06/10/2026
💛 الحوجة المدرسية | منظمة فرحة طفل – مدني 🎒
طوّلنا شوية ما رفعنا حوجة، ولسه لحدي الآن شغلنا في الميدان واقف، لكن الخير ما بوقف… والنية الطيبة عمرها ما بتضيع. 🤍
اليوم جايينكم بخطوة بسيطة، لكن أملنا فيها كبير… الحقيبة المدرسية لصالح الأطفال الأيتام. 🎒💛
عارفين إنو الظروف صعبة، وعارفين إنو الحوجة كبيرة، لكن برضو مؤمنين إنو لما تتلاقى الأيادي على الخير، الحاجات البنشوفها مستحيلة بتتيسر.
إن شاء الله الحوجة دي تتم، وتكون بداية لأخبار سمحة، وتفتح لينا أبواب الخير من جديد.
يمكن ما قادرين نشتغل في الميدان هسي، لكن قادرين نعمل حاجة بسيطة تخلي أثرنا موجود، وتخلينا قريبين من الأطفال والناس المحتاجين لينا. 🌱
قالوا: اعمل الخير عشان تفرح…
وأجمل فرحة، إنك تعرف إنو حاجة بسيطة منك كانت سبب في فرحة طفل، وخلّتو يمشي مدرستو وهو شايل حقيبتو ومبسوط. 🥹❤️
ما شرط المساهمة تكون كبيرة…
المهم تكون من قلبك، وعلى قدر استطاعتك.
والما قادر يساهم، يساعدنا بالنشر والدعاء، يمكن رسالتو تكون سبب في وصول الحوجة لزول يقدر يساعد.
💰 التكلفة: 2 مليار و200 ألف جنيه
🏦 رقم الحساب: 1853586
باسم: مبادرة فرحة طفل
خلونا نرجع شوية للأجر…
نرجع شوية للعطاء…
ونرسم فرحة، حتى لو كانت صغيرة في نظرنا، لكنها كبيرة جداً في قلب طفل. 🤍🎒
#معاً_نصنع_الفرحة
