08/08/2026
السلام علیکم ورحمۃ اللہ وبرکاتہ
الحمدللہ! غازی عامر شہید آرگنائزیشن، منظور آباد کے زیرِ اہتمام یوتھ ونگ اسپورٹس ٹورنامنٹ کے سلسلے میں مختلف کھیلوں کے شاندار مقابلوں کا انعقاد کیا گیا، جس میں گاؤں کے نوجوانوں نے بھرپور جوش و جذبے کے ساتھ شرکت کی۔
🏃 1200 میٹر دوڑ میں نوجوانوں نے بہترین صلاحیتوں کا مظاہرہ کیا، جس میں:
🥇 پہلی پوزیشن محسن
🥈 دوسری پوزیشن سبحان
🥉 تیسری پوزیشن عمر فاروق نے حاصل کی۔
🤼 کبڈی کے مقابلے میں لالہ اسحاق کی ٹیم نے شاندار کھیل اور بھرپور جذبے کا مظاہرہ کیا۔
🪢 رسہ کشی کے مقابلے میں استاد امین کی ٹیم نے طاقت، اتحاد اور بہترین ٹیم ورک کا مظاہرہ کیا۔
🏏 کرکٹ کے مقابلے میں عمیر مہر کی ٹیم نے بہترین کھیل اور اسپورٹس مین اسپرٹ کا مظاہرہ پیش کیا۔
🏋️ ویٹ لفٹنگ کے مقابلے میں ثقلین نے اپنی غیر معمولی طاقت اور صلاحیتوں کے خوب جوہر دکھائے۔
🌟 خصوصی شاباش اور خراجِ تحسین ان تمام نوجوانوں کو جنہوں نے بھرپور محنت، جوش اور نظم و ضبط کے ساتھ ان مقابلوں میں حصہ لیا۔ جیتنے والے کھلاڑی یقیناً مبارکباد کے مستحق ہیں، لیکن ہر وہ نوجوان جو میدان میں اترا اور کھیل کا حصہ بنا، وہ بھی داد اور حوصلہ افزائی کا مستحق ہے۔
اس شاندار پروگرام کے انعقاد میں تعاون کرنے والے تمام منتظمین، بزرگوں، نوجوانوں، رضاکاروں اور اہلِ علاقہ کا تہہ دل سے شکریہ۔
آخر میں منظور آباد ویلفیئر کی جانب سے تمام کھلاڑیوں، شرکاء اور منتظمین کو دل کی گہرائیوں سے شاباش اور مبارکباد پیش کی جاتی ہے۔
کھیلیں گے، صحت مند رہیں گے، متحد رہیں گے اور اپنے گاؤں کو آگے بڑھائیں گے۔ 🌿
منجانب:غازی عامر شہید آرگنائزیشن، منظور آباد
یوتھ ونگ — خدمت، اتحاد، ترقی