16/09/2026
شڪر الحمدلله رب العالمين
ڀلائي فائونڊيشن اُڏيرو لال اسٽيشن خاموشيءَ سان، انسانيت جي خدمت ۾ پنھنجي حصي جو ڪم مسلسل سرانجام ڏئي رهي آهي.
ربِ ڪائنات جڏهن ڪنھن انسان کي پنهنجي مخلوق جي خدمت لاءِ چونڊي ٿو، تہ ان کان ورتل هر نيڪ ڪم هڪ وڏي سعادت بڻجي وڃي ٿو. انھن ئي سعادت وارن ڪمن مان هڪ ڪم آهي ڪنهن جي اکين جو نور واپس آڻڻ، ڪنهن جي ڌنڌلي دنيا کي ٻيھر روشن ڪرڻ.
موتين جي مفت آپريشنن جي هن خدمت ۾ ڀلائي فائونڊيشن جي ٻن ميمبرن، ڊاڪٽر ڪريم بخش ڇٽو ۽ شيراز علي عمراڻي جي مسلسل محنت، جاکوڙ ۽ خدمت جو اهم ڪردار شامل آهي.
۽ هن سڄي نيڪ سفر کي جاري رکڻ ۾ سڀ کان وڏو سھارو ان عظيم انسان جو آهي، جنھن جي زندگيءَ جو اصل مطلب ئي ٻين جي ڪم اچڻ آهي، ڀلائي فائونڊيشن جي چيئرمين سائين عزت علي برهماڻي جي لڳاتار مالي سهڪار ۽ سرپرستيءَ سان ئي هي ڀلائي ۽ انسانيت ڀريو سلسلو اڳتي وڌي رهيو آهي.
اڄ به الله ڪريم جي ڏنل توفيق سان ڀلائي فائونڊيشن اُڏيرولال اسٽيشن طرفان 12 غريب موتيي جي مريضن جا مفت آپريشن ڪراچي جي بهترين اکين جي اسپتال، پي او بي (POB) مان ڪرايا ويا ۽ انھن جي ڌنڌلي دنيا ۾ روشني واپس آڻڻ جي ڪوشش ڪئي وئي.
اچو تہ هن نيڪ ڪم ۾ پنھنجو حصو شامل ڪريون.
اچو تہ گڏجي ڪنھن جي اکين جو نور بڻجون،
ڪنھن جي اميد بڻجون،
۽ انسان ذات جي ڌنڌلي دنيا کي گڏجي روشن ڪريون.
اوهان جو ننڍڙو سهڪار، ڪنهن جي زندگيءَ ۾ وڏي روشني بڻجي سگهي ٿو.
رابطي لاءِ:
0345-3632660
0300-3075714
