17/06/2026
A step towards greater transparency and consumer convenience. The redesigned electricity bill makes key information clearer, simpler, and easier to understand for all consumers.
وزارتِ توانائی (پاور ڈویژن) حکومتِ پاکستان
بجلی کے بل کا نیا فارمٹ — صارف دوست اصلاحات کی جانب ایک اہم قدم
اسلام آباد: 17 جون 2026
پاکستان بھر کی ڈسٹری بیوشن کمپنیوں (DISCOs) نے بجلی کے بلوں کا ایک نیا اور بہتر فارمٹ متعارف کرا دیا ہے، جو وزارتِ توانائی کے صارف مرکوز اصلاحاتی ایجنڈے کا حصہ ہے۔
نئے بل فارمٹ کا مقصد سادگی، بہتر سمجھ، اور صارفین کے تجربے کو آسان بنانا ہے تاکہ بجلی کے بل سے متعلق تمام معلومات واضح اور منظم انداز میں فراہم کی جا سکیں۔ اب صارفین اپنی بجلی کی کھپت، بلنگ تفصیلات اور ادائیگیوں کو آسانی سے سمجھ سکیں گے۔
یہ اصلاحات صارفین اور اسٹیک ہولڈرز کی مسلسل شکایات اور تجاویز کی روشنی میں کی گئی ہیں، جن میں پرانے بل کے پیچیدہ ڈیزائن، غیر ضروری معلومات اور مشکل فارمیٹ کی نشاندہی کی گئی تھی۔
نئے بل میں معلومات کو بہتر انداز میں ترتیب دیا گیا ہے، جس میں یونٹس، واجبات اور دیگر تفصیلات واضح طور پر دکھائی جاتی ہیں۔ اس کے علاوہ QR کوڈز بھی شامل کیے گئے ہیں تاکہ صارفین کو اضافی معلومات اور ڈیجیٹل سہولیات تک آسان رسائی حاصل ہو سکے۔
وزارتِ توانائی صارفین کی قیمتی آراء کو سراہتی ہے اور ملک کے پاور سیکٹر میں شفافیت، کارکردگی اور بہتری کے لیے اصلاحات جاری رکھنے کے عزم کا اظہار کرتی ہے۔
فی الحال LESCO، GEPCO اور MEPCO میں یہ نیا بل فارمٹ نافذ ہو چکا ہے، جبکہ IESCO میں جلد اس کا آغاز ہوگا۔ باقی DISCOs بھی مرحلہ وار اس پر عمل درآمد کریں گے۔
