28/02/2026
الحمدللہ 🌙
ودھن ویلفیئر فاؤنڈیشن کی جانب سے ماہِ رمضان المبارک میں ایک اور اہم خدمت کامیابی سے مکمل ہوئی۔
اللہ کے فضل و کرم سے اس سال 24 مستحق گھرانوں تک راشن پیک پہنچائے گئے، جن میں روزمرہ ضرورت کی 19 بنیادی اشیاء شامل تھیں، تاکہ مستحق خاندانوں کو رمضان المبارک میں سہولت میسر آ سکے۔
ان راشن پیکس کی تیاری اور تقسیم پر تقریباً 92,000 روپے خرچ آئے، جو اہلِ خیر حضرات کے تعاون سے ممکن ہوا۔
ہم دل کی گہرائیوں سے ان تمام مخیر حضرات کا شکریہ ادا کرتے ہیں جنہوں نے اس کارِ خیر میں حصہ لیا۔
اللہ تعالیٰ ان کے رزق میں برکت عطا فرمائے، ان کے لیے آسانیاں پیدا فرمائے اور اس نیکی کو اپنی بارگاہ میں قبول فرمائے۔ آمین 🤲
بسم اللہ الرحمٰن الرحیم
السلام علیکم ورحمۃ اللہ وبرکاتہ
ارشادِ ربّانی ہے:
’’کون ہے جو اللہ تعالیٰ کو قرضِ حسن دے، تاکہ اللہ تعالیٰ اُسے کئی گنا بڑھا کر واپس کرے؟ مال کا گھٹانا اور بڑھانا سب اللہ ہی کے اختیار میں ہے، اور اسی کی طرف تمہیں لوٹ کر جانا ہے‘‘
(سورۃ البقرہ: 245)
یہ اللہ تعالیٰ کی بے پایاں شانِ کریمی ہے کہ وہ اپنے بندے کو عطا کیے گئے مال میں سے اگر بندہ اس کی راہ میں، خدمتِ خلق، غریبوں، مسکینوں اور مستحقین کی مدد کے لیے خرچ کرے تو اللہ تعالیٰ اسے قرضِ حسن قرار دیتا ہے۔
قرضِ حسن وہ ہے جو خالص نیت کے ساتھ دیا جائے، جس میں کوئی ذاتی غرض، ریاکاری، دکھاوا، شہرت یا احسان جتلانا شامل نہ ہو۔ ایسا عطیہ جو صرف اور صرف اللہ تعالیٰ کی رضا کے لیے ہو اور جس کا اجر اسی سے طلب کیا جائے۔
ماہِ رمضان المبارک رحمتوں، برکتوں اور ایثار کا مہینہ ہے۔ اسی جذبۂ خیر کے تحت ودھن ویلفیئر فاؤنڈیشن حسبِ روایت اس رمضان المبارک میں بھی گاؤں کے مستحق اور نادار خاندانوں میں راشن پیکجز تقسیم کرنے کا ارادہ رکھتی ہے، تاکہ یہ خاندان بھی باعزت طریقے سے رمضان المبارک گزار سکیں اور اپنے دینی و دنیاوی فرائض اطمینان کے ساتھ ادا کر سکیں۔
ہم آپ تمام مخیر حضرات، اہلِ دل اور صاحبِ حیثیت افراد سے پُرخلوص اپیل کرتے ہیں کہ اپنی استطاعت کے مطابق اللہ کی راہ میں عطیہ کریں، تاکہ زیادہ سے زیادہ مستحق خاندانوں تک مناسب اور معیاری راشن پیکج پہنچایا جا سکے۔
آپ کا چھوٹا سا تعاون کسی گھر میں خوشی، سکون اور روزے کی افطاری کا ذریعہ بن سکتا ہے۔
آئیے! اس رمضان میں اللہ کو قرضِ حسن دیں اور اس کے وعدۂ کئی گنا اجر کے مستحق بنیں۔
عطیات جمع کرانے کے لیے:
JazzCash / EasyPaisa: 0321-8088173
ودھن ویلفیئر فاؤنڈیشن
اللہ تعالیٰ آپ کے مال و جان میں برکت عطا فرمائے اور آپ کے اس عمل کو قبول فرمائے۔ آمین
