Association of Cambodian Student in the Russian Federation

09/06/2026

កម្ពុជាជាប់ជ័យលាភីលេខ៣នៃការប្រកួតបាល់ទាត់មិត្តភាពពានរង្វាន់ “MGIMO Rector’s Cup” លើកទី២៥ នៅទីក្រុងមូស្គូ សហព័ន្ធរុស្ស៊ី 🇰🇭🏆
——-
រដ្ឋធានីមូស្គូ ថ្ងៃអាទិត្យ ទី៧ ខែមិថុនា ឆ្នាំ២០២៦ ឯកឧត្តម ពេជ្រឃុន បញ្ញា និងលោកជំទាវ ព្រមទាំងថ្នាក់ដឹកនាំ និងមន្រ្តីនៃស្ថានឯកអគ្គរាជទូតកម្ពុជាប្រចាំសហព័ន្ធរុស្ស៊ី រួមទាំងថ្នាក់ដឹកនាំសមាគមបានដឹកនាំក្រុមកីឡាករ និងនិស្សិតខ្មែរចូលរួមក្នុងការប្រកួតបាល់ទាត់មិត្តភាពពានរង្វាន់ “MGIMO Rector’s Cup” លើកទី២៥ នៅសាកលវិទ្យាល័យMGIMO ។

ការប្រកួតនេះមានការចូលរួមពីក្រុមកីឡាករតំណាង ២៨ប្រទេស និង៤ស្ថាប័នផ្សេងៗគ្នា។ ជាលទ្ធផល ក្រុមកីឡាករតំណាងឱ្យកម្ពុជាបានជាប់ជ័យលាភីលេខ៣ បន្ទាប់ពីយកឈ្នះលើក្រុមកីឡាកររបស់ប្រទេសឡាវ សហព័ន្ធអាហ្វ្រិក គុយវ៉ែត និងកៀហ្ស៊ីស៊ីស្ថាន។ លោក អ៊ា ម៉ានុត អ្នកចាំទីរបស់កម្ពុជាក៏បានទទួលពានរង្វាន់អ្នកចាំទីឆ្នើម “Best Goalkeeper Award”ប្រចាំការប្រកួតផងដែរ។

ឆ្លៀតក្នុងឱកាសនេះ សមាគមនិស្សិតកម្ពុជាប្រចាំសហព័ន្ធរុស្ស៊ី សូមថ្លែងអំណរគុណដល់ឯកឧត្តម ពេជ្រឃុន និងលោកជំទាវ ព្រមទាំងថ្នាក់ដឹកនាំនិងមន្ត្រីនៃស្ថានឯកអគ្គរាជទូតកម្ពុជាប្រចាំសហព័ន្ធរុស្ស៊ី ដែលជានិច្ចជាកាលតែងតែយកចិត្តទុកដាក់ចំពោះនិស្សិតដែលកម្ពុជាសិក្សា នៅសហព័ន្ធរុស្ស៊ី និងតែងតែគាំទ្ររាល់គ្រប់សកម្មភាពរបស់និស្សិតដែលសំដៅដល់ការលើកកម្ពស់កិត្យានុភាព និងកេរ្តិ៍ឈ្មោះជាតិ។ សមាគមក៏សូមថ្លែងអំណរគុណដល់ក្រុមកីឡាករ និងនិស្សិតកម្ពុជាដែលកំពុងសិក្សានៅសហព័ន្ធរុស្ស៊ីទាំងអស់ដែលតែងតែរួមរួបសាមគ្គីគ្នា លះបង់អស់កម្លាំងកាយចិត្ត គាំទ្រគ្នាទៅវិញទៅមកដើម្បីលើកកម្ពស់កិត្តិនាមជាតិ។

29/05/2026

សូមអបអរសាទរនិស្សិត លីសា សត្យា និស្សិតថ្នាក់ត្រៀមភាសានៅសាកលវិទ្យាល័យវិទ្យាសាស្រ្ត និងបច្ចេកវិទ្យារដ្ឋអ៊ូហ្វា ដែលបានជាប់ជ័យលាភីលេខ៣ ក្នុងកម្មវិធីប្រកួតរូបថតអន្តរជាតិ МЫ УЧИМСЯ В РОССИИ លើកទី៧ កាលពីថ្ងៃទី៨ ខែមេសា ដល់ថ្ងៃទី១៥ ខែឧសភា ឆ្នាំ២០២៦។ 🇰🇭🇷🇺

21/05/2026

កិច្ចប្រជុំត្រាប់អាស៊ាន និងកិច្ចប្រជុំត្រាប់អាស៊ីបូព៌ា លើកទី៣ នៅវិទ្យាស្ថានទំនាក់ទំនងអន្តរជាតិរដ្ឋមូស្គូ (МГИМО)
—-
រដ្ឋធានីមូស្គូ កាលពីថ្ងៃទី១៣ ដល់ថ្ងៃទី១៥ ខែឧសភា ឆ្នាំ២០២៦ លោក មាស សុបញ្ញា លោក លាស់ វិសាល និស្សិតថ្នាក់បរិញ្ញាបត្រនយោបាយសកល កញ្ញា កុយ វិភាវិនី និស្សិតថ្នាក់បរិញ្ញាបត្រទំនាក់ទំនងអន្តរជាតិ និងកញ្ញា វ៉ែន កន្និកា និស្សិតថ្នាក់ត្រៀមភាសា ត្រូវបានជ្រើសរើសជាប្រតិភូចូលរួមក្នុងកិច្ចប្រជុំត្រាប់អាស៊ាន និងកិច្ចប្រជុំត្រាប់អាស៊ីបូព៌ា លើកទី៣ នៅវិទ្យាស្ថានទំនាក់ទំនងអន្តរជាតិរដ្ឋមូស្គូ (МГИМО)។

កិច្ចប្រជុំត្រាប់នេះត្រូវបានប្រកាសបើកដោយឯកឧត្តម Igor Bailen ឯកអគ្គរដ្ឋទូតហ្វីលីពីន ឯកឧត្តម Timur Zevakhin អនុប្រធាននាយកដ្ឋានកិច្ចសហប្រតិបត្តិការអាស៊ី និងប៉ាស៊ីហ្វិកនៃក្រសួងការបរទេសសហព័ន្ធរុស្ស៊ី និងលោកស្រីបណ្ឌិត Ekaterina Kodulnova នាយិកាមជ្ឈមណ្ឌលអាស៊ាននៅМГИМО និងដោយមានការចូលរួមពីតំណាងស្ថានទូតនៃប្រទេសអាស៊ាននៅទីក្រុងមូស្គូ។ លោក ប៊ុន សុខេន អគ្គទីប្រឹក្សា និងលោក តាក សុវណ្ណនី លេខាធិការទី១ ក៏មានវត្តមានជាតំណាងមកពីស្ថានឯកអគ្គរាជទូតកម្ពុជាផងដែរ។

ប្រតិភូនៃកិច្ចប្រជុំត្រាប់បានពិភាក្សាអំពីរបៀបវារៈសំខាន់ៗនៃកិច្ចសហប្រតិបត្តិការរបស់អាស៊ានក្នុងវិស័យសន្តិសុខថាមពល បញ្ហាតំបន់ និងបានកត់សម្គាល់ពីសារៈសំខាន់នៃការឯកភាពគ្នានិងការប្រកាន់យកមជ្ឈភាពអាស៊ាន។ ជាលទ្ធផល កញ្ញា វ៉ែន កន្និកា ត្រូវបានជ្រើសរើសជាជ័យលាភីពានរង្វាន់ «Best Delegate» និងលោក មាស សុបញ្ញា ទទួលបានជ័យលាភីពានរង្វាន់ «The Most Effective Delegate»។

20/05/2026

កម្មវិធីខួបលើកទី៧០ និង ពិធីសម្ពោធការតាំងពិព័រណ៍រូបថត និងឯកសារបណ្ណាសារ ស្តីពីទំនាក់ទំនងការទូតរយៈពេល ៧០ឆ្នាំរវាងកម្ពុជា និងរុស្ស៊ី
—-
រដ្ឋធានីមូស្គូ ការពីថ្ងៃអង្គារ ទី១៩ ខែឧសភា ឆ្នាំ២០២៦ លោកខ្វែង ភារម្យ ប្រធានសមាគម ព្រមទាំងលោកព្រហ្ម ថារី ទីប្រឹក្សា ព្រមទាំងលោក ផន បូរី តំណាងមជ្ឈមណ្ឌលវិទ្យាសាស្ត្រ និងវប្បធម៌រុស្ស៊ី និងជាទីប្រឹក្សាសមាគម បានដឹកនាំក្នុងការងារសមាគម ចូលរួមកម្មវិធីខួបលើកទី៧០ និងពិធីសម្ពោធពិរព័រណ៍រូបថត និងឯកសារបណ្ណាសារ ស្តីពីទំនាក់ទំនតការទូតរយៈពេល ៧០ឆ្នាំរវាងកម្ពុជា និងរុស្ស៊ី នៅក្រសួងការបរទេសសហព័ន្ធរុស្ស៊ី។

ពិធីនេះត្រូវបានប្រារព្ធឡើងក្រោមអធិបតីភាពឯកឧត្តម Andrei Rudenko អនុរដ្ឋមន្ត្រីក្រសួងការបរទេសសហព័ន្ធរុស្ស៊ី និងឯកឧត្តមពេជ្រឃុន បញ្ញា ឯកអគ្គរាជទូតកម្ពុជាប្រចាំសហព័ន្ធរុស្ស៊ី។ តំណាងខុទ្ទកាល័យប្រធានាធិបតីនៃសហព័ន្ធរុស្ស៊ី រដ្ឋាភិបាលនៃសហព័ន្ធរុស្ស៊ី សភាសហព័ន្ធរុស្ស៊ី ក្រសួង និងទីភ្នាក់ងាររុស្ស៊ី គ្រូបង្រៀនភាសា និងប្រធានបេសកកម្មការទូតនៃប្រទេសអាស៊ាននៅទីក្រុងមូស្គូ ក៏មានវត្តមានក្នុងពិធីនេះផងដែរ។

កម្មវិធីនេះបានតាំងបង្ហាញឯកសារបណ្ណសារ និងរូបថតពីព្រឹត្តិការណ៍សំខាន់ៗ ក្នុងទំនាក់ទំនងការទូតរយៈពេល ៧០ឆ្នាំ រវាងកម្ពុជា-រុស្ស៊ី ដោយរាប់ចាប់តាំងពីថ្ងៃទី១៣ ខែឧសភា ឆ្នាំ១៩៥៦ មក។

19/05/2026

18/05/2026

សូមអបអរសាទរដល់ និស្សិត សាន សិទ្ធិកា និស្សិតថ្នាក់ត្រៀមភាសានៃសាកលវិទ្យាល័យរដ្ឋទូឡាដែលបានជាប់ជ័យលាភីលេខ៣ លើមុខវិជ្ជាគណិតវិទ្យា នៃកម្មវិធីប្រកួតអូឡាំព្យាដឆ្នាំ២០២៦ កាលពីថ្ងៃទី២០ ខែមេសា ដល់ថ្ងៃទី០៦ ខែឧសភា ឆ្នាំ២០២៦។ 🇰🇭🇷🇺

17/05/2026

សូមអបអរសាទរដល់ និស្សិត ប៉ាក់ ឈីញឈីញ និស្សិតថ្នាក់ត្រៀមភាសានៃសាកលវិទ្យាល័យរដ្ឋទូឡាដែលបានជាប់ជ័យលាភីលេខ១ លើមុខវិជ្ជាជីវវិទ្យា និិងមុខវិជ្ជាគីមីវិទ្យា និងជ័យលាភីលេខ៣ លើមុខវិជ្ជាភាសារុស្ស៊ី នៃកម្មវិធីប្រកួតអូឡាំព្យាដឆ្នាំ២០២៦ កាលពីថ្ងៃទី២០ ខែមេសា ដល់ថ្ងៃទី០៦ ខែឧសភា ឆ្នាំ២០២៦។ 🇰🇭🇷🇺

10/05/2026

ព្រះរាជសារផ្ញើជូន ឯកឧត្តម VLADIMIR PUTIN ប្រធានាធិបតីនៃសហព័ន្ធរុស្សី អបអរសាទរចំណងការទូត 70ឆ្នាំ នៃប្រទេសទាំង ២

24/04/2026

ថ្នាក់ភាសារុស្ស៊ីកម្រិតដំបូង តាមអនឡាញបើកវិញហើយ 🇰🇭🇷🇺
—-
សមាគមនិស្សិតកម្ពុជាប្រចាំសហព័ន្ធរុស្ស៊ីចាប់បើកទទួលការចុះឈ្មោះចូលរៀនថ្នាក់ភាសារុស្ស៊ីកម្រិតដំបូងតាមអនឡាញចាប់ពីថ្ងៃនេះរហូតដល់ថ្ងៃព្រហស្បតិ៍ ទី៣០ ខែមេសា ឆ្នាំ២០២៦។

សម្រាប់ព័ត៍មានបន្ថែម និងការចុះឈ្មោះ សូមទាក់ទង៖ https://t.me/ACSRF