17/06/2026
2026.06.17
විදේශගත ලාංකිකයන්ගේ පැමිණිලි හංගපු කාලේ ඉවරයි
‘LankaKonect’ දියත් වෙයි
---------------------
வெளிநாடு வாழ் இலங்கையர்களின் முறைப்பாடுகளை மறைத்த காலம் முடிந்தது.
"LankaKonect" அங்குரார்ப்பணம்!
ජාත්යන්තර ගෘහ සේවකයන්ගේ දිනය නිමිත්තෙන් ‘LankaKonect’ පැමිණිලි කළමනාකරණ ජංගම දුරකථන යෙදවුම විදේශගත ශ්රී ලාංකිකයන් වෙනුවෙන් දියත් කරන බවත් පුරවැසි කේන්ද්රීය රාජ්ය පාලනයක් කරා යන ගමනේ දැවැන්ත හැරවුම් ලක්ෂ්යයක් මින් සනිටුහන් වන බවත් විදේශ කටයුතු, විදේශ රැකියා සහ සංචාරක අමාත්ය විජිත හේරත් මහතා ඊයේ (16) පැවසීය.
ඒ විදේශගත ශ්රී ලාංකික ශ්රමිකයන් මුහුණ දෙන ගැටලු පිළිබඳව පැමිණිලි කිරීමට මෙතෙක් පැවති ක්රමවේදය ඩිජිටල්කරණය කරමින්, ‘LankaKonect’ පැමිණිලි කළමනාකරණ ජංගම දුරකථන යෙදවුම (Complaint Management Mobile Application) කොළඹ දී නිල වශයෙන් දියත් කිරීමේ අවස්ථාවට එක්වෙමිනි.
විදේශගත ලාංකිකයන් ඉදිරිපත් කරන පැමිණිලි සම්බන්ධයෙන් පියවර ගනු ලැබුවේ දැයි පිරික්සීමට නිසි ක්රමයක් මීට පෙර නොතිබූ අතර, මෙම නව ‘LankaKonect’ පද්ධතිය හරහා අදාළ ආයතන ගනු ලබන පියවර පිළිබඳව පසුවිපරම් කිරීමට (Tracking) ද හැකි වීම විශේෂත්වයකි.
නව පද්ධතිය යටතේ ඕනෑම විදේශගත ශ්රී ලාංකිකයෙකුට තමන්ගේ ගැටලුව හෝ පැමිණිල්ල, ලිඛිතව, හඬ පට, ඡායාරූප, වීඩියෝ යන ආකාරයන්ගෙන් ඉදිරිපත් කිරීමට ද අවස්ථාව හිමි වේ.
මෙම ව්යාපෘතිය සඳහා ශ්රී ලංකා ටෙලිකොම් (SLT Mobitel) ආයතනය විසින් සිය අතිනවීන තාක්ෂණික දායකත්වය සපයා ඇති අතර, ජාත්යන්තර කම්කරු සංවිධානය (ILO) විසින් මෙයට අවශ්ය මූල්යමය සහ ක්රියාකාරී දායකත්වය ලබා දී තිබීම විශේෂත්වයකි.
- විදේශ කටයුතු, විදේශ රැකියා සහ සංචාරක අමාත්යාංශය
