04/09/2026
پاکستان میں انتظامی بنیادوں پر مزید صوبوں کا قیام وقت کی اہم ضرورت ہے۔ سندھ سمیت ملک کے ہر بڑے صوبے کو بہتر انتظام، فوری انصاف اور عوامی سہولیات کی فراہمی کے لیے مناسب انتظامی اکائیوں میں تقسیم کرنے پر سنجیدگی سے غور ہونا چاہیے۔
بدقسمتی سے بعض سیاسی قوتیں صرف اپنی اجارہ داری، سیاسی اثر و رسوخ اور اقتدار کو برقرار رکھنے کے لیے صوبوں کی تقسیم کی مخالفت کرتی ہیں۔ انہیں خدشہ ہے کہ اگر اختیارات نچلی سطح تک منتقل ہوئے، عام آدمی کو اپنی دہلیز پر انصاف اور بنیادی سہولیات ملیں اور نئی قیادت سامنے آئے تو ان کی روایتی سیاست اور سیاسی گرفت کمزور ہو جائے گی۔
عوام کو جذباتی نعروں سے نہیں بلکہ دلیل اور حقیقت کی بنیاد پر فیصلہ کرنا چاہیے۔ پاکستان کی مضبوطی اسی میں ہے کہ اقتدار اور وسائل چند خاندانوں یا گروہوں تک محدود نہ رہیں بلکہ عام شہری کو بھی ترقی، انصاف اور حکمرانی میں حقیقی حصہ ملے۔
یہ کسی ایک علاقے یا زبان کے خلاف مطالبہ نہیں، بلکہ بہتر حکمرانی، مساوی مواقع اور مضبوط پاکستان کی بات ہے۔
تحریر: میر محمد قاسم
