Македонски сојуз/Makedoniska riksförbundet

04/12/2025

https://nezavisen.mk/bitolski-teatar-i-babec-teatarot-gostuvaat-vo-shvedska/?fbclid=IwdGRjcAOeuOpjbGNrA56412V4dG4DYWVtAjExAHNydGMGYXBwX2lkDDM1MDY4NTUzMTcyOAABHgMKR7BlDgzTLvDSiLAhXiSkUR9BI19TtFVvesdM-j0qxAHnLwSYj8bznHcO_aem_6VLYyMVY_0qOiD0zbl3s3g

Екипата на Битолскиот театар со претставата ,,Ако останеш дома” по мотиви на Карој Сакони и екипата на Бабец театарот со „На гости кај Кате и Фреда“, по делото на И....

24/09/2025

MAKEDONISK POESIDAG - 5 oktober på Stadsbiblioteket i Göteborg kl. 12:00

ДЕН НА МАКЕДОНСКАТА ПОЕЗИЈА ВО ШВЕДСКА
5 октомври 2025 година
во Stadsbiblioteket, Градската библиотека во Гетеборг во 12:00
Годинашната манифестација Ден на македонската поезија во Шведска ќе се одржи на 5 октомври во 12:00 во Градската библиотека во Гетеборг (Stdasbiblioteket, Trappscenen). Во програмата ќе земат учество петнасетина поети од разни национланости и здруженија, како и неколкумина членови на клубот „Феникс“ при Författarcentrum Väst. Гостин од Македонија годинава ќе бида истакнатиот поет Стефан Марковски.
Манифестацијата годинава го одбележува својот 35-годишен јубилеј.

20/05/2025

04/05/2025

„ДЕН НА МАКЕДОНСКАТА КУЛТУРА“, 17 мај во Гетеборг! Го очекуваме вашето присуство! Повелете!

28/04/2024

ДЕН НА МАКЕДОНСКАТА КУЛТУРА - Гетеборг, 28 април

Македонската заедница во Шведска уште еднаш покажа дека прави големи напори за афирмација на сопствената култура, јазик и традиција на скандинавските простори, каде што македонско самоорганизирање и културна дејност датираат пред повеќе од половина век.

Така беше и годинава во "Селма центарот" во Гетеборг, каде што под покровителство на Македонскиот сојуз во Шведска, и во организација на друштвото "Гоце Делчев", се одржа богата програма со настап на фолклорни секции, музички нумери и рецитатори. На манифестацијата присуствуваше и македонскиот амбасадор Џенк Сејфула. Инаку, салата на плоштадот " Селма Лагерлеф" беше премала да ги прими сите заинтередирани, така што едноставно немаше доволно места за седење за бројната публика.

11/04/2024

Повелете и проследете ја програмата на годинашната традиционална манифестација "Ден на македонската култура во Шведска" - 28 април, Гетеборг

20/09/2023

ДЕН НА МАКЕДОНСКАТА ПОЕЗИЈА ВО ШВЕДСКА

Годинашната традиционална поетска манифестација под покровителство на Македонскиот сојуз во Шведска, ќе се одржи на 7 октомври 2023 година, со почеток во 17:00 во локалите на Midsommargården, Telefonplan 3 - Hägersten, Stockholm. Во програмата ќе земат учество десетина поети, како и ученици што ќе рецитираат стихови од познати македонски поети. Специјален гостин од Македонија ќе биде познатата поетеса и литературен критичар Даниела Андоновска-Трајковска, која е и професор по литература и уредник на неколку книжевни списанија.

05/06/2023

ДЕН НА МАКЕДОНСКАТА КУЛТУРА ВО ШВЕДСКА

На 4 јуни во Центарот за култура „Селма Лагерлеф“ во Гетеборг се одржа традиционалната манифестација „Ден на македонската култура во Шведска“ под покровителството на Македонскиот сојуз, а во организација на друштвото домаќин „Гоце Делчев“. Програмата понуди богати содржини, инспиративни извeдби на народни ора и игри, со настап на фолклорните секции на Македонското друштво „Гоце Делчев“, Српското друштво „Синѓелиќ“ и шведскиот Интернационалнен клуб за народни игри. Настапија и ученици со музички нумери и интерпретација на стихови од познати македонски поети. Се на се, едно убаво другарување и уште еден успешен ден со солиден придонес на контото на повеќедецениските напори што се прават на скандинавските простори за афирмација на македонската култура, јазик и традиција и нивниот креативен допир со други култури.

09/05/2023

ГОДИШНО СОБРАНИЕ НА МАКЕДОНСКИОТ СОЈУЗ ВО ШВЕДСКА

Македонскиот сојуз во Шведска го одржа своето годишно собрание на 7 мај во просториите на друштвото „11 октомври“ во Хелиснгборг. Собранието беше неизборно и имаше советодавен карактер, со присуство на претседателите на македонските друштва и клубови. Беа разгледани тековните активности и планирањата за годишнашните традиционални манифестации, меѓу другото „Денот на македонската култура“ на 4 јуни во Гетеборг и „Денот на македонската поезија во Шведска“, што годинава ќе се одржи на 7 октомври во Стокхолм. Многумина зборуваа дека се прават напори за активирање на нови членови, иако таквите заложби не наидуваат секогаш на задоволителен резултат. Свој годишен состанок и планирање на активности одржа и Женскиот актив при Македонскиот сојуз, кој ќе продолжи да се ангажира за афирмација на македонското културно наследство и традиција, како и за зајакнување на присуството на жените во дејноста на македонската иселеничка заедница на скандинавските простори. Една од позначјаните активностио на овој актив ќе биде и традиционалниот натпревар „Вешта жена“, што годинава, по неколкугодишна пауза поради корона-пандемијата, ќе се одржи во рамките на програмата на „Денот на македонската култура“ на 4 јуни во Гетеборг.