مُجتمع الأطفال المُطورين

مُجتمع الأطفال المُطورين مَن نحن:
جمعية تهتم بتطوير قدرات ومَواهب الأطفال فى الذكاء الاصطناعي و البرمجة والابتكار و الربوتات. https://youtube.com/channel/UCcUkxOLw76nsxx3ib32Zh3g

26/10/2025

الرابط فى التعليقات:

13/09/2025

من أرشيف ذكريات مخيم البرمجة بكوستي 🎥
اللقطات رجّعتنا لأجمل اللحظات مع شباب الدفعة التانية، طاقة وحماس ما بتتنسي ✨

تم تقسيم الطلاب لمجموعات عشان يزيد النشاط، واشتغلوا على مشاريع مختلفة عزّزت روح العمل الجماعي والتفكير الإبداعي 💡.

ما تنسوا تسجّلوا في منصتنا الأونلاين، الرابط في التعليقات
تلقوا فيها كل الكورسات المتاحة أونلاين لتعليم أطفالكم.





#كوستي
#السودان

تاج الدين محمد.. أيقونة التكنولوجيا وركيزة نجاح مخيم البرمجة بكوستي 💻🔥حصل على لقب المتطوع المثالي شغفه بالتقنية بدأ معاه...
11/09/2025

تاج الدين محمد.. أيقونة التكنولوجيا وركيزة نجاح مخيم البرمجة بكوستي 💻🔥

حصل على لقب المتطوع المثالي شغفه بالتقنية بدأ معاهو من صغير، واليوم بقى واحد من أعمدة نجاح مخيم البرمجة والذكاء الاصطناعي بكوستي.

تاج الدين، طالب سنة تانية بكلية التجارة – جامعة النيلين، جمع بين شغف العلم وروح التطوع، وخلّى وجوده علامة فارقة في كل تفاصيل المخيم.

أبرز مميزات متطوعنا ودوره معانا :
▪️ إداري متمكن بخبرة عالية في مجاله الدراسي.
▪️ خبرة كبيرة في إدارة حسابات السوشيال ميديا.
▪️ متطوع تقني في مؤسسات محلية وعالمية.
▪️بصمة واضحة في نشر أنشطة المخيم على المنصات.
▪️ مشرف مساعد متعاون في كل المهام.
▪️ صبور وطيب وذو أخلاق واحترام.

شكر وتقدير
شكراً يا تاج الدين محمد على عطاك الكبير وجهدك المميز. وجودك أضاف قوة حقيقية لفريقنا، ونفتخر بيك وبإصرارك على خدمة شباب السودان 🇸🇩.





#كوستي
#السودان

هوية مخيم البرمجة بكوستي من إبداع أبوبكر صديق 🎨واحد من المتطوعين المميزين في مخيم البرمجة والذكاء الاصطناعي بمدينة كوستي...
11/09/2025

هوية مخيم البرمجة بكوستي من إبداع أبوبكر صديق 🎨
واحد من المتطوعين المميزين في مخيم البرمجة والذكاء الاصطناعي بمدينة كوستي قريباً حنقول ليه الخرييج أبوبكر صديق.🤩

بإبداعه وروح الفريق العالية،كان قدّم لينا:
▪️ هوية بصرية احترافية للمخيم.
▪️ مساهم فعّال في التنظيم والترتيب.
▪️ نموذج للمتطوع الشامل بتعامله الراقي.
▪️ تصاميم احترافية للميديا.

أبوبكر حالياً في امتحانات الفاينل.. نتمنّى ليهو التوفيق والنجاح، ووجودو معانا كان إضافة عظيمة نفتخر بيها.

شكراً يا بكري.




#كوستي

محمود عمر.. من الدويم لكوستي عشان يصنع الفرق "التطوع ما بس خدمة، هو روح بتسافر معاك من مكان لمكان." ✨قصتنا الليلة عن متط...
09/09/2025

محمود عمر.. من الدويم لكوستي عشان يصنع الفرق
"التطوع ما بس خدمة، هو روح بتسافر معاك من مكان لمكان." ✨

قصتنا الليلة عن متطوعنا .. محمود عمر، الطالب المجتهد في هندسة الكهرباء بجامعة كرري. محمود قطع المسافة من الدويم لحدي كوستي، وكل هدفو يكون جزء من رحلة مخيم تعليم الأطفال البرمجة.

● أخلاقو عالية واحترامو كبير لكل الناس.
● ساعد لجنة التنظيم ورتّب تفاصيل البرنامج.
● مسؤول عن مكتبنا في الدويم.
● وقف مع المشرفين في متابعة الطلاب وتوجيههم.
●ساهم بخبرتو في إصلاح أعطال المولد وصيانة الكهرباء.⚡

محمود بيمثل صورة مشرفة لشباب الدويم، ووجودو معانا كان إضافة كبيرة، نسأل الله له التوفيق 🙌💙
قريب جداً، المخيمات جاية ليكم في الدويم بإذن الله.




#كوستي

#سكراتش
#السودان

نحو جيل سوداني يبرمج المستقبل: انطلاق أول منصة مجانية لتعليم البرمجة الروبوتات 💻🇸🇩يسرنا أن نعلن عن ثمرة جهود دامت لسنوات...
09/09/2025

نحو جيل سوداني يبرمج المستقبل: انطلاق أول منصة مجانية لتعليم البرمجة الروبوتات 💻🇸🇩

يسرنا أن نعلن عن ثمرة جهود دامت لسنوات من العمل الدؤوب والصبر، فبفضل من الله وتوفيقه، تحول الحلم إلى حقيقة في اليوم السابع من سبتمبر. بكل فخر واعتزاز، نعلن عن إطلاق منصتنا السودانية المجانية بالكامل.

تُعد "249School " أول منصة سودانية مجانية متخصصة في تعليم الأطفال المجالات التالية:
▪️ البرمجة.
▪️ علم الروبوتات.
▪️ الذكاء الاصطناعي.

نعتز بأن هذا المشروع الطموح يُقدَّم باللغة العربية، وبشكل مجاني تمامًا، وبأيادٍ سودانية خالصة، فالحمد لله الذي بنعمته تتم الصالحات.

لمن تُوجَّه هذه المنصة؟💡

لكل طفل وطفلة تتراوح أعمارهم بين 8 و 16 عامًا، ممن لديهم شغف بالمعرفة، وحب للابتكار، ورغبة في تعلم تقنيات المستقبل من منازلهم.

ماذا تقدم المنصة؟📚

✅ دورات تعليمية مُصممة بأسلوب شيق ومبسط.
✅ مشاريع تطبيقية عملية مع شروحات مرئية.
✅ دعم فني وأكاديمي من نخبة من المدربين السودانيين.

هدفنا الأسمى:🎯

بناء جيل جديد سوداني واعٍ بأهمية التكنولوجيا، قادر على الإبداع والتفكير النقدي والبرمجة. نهدف إلى تمكين جيل لا يكتفي باستهلاك التقنية، بل يساهم في صناعتها وتطويرها.

رابط المنصة:

https://249school.online/home




#كوستي

249School

في كوستي.. ناس شايلين همّ البلد في قلوبهم 🇸🇩💙مواصلين معاكم سلسلة التعريف بالمتطوعين، الأبطال الحقيقيين البشتغلوا بحب عشا...
07/09/2025

في كوستي.. ناس شايلين همّ البلد في قلوبهم 🇸🇩💙

مواصلين معاكم سلسلة التعريف بالمتطوعين، الأبطال الحقيقيين البشتغلوا بحب عشان الفكرة تكبر وتنجح.

وفي "مخيم البرمجة والذكاء الاصطناعي بكوستي ، واحد من الأبطال ديل كان أخونا الزول الخلوق والمحترم محمد النور عمر عثمان.

دوره كمتطوع كان كبير ومؤثر :

-كان شريك حقيقي في النجاح.
- كان سند وأخ كبير للطلاب، بيوجههم ويرشدهم.
- قلبه كان على المخيم، وما بخل بأي معرفة أو جهد.
- علاقاته الطيبة في المجتمع كانت جسر ساعدنا كتير.

شكراً يا محمد، وقفتك معانا غالية شديد✨🫶





#سكراتش
#السودان
#شكراً_محمد_نور

فرحة نجاح وتميّز ألف مبروك لأبطالنا في كوستي🎉🤩بنبارك من قلبنا لأولادنا وبناتنا المتطوعين في مخيم البرمجة كوستي، الرفعوا ...
03/09/2025

فرحة نجاح وتميّز ألف مبروك لأبطالنا في كوستي🎉🤩
بنبارك من قلبنا لأولادنا وبناتنا المتطوعين في مخيم البرمجة كوستي، الرفعوا راسنا بنتائج مشرّفة في امتحانات الشهادة المتوسطة ولاية النيل الأبيض كوستي :

▪️ قطوف برشم حسين: 273 درجة.
▪️ محمد مأمون: 263 درجة.
▪️ أحمد سيف الدين: 216 درجة.

الأبطال ديل ما بس نجحوا في امتحاناتهم، كمان كانوا مدربين مميزين في لغة سكراتش، ساعدوا الطلاب وقدموا خبراتهم بكل حب وإبداع.

واليوم بنحتفل بيهم وبنجاحهم نفرح معاكم ونقول:🥳
"شاركوا نجاح أولادكم معانا.. نجاحم نجاح لينا كووولنا".




#كوستي

أصغر متطوع معانا.. نتيجتو بكرة وقصتو الليلة! 🤩💻أحمد سيف الدين ما بس طالب مستني نتيجتو بتاعت المتوسطة بكرة، أحمد دا كان أ...
02/09/2025

أصغر متطوع معانا.. نتيجتو بكرة وقصتو الليلة! 🤩💻

أحمد سيف الدين ما بس طالب مستني نتيجتو بتاعت المتوسطة بكرة، أحمد دا كان أصغر متطوع معانا في مخيم البرمجة في كوستي. ولدنا دا قدر يورينا إنو العمر ما عندو أي علاقة بالعطاء والزول ممكن يبدع في أي وقت.

أحمد عمل شنو بالضبط؟
🔸 ساعد المدربين في الإشراف على الطلاب.
🔸 كان بحل الأكواد المعقدة للطلاب.👨‍💻
🔸حريف في لغة سكراتش.
▪️ فنان في عمل الألعاب والقصص. 🎮
▪️ قدر يجمع بين الدراسة والتطوع.
▪️ منضبط وشاطر شديد.

قصة أحمد دي بتوري الشباب إنو النجاح ما بس في الشهادة والكتب، النجاح كمان في الحاجات البتعرف تعملها والخبرة البتكتسبها.

قصتو بتورينا إنو لما تستثمر في زمنك ومعرفتك، بتتفتح ليك أبواب أكتر من الكنت متوقعها.

دعواتكم لأحمد في نتيجتو بكرة!





#سكراتش
#السودان

وراء كل نجاح عظيم.. أستاذة عظيمة! 🦸‍♀️الأستاذة علياء أحمد عيسى كانت القلب النابض والطاقة الإيجابية وراء مخيم البرمجة في ...
02/09/2025

وراء كل نجاح عظيم.. أستاذة عظيمة! 🦸‍♀️

الأستاذة علياء أحمد عيسى كانت القلب النابض والطاقة الإيجابية وراء مخيم البرمجة في كوستي. النجاح الكبير دايمًا وراه قصص ما بتتحكي، وأبطال ما بيظهروا في الصورة، وهي كانت من أبرزهم.

من أسرة مركز التدريب المهني كوستي – المنطقة الصناعية، كانت مسؤولة العلاقات العامة في المخيم، وميزتها:
▪️ صبورة ولطيفة في تعاملها مع الجميع.
▪️ بتظبط أي لقاء وتنسق الشغل من الألف للياء.
▪️ بتشرف على كل صغيرة وكبيرة.
▪️ بتدي الفريق كلو طاقة إيجابية وحماس.
▪️شغالة بهمة ما بتعرف الكلل.

وبفضل الله ثم جهودها الجبارة، قدرنا نخرّج حوالي 120 طالب وطالبة جاهزين لمستقبلهم في عالم البرمجة والتقنية.

كل الشكر للأستاذة علياء وكل أسرة مركز التدريب المهني على عطائهم وإسهامهم الكبير في بناء جيل جديد.

ما تنسوا متابعة صفحاتنا على منصات التواصل الاجتماعي للتعرف على جهود بقية المتطوعين
انتظرونا قريبًا 🤩





#كوستي
#السودان

خديجة المبارك.. العطاء البعبر المسافات عشان يبني مستقبل! 💻🇸🇩قصص الإلهام في مخيمنا لسه متواصلة، واليوم واقفين مع حكاية مم...
01/09/2025

خديجة المبارك.. العطاء البعبر المسافات عشان يبني مستقبل! 💻🇸🇩

قصص الإلهام في مخيمنا لسه متواصلة، واليوم واقفين مع حكاية مميزة عن عطاء ما بعرف حدود. بطلتها المتطوعة ' السيدة خديجة المبارك' .

خديجة، طالبة في جامعة السودان العالمية، شايلة شغفها من قلب الخرطوم وجات كوستي، عشان تكون جزء أصيل من مبادرة "تعليم مليون طفل البرمجة".

في لجنة التنظيم، كانت خديجة زي العمود الفقري، ماسكة الشغل بمسؤولية عالية، وبصمتها واضحة في:

- تنظيم الدخول والخروج: وفّرت بيئة آمنة ومرتبة للأطفال.
- تفاني في العمل: أدت دورها بجهد وإخلاص كبير.
- روح ملهمة: انعكس أثر الأطفال عليها وخلاها تعيش التجربة بروح جميلة.

خديجة ما كانت بس عضو لجنة تنظيم، بالعكس هي نموذج للطالبة الجامعية البترجم علمها لخدمة مجتمعها، وتجسيد حي لروح المسؤولية البشيلها شباب السودان.

شكراً يا خديجة على العطاء الجميل دا، ونحن فخورين بيك وبكل شاب وشابة شايلين هم البلد في قلوبهم. 🌸





#كوستي

#السودان

'ميساء عمر' .. أصغر متطوعة لكن أثرها كبير.. حكاية شغف من قلب مخيمنا! 💻💙قصص العطاء في مخيمنا مستمرة، واليوم بطلتها "ميساء...
01/09/2025

'ميساء عمر' .. أصغر متطوعة لكن أثرها كبير.. حكاية شغف من قلب مخيمنا! 💻💙

قصص العطاء في مخيمنا مستمرة، واليوم بطلتها "ميساء عمر"، أصغر متطوعاتنا لكنها كانت شعلة من النشاط والحماس.

ميساء أثبتت إنو الشغف ما بالعمر، وجمعت بين دور الطالبة والمدربة والمشرفة ببراعة. كانت مميزة لأنها:

- دينامو المخيم: شعلة نشاط، بتدرب وتشرف وما بتقيف لحظة.
- صغيرة بس واعية: كانت قدر المسؤولية وعلمت الأطفال بحب وصبر.
- قدوة حقيقية: ورّت الشباب إنو القراية والعطاء بيمشوا مع بعض.

بوجود شباب زي ميساء، بنطمئن إنو بلدنا بخير.
كل التوفيق ليك يا ميساء، وفخورين بيك جداً. 🌸





#سكراتش
#السودان

Address

Khartoum

Telephone

+249993056396

Website

Alerts

Be the first to know and let us send you an email when مُجتمع الأطفال المُطورين posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to مُجتمع الأطفال المُطورين:

Shortcuts

Share

Category