The People 0f Reshun-TPR".

08/06/2026

ریشن دھرنا کیمپُ۔

07/06/2026

ریشن دھرنا کیمپ کا دوسرا دن
عوام پرعزم — 9 جون کے بڑے احتجاج کی تیاریاں مکمل

07/06/2026

07/06/2026

ریشن دھرنہ کیمپ سے براہ راست مناظر

07/06/2026

اپر چترال میں دفعہ 144: سوالات جنم لینے لگے

اپر چترال رپورٹ شہزاد احمد

اپر چترال میں دفعہ 144 کے نفاذ نے کئی سوالات کو جنم دیا ہے، خصوصاً ایسے وقت میں جب عوامی مسائل اور احتجاجی سرگرمیاں جاری ہیں۔ عوامی حلقوں میں یہ تاثر پایا جا رہا ہے کہ حکومت مسائل کے حل کے بجائے انتظامی پابندیوں کا سہارا لے رہی ہے۔
حیران کن امر یہ ہے کہ ایک طرف دفعہ 144 نافذ ہے، جبکہ دوسری جانب شندور پولو فیسٹیول اپنی مقررہ تاریخوں پر منعقد ہونے جا رہا ہے، جس سے حکومتی پالیسی پر سوالات اٹھ رہے ہیں۔ بعض حلقے یہ بھی سوال کر رہے ہیں کہ آیا ریشن میں جاری دھرنے اور عوامی احتجاج کے تناظر میں یہ اقدام کیا گیا ہے؟
عوامی مطالبہ ہے کہ حکومت پابندیوں کے بجائے بنیادی مسائل کے حل، مذاکرات اور عوامی اعتماد کی بحالی پر توجہ دے۔

06/06/2026

ریشن دھرنا کیمپ میں پاؤر کمیٹی کا اہم اجلاس
اہم مشاورت کے بعد پاؤر کمیٹی ریشن نے آئندہ کے لائحہ عمل کا اعلان کر دیا۔
عوامی حقوق، بجلی کے مسائل اور احتجاجی تحریک کے مستقبل کے حوالے سے اہم فیصلے کیے گئے۔
تفصیلات اس ویڈیو میں ملاحظہ کریں۔

06/06/2026

Mr. Silent Jr. Shoaib Khan Reza

شعیب خان رضا کو شندور پولو ٹیم میں منتخب ہونے پر دلی مبارکباد۔ یہ شاندار کامیابی پولو کے کھیل کے لیے ان کی محنت، لگن، جذبے اور عزم کی عکاس ہے۔
شندور میں نمائندگی کے لیے منتخب ہونا، جو دنیا کے بلند ترین پولو گراؤنڈز میں سے ایک ہے، کسی بھی کھلاڑی کے لیے ایک بڑا اعزاز اور قابل فخر لمحہ ہے۔ ہمیں یقین ہے کہ شعیب اپنی صلاحیتوں، عزم اور کھیل کا مظاہرہ کرتے ہوئے اپنے خاندان، برادری اور علاقے کے لیے فخر کا باعث بنے گا۔
اللہ اسے مسلسل کامیابی، طاقت اور اچھی صحت سے نوازے، اور وہ مستقبل میں اس سے بھی بڑے سنگ میل حاصل کرے۔
ہمیں آپ پر فخر ہے شعیب خان رضا۔ آنے والے میچوں اور کامیاب سفر کے لیے آپ کے لیے نیک تمنائیں! 🌹✨
Iqbal Raza
Khalid Khan Reza
Mohsin Ali Raza
Ayan Ali Hameed
Bo mubaraki pesa tn🥰

06/06/2026

🔴 ریشن دھرنہ کیمپ سے براہِ راست مناظر

بجلی بلوں میں غیر قانونی اضافے اور ریشن پاور ہاؤس کے معاملے پر جاری احتجاجی دھرنے سے براہِ راست مناظر۔ عوامی شرکت اور احتجاجی سرگرمیوں کی تازہ صورتحال کے لیے ہمارے ساتھ جڑیے۔

06/06/2026

محنت، خاموشی اور مہارت کی داستان — شعیب رضا ریشن کا ابھرتا ہوا پولو ستارہ
اپر چترال کے خوبصورت اور کھیلوں سے محبت کرنے والے علاقے ریشن کی سرزمین نے ہمیشہ باصلاحیت نوجوان پیدا کیے ہیں، اور انہی روشن ناموں میں ایک نام نوجوان کھلاڑی شعیب رضا کا بھی ہے، جو اپنی خاموش طبیعت، بہترین کھیل اور غیر معمولی صلاحیتوں کے باعث تیزی سے پولو کے میدان میں اپنی پہچان بنا رہے ہیں۔
شعیب رضا کا تعلق ریشن سے ہے، اور گزشتہ تین برسوں سے پری شندور پولو ٹورنامنٹ میں اپنی شاندار کارکردگی کے ذریعے انہوں نے نہ صرف شائقینِ پولو کی توجہ حاصل کی بلکہ اپنی محنت اور لگن سے پولو سلیکشن کمیٹی کو بھی متاثر کیا۔ ایسے دور میں جب اکثر نوجوان سفارش یا مضبوط حوالوں کے سہارے آگے بڑھنے کی کوشش کرتے ہیں، شعیب رضا نے اپنی خالص محنت، مسلسل جدوجہد اور کھیل سے سچی وابستگی کے ذریعے یہ ثابت کیا کہ صلاحیت اگر حقیقی ہو تو راستے خود بنتے چلے جاتے ہیں۔
مسلسل تین سال کی عمدہ کارکردگی کے بعد شعیب رضا نے بغیر کسی سفارش اور ریفرنس کے اپنے بل بوتے پر شندور پولو فیسٹیول کے لیے چترال سی ٹیم میں جگہ بنا کر ایک نئی مثال قائم کی ہے۔ یہ کامیابی صرف ایک کھلاڑی کی ذاتی فتح نہیں بلکہ ان تمام نوجوانوں کے لیے امید کی کرن ہے جو محدود وسائل کے باوجود اپنے خوابوں کی تعبیر چاہتے ہیں۔
شعیب رضا کی شخصیت کا ایک خوبصورت پہلو ان کی شرافت اور بردباری بھی ہے۔ وہ کم گو مگر عمل کے آدمی ہیں۔ میدان میں ان کی سنجیدگی، کھیل کے داؤ پیچ کی گہری سمجھ اور موقع کے مطابق بہترین حکمتِ عملی انہیں دوسروں سے منفرد بناتی ہے۔ ان کی خاموش طبیعت کے پیچھے ایک ایسا جذبہ چھپا ہے جو ہر میچ میں خود کو منوانے کی بھرپور کوشش کرتا ہے۔
دلچسپ بات یہ ہے کہ شعیب رضا صرف پولو تک محدود نہیں بلکہ کرکٹ میں بھی ایک نمایاں اور باصلاحیت نوجوان کھلاڑی کے طور پر جانے جاتے ہیں۔ کھیلوں سے ان کی فطری وابستگی اور اسپورٹس مین اسپرٹ ان کی رگ رگ میں بسی ہوئی محسوس ہوتی ہے۔ یہی جذبہ انہیں ایک مکمل ایتھلیٹ بناتا ہے۔
یہ حقیقت کسی سے پوشیدہ نہیں کہ چترال میں پولو صرف ایک کھیل نہیں بلکہ ثقافت، روایت اور جذبے کا نام ہے۔ ایسے میں شعیب رضا جیسے نوجوان کھلاڑی چترال کے پولو کے روشن مستقبل کی علامت ہیں۔ اگر انہیں بہتر مواقع، جدید تربیت اور مناسب سرپرستی میسر آئے تو وہ نہ صرف ضلعی یا صوبائی سطح بلکہ قومی سطح پر بھی اپنے علاقے اور ملک کا نام روشن کر سکتے ہیں۔
آج جب شعیب رضا کو چترال سی ٹیم میں جگہ مل چکی ہے تو اب ان کے سامنے اصل امتحان اپنی کارکردگی سے خود کو مزید ثابت کرنے کا ہے۔ تاہم ان کی اب تک کی جدوجہد یہ پیغام ضرور دیتی ہے کہ میدان میں اصل پہچان سفارش نہیں بلکہ قابلیت، مستقل مزاجی اور محنت سے بنتی ہے۔
ضرورت اس امر کی ہے کہ چترال کے ایسے باصلاحیت نوجوانوں کی حوصلہ افزائی کی جائے، تاکہ کھیلوں خصوصاً پولو کو نئی توانائی ملے اور آنے والی نسلوں کو یہ احساس ہو کہ اگر عزم مضبوط ہو تو کامیابی ایک دن ضرور قدم چومتی ہے۔
شعیب رضا جیسے نوجوان یقیناً چترال کے کھیلوں کا روشن مستقبل ہیں۔

تحریر شہزاد احمد شہزاد