OFW Council of Leaders

12/10/2026

CTTO:

𝗗𝗠𝗪 𝗻𝗮𝗸𝗮𝘁𝘂𝗼𝗻 𝘀𝗮 𝗽𝗮𝗴𝘁𝘂𝗹𝗼𝗻𝗴 𝗻𝗴 𝗺𝗴𝗮 𝗣𝗶𝗹𝗶𝗽𝗶𝗻𝗼 𝗻𝗮 𝗻𝗮𝘀𝗮 𝗢𝘀𝗽𝗶𝘁𝗮𝗹 𝘀𝗮 𝗥𝗶𝘆𝗮𝗱𝗵

Tiniyak ng Department of Migrant Workers (DMW) na patuloy na binibigyan ng kinakailangang tulong at suporta ang apat na Pilipinong kasalukuyang nagpapagaling sa ibat-ibang ospital sa Riyadh, Saudi Arabia, matapos masugatan sa pag-atake sa King Khalid International Airport noong Sabado, Oktubre 10.

Batay sa ulat ni Labor Attache Dominador Salangga ng Migrant Workers Office (MWO)-Riyadh, tatlo ang kasalukuyang nasa ICU samantalang ang isa pa ay set for di
scharge from the hospital.

Patuloy pa ring minomonitor ng mga team ng MWO at Overseas Workers Welfare Administration (OWWA) sa Riyadh ang kanilang kalagayan at ng iba pang nasugatan upang magbigay ng karagdagang tulong at suporta alinsunod sa tagubilin ni Pangulong Ferdinand R. Marcos Jr.

Wala namang naiulat na Pilipinong nasawi kaugnay ng insidente.

Tuloy-tuloy pa rin ang pakikipag-ugnayan ng MWO sa Riyadh sa pangunguna ni Labor Attache Salanga, sa mga lokal na awtoridad at mga ospital sa Riyadh upang alamin kung may iba pang Pilipinong naapektuhan ng pag-atake at matiyak na maibibigay sa kanila ang kinakailangang tulong.

Samantala, pinapayuhan
ang lahat ng OFWs sa Kingdom of Saudi Arabia na:

1. Umiwas sa mga lugar na potential o maaaring tamaan ng atake tulad ng military installations, refinery o mga kahalintulad nito. Kapag nasa airport na lumayo sa mataong lugar;
2. Sundan and anunsiyo ng Embahada, Konsulado at MWOs sa KSA, maging FB pages ng mga sangay ng Saudi government;
3. Sa mga may schedule na pag uwi, tawagan ang inyong airline bago pumunta ng airport, o mag check ng inyong email na ginamit sa pag book, sabihin sa employer na i-check ang emails nila from time to time;
4. Huwag kukuha ng video, o larawan ng anumang pag-atake at huwag mag post sa social media, dahil ito ay mahigpit na ipinagbabawal sa KSA at may karampatang parusa;

Para sa mga nangangailangan ng tulong, maaaring makipag-ugnayan sa mga sumusunod:

**RIYADH / CENTRAL REGION**

**Philippine Embassy – Assistance to Nationals**
📞 +966 56 989 3301

**Migrant Workers Office (MWO) Riyadh**
📞 +966 50 285 0944
✉️ [email protected]

**OWWA Riyadh**
📞 +966 50 285 0944
✉️ [email protected]

**JEDDAH / WESTERN REGION**

**Philippine Consulate General – Assistance to Nationals**
📞 +966 55 521 9613
📞 +966 55 521 9614

**Migrant Workers Office (MWO) Jeddah**
📞 +966 56 981 9720
✉️ [email protected]

**OWWA Jeddah**
📞 +966 54 473 7797
✉️ [email protected]

**AL KHOBAR / EASTERN REGION**

**Migrant Workers Office (MWO) Al Khobar**
📞 +966 56 232 9926
✉️ [email protected]

**OWWA Al Khobar**
📞 +966 56 232 9926
✉️ [email protected]
# # #








Ctto

12/10/2026

Salita Ngayong Araw – October 12, 2026
TEKSTO: Mga Kawikaan 22:7
‘’Ang mahirap ay nasa kapangyarihan ng mayaman, ang nangangailangan ay alipin ng nagpapahiram.’’

MENSAHE NA NAIS IPARATING SA ATIN NGAYONG ARAW:

Ang maging mayaman at mahirap

Si King Solomon po ay isa lamang sa mga taong biniyayaan ng Diyos hindi lamang ng karangyaan sa buhay bagkus maging ng karunungan na anupa’t ito ang nagdala sa kanya sa katanyagan noong kapanahunan (1 King, Chapter 10). Napakarami po niyang payo, paalala at aral na ating mababasa sa aklat ng Kawikaan at isa na po dito ang Verse natin ngayon.

Merong dalawang uri ng tao na nababanggit siya sa Verse na ito. Isang taong mahirap ngunit malinis ang kanyang pagkatao at ang isa’y mayaman na may dungis ang sa kanya’y pagkakakilanlan. Ang maging mahirap po O ang magpakayaman ayon kay King Solomon ay sariling kapilian ng sinuman (Verse 1). Ibig sabihin pala, pwede tayong maghirap at maaari naman yumaman subalit, mahirap man O mayaman, sa mata ng Diyos pareho lamang silang Kanyang nilalang (Verse 2).

Isang paalala sa ating lahat na huwag mapanamantala. Kung isa tayo sa nabiyayaan na nakakaangat ang buhay sa iba, huwag naman sana itong maging basehan upang gamitin natin sila sa kanilang kakapusan sa halip, tulungan natin sila na sila man ay makaranas ng ginhawa sa buhay (Verse 9).

HAMON NA NAIS IPARATING SA ATIN NGAYONG ARAW:
Sa mga nagnanais na makaranas ng tunay at makabuluhang yaman, meron pong payo si King Solomon sa atin kung ano at paano ang dapat gawin. Ang kanyang payo, ang paggalang at pagsunod sa Panginoong Yahweh at ang kapakumbabaan ay nagbubunga ng yaman, buhay at karangalan (Verse 4). Unahin muna nating matagpuan ang kalooban ng Diyos at hayaan nating Siya mismo ang maglaan ng kayamanan at kapangyarihang nararapat para sa atin (Mat 6:33).

PANALANGIN NGAYONG ARAW:
Diyos na Mahabagin, salamat po sa isa na namang paalala na tunay nga pong ang buhay namin sa mundong ito ay hiram lamang at Ikaw ang may lalang kaya naman, marapat na una na munang ang aming dapat katagpuin ay ang Iyong kalooban sa halip na ang aming kalooban. Pinupuri at dinadakila po namin ang Iyong mga kabutihan.

Pinupuri at dinadakila po namin ang Iyong mga kabutihan. Patawarin Mo po kami sa aming mga pagkukulang at mga kahinaan. Salamat sa Iyong mga Salita sa araw araw at hangad namin na patuloy itong makatulong sa paglago ng aming mga buhay espirituwal sa pamamagitan ng Pangalan ng Iyong Anak – Ang Panginoong Jesus at patuloy na pakikiisa at gabay ng Banal na Santong Espiritu. Karunungan, gabay at patnubay po ng Banal na Espiritu nawa’y suma-amin, AMEN.

Let us share the Gospel sa ating mga mahal sa buhay at mga kaibigan. Isang pinagpalang araw sa lahat at sa Diyos lamang po ang Kapurihan!

NOTE: ‘’Huwag po natin tingnan ang haba ng ating devotion sa halip, tanungin natin ang ating sarili kung ano ang marapat nating malaman sa Verse natin ngayon ayon sa Author (May akda) nito.’’

12/10/2026

CTTO:

Oktubre 12, 2026

TRAVEL ADVISORY: SUSPENDIDO ANG MGA LIPAD NG PHILIPPINE AIRLINES (PR654 AT PR655) PAPUNTA AT PABALIK NG RIYADH HANGGANG NOBYEMBRE 29, 2026

Mananatiling suspendido ang mga flight ng Philippine Airlines (PAL) papunta at pabalik ng Riyadh hanggang Nobyembre 29, 2026, dahil sa patuloy na nagbabagong sitwasyon sa seguridad sa King Khalid International Airport sa Riyadh.

Patuloy na mahigpit na minomonitor ng PAL ang mga kaganapan at sinusuri ang mga kondisyon upang matiyak ang ligtas na operasyon ng kanilang mga flight.

Magbibigay ang PAL ng karagdagang anunsyo at mga update kung kinakailangan.

Paalala sa mga kababayan: Para sa mga may nakatakdang biyahe papunta o pabalik ng Riyadh, makipag-ugnayan muna sa Philippine Airlines o tingnan ang kanilang opisyal na mga anunsyo para sa pinakabagong impormasyon tungkol sa inyong flight.

09/10/2026

CTTO:
Source: Philippine Consulate General in Jeddah
📢 𝗖𝗢𝗡𝗦𝗨𝗟𝗔𝗥 𝗦𝗘𝗥𝗩𝗜𝗖𝗘𝗦 𝗖𝗢𝗠𝗜𝗡𝗚 𝗧𝗢 𝗬𝗔𝗡𝗕𝗨!

The Philippine Consulate General in Jeddah will conduct a Consular Mission on 9–10 October 2026 at Grand Astro Hotel (Corp Yanbu Hotel), bringing its services closer to the Filipino community in Yanbu and nearby areas.

𝗣𝗹𝗮𝗻𝗻𝗶𝗻𝗴 𝘁𝗼 𝗰𝗹𝗮𝗶𝗺 𝘆𝗼𝘂𝗿 𝗽𝗮𝘀𝘀𝗽𝗼𝗿𝘁 𝗼𝗿 𝗱𝗼𝗰𝘂𝗺𝗲𝗻𝘁𝘀?
Register your request through the link below or scan the QR code in the poster:
🔗 https://forms.gle/2LcrbanK7GeFNTWn6

Share this announcement with fellow Filipinos in Yanbu and nearby areas. See you there, Kabayan!

09/10/2026

CTTO

Basahin po hanggang DULO..🔴🆗️

📢 PANAWAGAN SA ATING MGA GOVERNMENT OFFICIAL: LINAWIN ANG RESPONSIBILIDAD NG BAWAT AGENCY SA PROTEKSYON NG OFW

Sa mga government officials na bumibisita at nakikipag-ugnayan sa Middle East, hinihiling po namin na magkaroon ng maayos at malinaw na koordinasyon ng bawat ahensya para masubaybayan ang tunay na kalagayan ng ating mga OFW.

Hindi sapat na makarinig lamang ng mga report. Mahalagang malaman mismo ng bawat ahensya kung ligtas, maayos at napoprotektahan ang ating mga kababayan.

🔹 DMW
Manguna sa pagpapatupad at pag-monitor ng mga programa at polisiya para sa proteksyon at kapakanan ng OFWs, kabilang ang agarang pagtugon sa mga reklamo at kaso na sakop ng kanilang mandato.

🔹 OWWA
Magbigay ng welfare assistance at suporta sa mga OFW na nangangailangan, lalo na sa mga distressed worker, at tiyaking may malinaw na mekanismo para sa paghingi ng tulong at follow-up sa mga kaso.

🔹 Philippine Embassy / Migrant Workers Office
Panatilihin ang direktang ugnayan sa mga OFW sa host country, tumanggap at tumulong sa mga nangangailangan ng assistance, at makipag-coordinate sa mga lokal na awtoridad at kaukulang ahensya kapag may kaso.

🔹 POEA/DMW-licensed recruitment agencies
Responsibilidad nilang tuparin ang kanilang mga obligasyon sa mga worker na kanilang ipinadala, kabilang ang maayos na monitoring, pagtugon sa problema at pag-aksyon kapag may paglabag sa kontrata o recruitment-related concerns, ayon sa kanilang mandato at pananagutan.

🔹 Mga Labor Attaché at iba pang kaukulang opisyal
Maging accessible sa mga OFW at tumulong sa mga labor-related concerns, kabilang ang mga usapin sa kontrata, sahod, working conditions at iba pang problemang sakop ng kanilang tungkulin.

📌 HILING NAMIN:
Sana ay magkaroon ng regular na monitoring at dokumentadong report tungkol sa kalagayan ng mga OFW—kung sila ay ligtas, maayos ang working conditions, natatanggap ang kanilang napagkasunduang sahod at benepisyo, at kung may mga reklamo o distress cases na nangangailangan ng agarang intervention.

Marami pong OFW ang nagtitiis at nananahimik dahil sa takot, kahihiyan o kawalan ng mapagkakatiwalaang malalapitan. Huwag nating hintayin na lumala ang kanilang sitwasyon bago kumilos.

🇵🇭 Ang proteksyon ng OFW ay hindi lamang dapat nasa papel. Dapat itong maramdaman ng bawat manggagawang Pilipino, saanman sila naroroon.

Unahin natin ang kalagayan, kaligtasan at karapatan ng ating mga OFW.

09/10/2026

🚨 PAALALA SA LAHAT NG OFW! 🇵🇭

MAHALAGANG PAALALA: MAG-INGAT SA SCAM!

Kung may tatawag o magme-message sa inyo at sasabihing sila ay taga-OWWA o DMW at hihingi ng pera para sa repatriation, huwag agad maniwala.

🛡️ SUNDIN ANG MGA HAKBANG NA ITO:

1️⃣ HUWAG MUNANG MAGPADALA NG PERA.
Huwag magbigay ng pera, OTP, bank details, o iba pang personal na impormasyon.

2️⃣ ALAMIN ANG KANILANG PANGALAN AT TUNGKULIN.
Itanong kung sino sila at saang opisina sila kabilang.

3️⃣ HUWAG GAMITIN ANG NUMERONG IBINIGAY NG TUMATAWAG BILANG PATUNAY.
Hanapin at gamitin ang opisyal na contact number ng OWWA/DMW para sa verification.

4️⃣ TAWAGAN MISMO ANG OWWA/DMW.
Ibigay ang pangalan ng taong tumawag at itanong kung totoong empleyado o opisyal siya.

5️⃣ KUNG HINDI MAKUMPIRMA, HUWAG MAGPADALA NG PERA.
I-report agad ang kahina-hinalang tawag o mensahe sa kinauukulang tanggapan.

⚠️ TANDAAN:
Magduda bago maniwala. Mag-verify bago magbayad.

🇵🇭 Maging mapanuri, maging maingat, at huwag magpaloko.

Protektahan ang sarili, ang pamilya, at ang pinaghirapang pera.

09/10/2026

✅Paki Basa po Mabuti

✅For Your INFORMATION Mga Kapwa OFWs
Mga Original na Page (Legit)
RIYADH CENTRAL REGION,
KHOBAR EASTERN REGION &
JEDDAH WESTERN REGION

✅DIRECT CALL, WATS APP & VIBER

ilalagay ko rin po sa Comment Section ang Original Link ng page pra iclick nyo nlang po,
❌Maka iwas sa Scam❌

09/10/2026

CTTO
Source: Philippine Embassy in Saudi Arabia

02/10/2026

18/09/2026

18 September 2026 - Ipina-abot ng OFW Council of Leaders ang kanilang pagsuporta sa hinihiling na dagdag budget para sa Department of Migrant Workers at OWWA Overseas Workers Welfare Administration para sa taong 2027.

Sa liham na ipinadala ng Direktor Heneral ng OCL, Mofiedah Daknash Muffy RD sa House of Representatives, hiniling nito na bawasan ang pork sa 2027 budget at igawad ang karagdagang budget sa DMW at OWWA para sa mas protektadong OFW.

Isinaad ng OCL lider na ang mas protektadong OFWs ay tunay na makakatulong para sa pagpapalakas ng pambansang ekonomiya.

Ang OCL, na kinakatawan nina Direktor Heneral Mofiedah Daknash at Osmund Oscar Baliton Corpuz ay kasama sa mga iilan na akreditado sa House of Representatives bilang civil society organization representatives na nakikilahok sa proseso ng pagsasabatas ng pambansang budget ng Pilipinas.