12/02/2024
أمس لفيت أربع أسواق حتى أشوف اشي ممكن يتاكل للأطفال أو نجهز كام طرد تبرعت فيهم أخت وأخ ..
كل الموجود بالسوق لا بينطبخ ولا حتى بينحشي كلها منظفات وحتى أسعارها بعشرات أضعاف ..
وين نروح وايش نعمل ..
مين يثنع أطفالنا انو مفش أكل وانو الذرة تعت الحمام بطلت موجودة وكمان سعرها زاد عشرين ضعف ..
أمس كنت أقول في بالي يا ريتني متت أول الحرب وارتحت .. وبجد حسدت كل الي استشهدوا أولها وما شافوا الذلة بالاعتقال وحرق البيوت وكمية الدمار وشوفة الدبابات والمرتزقة والجيش بقلب المخيم ..
والله مش مسوعب انو كل هاد بصير فينا وعنا دول عربية واسلامية عندها جيوش بتفاخر فيها كل الدنيا ..
حتى مش مستوعب صمت وسكوت القيادات والناس بالضفة عن المجاعة هان ..
خطية كل طفل بموتو من الجوع والذلة برقبة كل واحد قادر يغير وما عمل اشي ..
اللهم أنت ربنا وأنت حسبنا وأنت نعم الوكيل 😢
