26/10/2026
سمبڑیال: ماڈل پولیس اسٹیشن سمبڑیال نے موٹر سائیکل چوری کے دو ملزمان شعیب سکنہ نئی آبادی بنگلہ اور عدنان سکنہ آدمکے چیمہ کو گرفتار کر لیا۔ ایس ایچ او میاں عبدالرزاق کی ٹیم نے جدید ٹیکنالوجی اور پیشہ ورانہ مہارت سے کارروائی کی اور ملزمان کے قبضہ سے 7 مسروقہ موٹر سائیکلیں برآمد کیں، جن میں 2 ہنڈا 125 اور 5 سی ڈی 70 شامل ہیں۔ ملزمان سابقہ ریکارڈ یافتہ ہیں اور ان کے خلاف متعدد مقدمات درج ہیں۔ پولیس نے مزید تفتیش شروع کر دی ہے اور دیگر وارداتوں کے انکشافات متوقع ہیں۔ ڈی پی او نے کامیاب کارروائی پر پولیس ٹیم کو شاباش دیتے ہوئے کہا کہ شہریوں کے جان و مال کی حفاظت اولین ترجیح ہے اور جرائم پیشہ عناصر کیخلاف بلا امتیاز کارروائیاں جاری رہیں گی۔
