27/09/2026
🚨 පෘතුගාලයේ Work Visa ලබාදෙන බව පවසන රැකියා වෙළඳ දැන්වීම්වලට අහුවෙන්න එපා! 🚨
පසුගිය දිනවල ශ්‍රී ලංකාවේ සමාජ මාධ්‍ය පුරා පෘතුගාලයේ රැකියා සඳහා වීසා ලබාදෙන බව සඳහන් රුපියල් ලක්ෂ 35කට අධික (රු. 3,500,000+) පැකේජ් ගාස්තු අයකරන දැන්වීමක් හුවමාරු වන බව අපට නිරීක්ෂණය වුණා.
ලංකාවේ ලියාපදිංචි ඒජන්සි මගින් පවා පළකරන මෙවැනි ඇතැම් දැන්වීම්වල අඩංගු ප්‍රායෝගිකව සිදුකළ නොහැකි සහ නීතිමය වශයෙන් අසත්‍ය පොරොන්දු (Red Flags) කිහිපයක් පිළිබඳව ඔබ සියලු දෙනා දැනුවත් සිටීම ඉතා වැදගත්!
🛑 ඔබ අනිවාර්යයෙන්ම සැලකිලිමත් විය යුතු ප්‍රධාන කරුණු (RED FLAGS):
1️⃣ Delivery Riders / Delivery Drivers සඳහා Direct Work Visa (D1) ලබාදිය නොහැක!
පෘතුගාලයේ UberEats, Glovo, Bolt වැනි Delivery ක්ෂේත්‍රයේ සේවය කරන්නේ ස්වාධීන කොන්ත්‍රාත්කරුවන් (Trabalhadores Independentes / Freelancers) ලෙසයි. කිසිදු පෘතුගීසි සමාගමකට Delivery Riders සඳහා සෘජු සේවක කොන්ත්‍රාත් (Subordinate Employment Contract) නිකුත් කර විදේශයන්ගෙන් direct වීසා ගෙන්නීමට නීතිමය හැකියාවක් නැත.
රියදුරු බලපත්‍ර ගැටලුව (Driving License Issue): පෘතුගාලයේ Delivery කිරීමට නම් අනිවාර්යයෙන්ම පෘතුගීසි රියදුරු බලපත්‍රයක් (Portuguese Driving License) තිබිය යුතුය. ලංකාවේ ලයිසන් එක පෘතුගීසි ලයිසන් එකකට මාරු කිරීමට (Convert කිරීමට) නම් පෘතුගාලයේ legal TRC (Título de Residência) එකක් අතැතිව තිබීම අනිවාර්ය වේ. TRC එකක් නැතුව ලංකාවේ ලයිසන් එකෙන් පෘතුගාලයේ Delivery කරන්න බැහැ!
2️⃣ සංචාරක වාරය (Summer Season) අවසන් වීම සහ රැකියා හිඟය:
පෘතුගාලයේ සංචාරක වාරය (High Season) දැන් අවසන් වෙමින් පවතින බැවින් Hotels, Restaurants සහ Hospitality ක්ෂේත්‍රයේ නව සේවකයන් බඳවා ගැනීම් සම්පූර්ණයෙන්ම වගේ නතර කර හෝ සීමා කර ඇත. ඒජන්සි මගින් මේ දවස්වල Hospitality/Restaurant/Cleaning jobs සඳහා ගෙන්නනවා යැයි පැවසීම ඉතා සැකකටයුතුය.
3️⃣ "නොමිලේ නවාතැන්, නොමිලේ ප්‍රවාහනය සහ නොමිලේ නිල ඇඳුම්"
යුරෝපයේ හෝ පෘතුගාලයේ කුඩා/මධ්‍යම ප්‍රමාණයේ ආයතන මගින් සාමාන්‍ය රැකියා (Cleaners, Delivery, Helpers) සඳහා විදේශයන්ගෙන් පැමිණෙන අයට නොමිලේ නවාතැන් හෝ ගුවන් ටිකට්පත් ලබාදීමේ ක්‍රමවේදයක් නොමැත. මෙය බොහෝ විට මැදපෙරදිග (Middle East) දැන්වීම්වල පාඨ කොපි කර සකස් කරන ලද අසත්‍ය තොරතුරු වේ.
4️⃣ අත්පිට මුදල් (Upfront Payments) අය කිරීම:
ලියාපදිංචි ගාස්තු ලෙස රුපියල් 45,000ක් සහ මුලින්ම ලක්ෂ 5ක් වැනි විශාල මුදල් අත්පිටින් ඉල්ලීම ඉතා අවදානම් සහගතය. පෘතුගාල නීතියට අනුව ඔබට නීත්‍යානුකූල රැකියා වීසා (D1) එකක් ලබාගැනීමට නම් පෘතුගාලයේ ආයතනයක් මගින් නිකුත් කළ ලියාපදිංචි සේවක ගිවිසුමක් (Registered Work Contract) තිබිය යුතුය.
5️⃣ පෘතුගාලයේ අලුත්ම නීතිමය තත්ත්වය (2025/2026):
සංචාරක වීසා (Tourist Visa) වලින් පැමිණ පසුව නීතිගත වීමේ ක්‍රමය (Manifestação de Interesse) සම්පූර්ණයෙන්ම අහෝසි කර ඇත.
එසේම Work Visa නිකුත් කිරීමට පෙර අදාළ රැකියාව සඳහා පෘතුගාලයේ හෝ යුරෝපා සංගමයේ වෙනත් අයෙකු නොමැති බවට IEFP ආයතනය මගින් සහතික කළ යුතුය. සාමාන්‍ය රැකියා සඳහා විදේශිකයන්ට මෙම අනුමැතිය ලබාගැනීම ප්‍රායෝගිකව ඉතා අසීරුය.
💡 ඔබ කළ යුත්තේ කුමක්ද?
පෘතුගාලයේ රැකියා ලබාදෙන බව පවසමින් රුපියල් ලක්ෂ ගණනින් පෙර ගෙවීම් ඉල්ලන කිසිදු පුද්ගලයෙකුට හෝ ආයතනයකට මුදල් ලබාදීමෙන් වළකින්න.
ඕනෑම ඒජන්සියක් හරහා ඉදිරිපත් වන්නේ නම්, ශ්‍රී ලංකා විදේශ සේවා නියුක්ති කාර්යාංශයේ (SLBFE - Hotline: 1989) අදාළ පෘතුගාල රැකියා ඇණවුම (Job Order Approval) නීත්‍යානුකූලව තිබේදැයි පරීක්ෂා කර බලන්න.
Pruthugeesi Karaya (පෘතුගීසිකාරයා)
