https://www.facebook.com/102445862487551/

Rola clinic, Khartoum (2026)

22/01/2026

الدعم النفسي حق، ما رفاهية
ما لازم تعاني في صمت، وما لازم تكون “قوي دايمًا”.
الاهتمام بصحتك النفسية خطوة شجاعة تستاهلها
🤍

16/10/2025

🌀 الاكتئاب الموسمي

في ناس مع تغيّر الفصول — خصوصاً لما الخريف أو الشتاء يبدوا — بيحسّوا إنو مزاجهم بقى تقيل، ما عندهم طاقة، ما دايرين يختلطوا بي الناس، أو حتى يقوموا من السرير 😞
الشي دا اسمو الاكتئاب الموسمي أو الاضطراب العاطفي الموسمي (SAD).

🔬 العِلّة شنو؟
بيحصل لما تتغيّر كمية الضوء الطبيعي، ودا بيأثر على الساعة البيولوجية في المخ، وعلى هرمونات زي السيروتونين والميلاتونين، المسؤولين عن المزاج والنوم والطاقة.

⚠️ الأعراض الممكن تظهر:
إحساس بالحزن أو فقدان المتعة
نوم كتير أو قلة نوم
خمول أو زيادة بالأكل خاصة الحلويات
فقدان التركيز
عزلة أو رغبة في الوحدة

💡 العلاج والدعم:
التعرض لأشعة الشمس أو الإضاءة العلاجية
النشاط البدني حتى لو بسيط
أكل صحي فيه خضار وفواكه
التواصل مع ناس قريبين منك

ولو الأعراض شديدة، مهم جدًا تشوف مختص نفسي
🌤️ تذكّر، دا ما كسل ولا ضعف إيمان — دا اضطراب معروف وليه علاج.
اهتم بنفسك، وخلّي بالك إنو النور برجع دايمًا بعد كل فصل مظلم 💛

10/10/2025

في اليوم العالمي للصحة النفسية 10/10💚

مرات بنفكر إنو التعب ما حينتهي، والألم بقى جزء مننا.
لكن الحقيقة إنو اي وجع مهما طال ح يجي يوم ويخف
يمكن ما فجاءة
يمكن ما بسهولة
لكن خطوة بخطوة الحياة بتبدأ تنور من تاني🤍

لأنو الشفاء ما بيحصل في يوم واحد، هو طريق هادى، مليان وقفات وتأمل ، بس في كل مرة لازم تختار نفسك
في كل مرة تسامحها 🤍
تديها فرصة جديدة 🤍
هنا اعرف إنك بتتعافي 🤍

وخليك متذكر:
"مافي حاجة بتبقي زي ما هي ، حتي الألم بيتغير"🤍
"الوقت ما عدوك بل هو المساحة البيخلق منها ربنا شفاءك"🤍

دايما في ضوء نهاية كل نفق ، واحيانا بيكون الضوء ده انت بعد ما سامحت نفسك🤍
🤍

06/10/2025

🕯️ الانطفاء المفاجئ...
ما شرط يكون بسبب حدث كبير أو أزمة واضحة، مرات بيجي بهدوء… بعد زحمة الأيام، بعد مجهود طويل، بعد ما تكون بتحاول تثبت لنفسك إنك "تمام".

تحس إنك ما عندك طاقة، لا للكلام، لا للشغل، لا حتى للأشياء البتحبها.
وتبدأ تسأل نفسك: شنو الحصل؟ وليه ما بقيت زي زمان؟

الانطفاء ما ضعف، هو إشارة من روحك إنها محتاجة ترتاح…
إنك محتاج توقف تركض شوية، وتسمع لنفسك بصبر.

✨ خليك رحيم بيك،
ارجع للأشياء البسيطة، للهدوء، للنوم، للسكوت،
وخلي الضوء يرجع على مهل — لأن حتى الشمعة بعد ما تطفي… ممكن تولع تاني.

02/10/2025

🌿 في لحظة معينة كل زول فينا بيسأل نفسه:
أنا وين؟ وليه حاسي إني واقف في نفس النقطة؟

الحقيقة إنو ما في زول واقف.. إنت يا ماشي لقدام، يا راجع لورا، والفرق بين الاتنين هو وعي الخطوة.

✨ التغيير ما محتاج معجزة، محتاج صدق مع روحك.
لما تسمع صوتك الداخلي، وتواجه وجعك بدل ما تهرب منو.. هناك بتبدأ حكايتك الحقيقية.

أعمل حسابك، أكبر معركة في حياتك ما مع الناس.. معركتك مع نفسك.
ولو كسبت المعركة دي، الباقي كله بيكون ساهل.

01/10/2025

🎀 أكتوبر الوردي… شهر الحياة والأمل 🎀

أكتوبر ما بس شهر للتوعية بسرطان الثدي، هو دعوة نوقف فيها لحظة ونفكر:
كم مرة انشغلنا وضحّينا بصحتنا عشان الآخرين؟
وكم مرة نسينا إنو صحتنا هي رأس مالنا الحقيقي؟

💗 الفحص المبكر ما علامة خوف، بل رسالة حب لنفسك وللناس البحبّوك.
💗 القوة الحقيقية ما في كتمان الألم، القوة إنك تواجه وتختار طريق الوقاية والعلاج.
💗 وكل مرأة بتخوض معركة السرطان هي قصة أمل، بتعلّمنا معنى الصبر والشجاعة.

أكتوبر الوردي بيذكّرنا إنو "الحياة هدية" تستاهل نحافظ عليها.
خلونا نرفع صوتنا، ننشر الوعي، ونمد يد الدعم لكل إمرأة في رحلتها.

22/09/2025

📌 الرهاب الاجتماعي ما مجرد خجل عادي، دا اضطراب نفسي بخلي الزول يحس بتوتر شديد في المواقف الاجتماعية، زي الكلام قدام الناس أو التعارف مع أشخاص جدد.

🔹 الأعراض بتظهر في شكل:

خوف من التقييم أو الانتقاد.

رجفة، تعرّق، أو دقات قلب سريعة.

تجنب أي مناسبة أو لقاء اجتماعي.

💡 المهم نعرف إنو الرهاب الاجتماعي قابل للعلاج، سواء عبر العلاج النفسي (العلاج المعرفي السلوكي) أو الدعم الدوائي لو لزم.
وخطوة البداية دايمًا إنك تعترف بالمشكلة وتطلب المساعدة.
🌱 ما عيب تقول "أنا محتاج دعم"، بالعكس دي أول خطوة للشجاعة والتعافي.

16/09/2025

📌 اضطراب ما بعد الصدمة (PTSD)

مرات الواحد بعد يمر بتجربة قاسية زي حادث، موت زول قريب، كارثة أو حتى مواقف عنف… بيبدأ يحس بتغيرات ما طبيعية في حياتو.

👀 الأعراض بتكون زي:

كوابيس متكررة أو ذكريات بتقيف في بالك غصب عنك.

خوف وقلق زايد من غير سبب واضح.

صعوبة تنوم أو تركّز.

تجنّب أماكن أو ناس بتذكرك بالحدث.

الموضوع دا ما معناه إنت ضعيف… بالعكس، دي استجابة طبيعية لحاجة غير طبيعية حصلت ليك.

💡 طرق العلاج:

جلسات علاج نفسي (العلاج المعرفي السلوكي CBT بيساعدك تتعامل مع الذكريات المؤلمة).
جلسات استرخاء وتمارين تنفس عميق عشان تقلل التوتر.
دعم من الأهل والأصدقاء والناس القريبين.
ممارسة الرياضة والأنشطة اليومية البتدي طاقة إيجابية.
أحياناً الدكتور ممكن يوصف أدوية تساعدك مع الجلسات.
🤝 رسالتنا: ما تكتم جواك، أطلب المساعدة. الكلام والمشاركة بداية للطريق نحو الشفاء.

15/09/2025

🔹 شنو يعني الهشاشة النفسية؟
هي حالة بتخلي الشخص يكون سريع التأثر بالكلام أو المواقف، ممكن يحس بجرح أو حزن عميق من حاجات بسيطة قدام الناس.

📌 لكن المهم نعرف:

الهشاشة النفسية ما معناها ضعف، بالعكس ممكن تكون دليل على رهافة الإحساس.

لو ما تعاملنا معاها صح، ممكن تسبب قلق أو انعزال.

محتاجة دعم، واهتمام بالصحة النفسية، وتعلم مهارات زي ضبط الانفعالات وبناء الثقة بالنفس.

💡 النقطة الأساسية:
لما ننتبه لهشاشتنا ونتعلم كيف نحمي نفسنا منها، بنقدر نكون أقوى ونعيش بتوازن أكتر 🌿.

13/09/2025

📚 نحن عارفين إنو الدراسة في مجال المختبرات الطبية مليانة التزامات، ضغط محاضرات، امتحانات وتدريب عملي.. وده كله ممكن يأثر على نفسيتك.
لكن التوازن النفسي ما رفاهية، بل أساس عشان تنجحوا وتستمروا بطاقة إيجابية 💪✨

في الورشة دي حتتعلموا:
✅ طرق عملية للتفريغ النفسي
✅ كيف تتعاملوا مع الضغط الأكاديمي بطريقة صحية
✅ أدوات بسيطة تساعدكم تحافظوا على الشغف وتحققوا أهدافكم

📌 الفئة المستهدفة: طلاب قسم المختبرات الطبية – جامعة بخت الرضا

Rola clinic

22/01/2026

16/10/2025

10/10/2025

06/10/2025

02/10/2025

01/10/2025

22/09/2025

16/09/2025

15/09/2025

13/09/2025

Address

Telephone

Website

Alerts

Contact The Organization

Shortcuts

Share

Category