17/09/2026
نہایت افسوس اور گہرے رنج کے ساتھ محمود خان بنگش کی وفات کی خبر موصول ہوئی۔ ان کی وفات بلاشبہ پختون قوم کے لیے ایک بہت بڑا نقصان ہے۔
محمود خان بنگش ایک دلیر، باوقار اور معاملہ فہم شخصیت تھے۔ وہ پختونوں کے درمیان پیدا ہونے والے بڑے بڑے مسائل کو جرگہ کے روایتی طریقۂ کار کے ذریعے حل کرنے میں اہم کردار ادا کرتے رہے۔ ان کی خدمات، جرگہ روایات سے وابستگی اور پشتونوں کے درمیان اتحاد و اتفاق کے لیے ان کی کاوشیں ہمیشہ یاد رکھی جائیں گی۔
قطر پشتون کمیونٹی کے چیئرمین ملک ناور خان وزیر اور قطر پشتون کمیونٹی کے تمام ممبران، محمود خان بنگش کے اہلِ خانہ کے اس غم میں برابر کے شریک ہیں۔
اللہ تعالیٰ مرحوم محمود خان بنگش کی کامل مغفرت فرمائے، انہیں جنت الفردوس میں اعلیٰ مقام عطا فرمائے، ان کی قبر کو نور سے بھر دے اور تمام لواحقین و اہلِ خانہ کو صبرِ جمیل عطا فرمائے۔
آمین یا رب العالمین۔
(قطر پشتون کمیونیٹی )
