نادي الأعمال السوداني

نادي الأعمال السوداني نادي ثقافي اقتصادي
(4)

نادي ثقافي اقتصادي يتكون من ابرز الشباب السوداني المنتج في القطاع الخاص ، لتشارك الأفكار الانتاجيه التي يمكن ان تصب في المصلحة الوطنية العامة ، ننوه علي ان هذه القروب لا ينتمي الي اي طبقه أو حزب سياسي ، فعليه نرجو من الجميع الالتزام بعدم التحزب لي اي طائفه سياسيه أو دينيه .
عليكم الله ما دايرين منشورات سياسيه ، او تحريضيه �

قروب لمشاركه و طرح الأفكار الاستثمارية و تنفيذها فقط
���������������

24/05/2026

هل تعلم أن Cost Plus Pricing قد تكون أفضل استراتيجية ترويجية إذا استُخدمت بذكاء؟ 🤔

بعض الشركات تنظر للتسعير على أنه مجرد “تكلفة + ربح”…
لكن الشركات الذكية تنظر إليه كأداة لبناء الثقة.

عندما يشعر العميل أن السعر عادل وواضح،
فأنت تبني علاقة طويلة المدى… وليس مجرد عملية بيع.

#التسويق, #التسعير, , , ,

23/05/2026

في زحمة الأعمال… والاجتماعات… والسعي خلف النجاح…
لا تنسوا أن أعظم استثمار في الحياة قد يكون جلسة دافئة مع والدٍ يحبك بصمت… أو ضحكة صادقة مع من تحب ❤️

بعض الناس نؤجلهم بحجة الانشغال…
ثم نكتشف متأخرين أن العمر كان أسرع من خططنا.

النجاح الحقيقي ليس فقط فيما تملكه…
بل فيمن ما زالوا حولك وأنت تملك فرصة احتضانهم. 🌿

استمتعوا بآبائكم… وأحبابكم…
فالحياة لا تمنحنا دائمًا فرصة أخرى.

#الحياة, #النجاح, #الأسرة, , , , , , #العائلة, #مشاعر, , , , #خواطر, #وعي

22/05/2026

أحيانًا…
العاطفة تُكلّف الشركات ملايين! ⚠️

كم مشروع فشل لأن صاحبه أحب الفكرة أكثر من اللازم؟

الإدارة الاحترافية لا تعتمد على الحماس فقط،
بل تعتمد على الأدلة والبيانات والتحليل.

البيانات لا تجامل أحدًا…
لكنها تحميك من القرارات العشوائية.

قبل أي قرار إداري اسأل:
هل هذا القرار مدعوم بالبيانات؟
أم مجرد شعور مؤقت؟

#الإدارة, , #البيانات, ,

19/05/2026

أحيانًا الرزق لا يتأخر لأنك لا تعمل…
بل لأن نيّتك تحتاج مراجعة.

ما عند الله لا يُؤخذ إلا بطاعته 🤍
وعلى نواياكم تُرزقون.”

#أحيانًا الرزق لا يتأخر لأنك لا تعمل…
بل لأن نيّتك تحتاج مراجعة.

ما عند الله لا يُؤخذ إلا بطاعته 🤍
وعلى نواياكم تُرزقون.

#النية #الرزق #البركة #وع النية #الرزق #البركة #وعي

16/05/2026

ليس كل منافس عدوًا.

في الأسواق…
قد يربح البعض بالخداع مؤقتًا، لكن السمعة الطيبة تبقى أطول من أي مكسب سريع.

واترُكِ الأبوابَ تُفتحُ للجميعِ
ففضلُ اللهِ ليسَ لهُ احتكارُ

#التسويق, #القيادة, , #الأعمال, #النجاح, #الاحترافية, #المنافسة

رسالة إلى عزيزي مصطفى السوداني 🥹🥲 التقيت البارحة شابًا جميلًا من السودان اسمه مصطفى. استوقفني بعبارات خجولة، وملامحه كان...
16/05/2026

رسالة إلى عزيزي مصطفى السوداني 🥹🥲

التقيت البارحة شابًا جميلًا من السودان اسمه مصطفى. استوقفني بعبارات خجولة، وملامحه كانت شايلة تعب الغربة والبلد، وبصوت خفيض قال لي، السلام عليكم دكتور قاسم، أنا حقيقي بحب محتواك شديد، لكن للأسف ما قادر أتابعك. عاينت ليهو باستغراب وسألته، ليه ما قادر تتابعني يا مصطفى، المانعك شنو؟

قال لي بنبرة فيها حزن، والله يا دكتور أنا جيت من السودان لي قرابة السبعة شهور هنا للمملكة العربية السعودية، بفتش علو شغل وضايقة بي وما لقيت طريقة، وعشان كدة قررت أسكن في بيت شباب عزابة لغاية ما ربنا ييسرها والخطوة تظبط وأتوفق في عمل. قلت ليهو، طيب يا مصطفى، ربنا ييسر ليك ويفتحها عليك، بس برضه ما جاوبتني، السكن مع العزابة علاقته شنو بإنك ما تتابع المحتوى؟

هنا دنقر في الأرض بكل استحياء وقال لي، يا دكتور، الشباب الأنا ساكن معاهم كل ما يلمحوني فاتح فيديو ليك بيبدأوا يتهكموا ويبرموا فيني، وبقولوا لي، يا زول فكنا، خلي التنمية البشرية دي تنفعك، ديل ناس بيبيعوا الوهم وبياكلوا قروش الناس بالطلس والكلام السمح ده.

أخذت وقفة مع نفسي وتبسمت لمصطفى وأنا شايف كيف المفاهيم جايطة في عقل مصطفى والمعاه، وربت على كتفه وقلت ليهو، يا مصطفى يا عزيزي، تعال أقعد معاي هنا أولاً، وعشان ترفع راسك قدامهم خليني أفرّق ليك بين شغلنا في استراتيجيات التسويق وتطوير الأعمال وبين حاجة اسمها التنمية البشرية.

يا مصطفى، استراتيجيات التسويق وتطوير الأعمال دي علوم إدارية بحتة، عندها علاقة مباشرة بالمنظومة المؤسسية والبيزنس سواء كانت شركات خاصة أو حكومية، والعلم ده شغلته يضع خطط تنفيذية عشان يستخلص البيانات العملية ويدمجها مع التكنولوجيا والبرمجيات المتطورة زي الذكاء الاصطناعي وغيره، وبعد داك بناخد الداتا دي ونوظفها تسويقياً عشان نجيب كسب مادي وأرباح ونكبر الشركات، طيب يا مصطفى، نحن المسوقين ديل مش بشر، والزبائن البنسوق ليهم ديل مش بشر برضو، قال لي وهو منتبه، نعم، أكيد بشر.

تابعت معاهو وقلت ليهو، أهو هنا بجي موضوع التنمية البشرية، واللي نحن في كوثرون ما عندنا بيهو صلة تخصصية مباشرة، التنمية البشرية دي علم قايم بذاته، عنده علاقة وثيقة بعلم النفس وعلوم المجتمع، يعني بتشتغل على سلوكياتنا كبشر، تعاملاتنا مع بعض، طريقة تعاطينا مع ضغوط الحياة والمجتمع، وتفكيك الصفات السلوكية الجوانا من حسد وغل ونرجسية وأمراض نفوس.

وعشان نكون واقعيين يا مصطفى، عاين معاي لواقعنا العايشنه هسي بسبب الحرب في السودان وبشاعتها السلوكية والاجتماعية المارقة في شكل سرقة ونهب واغتصاب وسلخ، وعاين لسلوكياتنا الفردية كمواطنين مع بعض ودرجة الحسد والأنانية وعدم مساعدة المحتاج فينا، وحتى سلوكياتنا المجتمعية في الزواج، الواحد يكون ما لاقي حق ملاح يومه لكن عشان يعرس لازم يدفع أغلى المهور والشكليات، والشباب كلهم مأزومين ومشتتين بسبب العادات دي، ناهيك عن سلوكياتنا السياسية الخلت كل زول ينهش في جسم البلد، والأمراض العاطفية من كره واستحقار للنفس لدرجة إننا وين ما نمشي بنعاين لذاتنا بنظرة دونية وبنحس إنو الناس حاقرين بينا.

تفتكر يا مصطفى من واقعنا المأزوم ده نحن في المرحلة الحالية محتاجين لشنو أكتر، علوم إدارية وبيزنس ولا علوم تنمية بشرية وإعادة صياغة للإنسان، مصطفى سكت تماماً، وبقت عيونه بتلمع كأنه لقى الإجابة التايهة منه، فكملت كلامي.

أنا غايتو وصلت لقناعة يا مصطفى إننا محتاجين لجامعة تنمية بشرية عدييييل تمنح بكالوريوس وماجستير وما مجرد كورسات عابرة وسريعة، نحن محتاجين للحاجة دي في السودان هسي أكتر من أي وقت مضى عشان نبني الإنسان السوي من جوه ونعالج آثار الحرب والدمار النفسي.

عشان كدة نصيحتي ليك يا أخوي اعتزل ما يؤذيك، سيبك من كلام الشباب المحبطين المعاك، وأمشي اِنهل من العلوم البتداوي نفسيتك وبتقوم سلوكك على أساس علمي ونهج تربوي صحيح، وأنا بوعدك الحاجة دي لو عملتها حتنعكس على حياتك فوراً، وحتفتح ليك أبواب الرزق والشغل، وتخلي تعاملاتك الاجتماعية ناجحة وموفقة ومباركة.

ختمت كلامي وأنا ببتسم ليهو لأنك يا مصطفى محتاج تكون إنسان متزن ونفسياً سوي عشان تقدر تبني وتدير أسرة سليمة وصالحة، وما في أي فايدة إنك تكون إداري شاطر وناجح في السوق وأسرتك وناسك وأحبابك مشوهين نفسياً وسلوكياً. وبعد داك، يوم ما تروق وتتزن وتلقى نفسك جاهز للبيزنس تجينا طوالي وتحضر معانا استراتيجيات التسويق وتطوير الأعمال وقت ما تحب ووقت ما تشاء، أبوابنا دايماً فاتحة ليك يا غالي.

أمنياتي ليك باتزان نفسي وسلوكي أولاً، واتزان عملي ومؤسسي ثانياً. ودّعني مصطفى بابتسامة صافية غسلت كل ملامح الخجل والخوف المرتسعة في وشه، ومشى بخطوات واثقة وسط زحام شوارع الرياض، وأنا بقيت واقف مكاني وبقول في سري، الله يصلح حال الإنسان عشان ينصلح حال الأوطان.🥹🤲

أخوك الجاهل الفقير لله / قاسم صلاح

#كوثرون

15/05/2026

.

نُرهق عقولنا بتحليلات، وتوقعات، وسيناريوهات صنعها “العالم الافتراضي” داخل أذهاننا عن الناس…
بينما الحقيقة لا تُفهم إلا بالاختلاط، والمواقف، والتجارب الحقيقية.

كلما اقتربت من الناس أكثر…
فهمتهم أكثر.
وكلما ابتعدت عن الأوهام…
ارتحت أكثر.

ليس كل ما نظنه حقيقة…
وأحيانًا نحن نتعب من “تخيّل الواقع” أكثر من الواقع نفسه.

, #الوعي, , #العلاقات, #الحياة, #النجاح, #التفكير, , #العقلية,

13/05/2026

حين تختفي المشاريع الصغيرة…
تبدأ الأسواق بفقدان التوازن الاقتصادي الحقيقي.

#الاقتصاد #التسويق

12/05/2026

التشتت أخطر من الفشل نفسه.

الفشل قد تتعلم منه…
لكن التشتت يجعلك تنسى أصلًا لماذا بدأت.

درّب عقلك على التركيز… فالعقول المشتتة لا تصل بعيدًا.

, #النجاح, , , #الوعي, #التطوي

BMS certificate القاهرة WhatsApp 058 187 4995
11/05/2026

BMS certificate

القاهرة

WhatsApp
058 187 4995



09/05/2026

الحياة قد تُنزلك أحيانًا…
لكن الله لا يترك عبده صفرًا أبدًا ✨

#الرزق, #النجاح, #الأمل, #التحفيز, , , #الحياة, #الوعي, #الاستمرارية

Address

Port Sudan

Website

Alerts

Be the first to know and let us send you an email when نادي الأعمال السوداني posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to نادي الأعمال السوداني:

Shortcuts

Share