Radzëzna Kaszëbsczégò Jãzëka

30/09/2026

29 séwnika w Senace Rzeczëpòspòliti Pòlsczi mia plac ùroczëzna z leżnoscë 30-lecégò dzejaniô Radzëznë Pòlsczégò Jãzëka. W kònferencje wzãłë ùdzéł szpecjalistka ds. kaszëbsczi edukacje w Zrzeszenie Kaszubsko-Pomorskie Lucyna Radzymińskô a przédniczka Radzëznë Jãzëka Kaszëbsczégò Danuta Pioch. Wastnô Danuta mia téż mòżebnosc wëgłosëc prelekcjã tikającą sã dzejaniégò a dobëców RKJ. Na kùńc swòji prezentacje złożëła żëczbë przedstôwcóm RPJ:

💬„Pòczëstnô Rado, 30 lat dzejaniô Radzëznë Pòlsczégò Jãzëka je spòsobną leżnoscą do złożeniô sertnëch gratulacjów i słowów ùznaniégò wszëtczim òsobóm, chtërne przez lata włącziwałë sã w robòtã dlô jãzëka i pòlsczi kùlturë. To snôżi przemiôr dbë ò rozwij i wzmócniwanié òjczëstégò jãzëka. Z leżnoscë jubileùszu chcemë pòdczorchnąc w òsoblëwi spòsób wôrtnotã i brëkòwnotã wajich dzejaniów, a téż pòdzãkòwac za prôcã i mòcë włożoné w rozwij i ùmòcniwanié dobrów, tak wôżnëch dlô pòlsczégò nôrodu.

Żëczimë Radze Pòlsczégò Jãzëka pòstãpnëch lat brzadny robòtë, wiele wôrtnëch pòdjimiznów i zadowòleniô z robòtë na rzecz normòwaniô i rozwiju pòlsczégò jãzëka, chtërny je wôżnym dzélã nôrodny spôdkòwiznë.”

28/09/2026

24/09/2026

Sertno rôczimë❗️

Wiôldżima krokama jidze gala 20-lecégò dzejaniô Radzëzna Kaszëbsczégò Jãzëka pòd titlã „Badérowania, historiô, lëdze”.

Jubileùsz dwadzescelecégò je òsoblëwim wëdarzenim w dzejach kaszëbsczi rësznotë. Je spòsobnoscą do pòdrechòwaniô dwùch dekadów dzejaniô Radzëznë, ji wkładu w rozwij i chrónienié kaszëbsczégò jãzëka, a téż do przëbôczeniô lëdzy, jaczich wiédzô, zaangażowanié i robòta przëczëniłë sã do sztôłtowaniô terôczasny kaszëbiznë.

11/09/2026

20-lecé dzejaniô Radzëznë Kaszëbsczégò Jãzëka

W miono Kaszëbskò-Pòmòrsczégò Zrzeszeniô i Radzëznë Kaszëbsczégò Jãzëka mómë wiôlgą érã rôczëc Wastwò na ùroczësté zéńdzenié z leżnoscë 20-lecégò dzejaniô Radzëznë Kaszëbsczégò Jãzëka, zatitlowóné Badérowania, historiô, lëdze.

Jubileùsz dwadzescelecégò je òsoblëwim wëdarzenim w dzejach kaszëbsczi rësznotë. Je spòsobnoscą do pòdrechòwaniô dwùch dekadów dzejaniô Radzëznë, ji wkładu w rozwij i chrónienié kaszëbsczégò jãzëka, a téż do przëbôczeniô lëdzy, jaczich wiédzô, zaangażowanié i robòta przëczëniłë sã do sztôłtowaniô terôczasny kaszëbiznë.

Zéńdzenié bãdze téż rëmią do namëszlënkù nad môlã kaszëbsczégò jãzëka w dzysdniowi jawernoce i nad wëzwaniama zrzeszonyma z chrónienim gò, rewitalizacją i przińdnotą. Jesmë dbë, że bëtnictwò przedstôwców strzodowiszczów nôùkòwëch, samòrządzënowëch wëszëznów, institucjów kùlturë i pòùczënë, a téż lëdzy zaangażowónëch w żëcé kaszëbsczi spòlëznë nadô temù jubileùszowi òsoblëwą rangã.

W programie wëdarzeniô nalazłë sã m.jin. wëstąpienié Danutë Pioch pòswiãconé dwadzescelecémù dzejaniô Radzëznë, jubileùszowé wëłożënczi prof. Tomasza Wicherkewicza i prof. Nicole Dołowi, panelowô diskùsjô Chrónienié kaszëbsczégò jãzëka – midzë juwernotą, rewitalizacją a jãzëkòwą pòlitiką, a téż kòncert karna Drëszë i pòspólnô czesta.

Ùroczëzna bãdze mia môl 26 séwnika 2026 r. ò gòdz. 10.00 w aùlë m. Bògùsława Kreje na Filologicznym Wëdzélu Gduńsczégò Ùniwersytetu, sz. Wita Stwòsza 55 w Gduńskù (aùla 1.43).

06/07/2026

Winszëjemë wszëtczim dobiwcóm, a òsoblëwie dzãkùjemë nôleżnikóm Radzëznë Kaszëbsczégò Jãzëka za jichny wkłôd w rozwij naji rodny lëteraturë!

🖤💛

06/07/2026

Winszëjemë nôleżnikóm Radzëznë Kaszëbsczégò Jãzëka, jaczi òstelë pierszima przësëżnyma dolmaczérama kaszëbsczégò jãzëka!

🖤💛

20/06/2026

XX Sympòzjum Radzëznë Kaszëbsczégò Jãzëka je ju za nama.

Dzãkùjemë wszëtczim bëtnikóm zéńdzeniô, gòscóm ë prelegentóm, a òsoblëwie gòspòdarzóm môlu, w jaczim wiedno mòżemë sã pòtikac - Muzeum Piśmiennictwa i Muzyki Kaszubsko-Pomorskiej w Wejherowie, za bëlną gòscënã.

Do ùzdrzeniô na jeséń we Gduńskù!
🖤💛

09/06/2026

Rôczimë na XX Sympòzjum RKJ 20 czerwińca do Muzeum Piśmiennictwa i Muzyki Kaszubsko-Pomorskiej w Wejherowie!

Latosô przédnô ùdba zéńdzeniô to: Kaszëbizna w tradicyjnëch i nowëch mediach.

Zéńdzenié je òdemkłé dlô kòżdégò zajinteresowónégò.
🖤💛

26/04/2026

Wszëtczégò bëlnégò Wasto Profesorze!

Dziś swoje 70. urodziny obchodzi 𝙥𝙧𝙤𝙛. 𝙈𝙖𝙧𝙚𝙠 𝘾𝙮𝙗𝙪𝙡𝙨𝙠𝙞, wybitny językoznawca i specjalista od języka kaszubskiego.
Wszëtczégò bëlnégò z leżnoscë roczëznë, Wasto Profesorze❗

🔍 Marek Cybulski studiował filologię polską na Uniwersytet Gdański (1978-1982), kończąc studia pracą magisterską pt. „Opozycja biernik – dopełniacz w kaszubszczyźnie” (1983), napisaną pod kier. prof. L. Moszyńskiego. W czasie studiów aktywnie działał jako członek Klub Studencki Pomorania. Po zakończeniu studiów pracował jako asystent muzealny w Muzeum Piśmiennictwa i Muzyki Kaszubsko-Pomorskiej w Wejherowie (1982-1984), a następnie w l. 1984-1989 kolejno jako nauczyciel języka polskiego w Szkole Podstawowej w Staniszewie i Technikum Rolniczym w Przodkowie oraz wychowawca w internacie Technikum Rolniczego w Kłaninie.

Od 1984 r. związany jest z Zakładem Języka Polskiego Instytut Filologii Polskiej, Uniwersytet Gdański. Pod kierunkiem prof. E. Brezy napisał i obronił pracę doktorską pt. „Rząd czasowników w kaszubszczyźnie” i awansował na adiunkta (1996). W październiku 2007 r. złożył w Wydawnictwie UG rozprawę habilitacyjną pt. „Problematyka morfonologiczna w procesie kodyfikacji kaszubszczyzny”.

Jest współautorem (z dr hab. Różą Wosiak-Śliwą) dwóch pionierskich książek do nauki kaszubskiego: „Kaszubski język literacki. Podręcznik dla lektoratów” (1992) i „Ùczimë sã pò kaszëbskù. Książka pomocnicza dla klas starszych” (2001, 2005, 2007). Prof. Cybulski był pierwszym, który prowadził lektorat języka kaszubskiego w Instytucie Filologii Polskiej UG. Był wykładowcą Studiów Podyplomowych Kwalifikacyjnych Pedagogiczno-Metodycznych Nauczania Języka Kaszubskiego w Słupsku.

Od początków istnienia Etnofilologia kaszubska do dnia obecnego prowadzi zajęcia z praktycznej nauki języka i zaraża swoją pasją do kaszubskiego kolejne pokolenia kaszubologów. Był promotorem 14 licencjatów na etnofilologii kaszubskiej (kolejne 3 licencjaty są w drodze) oraz trzech kaszubologicznych doktoratów: Karoliny Keler, Mariki Jocz i Adama Łuczyńskiego.

Jest członkiem Radzëzna Kaszëbsczégò Jãzëka od początków jej działania (1996). Szczególnie ważna była i jest jego praca nad normalizacją kaszubskiego języka literackiego, którą prowadzi w ramach Komisji Standaryzacyjnej RJK. Zajmował się także redakcją językową i korektą kaszubskojęzycznych książek, m.in. „Zemja kaszëbskô. Utwory wybrane” A. Budzisza, „Twarz Smętka” J. Drzeżdżona, „Kaszëbsczé abecadło. Twój pierwszi elmeńtôrz” W. Bobrowskiego i K. Kwiatkowskiej.

Za swoje wielkie zasługi w pracy na rzecz kaszubszczyzny został wyróżniony m.in. Ryngrafem Witosława oraz Medalem Stolema.

05/02/2026

Wczora jesmë zaczãlë VIII kadencjã Radzëznë Kaszëbsczégò Jãzëka òb czas I Zéńdzeniô ji nôleżników w Mùzeùm Kaszëbsczim w Kartuzach.

Òkróm pòdrëchòwaniô slédny kadencje, òstałë wëbróné nowé wëszëznë RKJ:
1. przédniczka Danuta Pioch,
2. wiceprzédnik prof. Daniél Kalinowsczi,
3. sekretéra dr Elżbiéta Bùgajnô,
4. nôleżniczka dr Joana Ginter,
5. nôleżniczka prof. Adéla Kùik-Kalinowskô,
6. nôleżniczka prof. UG dr hab. Danuta Stanulewicz.

Dzãkùjemë za bëlną gòscënã ë òrganizacjã tegò zéńdzeniégò!