Pa-O Family Singapore

Pa-O Family Singapore The Union of Pa-O family Singapore depends on you.

စင်္ကာပူမှာ သားသားမီးမီးတို့ကို ကျောင်းထားဖို့ ပြင်ဆင်နေတဲ့ မြန်မာမိဘများနဲ့ International Students များအတွက် P1 ကျောင်း...
03/05/2026

စင်္ကာပူမှာ သားသားမီးမီးတို့ကို ကျောင်းထားဖို့ ပြင်ဆင်နေတဲ့ မြန်မာမိဘများနဲ့ International Students များအတွက် P1 ကျောင်းအပ်နှံရေး သတင်းကောင်း

စင်္ကာပူအစိုးရကျောင်းတွေမှာ သားငယ်၊ သမီးငယ်များကို Primary 1 (P1) အပ်နှံလိုတဲ့ မိဘများအတွက် စင်္ကာပူပညာရေးဝန်ကြီးဌာန (MOE) မှ International Students များအတွက် P1 ကျောင်းအပ်နှံရေး (P1 Registration for International Students) အချက်အလက်များကို ထုတ်ပြန်ထားပါတယ်။

📌 ဘယ်ကလေးတွေ လျှောက်ထားခွင့်ရှိသလဲ?
၂၀၂၀ ခုနှစ် ဇန်နဝါရီလ ၂ ရက်နေ့မှ ၂၀၂၁ ခုနှစ် ဇန်နဝါရီလ ၁ ရက်နေ့ အတွင်း (အဆိုပါရက်များအပါအဝင်) မွေးဖွားတဲ့ ကလေးငယ်များဟာ လာမယ့် ၂၀၂၆ ခုနှစ် P1 Registration တွင် ပါဝင်လျှောက်ထားနိုင်ပါတယ်။

📌 အထူးသတိပြုရန် အချက်များ -

• ဒီကျောင်းအပ်နှံခွင့်ဟာ စင်္ကာပူနိုင်ငံသား (Singapore Citizens - SC) နဲ့ အမြဲတမ်းနေထိုင်ခွင့်ရသူ (Permanent Residents - PR) မဟုတ်တဲ့ နိုင်ငံခြားသား ကလေးငယ်များ (International Students) အတွက် ရည်ရွယ်တာ ဖြစ်ပါတယ်။

• နိုင်ငံသားနဲ့ PR ကလေးငယ်တွေကို ဦးစားပေး လက်ခံမှာဖြစ်ပြီး နေရာလွတ် အကန့်အသတ်ရှိတဲ့အတွက် ကျောင်းဝင်ခွင့်ရဖို့ ၁၀၀ ရာခိုင်နှုန်း အာမခံချက်တော့ မရှိဘူးလို့ MOE က အသိပေးထားပါတယ်။

ကျောင်းဝင်ခွင့်ရဖို့ မသေချာဘူးဆိုပေမယ့် သားသားမီးမီးတို့ရဲ့ ပညာရေးအတွက် အခွင့်အရေးတစ်ရပ်ဖြစ်လို့ MOE Website မှာ "Indicate your interest" (စိတ်ဝင်စားကြောင်း အဆင့် ၁ စာရင်းပေးသွင်းခြင်း) ကို အချိန်မီ လုပ်ဆောင်နိုင်ဖို့ ကြိုတင်ပြင်ဆင်ထားကြဖို့ တိုက်တွန်းချင်ပါတယ်။

အသေးစိတ် အချက်အလက်တွေနဲ့ လျှောက်ထားရမယ့် အဆင့်ဆင့်ကို စင်္ကာပူ MOE ရဲ့ တရားဝင် Website တွင် ဝင်ရောက်ဖတ်ရှုနိုင်ပါတယ်။
စင်္ကာပူရောက် ပအိုဝ်းမိသားစုများအားလုံး သားသမီးပညာရေးကိစ္စများ အဆင်ပြေချောမွေ့ကြပါစေ... 🙏

Link ကို comments မှာ ချပြထားပါတယ်။

ဘောလုံးဝါသနာရှင်တို့ရေ…ဝါသနာပါလို့ပဲ ဖြစ်ဖြစ်၊ လိပ်ဉတူးချင်လို့ပဲ ဖြစ်ဖြစ်တဲ့။
25/04/2026

ဘောလုံးဝါသနာရှင်တို့ရေ…
ဝါသနာပါလို့ပဲ ဖြစ်ဖြစ်၊ လိပ်ဉတူးချင်လို့ပဲ ဖြစ်ဖြစ်တဲ့။

နှစ်ဦးဆုတောင်းမြန်မာသက္ကရာဇ် ၁၃၈၈ ခုနှစ်၊ နှစ်ဆန်း တစ်ရက်နေ့သည်နေ့မှာ ကျရောက်တဲ့ မြန်မာ့နှစ်သစ်ကူး အခါသမယမှာ စင်္ကာပူရော...
17/04/2026

နှစ်ဦးဆုတောင်း

မြန်မာသက္ကရာဇ် ၁၃၈၈ ခုနှစ်၊ နှစ်ဆန်း တစ်ရက်နေ့

သည်နေ့မှာ ကျရောက်တဲ့ မြန်မာ့နှစ်သစ်ကူး အခါသမယမှာ စင်္ကာပူရောက် ပအိုဝ်းမိသားစုဝင်များအားလုံး မင်္ဂလာပါလို့ နှုတ်ခွန်းဆက်သရင်း ကိုယ်စိတ်နှစ်ဖြာ ကျန်းမာချမ်းသာကြပါစေလို့ ဆုမွန်ကောင်း တောင်းပေးလိုက်ပါတယ်။
နှစ်သစ်မှာ အားအင်သစ်တွေနဲ့ ရွှင်လန်းချမ်းမြေ့ကြပါစေ။
ဘေးဘယာတွေ ဝေးကွာပြီး ကျန်းကျန်းမာမာ ရှိကြပါစေ။
အလုပ်အကိုင်တွေ အဆင်ပြေချောမွေ့ပြီး ဝင်ငွေတွေလည်း တိုးပွားကြပါစေ။
ကြွေးဟောင်းတွေ ဆပ်နိုင်ကြပြီး ကြွေးသစ်တွေလည်း ချနိုင်ကြပါစေ။
ပူပင်သောက ကင်းဝေးတဲ့ ဘဝကို ပိုင်ဆိုင်နိုင်ကြပြီး သမ္မာအာဇီဝနဲ့ မိဘကျေးဇူး ဆပ်နိုင်တဲ့ သားကောင်းသမီးကောင်းတွေ ဖြစ်ကြပါစေ။
စင်္ကာပူရောက် ပအိုဝ်းမိသားစုအရေးမှာလည်း ပျော်ရွှင်စွာ ပါဝင်အားဖြည့်နိုင်ကြပါစေ။
ဝင်းဝါကြိုင်သင်းတဲ့ ပိတောက်ပန်းလို ဂုဏ်ရှိန်ဂုဏ်ဝါတွေ တောက်ပပြီး တစ်နှစ်ပတ်လုံး ကောင်းသတင်းတွေ ဝေဝေဆာဆာ ပွင့်လန်းနိုင်ကြပါစေ။

၁၇ ဧပြီလ ၂၀၂၆
ပအိုဝ်းမိသားစု (စင်္ကာပူ)

စာပေယဉ်ကျေးမှုယဉ်ကျေးမှုဆိုတဲ့ ဝေါဟာရကြီးဟာ အင်မတန်မှ ခမ်းနားလွန်းပါတယ်။ မတောက်တခေါက်လေး သိရုံနဲ့ ယဉ်ကျေးမှုဆိုတဲ့ ခေါင်...
12/04/2026

စာပေယဉ်ကျေးမှု

ယဉ်ကျေးမှုဆိုတဲ့ ဝေါဟာရကြီးဟာ အင်မတန်မှ ခမ်းနားလွန်းပါတယ်။ မတောက်တခေါက်လေး သိရုံနဲ့ ယဉ်ကျေးမှုဆိုတဲ့ ခေါင်းစဉ်ကြီးတပ်ရတာ အင်မတန်မှလည်း တာဝန်ကြီးပါတယ်။ ဂဃနဏ မသိလို့ မပြောဘူးဆိုရင်လည်း တာဝန်မကျေရာကျမယ်လို့ ယူဆမိပြန်တယ်။

လူမျိုးတစ်မျိုးကို ကိုယ်စားပြုမယ့် ယဉ်ကျေးမှုအကြောင်းကို ပြောကြစတမ်းဆိုရင် စာပေယဉ်ကျေးမှုရဲ့ အခန်းကဏ္ဍက ရှေ့ဆုံးမှာ ရောက်နေမှာပါ။ ဘာသာစကားတစ်ခုကို ထိမ်းသိန်းဖို့ရာမှာလည်း စာပေဟာ မရှိမဖြစ် အဖိုးတန်ရတနာတစ်ခုပါပဲ။
အဖက်ဖက်က တိုးတက်နေတဲ့ ယနေ့မျက်မှောက်ခေတ်မှာ မတူညီတဲ့သည်လူမျိုးပေါင်းစုံဟာ အတူတကွ ယှဉ်တွဲနေထိုင်လာကြသလို ခေတ်ရေစီးကြောင်းအရ လူမျိုးစုတွေဟာလည်း ရေကြည်ရာမြက်နုရာကို ရှာဖွေရင်းမိမိနေရပ်ကို စွန့်ခွာလာခဲ့ကြပါတယ်။ ဒီလို အခြေအနေမျိုးမှာ လူမျိုးတစ်မျိုးရဲ့ ရိုးရာယဉ်ကျေးမှုတွေကို ဆက်လက်ထိမ်းသိန်းထားနိုင်ဖို့က ဘာသာစကားနဲ့ စာပေဟာ အရေးကြီးတဲ့အခန်းကဏ္ဍကို ရောက်ရှိလာပါတယ်။

ကျွန်တော်တို့ မျိုးဆက်သစ်ရင်သွေးငယ်တွေဟာ အခြေအနေအရ တိုင်းတစ်ပါးကို ရောက်လာခဲ့ကြရပါတယ်။ မိဝေးဖဝေးနဲ့ နေရပ်ကို စွန့်ခွာနေရတဲ့ အချိန်မှာ ဘယ်သူမဆို မိဘဆွေမျိုးများနဲ့ မိမိတို့ရဲ့ မွေးရပ်မြေဒေသကို လွမ်းနေကြမှာ အမှန်ပါ။ ဒီလိုအချိန်မှာ သူတို့ ဘာလိုအပ်သလဲဆိုရင် လူမျိုးတူ၊ ဘာသာစကားတူတဲ့ သူငယ်ချင်းအပေါင်းအသင်းတွေနဲ့ ဆုံတွေ့နိုင်ဖို့ လိုပါတယ်။ ပအိုဝ်းလူမျိုးအချင်းချင်းတွေ့ရင် ပအိုဝ်းစကားနဲ့ပဲ ပြောကြမှာပါ။ မြန်မာအချင်းတွေ့ရင် မြန်မာစကား ပြောကြသလို၊ တရုတ်လူမျိုးအချင်းချင်းတွေ့ရင် တရုတ်စကား ပြောကြသလို၊ ထိုင်းလူမျိုးအချင်းချင်းတွေ့ရင်လည်း ထိုင်းစကားပဲ ပြောကြမှာပါ။
အမှန်ပဲပေါ့။ စင်္ကာပူရောက် ပအိုဝ်းမိသားစုဝင်တွေ အချင်းချင်း ဆုံတွေ့ကြချိန်မှာ ပအိုဝ်းစကားတွေ ပြောရကြားရတာက အင်မတန်မှ ဝမ်းသာကြည်နူးဖြစ်ရပါတယ်။ အခါအခွင့်သင့်သလို မကြာမကြာ တွေ့ဆုံကြစေချင်ပါတယ်။ အချင်းချင်း တွေ့ဆုံကြချိန်မှာ စကားတွေပြောကြ၊ အတွေ့အကြုံတွေ ဖလှယ်ကြ၊ အခက်အခဲတွေ တိုင်ပင်ကြ၊ ကူညီရိုင်းပင်းကြ၊ သတင်းတွေမေးကြရင်း မိသားစုရဲ့ နွေးထွေးမှုမျိုး ခံစားရရှိနိုင်ကြတာမို့ အားလည်း ဖြစ်ရပါတယ်။

ကောင်းပြီ။ ပအိုဝ်းအချင်းချင်း ဆုံတွေ့ကြချိန်မှာ ပအိုဝ်းစကားနဲ့ပြောရတာ ကျေနပ်အားရကြတယ် ဆိုပါစို့။ ဒါဟာ ဘာသာစကားတစ်ခုရဲ့ တန်ဖိုးပဲ မဟုတ်ဘူးလား။ ဘာသာစကားရဲ့ အရေးပါမှုပဲ မဟုတ်ဘူးလား။ ဒီလိုအရေးပါတဲ့ ဘာသာစကားကို ပြောဆိုဆက်ဆံရုံတင် မဟုတ်ပဲ မြတ်နိုးတန်ဖိုးထားကြဖို့လည်း လိုအပ်လှပါတယ်။ သတိမပြုမိဘူး ဆိုရင်လည်း သတိပြုကြစေချင်ပါတယ်။
လူမျိုးတစ်မျိုးအတွက် ဘာသာစကားတစ်ခုက အဲဒီလို အရေးပါတယ်ဆိုရင် အဲဒီဘာသာစကားကို ကျောထောက်နောက်ခံပေးထားတဲ့ စာပေရဲ့တန်ဖိုးကိုလည်း နားလည်သဘောပေါက်နိုင်ကြမယ်လို့ ထင်ပါတယ်။
ဒါကြောင့် မျိုးဆက်သစ် ပအိုဝ်းမောင်မယ်များ ပအိုဝ်း စာပေယဉ်ကျေးမှုကို ဆက်လက်ထိမ်းသိန်းသွားကြဖို့ တိုက်တွန်းချင်ပါတယ်။
ပအိုဝ်းစကားတွေ ပြောကြပါ။
ပအိုဝ်းစာတွေ သင်ကြပါ။
ပအိုဝ်းစာတွေ ဖတ်ကြပါ။
ပအိုဝ်းစာတွေ ရေးကြပါ။

ပအိုဝ်း စာပေယဉ်ကျေးမှု အဓွန့်ရှည်ကြာ တည်တံ့ခိုင်မြဲပါစေလို့.....

12 April 2026
Pa-O Family Singapore

06/04/2026

ယဉ်ကျေးမှု

တိုင်းရင်းသားလူမျိုးတစ်ခုရဲ့ ယဉ်ကျေးမှု အဆင့်အတန်းကို အပေါ်ယံလေးကြည့်ပြီး အကဲဖြတ်လို့ မရနိုင်ပါဘူး။
ဆင်ယင်ထုံးဖွဲ့မှု၊ ဘာသာစကား၊ စာပေ အပြင် အနုပညာ ကဏ္ဍကိုလည်း ထည့်တွက်ရမယ်လို့ ယူဆမိပါတယ်။

ပအိုဝ်းမိသားစု(စင်္ကာပူ)


ကျေးဇူးတင်စကား*******************စင်ကာပူရောက် ပအိုဝ်းမိသားစုမှ ၂၀၂၆ ခုနှစ် Pa O Ethnic Dance & Culture Show ပွဲကို ယနေ့ ...
29/03/2026

ကျေးဇူးတင်စကား
*******************
စင်ကာပူရောက် ပအိုဝ်းမိသားစုမှ ၂၀၂၆ ခုနှစ် Pa O Ethnic Dance & Culture Show ပွဲကို ယနေ့ အောင်မြင်စွာ ကျင်းပပြီးမြောက်ခဲ့ပြီ ဖြစ်ပါတယ်။ ပွဲဖြစ်မြောက်ရေးအတွက် ကျရာတာဝန် ထမ်းဆောင်ပေးကြတဲ့ စင်ကာပူရောက် ပအိုဝ်းမိသားစုဝင် တစ်ဦးတစ်ယောက်စီတိုင်းကို လှိုက်လှိုက်လှဲလှဲ ကျေးဇူးတင်ရှိပါတယ်။
မအားမလပ်တဲ့ကြားက ပွဲအတွက် အချိန်ပေးပြီး ကာယအား၊ ဉာဏအားဖြင့် ကူညီပေးကြသော ညီအစ်ကိုမောင်နှမများနှင့် ပွဲကျင်းပနိုင်ရေးအတွက် နည်းများမဟူ ရန်ပုံငွေထည့်ဝင်ပေးကြသူများအားလုံးကိုလည်း အထူးကျေးဇူးတင်ရှိပါတယ်။ ယနေ့ပွဲကို တက်ရောက်လာပေးကြတဲ့ အခြားတိုင်းရင်းသား သွေးချင်းညီအစ်ကိုမောင်နှမများနှင့် မလေးရှားရောက် ပအိုဝ်းမိသားစုဝင်များကိုလည်း အထူးကျေးဇူးတင်ပါတယ်။ ဝမ်းမြောက်ဝမ်းသားလည်း ဖြစ်ရပါတယ်။
ယနေ့ပွဲရဲ့ အစီအစဉ်မျိုးစုံမှာ ဝင်ရောက်အားဖြည့်တင်ဆက်ပေးကြတဲ့ အဆိုရှင်များ၊ အကအဖွဲ့များ၊ တေးသရုပ်ဖော်အဖွဲ့များအားလုံးကိုလည်း ကျေးဇူးတင်ပါတယ်။
ယခုနှစ်မှာ အင်တိုက်အားတိုက် ဝင်ရောက်ယှဉ်ပြိုင်အရွေးချယ်ခံကြတဲ့ ပအိုဝ်းမယ်များအားလုံးကိုလည်း အထူးကျေးဇူးတင်ရှိပါတယ်။ ရွေးချယ်ခံရတဲ့ မောင်မယ်များအတွက်လည်း ဝမ်းမြောက်ဝမ်းသာ ဂုဏ်ယူရပါတယ်။
ဒီပွဲရဲ့ အရေးပါဆုံးဖြစ်တဲ့ အစားအသောက် ထမင်းဟင်းကို အရသာရှိရှိချက်ပြုတ်ပေးကြတဲ့ စားဖိုမှူးများအဖွဲ့ အားလုံးကိုလည်း ကျေးဇူးတင်ရှိပါတယ်။
ယခုနှစ် ပွဲကလေး လှလှပပ အောင်
အောင်မြင်မြင် ပျော်ပျော်ရွှင်ရွှင် ပြီးမြောက်သွားတဲ့အတွက် ပူးပေါင်းပါဝင်ပေးကြတဲ့ တစ်ဦးတယောက်စီတိုင်းနဲ့ ကျေးဇူးတင်ထိုက်သူအားလုံးကို ကျေးဇူးတင်ပါတယ်။ လာမည့်နှစ်မှာလည်း အခုလို ပူးပေါင်းပါဝင်ပေးကြမယ်လို့ မျှော်လင့်ပါတယ်။

ငဝ်းကေꩻဇူꩻတင်ႏ
*****************
ခရစ်နေင်ႏ ၂၀၂၆ သေိင်ကာပူခမ်းခေတ္တဖျော်တွိုႏ ဖူးဝေးပအိုဝ်ႏနားဟွုန်ꩻစုအွဥ်ငါ ကမာꩻလွေꩻဒါႏ ပအိုဝ်ႏယိုꩻယာႏအဒုံႏအအူ အကျူႏပဒေႏသာႏပွယ်ꩻအခန်ꩻအနာꩻ PaO Ethnic Dance & Culture Show ထွူသွတ်ꩻအောင်ႏမျင်ႏလွေꩻလဲဥ်းသွူသြ ပွယ်ꩻပေႏအောင်ႏမျင်ႏထိုꩻလွေꩻအီအတာႏ ထဲ့ရာꩻတာႏဝွန်ႏခွုမ်မာꩻလွေꩻဒျာႏဖူးဝေးအစွိုꩻစွုမ်ႏဖြာꩻဖြာꩻတဲ့ကေꩻဇူꩻတင်းငါႏသြ ....အခိန်ႏတဖုဲင်ႏတဝ်းအခါႏကိုတဲင် နီယိုꩻယာႏပွယ်ꩻအတာႏ နမ်းအာႏ ဉာဏ်ႏအာႏအဖဲ့ꩻဖဲ့ꩻအခေါဝ်ခေါဝ်နွောင်ꩻရာꩻ စွဲးကမ်းကိုဒါႏ ဖူးဝေးစွုမ်းဖြာꩻဖြာꩻတောမ်ႏ ပွယ်ရွဥ်ရံႏပွုံႏအတာႏ ဆေ့အာတရိုꩻတဝ်း ထဲမ်ꩻသော့ꩻစွဲးကမ်းကိုဒါႏကားကအဝ်ႏတဲ့ ကေꩻဇူꩻတင်းငါႏသြ ....
ဟန်ႏနီꩻပွယ်ꩻပေႏယိန်းတရေꩻပိုႏအီအတာႏ အဝ်ႏခမ်းမလေးသျားကကျွꩻလွဥ်ဖေႏအာႏဒါႏ ဗွေႏရဟန်တောမ်ႏ ဖူးဝေးမလေးသျားပအိုဝ်ႏသားလဲ့သထွူတကာႏတဝ်း ခမ်းရင်ꩻသားဖူးဝေး (မဲင်ꩻ/ကမ်းယံ/တအင်းပလောင်း/စောက်ꩻတနျာႏ) ဖုံႏတဲ့ ကေꩻဇူꩻတန်မရေႏမရာႏငါႏအကျောင်ꩻလဝ်းဟွုန်လွေꩻဗာႏနုဲင်းယိုသွူသြ ....
မိဥ်းထွူ အခန်ꩻအနာꩻအခြပ်အရဲဥ်ႏအကို ကပါဝင်ႏဒါႏ အရွစ်ယံဖူးပေႏဖူးမူႏဖုံႏ/ အကျူႏပဒေႏသာႏသားစွုမ်ꩻစွိုꩻဖုံႏလဲ့ ကေꩻဇူꩻတန်ငါႏသွူသြ ...
ထဲင်းထွူနဝ်ꩻ ပအိုဝ်ႏယေဥ်ႏငဲနင်ꩻမူႏပြုဲင်ႏပွယ်ꩻအကို သွိုꩻသွိုꩻသွင်ႏသွင်ႏခေႏပြဲင်ႏလွေꩻဒျာႏစွုမ်ႏဖြာꩻဖြာꩻတောမ်ႏ ဒဲ့ꩻထူႏလꩻလွေꩻဆုꩻသားတဲ့ ထူႏဂွုဏ်ႏသꩻရေꩻငါႏသွူသြ
ဟန်ႏသနီယို အရေꩻတန်သွတ်ꩻကထွာဒါႏ အအံႏအအွꩻ ဒဲဥ်ဟန်ႏအတာႏ ကဒွိုႏသွတ်ꩻဖေႏဒါႏ ဖူးပေႏဝေးတန်အစွိုꩻလို့လို့စင်စင်ကားကအဝ်ႏတဲ့ ကေꩻဇူꩻတန်မရေးမရာႏငါႏနဝ်ꩻသွူ
ဟန်ႏနေင်ႏ ၂၀၂၆ ပွယ်အကိုယို တရေꩻတဲပ်တဲပ်ထွာနွောင်ꩻအီအတာႏ ဖြွမ်းဗူႏငီꩻဒါႏကားကအဝ်ႏအလောင်းတဲ့ ကေꩻဇူꩻတန်မရေးမရာႏငါႏနဝ်ꩻမꩻ နေင်ႏလေနေင်ႏသွုပ်ငါလွေꩻယင်းခိန်းတဲ့ ယံဖေႏနေး ဖြွမ်းဗူႏငီ လွေꩻသွုပ်ငီယင်းအကျောင်ꩻ အုံပွေါးကော့မောင်ꩻလဝ်းတမာꩻလွေꩻယင်းသနယ့်သြ
ကားကအဝ်ႏကေꩻဇူꩻတင်ႏငါႏသြ

ပွဲဖြစ်​မြောက်​ရေး ကော်မတီ
ပအိုဝ်းမိသားစု၊ စင်ကာပူ
၂၉ မတ်လ ၂၀၂၆

29/03/2026

Pa O Ethnic Dance & Culture Show 2026
Singapore
29 March

29/03/2026

တပေါင်းပွဲ

Pa-O Family Singapore

စင်ကာပူရောက်/လာမည့် လူငယ်များအတွက် အလုပ်အကိုင်အခွင့်အလမ်းသစ်များPa-O Family Singaporeစင်ကာပူနိုင်ငံဟာ သေးငယ်ပေမဲ့ ဖွံ့ဖြ...
26/03/2026

စင်ကာပူရောက်/လာမည့် လူငယ်များအတွက် အလုပ်အကိုင်အခွင့်အလမ်းသစ်များ

Pa-O Family Singapore

စင်ကာပူနိုင်ငံဟာ သေးငယ်ပေမဲ့ ဖွံ့ဖြိုးတိုးတက်မှု ရပ်တန့်မသွားဘဲ ၂၀၂၅ ကနေ ၂၀၄၀ အထိ ရေရှည်စီမံကိန်းကြီး (Mega Projects) အများအပြားကို အကောင်အထည်ဖော်နေပါတယ်။ ဒါဟာ ကျွန်တော်တို့ မြန်မာအင်ဂျင်နီယာတွေနဲ့ ကျွမ်းကျင်လုပ်သားတွေအတွက် လက်မလွှတ်သင့်တဲ့ အခွင့်အရေးကောင်းတွေပဲ ဖြစ်ပါတယ်။

🏗️ စိတ်ဝင်စားဖွယ်ရာ ရေရှည်စီမံကိန်းကြီးများ
၁) Cross Island Line (CRL): စင်ကာပူရဲ့ အရှည်ဆုံး မြေအောက်ရထားလမ်းပိုင်းကြီး (Changi မှ Jurong အထိ)။

၂) Tuas Mega Port: ၂၀၄၀ မှာ အပြီးသတ်မယ့် ကမ္ဘာ့အကြီးဆုံး အလိုအလျောက် ဆိပ်ကမ်းကြီး။

၃) Changi Airport T5: လေဆိပ်ကို နှစ်ဆချဲ့ထွင်မယ့် စီမံကိန်းကြီး။

၄) Skywaters Residences: ၂၀၂၈ မှာ ပြီးစီးမယ့် စင်ကာပူရဲ့ အမြင့်ဆုံး အဆောက်အအုံသစ်ကြီး။

၅) JID (Jurong Innovation District): နည်းပညာနဲ့ စက်မှုလုပ်ငန်းတွေ စုစည်းရာ အနာဂတ်မြို့တော်။

💼 အင်ဂျင်နီယာပိုင်းအပြင် စင်ကာပူရဲ့ လူနေမှုအဆင့်အတန်းနဲ့ စီးပွားရေး တိုးတက်လာတာနဲ့အမျှ အောက်ပါကဏ္ဍတွေမှာလည်း လူအင်အား အမြဲလိုအပ်နေပါတယ် -

၁) Helper (အိမ်အကူ): မိသားစုသစ်တွေနဲ့ လူနေအိမ်ရာသစ်တွေ များပြားလာတာကြောင့် ကျွမ်းကျင်အိမ်အကူ (Helper) များအတွက် လစာနှင့် ခံစားခွင့်ကောင်းသော အခွင့်အလမ်းများ ရှိနေဆဲပါ။

၂) Cleaning (သန့်ရှင်းရေး): စီမံကိန်းသစ်များ၊ ရုံးခန်းများနှင့် ဆေးရုံများတွင် သန့်ရှင်းရေးနှင့် Facility Management ပိုင်း၌ ဝန်ထမ်းအမြဲလိုအပ်လျက်ရှိသည်။

၃) Sales & Retail (အရောင်းပိုင်း): ခရီးသွားလုပ်ငန်းနှင့် ဈေးဝယ်စင်တာအသစ်များ (ဥပမာ- MBS Expansion) ကြောင့် အရောင်းဝန်ထမ်းနှင့် ဝန်ဆောင်မှုပေးသူများအတွက် လမ်းပွင့်နေပါသည်။

၄) Healthcare & Nursing: သက်ကြီးရွယ်အို စောင့်ရှောက်ရေးနှင့် ဆေးရုံသစ်များတွင် ကျန်းမာရေးဝန်ထမ်းများ အထူးလိုအပ်ပါသည်။

💡 ကျွန်ုပ်တို့ ဘာတွေပြင်ဆင်ထားကြမလဲ?
"မြေမရှိတော့လို့ ဘာမှထပ်မဆောက်တော့ဘူး" ဆိုတဲ့ အပြောတွေကို နားမယောင်ဘဲ မိမိတို့ရဲ့ အရည်အချင်း (Skills) တွေကို မြှင့်တင်ထားကြပါ။

၁) CV/Resume: စနစ်တကျ ပြင်ဆင်ထားပါ။

၂) Language: အင်္ဂလိပ်စကားပြောကို ပိုမိုလေ့ကျင့်ပါ။

၃) Networking: Pa-O Family Singapore ကဲ့သို့ မိသားစုဝင်များအချင်းချင်း သတင်းအချက်အလက် မျှဝေကြပါ။

မိမိတို့ကိုယ်တိုင် ကြိုးစားအားထုတ်ပြီး မိသားစုကို အကောင်းဆုံး ထောက်ပံ့နိုင်တဲ့သူများ ဖြစ်ကြပါစေကြောင်း ဆုမွန်ကောင်းတောင်းလိုက်ရပါတယ်။

နီပအိုဝ်ႏမူႏခိုသီး ကံကျမ္မာႏယို နမ်းတွမ်ႏနမ်း ဖန်ဆင်းရောင်လွသွော့နော။



#သတင်းကောင်း - စင်ကာပူအစိုးရ၏ ASEAN Scholarship (၂၀၂၆) ခေါ်ယူခြင်းPa-O Family Singaporeစင်ကာပူနိုင်ငံမှာ အထက်တန်းပညာရေး...
24/03/2026

#သတင်းကောင်း - စင်ကာပူအစိုးရ၏ ASEAN Scholarship (၂၀၂၆) ခေါ်ယူခြင်း

Pa-O Family Singapore

စင်ကာပူနိုင်ငံမှာ အထက်တန်းပညာရေးကို အခမဲ့သင်ကြားခွင့်ရမယ့်အပြင် ဘဝရည်မှန်းချက်တွေ အကောင်အထည်ဖော်နိုင်မယ့် ASEAN Scholarship for Myanmar လျှောက်လွှာများ မကြာမီ ခေါ်ယူတော့မှာ ဖြစ်ပါတယ်။

ဒီပညာသင်ဆုဟာ Secondary 3 ကနေ GCE A-Level ပြီးဆုံးတဲ့အထိ (၄) နှစ်စာ ပညာသင်ကြားရေးနဲ့ နေထိုင်စရိတ်အားလုံးကို အခမဲ့ ထောက်ပံ့ပေးသွားမယ့် Fully Funded Scholarship အမျိုးအစား ဖြစ်ပါတယ်။

📌 လျှောက်ထားနိုင်သူများ (Eligibility)
1) မြန်မာနိုင်ငံသား ဖြစ်ရပါမည်။
2) မွေးသက္ကရာဇ်: ၂၀၁၀ ဇန်နဝါရီ ၂ ရက် မှ ၂၀၁၃ ဇန်နဝါရီ ၁ ရက်အတွင်း မွေးဖွားသူ ဖြစ်ရပါမည်။
3) အင်္ဂလိပ်စာ အရည်အချင်း ကောင်းမွန်ရပါမည်။
4) ကျောင်းစာတွင် ထူးချွန်ရမည့်အပြင် ပြင်ပလှုပ်ရှားမှု (CCA) နှင့် ခေါင်းဆောင်မှုကဏ္ဍများတွင် တက်ကြွစွာ ပါဝင်ခဲ့သူ ဖြစ်ရပါမည်။

💰 ရရှိမည့် အကျိုးခံစားခွင့်များ (Benefits)
1) ကျောင်းလခ (School Fees) အားလုံး အခမဲ့။
2) အဆောင်နေထိုင်စရိတ်နှင့် လစဉ်ထောက်ပံ့ကြေး။
3) အသွားအပြန် လေယာဉ်လက်မှတ်။
4) GCE O-Level နှင့် A-Level စာမေးပွဲကြေးများ။
5) ကျန်းမာရေးနှင့် မတော်တဆမှု အာမခံ။

🗓 အရေးကြီးသည့် ရက်စွဲများ
1) လျှောက်လွှာဖွင့်မည့်ရက်: ၂၀၂၆ ဧပြီလဆန်း (ခန့်မှန်း)
2) စာမေးပွဲဖြေဆိုရမည့်ရက်: ၂၀၂၆ ဇွန်လကုန်ပိုင်း (ရန်ကုန်မြို့တွင်)
3) လူတွေ့စစ်ဆေးမည့်ရက်: ၂၀၂၆ ဇူလိုင်လကုန်ပိုင်း (ရန်ကုန်မြို့တွင်)

စင်ကာပူရဲ့ ပညာရေးစနစ်ဟာ စာတော်ရုံတင်မကဘဲ ဗဟုသုတစုံလင်ပြီး ကိုယ်ရည်ကိုယ်သွေး ပြည့်ဝတဲ့သူတွေကို ဦးစားပေးတာကြောင့် အခုကတည်းက ကြိုတင်ပြင်ဆင်ထားကြဖို့ တိုက်တွန်းလိုပါတယ်။

🔗 အသေးစိတ် အချက်အလက်များကို Singapore MOE Website တွင် ဖတ်ရှုနိုင်ပါသည်: Link ကို Comment တွင် ချပြထားပါသည်။

မိမိတို့ရဲ့ သားငယ်သမီးငယ်များအတွက် အခွင့်အရေးကောင်းတစ်ခု ဖြစ်တာကြောင့် ဝေမျှပေးလိုက်ပါတယ်ရှင့်။

Address

Sembawang

Website

Alerts

Be the first to know and let us send you an email when Pa-O Family Singapore posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Pa-O Family Singapore:

Shortcuts

Share

Category