17/06/2024
میری جانب سے قوم کو عید مبارک! عید الاضحیٰ قربانی کے جذبے کا استعارہ ہے جس کی عملی مثال حضرت ابراہیم علیہ السلام نے قائم کی۔
بدقسمتی سے چند افراد کی انا اور نفسِ امارّہ کی پرستش، ہمارے معاشرے کے ہر ادارے اور اخلاقی اقدار کی تنزلی کا باعث بنی ہوئی ہے۔
پاکستانی کرکٹ کی موجودہ حالتِ زار اس بات کی عکاس ہے کہ کس طرح ایک فرد کی انا اور اقربا پروری نے پاکستان کو پہلے ہی تباہی کے دہانے پر پہنچا دیا ہے۔
نہ صرف 'مسٹر 10 پرسنٹ' کے نام سے مشہور آصف زرداری، محسن نقوی کو اپنا بیٹا مانتا ہے بلکہ محسن نقوی کا چیف آف آرمی سٹاف عاصم منیر سے بھی خاندانی تعلق ہے۔ محسن نقوی ان کے فرنٹ مین کے طور پر کام کرتا ہے، پہلی مرتبہ اسے وزیر اعلیٰ کے عہدے سے نوازا گیا، جو پاکستان کی تاریخ کے سیاہ ترین دور میں سے ایک ہے۔ اس پر آئین کے آرٹیکل 6 کے تحت مقدمہ چلایا جانا چاہیے کیونکہ اس نے آئین کی منشا کے مطابق (وقت پر) پنجاب میں انتخابات نہیں ہونے دیے۔ اس نے قوم پر غیرمعمولی ظلم و ستم کیا: گھروں پر حملے ہوئے، کارکنوں کو قتل کیا گیا، قید کیا گیا، اور ان پر تشدد کیا گیا۔ فسطائیت کا ریکارڈ بنانے پر، اسے نہ صرف حساس وزارتِ داخلہ کے عہدے سے نوازا گیا بلکہ پی سی بی کی سربراہی بھی دی گئی۔ بجائے اس کے کہ وہ ٹیم کی کارکردگی میں بہتری پر توجہ دیتا، اس نے اپنی تمام تر توانائیاں سیاسی مخالفین کو دبانے میں صرف کیں۔ پاکستان کرکٹ ٹیم کی حالیہ کارکردگی سے ظاہر ہوتا ہے کہ کھلاڑیوں کے حوصلے انتہائی پست ہیں، جس کی وجہ ٹیم کی سربراہی ایک نااہل ٹاؤٹ کے پاس ہونا ہے۔
یہ غلط ترجیحات ملک کے امن و امان کی صورتحال میں بھی عیاں ہیں۔ تمام ریاستی مشینری کی تمام تر توجہ شہریوں کے خلاف فسطائیت اور تشدد پر مرکوز ہے، جب کہ امن و امان کی صورتحال ابتر ہو چکی ہے، دہشت گردی عروج پر ہے، اور معیشت دم توڑ رہی ہے۔
آخر میں، 'جنگل کا بادشاہ'، جس کی ایماء پر یہ سب ہو رہا ہے، کو اداروں کی تباہی کو اب روکنا ہوگا۔ یہ وقت سمت درست کرنے کا ہے، ایسا نہ ہو کہ ملک کا وہی حشر ہو جو 2024 کے ورلڈ کپ میں پاکستانی کرکٹ ٹیم کا ہوا ہے۔
