16/10/2026
ٹبہ سلطان پور کی تاریخ
قسط نمبر :4
کیا گاندھی جی مسلمان تھے ؟
انڈیا کے بانی مہاتما گاندھی جی کی اپنے پیر و مرشد بابا شیر محمد خان ساوند رحمتہ اللہ علیہ سے عقیدت کا دلچسپ واقعہ
تحریر و تحقیق : اشفاق خان ساوند
1818 ء میں سکھوں نے سرائیکی ریاست ملتان پر حملہ کرکے قبضہ کر لیا مسلمانوں بالخصوص سرائیکیوں کا قتل عام کیا. سکھوں نے مساجد میں گھوڑے باندھے اور انکی بے حرمتی کی اس ظلم و ستم کی وجہ سے سرائیکی قوم سکھوں سے نالاں ہو گئی.
انگریزوں کے ریاست ملتان پر حملہ میں سرائیکی قوم نے سکھوں کے خلاف انگریزی فوج کا بھرپور ساتھ دیا اور انگریز کے منظور نظر بن گئے. جب انگریز نے سکھوں سے سرائیکی ریاست ملتان فتح کی جو کہ اس وقت کے ہندوستان کی سب سے بڑی مالدار ریاست اور سب سے بڑے علاقے والی انگریز کی کمشنری تھی جہاں پر بیٹھ کر انگریز نے سارے ہندوستان پر حکمرانی کی تھی اس سرائیکی ریاست ملتان میں آدھا سندھ سکھر تک, آدھا بلوچستان, آدھا پنجاب سرگودھا, جھنگ, فیصل آباد, ساہیوال, اوکاڑہ, میانوالی, خوشاب, ڈیرہ غازی خان, لیہ, بھکر, میلسی (ٹبہ سلطان پور), لودھراں تک, آدھا کے پی کے ڈیرہ اسماعیل خان ٹانک یعنی چاروں پاکستانی صوبوں کے آدھے علاقے سرائیکی ریاست ملتان میں آتے تھے.
انگریز ابتدا ہی سے ہندوستان کی تقسیم چاہتا تھا. انگریز سرکار نے سرائیکیوں پر خصوصی کرم کیا ہوا تھا. قائد اعظم محمد علی جناح صاحب کی جائے پیدائش ٹھٹہ سندھ کا علاقہ جاریک ہے اور گاندھی جی کا خاندان ڈیرہ غازی خان رہتا تھا. قائد اعظم محمد علی جناح صاحب پاکستان کے بانی تھے اور گاندھی جی انڈیا کے بانی تھے پاکستان کو مالی طور پر مضبوط بنانے والی شخصیت نواب آف بہاولپور نواب صادق محمد خان عباسی رح تھے.
پاکستان اور ہندوستان کی تاریخ ان تینوں شخصیات کے گرد گھومتی ہے اور یہ تینوں شخصیات سرائیکی قوم سے تعلق رکھتے ہیں.
آخر کیا وجہ تھی کہ جناح صاحب پاکستان کی تحریک چلانے کے دوران کبھی بھی جیل نہیں گئے. ؟
کیا وجہ تھی کہ انگریز سرکار کا سارے ہندوستان پر کنٹرول تھا سوائے سرائیکی ریاست بہاولپور کے ؟
سرائیکی نواب صادق محمد خان عباسی رح کی گاڑی جس کی نمبر پلیٹ سرخ رنگ والی ہوتی ہے, کو سارے ہندوستان میں پروٹوکول دیا جاتا تھا اور آج کے سارے پاکستان میں سرائیکی ریاست بہاولپور کے سرائیکی نواب عباسی خاندان کی گاڑی کو پروٹوکول دیا جاتا ہے .
پاکستان اور ہندوستان کی تخلیق میں ان تین شخصیات کے علاوہ ایک اور بھی شخصیت شامل تھی جو کہ تاریخ کے دبیز پردوں میں چھپی ہوئی تھی اور وہ شخصیت بابا شیر محمد خان ساوند رحمتہ اللہ علیہ کی ہے جن کا تعلق سرائیکستان کے خوبصورت شہر ٹبہ سلطان پور سے ہے. جن کی شخصیت کو انڈین مورخین اور صحافی ملتانی جادوگر بابا, ساوند بابا, ساند بابا کے نام سے تاریخ میں لکھتے ہیں.
من موہن داس کرم چند گاندھی جی جن کو مہاتما گاندھی جی کے نام سے جانا جاتا ہے. گاندھی جی نے قانون کی ڈگری حاصل کی لیکن ان کی وکالت کامیاب نہ ہو سکی پھر گاندھی جی کو سیاست میں آنے کا شوق پیدا ہوا گاندھی جی دبلے پتلے عام شخصیت کے مالک تھے انکی شخصیت میں کوئی خاص کشش نہ تھی کہ وہ عوام کو اپنی جانب متوجہ کر سکیں گاندھی جی دن رات اسی لگن میں تھے کہ کس طرح خود کو منوا سکیں پھر کسی نے انکو بتایا کہ وہ ملتان جائیں ملتان کے نواحی علاقے ٹبہ سلطان پور میں ایک بزرگ رہتے ہیں جن کا نام بابا شیر محمد خان ساوند رحمتہ اللہ علیہ ہے ان سے ملاقات کرو وہی آپکا مسئلہ حل کریں گے گاندھی جی نے رات کو رخت سفر باندھا اور صبح سویرے ٹبہ سلطان پور میں بابا شیر محمد خان ساوند رحمتہ اللہ علیہ کے آستانے پر جا پہنچے
بابا شیر محمد خان ساوند رحمتہ اللہ علیہ اللہ تعالیٰ کے برگزیدہ بندے تھے اور سچ عاشق رسول اللہ ﷺ تھے آپ رح پیراسائیکالوجی ( Parapsychology ) مسمریزم ہپناٹزم , ٹیلی پیتھی, کشف سمعی , مراقبہ کے ماہر تھے. آپ رح کو بشارت مل چکی تھی کہ گاندھی جی نام کا ایک ہندو لیڈر انکے پاس آرہا ہے جو کہ مسلمانوں کا خیر خواہ ہے اور حکم الٰہی تھا کہ آپ نے گاندھی جی کی روحانی تربیت کرنی ہے .
گاندھی جی جب ٹبہ سلطان پور بابا شیر محمد خان ساوند رحمتہ اللہ علیہ کے آستانے پر پہنچے تو اس وقت آپ رح مراقبہ میں مصروف تھے جب ساوند بابا نے گاندھی جی کی طرف دیکھا تو گاندھی جی آپ رح کی آنکھوں کی کشش سے بے ہوش ہو گئے جب ہوش آیا تو بابا شیر محمد خان ساوند رحمتہ اللہ علیہ کے قدموں میں گر پڑے اور آپ رح کے دست مبارک کو دیوانہ وار چومنے لگے. گاندھی جی تین روز تک ٹبہ سلطان پور میں رہے روحانی تربیت حاصل کی اس زمانے میں اکثر گھروں میں چرخہ ہوتا تھا بابا شیر محمد خان ساوند رح نے چرخہ منگوایا اور گاندھی جی کے ذہن کو ہپناٹزم کے ذریعے چرخے کے تکلے کی نوک سے لاک کردیا اب گاندھی جی جب بھی چرخے کے تکلے کی نوک پر نظر جما کر چرخہ چلاتے تو فوراً ان پر ٹرانس کی کیفیت طاری ہو جاتی اور گاندھی جی کو روحانی طاقت حاصل ہو جاتی. گاندھی جی نے پینٹ کوٹ کا استعمال ترک کر دیا اور بابا شیر محمد خان ساوند رح کی دی ہوئی دو چادروں سے اپنے جسم کو ڈھانپ لیا. اب گاندھی جی کی شخصیت جاندار بن گئی تھی. اب گاندھی جی کو گرمی میں پسینہ نہ آتا تھا اور سردی میں سردی نہ لگتی تھی اور گاندھی جی کو بھوک پیاس پر کنٹرول حاصل ہو گیا تھا اور گاندھی جی اکثر برت یعنی بھوک ہڑتال کرتے رہتے تھے یہ سب کرامات بابا شیر محمد خان ساوند رحمتہ اللہ علیہ کے کیے ہوئے روحانی عمل کا نتیجہ تھا اب گاندھی جی اپنی کرشماتی شخصیت اور منفرد حلیہ کی وجہ سے ہندوؤں میں مقبولیت حاصل کر چکے تھے.
1919ء کے بعد گاندھی جی نے اپنے پیرومرشد بابا شیر محمد خان ساوند رح کے دیئے ہوئے چرخے کو اپنی سیاسی جماعت کانگریس کے جھنڈے پر چرخہ کی تصویر پرنٹ کروائی اور تمام ہندوؤں کو اپنے سیاسی جلسوں جلوسوں اور ریلیوں میں چرخے والے جھنڈے لہرانے کا حکم دیا.
قائد اعظم محمد علی جناح صاحب اور گاندھی جی نے ملکر انگریز سرکار کے خلاف سول نافرمانی کی تحریک چلائی اور انگریز کے کارخانوں میں تیار کردہ کپڑے کا بائیکاٹ کیا مسلمانوں اور ہندوؤں نے مشترکہ طور پر سارے ہندوستان میں " چرخہ چلاؤ اپنا کپڑا بناؤ " مہم چلائی اس کپڑے کا نام ملتان کے مشہور زمانہ تاجر ملک خدا بخش خان انصاری کے بیٹے بہادر خان انصاری المعروف پاولی خان کے نام کی نسبت سے اس کپڑے کا نام پاولی خان رکھا یہ پاولی خان کپڑا اپنے دور کا مشہور برینڈ بن گیا تھا انگریز سرکار نے پاولی خان برینڈ کو ناکام کرنے کی بھر پور پروپیگنڈہ مہم چلائی تاکہ عوام پاولی خان برینڈ کپڑے کی بجائے برطانیہ کے کارخانوں میں تیار کردہ کپڑا خریدیں.
14 اگست 1947 ء کو جب پاکستان اور ہندوستان دو آزاد ملک بن گئے تو گاندھی جی اپنے خاندان کے ساتھ ہندوستان چلے گئے پاکستان سے جانے سے پہلے وہ بابا شیر محمد خان ساوند رحمتہ اللہ علیہ کے آستانے پر حاضری دی اور آپ رح کو ہندوستان ساتھ چلنے کی دعوت دی اور ہندوستان میں ایک بڑی جاگیر اور مراعات دینے کا اعلان کیا لیکن بابا شیر محمد خان ساوند رح نے اپنے آبائی علاقہ ٹبہ سلطان پور چھوڑنے سے انکار کر دیا.
گاندھی جی نے ہندوستان جانے کے بعد کئی بار بابا شیر محمد خان ساوند رح کو خطوط بھی لکھے جو کہ پاکستان کے میوزیم میں یادگار کے طور پر موجود ہیں. گاندھی جی مسلمانوں سے ہمدردی کی وجہ سے انتہا پسند ہندوؤں کو کھٹکنے لگے تھے. ہندوستان بننے کے بعد کانگریس کے انتہا پسند ہندو کارکنوں نے مشترکہ فیصلہ سے کانگریس کے جھنڈے اور ہندوستان کے پرچم سے بابا شیر محمد خان ساوند رح کے چرخے والا نشان ہٹوا دیا اور ہندوستانی پرچم پر راجہ اشوک سے منسوب اشوک چکر بنوا دیا اس بات پر گاندھی جی نہایت دکھی ہوئے لیکن اکثریت کے فیصلے کی وجہ سے خاموشی اختیار کر لی.
آخر کار 30 جنوری 1948ء کو ایک انتہا پسند ہندو نتھو رام گوڈسے نے گاندھی جی کو شہید کر دیا گاندھی جی بابا شیر محمد خان ساوند رح سے پہلی ملاقات میں ہی مسلمان ہو چکے تھے لیکن اس راز کو پوشیدہ رکھا ہوا تھا.
جب گاندھی جی پر حملہ ہوا تب اسی وقت ٹبہ سلطان پور میں بابا شیر محمد خان ساوند رح اپنے مریدوں کو درس دے رہے تھے کہ اچانک وہ مراقبہ میں چلے گئے کچھ دیر بعد جب آپ رح مراقبہ سے باہر آئے اور آنکھیں کھولی تو آپ رح کی آنکھوں میں آنسو بہہ رہے تھے جب خادم نے وجہ پوچھی تو آپ رح نے اپنے مخصوص انداز میں سرائیکی زبان میں بتایا کہ
ہندوستان دے مسلمان یتیم تھئی گئے ہن گاندھی پتر شہید تھئی گئے ہن "
بابا شیر محمد خان ساوند رح گاندھی جی کے آخری لمحات میں روحانی طور پر انکے ساتھ موجود تھے گاندھی جی کا سر آپ رح کی گود میں تھا اور گاندھی جی کے آخری الفاظ یہی تھے کہ " ساوند بابا جتنا مجھ سے ہو سکا میں نے اپنا وچن (وعدہ) پورا کیا ہے خدا حافظ.
گاندھی جی کی وفات پر جناح صاحب نے پاکستان کا پرچم تین دن سرنگوں رکھا اور گاندھی جی کو مسلمانوں کا خیر خواہ کہا.
سرائیکی قوم کے چار عظیم لیڈر
جناح صاحب, گاندھی جی, نواب محمد خان عباسی اور بابا شیر محمد خان ساوند رح.
بابا شیر محمد خان ساوند رحمتہ اللہ علیہ ٹبہ سلطان پور کی مشہور کاروباری و سیاسی شخصیت محترم جناب سیٹھ عبدالغفور خان ساوند صاحب کے دادا محترم ہیں.
بابا شیر محمد خان ساوند رحمتہ اللہ علیہ کا مزار اقدس ٹبہ سلطان پور کی نواحی آبادی 118/ ڈبلیو بی میں قبرستان رتھ ممبڑ میں ہے. اللہ تعالیٰ بابا شیر محمد خان ساوند رحمتہ اللہ علیہ کی قبر مبارک کو غریق رحمت کرے آمین.
ہاں یہی سچ ہے .
جاری ہے...........
#1947