KELI CYBER WING

07/06/2026

ലോകകപ്പ് ഫുട്ബോൾ ആവേശം അലയടിക്കാൻ തുടങ്ങുമ്പോൾ, റിയാദിലെ പ്രവാസി സുഹൃത്തുക്കൾക്കും കാൽപ്പന്തു കളി ആരാധകർക്കുമായി കേളി കലാസാംസ്കാരിക വേദി മലാസ് ഏരിയ കമ്മിറ്റി ഒരുക്കുന്ന 'ലോകകപ്പ് പ്രവചന മത്സരം 26' വരുന്നു!

കേളിയുടെ രജതജൂബിലി ആഘോഷങ്ങളുടെ നിറവിൽ സംഘടിപ്പിക്കുന്ന ഈ ഫിഫ വേൾഡ് കപ്പ് പ്രവചന മത്സരത്തിന്റെ കൂടുതൽ വിവരങ്ങളും നിയമാവലികളും ഉടൻ തന്നെ നിങ്ങളെ അറിയിക്കുന്നതാണ്.

നിങ്ങളിലെ മികച്ച ഫുട്ബോൾ നിരീക്ഷകനെ ഉണർത്താനും സമ്മാനങ്ങൾ നേടാനും തയ്യാറെടുക്കുക. ഏവരുടെയും നിറഞ്ഞ സഹകരണവും പങ്കാളിത്തവും പ്രതീക്ഷിക്കുന്നു, കൂടുതൽ അപ്‌ഡേറ്റുകൾക്കായി കാത്തിരിക്കുക.

06/06/2026

മലയാളികളെ ചിരിപ്പിക്കുകയും ചിന്തിപ്പിക്കുകയും ചെയ്ത പ്രിയ നടൻ സലിം കുമാർ വിട പറഞ്ഞു. അദ്ദേഹത്തിന്റെ വിയോഗം മലയാള സിനിമയ്ക്കും പ്രേക്ഷകർക്കും നികത്താനാവാത്ത ഒരു നഷ്ടം തന്നെയാണ്. ഹാസ്യ വേഷങ്ങളിലൂടെ നമ്മെ പൊട്ടിച്ചിരിപ്പിച്ച അദ്ദേഹം, 'ആദാമിന്റെ മകൻ അബു' തുടങ്ങിയ ചിത്രങ്ങളിലൂടെ തന്റെ അഭിനയ മികവ് തെളിയിച്ച് ദേശീയ പുരസ്കാരം വരെ മലയാളിക്ക് നേടിത്തന്നു.

വെള്ളിത്തിരയിലെ ആ ചിരി മാഞ്ഞുപോയെങ്കിലും, അദ്ദേഹം സമ്മാനിച്ച അനശ്വരമായ കഥാപാത്രങ്ങളിലൂടെയും ഡയലോഗുകളിലൂടെയും സലിം കുമാർ എന്നും നമ്മുടെ ഓർമ്മകളിൽ ജീവിക്കും. പ്രിയപ്പെട്ട സലിം കുമാറിന് റിയാദ് കേളിയുടെ ആദരാഞ്ജലി .

05/06/2026

ഇന്ന് ലോക പരിസ്ഥിതിദിനം.

പ്രകൃതിയും മനുഷ്യനും തമ്മിലുള്ള അഭേദ്യമായ ബന്ധത്തെ സുദൃഢമാക്കേണ്ടതിൻ്റെ പ്രാധാന്യമാണ് പരിസ്ഥിതി ദിനം നമ്മെ ഓർമിപ്പിക്കുന്നത്. കേവലമൊരു ചടങ്ങെന്നതിനപ്പുറം നമ്മുടെ നിലനിൽപ്പിനായുള്ള അടിയന്തര ഇടപെടലായി ഈ ദിനാചരണം മാറേണ്ടതുണ്ട്.

നാം ശ്വസിക്കുന്ന വായുവും കുടിക്കുന്ന വെള്ളവും വരുംതലമുറകൾക്ക് കൂടി അവകാശപ്പെട്ടതാണ്. പ്രകൃതിയെ ചൂഷണം ചെയ്യാതെ, അതിനെ സംരക്ഷിച്ചുകൊണ്ട് മാത്രമേ നമുക്ക് മുന്നോട്ട് പോകാനാകൂ. ഈ ഭൂമിയെ അതിന്റെ എല്ലാ മനോഹാരിതയോടും പച്ചപ്പോടും കൂടി നാളത്തെ തലമുറയ്ക്കായി കാത്തുവെക്കുക എന്നത് നമ്മുടെ ഓരോരുത്തരുടെയും കടമയാണ്.

അതിനായി ​ഈ പരിസ്ഥിതി ദിനത്തിൽ നമുക്കൊരുമിച്ച് കൈകോർക്കാം.

​എല്ലാവർക്കും റിയാദ് കേളിയുടെ ലോക പരിസ്ഥിതി ദിനാശംസകൾ.

04/06/2026

കേളി കലാസാംസ്കാരിക വേദിയുടെ അല്‍ ഖര്‍ജ് ഏരിയ അംഗമായിരുന്ന സ: അലി അക്ബറിന്റെ കുടുംബ സഹായ ഫണ്ട്, പ്രവാസി കുടുംബ സുരക്ഷാ ഫണ്ട് എന്നിവയുടെ കൈമാറല്‍ 2026 ജൂൺ 5 വെള്ളിയാഴ്ച വൈകുന്നേരം 4 മണിക്ക് നിറമരുത്തൂർ (താനൂർ) വെച്ച് നടക്കുന്നു. പ്രസ്തുത ചടങ്ങിൽ വെച്ച് സി.പി.ഐ (എം) മലപ്പുറം ജില്ലാ സെക്രട്ടറിയേറ്റ് മെമ്പർ സ: ഇ. ജയൻ ഫണ്ട് സ: അലി അക്ബറിന്റെ കുടുംബത്തിന് കൈമാറുന്നതാണ്. നാട്ടിലുള്ള മുഴുവന്‍ സഖാക്കളും ഈ ചടങ്ങില്‍ പങ്കെടുക്കണമെന്ന് അഭ്യര്‍ത്ഥിക്കുന്നു.

03/06/2026

കേളി കലാസാംസ്‌കാരിക വേദി റൗദ ഏരിയ സാംസ്‌കാരിക വിഭാഗവും/ സൈബർവിംഗും സംയുക്തമായി സംഘടിപ്പിക്കുന്ന സാംസ്‌കാരിക സെമിനാർ

“AI യുഗം - ആശയ്ക്കും ആശങ്കയ്ക്കും”

2026 ജൂൺ 5 ഉച്ചക്ക് 3 മണി - സ്വാദ് ഹോട്ടൽ ഹാൾ റൗദ

ആർട്ടിഫിഷ്യൽ ഇന്റലിജൻസ് (AI) മനുഷ്യജീവിതത്തിന്റെ എല്ലാ മേഖലകളിലും വൻ മാറ്റങ്ങൾ സൃഷ്ടിച്ചുകൊണ്ടിരിക്കുന്ന ഇന്നിന്റെ കാലഘട്ടത്തിൽ സാങ്കേതിക പുരോഗതിയുടെ സാധ്യതകളും അതോടൊപ്പം ഉയരുന്ന സാമൂഹിക, സാംസ്‌കാരിക, തൊഴിൽ, നൈതിക വെല്ലുവിളികളും ഏറെ ചർച്ച ചെയ്യപ്പെടേണ്ടിയിരിക്കുന്നു....

AI മനുഷ്യന്റെ ജീവിതം കൂടുതൽ സൗകര്യപ്രദമാക്കുകയും വിദ്യാഭ്യാസം, ആരോഗ്യരംഗം, തൊഴിൽ, മാധ്യമം, കല തുടങ്ങിയ മേഖലകളിൽ ആശയ്ക്ക് പുതിയ സാധ്യതകൾ തുറക്കുമ്പോൾ...
മറ്റൊരു ഭാഗത്ത് തൊഴിലില്ലായ്മ, സ്വകാര്യത നഷ്ടപ്പെടൽ, വ്യാജവാർത്തകൾ സൃഷ്ടിക്കൽ, മനുഷ്യർ തമ്മിലുള്ള അകലം സൃഷ്ടിക്കുക തുടങ്ങിയ ആശങ്കകളും ഉയരുകയാണ്....

ഈ സാഹചര്യത്തിലാണ് AI യുടെ ഗുണങ്ങളും - ദോഷങ്ങളും മനുഷ്യസമൂഹത്തെ അതെങ്ങനെ സ്വാധീനിക്കുന്നു എന്നതും, ഭാവിയിലെ സാമൂഹിക ഉത്തരവാദിത്തങ്ങളും ഏറെ ചർച്ച ചെയ്യുന്നതിനായി റൗദ ഏരിയ ഇങ്ങനെയൊരു സാംസ്‌കാരിക സെമിനാർ സംഘടിപ്പിക്കുന്നത്....

31/05/2026

KEIA കേളി വിദ്യാഭ്യാസ പ്രോത്സാഹന പുരസ്കാരം പ്രതീക്ഷ 2026 - KEIA 2026 - Inaugural Speech by Kavitha Latha Kadhiresan, Principal, Al Alia International School, Riyadh

27/05/2026

അബ്ദുൽ റഹീം ഇന്ന് നാട്ടിക്ക് തിരിക്കും : രാവിലെ കോടോമ്പുഴയിലെ വീട്ടിലെത്തും.

ഇരുപത് വർഷക്കാലത്തെ ജയിൽ വാസത്തിന് ശേഷം അബ്ദുൽ റഹീം മോചിതനായി ഇന്ന് നാട്ടിലേക്ക് തിരിക്കും.

സൗദി സമയം രാത്രി 11.55 ന് റിയാദിൽ നിന്നും കോഴിക്കോട്ടേക്ക് പുറപ്പെടുന്ന എയർ ഇന്ത്യ എക്സ്പ്രസ്സിൽ രാവിലെ 7.35 ന് കരിപ്പൂർ വിമാനത്താവളത്തിറങ്ങും.

ജയിൽ ഉദ്യോഗസ്ഥരാണ് റഹീമിനെ എയർപോർട്ടിൽ എത്തിച്ച് എമിഗ്രെഷൻ ഉൾപ്പടെയുള്ള നടപടി ക്രമങ്ങൾ പൂർത്തിയാക്കിയത്.

റഹീമിന്റെ പവർ ഓഫ് അറ്റോണി സിദ്ധിഖ് തുവ്വൂരും കുടുംബവും റഹീമിനോടൊപ്പം കോഴിക്കോട്ടേക്ക് യാത്ര ചെയ്യന്നുണ്ടെന്നും സഹായ സമിതി വാർത്ത കുറിപ്പിൽ അറിയിച്ചു.

26/05/2026

ത്യാഗത്തിന്റെയും സമർപ്പണത്തിന്റെയും സന്ദേശം വിളിച്ചോതുന്ന വലിയ പെരുന്നാൾ ദിനത്തിൽ ഏവർക്കും കേളിയുടെ ഹൃദയം നിറഞ്ഞ ആശംസകൾ നേരുന്നു.

സ്നേഹവും സാഹോദര്യവും പങ്കുവെക്കാനും നന്മയുടെ പാതയിൽ ഒത്തൊരുമയോടെ മുന്നോട്ട് പോകാനും ഈ പുണ്യദിനം നമുക്കേവർക്കും പ്രചോദനമാകട്ടെ. റിയാദിലെ പ്രവാസി സമൂഹത്തിൽ നിങ്ങൾ ഓരോരുത്തരും കേളിക്ക് നൽകുന്ന സ്നേഹവും പിന്തുണയും ഞങ്ങൾക്ക് വലിയ കരുത്താണ് നൽകുന്നത്. സന്തോഷവും സമാധാനവും ഐശ്വര്യവും നിറഞ്ഞ ഒരു പെരുന്നാൾ കാലം എല്ലാ കുടുംബങ്ങൾക്കും ഉണ്ടാകട്ടെ എന്ന് ആശംസിക്കുന്നു..

ഏവര്‍ക്കും റിയാദ് കേളിയുടെ ബലിപെരുന്നാള്‍ ആശംസകള്‍ ...

On the auspicious occasion of Eid al-Adha, which echoes the profound message of sacrifice and dedication, Keli extends its heartfelt greetings to everyone. May this holy day inspire us all to share love and brotherhood, and to move forward together on the path of goodness. The love and support that each of you in the Riyadh expatriate community gives to Keli provides us with immense strength. Wishing all families a festive season filled with joy, peace, and prosperity. Wishing everyone a blessed Eid al-Adha from Riyadh Keli!

23/05/2026