Colectivo NÓS

08/10/2026

Galiza f**a hoxe máis orfa co pasamento de Xosé Manuel Beiras, figura fundamental da nosa historia contemporánea. A súa voz, o seu traballo, o seu compromiso e pensamento político forman parte xa do patrimonio e da memoria colectiva deste país. Que a terra lle sexa leve, mestre ✊

23/09/2026

Pois o vindeiro 3 de outubro estaremos festexando o noso XIII Aniversario e recuperando un pouco de memoria histórica e outro moito de historia celtista. e longa vida ao celtismo! ✊🩵

16/09/2026

Foi nunha tarde de setembro, tal día coma hoxe fai 13 anos, cando naceu o proxecto celtista e galeguista do . Pasaron moitas persoas, moitas viaxes, moitas historias, moitas actividades; pero as ideas e corazón do proxecto seguen inamovibles. E por moitos anos máis!

17/08/2026

Hoxe, 17 de agosto, a memoria do galeguismo segue máis viva que nunca no Día da Galiza Mártir.

Lembrando a Alexandre Bóveda, quen foi fusilado un día coma hoxe en 1936 na Caeira por defender coa súa vida a nosa lingua, a nosa cultura e a identidade da Galiza. O seu legado e o seu compromiso polo noso pobo permanecen intactos na nosa historia.

"A miña patria é Galiza e a miña vida é de Galiza"

Sempre na nosa memoria. Sempre con nós.

15/08/2026

Esta finde comeza a Liga aínda que co partido do adiado, e hoxe sábado inicia o en Cádiz a súa ilusionante andaina pola Segunda División. Namentres os nosos apuran os últimos días das ferias do verán percorrendo mundo e desfrutabdo da vida. 🩵

12/08/2026

Hoxe, no aniversario do seu asasinato, sempre se fala de Moncho Reboiras como unha figura clave de toda Galiza. Pero o seu perfil político e sindical non se entende sen Vigo e, máis concretamente, sen o barrio de Teis

Asúa familia chegou á cidade cando el era un rapaz buscando un futuro mellor. Instalárquense en Teis e abriron o Bar Noia, preto de Vulcano. Axudando no bar e escoitando os problemas dos obreiros do naval foi como de verdade espertou a súa conciencia de clase.

A policía franquista acabou asasinándoo no 75 en Ferrol, pero o barrio de Teis nunca o esqueceu. Se pasades hoxe pola zona do mercado, aínda veredes placas e murais que recordan a aquel rapaz que se forxou vendo os barcos de Vulcano.

25/07/2026

28/06/2026

28/06/2026

Un día coma hoxe, 28 de xuño de 1936, o pobo galego votou masivamente a favor do seu Estatuto de Autonomía. Case un millón de persoas dixeron SI a Galiza. Poucos meses despois, o fascismo roubounos ese dereito.

Case un millón de persoas saíron a votar e dixeron SI. Non era un capricho de catro. Era a voz dun pobo que quería decidir sobre si mesmo.

O 15 de xullo de 1936, Castelao e Gómez Román entregaron o texto aprobado ao presidente das Cortes para iniciar os trámites. Tres días despois, o golpe militar franquista enterrou ese mandato democrático durante décadas.

Galiza foi o único dos tres pobos que plebiscitaron estatuto durante a República que quedou desde o principio en mans dos sublevados. Pagámolo caro. Con sangue, con exilio, con silencio forzado.

Hoxe, 90 anos despois, seguimos reivindicando o que aquel pobo votou. Porque a memoria non é nostalxia. O que nos roubaron non caduca. Galiza segue en pé.

20/06/2026

O Celta Fortuna sube a segunda. Os nosos xogadores, o noso fútbol, a nosa terra. Parabéns por levar o nome de Galiza máis alto