ပွဲစဥ်တလျှောက် အစအဆုံး ဂီတ+အဆို+ ပွဲတင်ဆက်သူအဖြစ် ဆောင်ရွက်ခါ ငွေ ပညာ နဲ့ လုပ်အား ကို ရင်နဲ့တကွ ပေးအပ်ထားတဲ့ မအိပုံ့

• မွေးနေ့ပွဲ ကျင်းပနေစဥ် အတွင်း အမှတ်တရပစ္စည်း အရောင်းကောင်တာများမှာ ပွဲစပွဲဆုံး ထိ တာဝန်ယူ ရောင်းချခါ လုပ်အားပေးခဲ့ကြတဲ့ လုပ်အားပေး အကိုအမနဲ့ မောင်ငယ်ညီမငယ်တွေ

• မိမိကိုယ်ပိုင် Souvenir Gifts အမှတ်တရ ပစ္စည်းများစွာကို ပွဲကျင်းပရာ အခမ်းအနားအတွင်း တည်ခင်းရောင်းချပြီး တပြားမကျန် လှူဒါန်းပေးပါသော အကူအလှူရှင် မမ

• အမေစု မွေးနေ့ပွဲ အတွက် သီးသန့် ရည်ရွယ်ခါ ပုံတူပန်းချီကားများ ရေးဆွဲကူညီခါ ရရှိလာသည့် အလှူငွေ စင်ကာပူဒေါ်လာ ၇၅၀၀ ခန့်ကို အပြီးလှူဒါန်းပေးခဲ့တဲ့ ဆရာမကြီး ဒေါ် ချိုချို

• အမေစု ပုံတူ အထူးပန်းချီကားကြီး ကို အချိန်၄-၅လ အချိန်ယူ ရေးဆွဲရင်း အမြင့်မားဆုံးဈေး စင်ကာပူဒေါ်လာ ၂၉၈၈၈ အထိ ရရှိစေပြီး တပြားမှမချန် ပြန်လည်လှူဒါန်းပေးခဲ့တဲ့ ဆရာကြီး စောသန်းဦး

• အခမ်းအနား အတွက် အစစ အချိန်ပေး ဝါယမစိုက် ခါ အဆင်ပြေဆုံး ဖြစ်ရအောင် ထောင့်စုံကနေ တွေးပေး ကြိုတင်စီမံပေးခဲ့ကြတဲ့ ဗော်လံတီယာ အကို အမ မောင်ငယ် ညီမငယ်များ အားလုံး ကို

ကျမတို့ A Better Tomorrow အဖွဲ့သူ အဖွဲ့သားများက ရင်ကလာတဲ့ ချစ်ခင်ယုံကြည်အားကိုးစိတ် အပြည့် နဲ့ လှိုက်လှိုက်လှဲလှဲ ကျေးဇူးတင်ရပါတယ် ၊ နောက်ထပ်ပကျင်းပမယ့် ABT ရဲ့ ပွဲများမှာလည်း အခုလိုပဲ သိုက်သိုက်ဝန်းဝန်း ကူညီကြပါဦး လို့ တိုက်တွန်းနှိုးဆော်ပါရစေ ရှင့်…။

15/06/2026

"Mother, how are you today?"

အကျဉ်းစံနေရတဲ့ ကိုယ့်ရဲ့ မိခင် နေကောင်းလား ကျန်းမာလား ဆိုတာ သားသမီးတိုင်း သိခွင့်ရှိပါတယ်။

အမေဟာ Kim ရဲ့ မွေးမိခင် ဖြစ်သလို မြန်မာပြည်သူတွေအတွက် ကျေးဇူးရှင် မိခင်ပါ။

အမေ နေကောင်းပါရဲ့လား ????

15/06/2026

“အရှူံး မပေးနဲ့ မိငယ်”

စင်ကာပူရောက် အမေ့ သားသမီးတွေနဲ့ အတူ ဆိုဖြစ်ခဲ့တဲ့ သီချင်းလေး…

ပွဲခင်းထဲမှာရော အခုပြန်နားထောင်တဲ့ အချိန်မှာပါ အမေ့ကို ပိုလို့ လွမ်းမိပါတယ်။

ကျမတို့ အားလုံး အခုလိုပဲ စည်းစည်းလုံးလုံး နဲ့ မိငယ်လေး လွတ်မြောက်ဖို့ရာ ပိုကြိုးစားကြစို့နော်။

14/06/2026

အမေ့ မွေးနေ့ဆုတောင်းပွဲမှာ ကမ်းတဲ့ Welcome gift လေးပါ။ 🥰

နှစ်သက်ကြပါရဲ့လားရှင်။ 🙆‍♀️

A Better Tomorrow

22/07/2026

29/06/2026

19/06/2026

18/06/2026

17/06/2026

16/06/2026

16/06/2026

15/06/2026

15/06/2026

14/06/2026

Address

Website

Alerts

Contact The Organization

Shortcuts

Share

Category

Listing takedown request