13/04/2026
അടച്ചിട്ട ചുവരുകൾക്കുള്ളിൽ അടഞ്ഞുകൂടേണ്ടവരല്ല സ്ത്രീകൾ
വനിത ലീഗ് സംസ്ഥാന സെക്രട്ടറി സറീന ഹസീബ്
ജിദ്ദ: - പരിശുദ്ധ ഉംറ നിർവ്വഹിക്കുന്നതിനായി സൗദിയിലെത്തിയ വനിത ലീഗ് സംസ്ഥാന സെക്രട്ടി സറീന ഹസീബിന് ജിദ്ദ മലപ്പുറം ജില്ലാ കെ എം സി സി വനിത വിംഗ് സ്വീകരണം നൽകി.
മലപ്പുറം ജില്ലാ കെ എം സി സി ഓഫീസിൽ സംഘടിപ്പിക്കപ്പെട്ട പരിപാടിയിൽ കെ എം സി സി മലപ്പുറം ജില്ലാ വനിത വിംഗ് പ്രസിഡൻ്റ് റസീന പള്ളിപ്പറമ്പൻ അദ്ധ്യക്ഷയായിരുന്നു. മലപ്പുറം ജില്ലാ കെ എം സി സി പ്രസിഡൻ്റ് ഇസ്മായിൽ മുണ്ടുപറമ്പ് ഉദ്ഘാടനം ചെയ്ത യോഗത്തിൽ ജില്ലാ കെ എം സി സി ജനറൽ സെക്രട്ടറി നാണി മാസ്റ്റർ മുഖ്യഭാഷണം നടത്തി.
സലീന ടീച്ചർ, യാസ്മിൻ ബാബു വണ്ടൂർ, ഖദീജ മുഹമ്മദ്, സൻഹ ബഷീർ, ആഷിഫ പി വി, ഇർഷാദ കെ പി, സുഹറാബി മഞ്ചേരി ആശംസകൾ നേർന്നു സംസാരിച്ചു.
തുടർന്ന് അതിഥി സറീന ഹസീബ് സ്വീകരണത്തിന് നന്ദി അറിയിച്ചു കൊണ്ട് മറുപടി പ്രസംഗം നടത്തി.
അടച്ചിട്ട നാലു ചുവരുകൾക്കുള്ളിൽ അടഞ്ഞുകൂടേണ്ടവരല്ല സ്ത്രീകൾ എന്നും വർത്തമാനകാലത്ത് വിശിഷ്യ സംവരണ സംവിധാനങ്ങൾ പ്രാവർത്തികമായി കൊണ്ടിരിക്കുന്ന കാലത്ത് രാഷ്ട്രീയ ബോധമുള്ള സ്ത്രീ സമൂഹം ഉണ്ടാവേണ്ടത് അത്യന്ത്യാപേക്ഷിതമാണെന്നും അത്തരം സ്ത്രീകൾക്ക് മാതൃകയാണ് ജിദ്ദ മലപ്പുറം ജില്ലാ കെ എം സി സി വനിത വിംഗെന്നും അവർ പറഞ്ഞു, നാട്ടിൽ കാണുന്ന സമസ്ത വികസനങ്ങളിലും കെ എം സി സി യുടെ വിയർപ്പുണ്ടെന്നും കേട്ടറിഞ്ഞതിനേക്കാൾ ഉന്നതിയിലാണ് കെ എം സി സി എന്ന കാരുണ്യ പ്രസ്ഥാനമെന്ന് കണ്ട് ബോധ്യപ്പെട്ടെന്നും അവർ കൂട്ടിചേർത്തു.
വനിത വിംഗ് ജനറൽ സെക്രട്ടറി സുഹൈല തേറമ്പത്ത് സ്വാഗതവും ട്രഷറർ ഷഫീദ ടീച്ചർ എൻ നന്ദിയും പറഞ്ഞു.
