NRNA- NCC Sweden

14/10/2026

🪔🎶 तिहार विशेष सांस्कृतिक तथा देउसी–भैलो कार्यक्रम २०२६ 🎶🪔

📅 मिति: ८ नोभेम्बर २०२६, आइतबार
⏰ समय: १३:३०–१७:३० बजे
📍 स्थान: Husby Folkets Hus, Stockholm
🎟️ प्रवेश निःशुल्क

🙏 आदरणीय अभिभावकज्यूहरू, आफ्ना बाबुनानीहरूको नाम जतिसक्दो छिटो दर्ता गराइदिनुहुन हार्दिक अनुरोध गर्दछौँ।

📝 नाम दर्ताको अन्तिम मिति: २८ अक्टोबर २०२६
👧🧒 सहभागिता: १८ वर्षसम्मका बालबालिका

नाम दर्ता तथा थप जानकारीका लागि:
📧 इमेल: [email protected]

📞 रीना ढकाल – 076-449 80 81
📞 डा. दीपराज थापा – 070-414 88 57
📞 गंगा घिमिरे – 076-245 01 92

साथै, कार्यसमितिका सम्पूर्ण पदाधिकारीज्यूहरू

आयोजक
गैर–आवासीय नेपाली संघ, स्वीडेन

13/10/2026

विजया दशमी २०८३ को हार्दिक मंगलमय शुभकामना!

बडा दशैंको पावन अवसरमा स्वदेश तथा विदेशमा रहनुभएका सम्पूर्ण आमाबुबा, दाजुभाइ तथा दिदीबहिनीहरूमा सुख, शान्ति, समृद्धि, सुस्वास्थ्य र उत्तरोत्तर प्रगतिको हार्दिक मंगलमय शुभकामना!

माता दुर्गा भवानीको आशीर्वादले सबैको जीवनमा खुशी, सफलता, आपसी सद्भाव र एकता कायम रहोस्। 🙏

गैरआवासीय नेपाली संघ
राष्ट्रिय समन्वय परिषद्, स्वीडेन

10/10/2026

🪔🎶 तिहार विशेष सांस्कृतिक कार्यक्रम २०२६ 🎶🪔

गैर–आवासीय नेपाली संघ , राष्ट्रिय समन्वय परिषद् स्वीडेनको आयोजनामा नेपालीहरूको चाड तिहारको अवसरमा विशेष सांस्कृतिक तथा देउसी–भैलो कार्यक्रम आयोजना गरिने भएको छ। कार्यक्रममा स्थानीय कलाकारहरू तथा दोस्रो पुस्ताका नेपाली बालबालिकाहरूको विशेष देउसी–भैलो प्रस्तुति रहनेछ।

📅 मिति: ८ नोभेम्बर २०२६, आइतबार
⏰ समय: १३:३०–१७:३० बजे
📍 स्थान: Husby Folkets Hus, Stockholm
🎟️ प्रवेश: निःशुल्क

१८ वर्षसम्मका बालबालिकालाई देउसी–भैलोमा सहभागी गराउन इच्छुक अभिभावकज्यूहरूले २८ अक्टोबर २०२६ भित्र नाम दर्ता गराइदिनुहुन अनुरोध गर्दछौँ।

नाम दर्ता भएका बालबालिकाहरूलाई आवश्यकताअनुसार देउसी–भैलोको अभ्यास गराइनेछ। अभ्यास गराइने मिति र स्थानको बारेमा पछि जानकारी गराइनेछ।

देउसी–भैलोबाट संकलित दक्षिणाबाट कार्यक्रमको खर्च व्यवस्थापन गरिनेछ। खर्च कटाएर रकम बाँकी रहेमा सो रकम बालबालिकाहरूको हित तथा विकासमूलक गतिविधिमा प्रयोग गरिनेछ। साथै, उक्त दिन देउसी–भैलोमा सहभागी बालबालिकाहरूका लागि खाजाको व्यवस्था गरिनेछ।

नेपाली भाषा, कला र संस्कृतिलाई नयाँ पुस्तासम्म पुर्‍याउने उद्देश्यले आयोजित यस कार्यक्रममा सम्पूर्ण नेपाली समुदायलाई सपरिवार उपस्थितिका लागि हार्दिक निमन्त्रणा गर्दछौँ।

नाम दर्ता तथा थप जानकारीका लागि:

📧 इमेल: [email protected]

सम्पर्क व्यक्तिहरू:
📞 रीना ढकाल – 076-449 80 81
📞 डा. दीपराज थापा – 070-414 88 57
📞 गंगा घिमिरे – 076-245 01 92

साथै, कार्यसमितिका अन्य सम्पूर्ण पदाधिकारीहरू

📌 नोट: एनसीसी स्वीडेनद्वारा १४ जुन २०२६ मा आयोजित वक्तृत्वकला प्रतियोगितामा विभिन्न उमेर समूहबाट प्रथम, द्वितीय र तृतीय स्थान हासिल गरेका बाबुनानीहरूलाई प्रदान गर्न बाँकी रहेको Token of Love (मायाको चिनो) यही तिहार विशेष सांस्कृतिक कार्यक्रममा वितरण गरिनेछ।

🙏 आउनुहोस्, नेपाली संस्कृति र परम्पराको संरक्षण गर्दै नयाँ पुस्तासँग मिलेर तिहारको उत्सव मनाऔँ!

आयोजक:
गैर–आवासीय नेपाली संघ
राष्ट्रिय समन्वय परिषद्, स्वीडेन

24/09/2026

23/09/2026

स्वीडेनबाट संकलित सहयोग रकम प्रधानमन्त्री दैवी प्रकोप उद्धार कोषमा हस्तान्तरण 🇳🇵🇸🇪

नेपालको भोटेकोशी नदी क्षेत्रमा आएको विनाशकारी बाढीका कारण रसुवा, नुवाकोट, धादिङलगायतका क्षेत्रमा प्रभावित परिवारहरूको सहयोगार्थ, गैरआवासीय नेपाली संघ, स्वीडेन मार्फत संकलन गरिएको SEK 119,614 (१,१९,६१४ स्विडिस क्रोनर), बराबर NPR 1,831,535 (रु. १८,३१,५३५) सहयोग रकम NRNA ICC मार्फत प्रधानमन्त्री दैवी प्रकोप उद्धार कोषमा जम्मा गरिएको छ।

यस मानवीय अभियानमा सहयोग तथा योगदान गर्नुहुने सम्पूर्ण महानुभावहरूप्रति हार्दिक धन्यवाद तथा कृतज्ञता व्यक्त गर्दछौँ।

गैरआवासीय नेपाली संघ, स्वीडेन

22/09/2026

🧠 मानसिक स्वास्थ्य सचेतना अन्तरक्रिया कार्यक्रम, स्टकहोम

गैरआवासीय नेपाली संघ (NRNA) स्वीडेनको आयोजनामा तथा Studiefrämjandet लगायतका संस्थाको सहकार्यमा स्टकहोममा मानसिक स्वास्थ्य सचेतना सम्बन्धी अन्तरक्रिया कार्यक्रम आयोजना हुँदैछ।

कार्यक्रममा विश्व मनोचिकित्सा सम्मेलनमा सहभागी हुन स्टकहोम आउनुभएका Penn State University, USA का Associate Professor of Psychiatry तथा Hershey Medical Center का Psychiatrist डा. सञ्जय यादवले मानसिक स्वास्थ्यको समझ, सामान्य लक्षणको पहिचान, आत्महत्या रोकथाम, आवश्यक सहयोग तथा उपचार र प्रवासी नेपाली समुदायको स्वास्थ्य क्षेत्रमा योगदानबारे प्रस्तुति तथा अन्तरक्रिया गर्नुहुनेछ।

📅 २४ सेप्टेम्बर २०२६ बिहीबार
⏰ १८:००–२०:००
📍 Hagstråket 13, Tensta Träff, Plan 2, Stockholm

स्वीडेनवासी सम्पूर्ण नेपाली समुदायलाई कार्यक्रममा हार्दिक आमन्त्रण गर्दछौँ। कार्यक्रम NRNA Sweden को आधिकारिक page बाट LIVE समेत प्रसारण गरिनेछ। 🙏🏻📹

🤝 आयोजक/सहकार्य: NRNA Sweden, PHOMIR, NIOMH तथा Studie främjandet
नोट: कार्यक्रम छोटो समयको सूचनामा आयोजना गर्न लागिएको हुँदा सबैमा जानकारी पुर्‍याउन नसकिएकोमा क्षमाप्रार्थी छौँ।

Interaktivt program om psykisk hälsa i Stockholm

NRNA Sweden arrangerar, i samarbete med Studiefrämjandet, ett interaktivt program om psykisk hälsa med Dr. Sanjay Yadav, psykiater och Associate Professor vid Penn State University, USA.

📅 24 september 2026, kl. 18.00–20.00
📍 Tensta Träff, Hagstråket 13, Stockholm

Alla är varmt välkomna! 🙏🏻

https://his-se.zoom.us/j/5026771178

20/09/2026

🕯️ श्रद्धाञ्जली तथा दीप प्रज्वलन कार्यक्रम सम्पन्न

भोटेकोशी बाढीमा ज्यान गुमाउनु भएका सम्पूर्ण दिवंगत आत्माहरूको सम्झनामा आज स्टकहोमको Sergels torg मा श्रद्धाञ्जली तथा दीप प्रज्वलन कार्यक्रम सम्पन्न भएको छ।

कार्यक्रममा उपस्थित भई दिवंगत आत्माहरूको चिरशान्तिको कामना गर्दै श्रद्धासुमन अर्पण गर्नुका साथै शोकसन्तप्त परिवारजनप्रति ऐक्यबद्धता र समवेदना प्रकट गर्नुहुने सम्पूर्ण महानुभावहरूमा हार्दिक धन्यवाद। 🙏🕯️

गैरआवासीय नेपाली संघ, स्वीडेन

15/09/2026

🕯️ श्रद्धाञ्जली तथा दीप प्रज्वलन सभामा उपस्थितिको हार्दिक अनुरोध

नमस्कार 🙏

भोटेकोशी क्षेत्रमा आएको विनाशकारी बाढीका कारण असामयिक रूपमा ज्यान गुमाउनु भएका सम्पूर्ण दिवंगत आत्माहरूप्रति भावपूर्ण श्रद्धाञ्जली अर्पण गर्दै उहाँहरूको पवित्र स्मृतिमा श्रद्धाञ्जली तथा दीप प्रज्वलन सभा आयोजना गरिएको छ।

यस दुःखद घडीमा स्वीडेनमा रहनुहुने सम्पूर्ण नेपाली दाजुभाइ तथा दिदीबहिनीहरूलाई उक्त कार्यक्रममा सहभागी भई दिवंगत आत्माहरूप्रति श्रद्धासुमन अर्पण गर्न तथा शोकसन्तप्त परिवारजनप्रति ऐक्यबद्धता र गहिरो समवेदना प्रकट गर्न हार्दिक अनुरोध गर्दछौँ।

📅 मिति: २० सेप्टेम्बर २०२६, आइतबार
🕠 समय: साँझ ५:३० बजेदेखि ७:०० बजेसम्म
📍 स्थान: Stockholm City, Khalto

नोट: कृपया सम्भव भएसम्म एउटा सानो मैनबत्ती (Candle) तथा श्रद्धाञ्जली सन्देश लेखिएको पोस्टकार्ड साथमा ल्याइदिनुहुन अनुरोध गर्दछौँ।

विशेष जानकारी: कार्यक्रमस्थलका लागि आवश्यक पुलिस अनुमति प्राप्त गर्न केही समय लागेको कारण कार्यक्रमसम्बन्धी सूचना ढिलो प्रकाशित भएकोमा क्षमाप्रार्थी छौँ। यहाँहरूको समझदारी र सहयोगका लागि हार्दिक धन्यवाद।

🙏 दिवंगत आत्माहरूप्रति भावपूर्ण श्रद्धाञ्जली तथा शोकसन्तप्त परिवारजनप्रति गहिरो समवेदना।

“दुःखको यस घडीमा हामी सबै एकजुट भई मानवीय संवेदना, ऐक्यबद्धता र सम्मान प्रकट गरौँ।” 🕯️

आयोजक:
गैरआवासीय नेपाली संघ, स्वीडेन
Stockholm T- Center
Location