24/06/2026
ካብ social ገንዘብ ንዝቕበሉ ሰባት ዝምልከት ሓዱሽ ሕጊ ጸዲቑ !
ኣብ ሽወደን ኩሎም ካብ social ገንዘብ ዝቕበሉ ሰባት ካብ 1 ሓምለ 2026 ሓዱሽ ተሪር ሕጊ ኣብ ግብሪ ክዉዕል እዩ።እዚ ሓዱሽ ሕጊ ኩሎም እቶም ኣብ ነፍሲ ወከፍ ኮሙን ካብ social ( ምምሕዳር) ገንዘብ ንዝቕበሉ ሰባት ዝምከት ሓዱሽ ሕጊ እዩ።
በዚ መሰረት እቶም ንመግቢ፣ ክዳውንትን መንበሪ ገዛን ካልእ መሰረታዊ ሓገዛትን ተባሂሉ ካብ ኮሙን ናይ መነባብሮ ሓገዝ (försörjningsstöd) ንምርካብ መንግስቲ ኣታኣታትይዎ ዘሎ ሓዱሽ መምዘኒታት ከማልኡ ዝግድድ ሕጊ ኣብ ግብሪ ክዉዕል እዩ።
ካብ 1 ሓምለ ጀሚሩ ኩሉ ሰብ ካብ ነፍሲ ወከፍ ኮሙን ( ምምሕዳር) ካብ ሶሻል ገንዘብ ክዋሃብ እንተኾይኑ፡ ዝኾነ ሰብ ሰለስተ ወርሒ ብተኸታታሊ ካብቲ ዝነብሮ ምምሕዳር ናይ መነባብሮ ሓገዝ ክወስድ እንጸኒሑ፡ ነቲ ሓገዝ ንምቕጻል ኣብ ዝኾነ ንጥፈት ክሳተፍ ዘገድድ ሕጊ እዩ።
እዚ ማለት፡ ሓደ ሰብ ካብ ሶሻል ገንዘብ ክዋሃብ እንተኾይኑ፡ ኣብ ስራሕ ወይ ፕራክቲክ ክኸይድ ይግደድ። እዚ ንጥፈት እዚ ከም ተመክሮ ስራሕ (praktik)፣ ስራሕ ምድላይ ወይ መጽናዕቲ ቋንቋ ዝኣመሰሉ ክኸውን ይኽእል እዩ። እቲ ንጥፈት ድማ ምሉእ ግዜ (hel tid) ክኸውን ኣለዎ።
እንተኾነ ግን ካብ ብዙሓት ወገናት ከቢድ ተቓዉሞ ይስማዕ ኣሎ። እዚ ሓዱሽ ሕጊ፡ ነቶም ብቑጠባ ዝተሃሰዩ ሰባት ናብ ዝገደደ ቁጠባዊ ቅልውላው ከእትዎም ከም ዝኽእል የጠንቅቑ ኣለዉ። ብኻልእ ወገን እዚ ሓድሽ ሕጊ ነቶም ምሉእ ግዜ ንጥፈታት ክገብሩ ዝኽእሉ ሰባት ጽቡቕ ክኸውን ይኽእል እዩ ዝብል ሪኢቶታት ዉን ይስምዑ ኣለዉ።
እዚ ለውጢ እዚ ክፋል ናይቲ መንግስቲ ኣብ ኩሉ ጽላት ሕብረተሰብ፡ ካብ መንግስቲ ተጸባዪ ዝኾነ ሰብ ካብ መንግስቲ ዝዋሃብ ሓገዛት ንምንካይ ዝዓለመ እዩ ። እዚ ሒጂ ኣብ ስልጣን ዘሎ መንግስቲ፡ ብዙሓት ሰባት ኣብ ነዊሕ ግዜ ዝወስድ ናይ ሓገዝ ተጸበይቲ (bidragsberoende) ተታሒዞም ከም ዘለዉን ምስ ዕዳጋ ስራሕ ድማ ድኹም ምትእስሳር ከም ዘለዎምን ይኣምን።
ተኽለወይኒ ኣስመላሽ
24 ሰነ 2026
