Human Rights Council of Pakistan AJK

21/12/2024

“ہیومن رائٹس کونسل آف پاکستان (AJK) کی جانب سے وفاقی وزیر مواصلات کو خط ارسال۔ خط میں آزاد جموں و کشمیر میں انٹرنیٹ سروسز کی بہتری کے لیے فوری اقدامات کا مطالبہ کیا گیا ہے۔ بہتر کنیکٹیویٹی عوام کے بنیادی حقوق اور ترقی کے لیے ناگزیر ہے!”
Government of Azad Jammu and Kashmir
Human Rights Council of PakistanGovernment of Pakistan
Geo News UrduARY News UrduBBC URDUHuman Rights Council Of Pakistan, Islamabad

21/12/2024

میرے وطن !

20/12/2024

راولپنڈی سے رینٹ پر لائی گئی گاڑی کے بزرگ ڈرائیور پر کار سواروں کا اپر کچھا کے مقام پر اتر کروحشیانہ تشدد ،
فیض آباد سے روزگار کی غرض سے آئے کار ڈرائیور کے مطابق حملہ آور سواروں نے پتھر مار کر زخمی اور تشدد کیا،کرایہ بھی ادا نہیں کیا
عوامی حلقوں ، ٹرانسپوٹرز کی بزرگ ڈرائیور پر نا معلوم افراد کی جانب سے ہیومن رائٹس کونسل آف پاکستان آزادکشمیر اس تشدد کی مذمت کرتی۔ہے اور ، انتظامیہ،مقامی پولیس ذمہ داران سے فوری مقدمہ کے اندراج ،ملزمان کی گرفتاری کا مطالبہ بھی کرتی۔ہے
Government of Azad Jammu and Kashmir Human Rights Council of Pakistan AJK Police Government of Pakistan #

20/12/2024

ہیومن رایٹس کونسل آف پاکستان (AJK) راولاکوٹ آزادکشمیر سے شروع ہونے والی “آسان شادی” تحریک کا مکمل خیر مقدم کرتی ہے !
اور اُمید کیجاتی ہے کہ یہ تحریک آزادکشمیر کے طول وعرض تک پہنچے جس سے والدین کو درپیش مسائل میں کمی آۓ !
یہ تحریک امیر غریب اور ہر طبقہ فکر کے عوام کے لئے ایک مثالی عمل بن سکتا ہے جس سے معاشرہ میں مثبت تبدیلی آسکتی ہے!
Government of Azad Jammu and Kashmir
Human Rights Council of Pakistan

18/12/2024

ہیومن رائٹس کونسل آف پاکستان (AJK) کی جانب سے عوام کے نام اہم پیغام

آزادکشمیر کے سرد علاقوں کے عوام سے پُرزور اپیل!

آزادکشمیر میں اس وقت شدید سردی کی لہر جاری ہے، جس کے پیشِ نظر بجلی کے ہیٹرز کا غیر ضروری استعمال بڑھ گیا ہے۔ اس بے جا استعمال کی وجہ سے گرڈ اسٹیشنز اور ٹرانسفارمرز پر غیر معمولی لوڈ پڑ رہا ہے، جس کے نتیجے میں ٹرانسفارمرز کے جلنے اور بجلی کے نظام میں خرابی کی شکایات عام ہو رہی ہیں۔

یہ صورتحال نہ صرف عوام کے لیے مشکلات پیدا کر سکتی ہے بلکہ خداناخواستہ کسی بڑے حادثے کا سبب بھی بن سکتی ہے۔ ایسی صورت میں، بجلی کے بند ہونے پر، ہمارے محنت کش لائن مین برفباری اور شدید سرد راتوں میں اپنی جان خطرے میں ڈال کر بجلی کی بحالی کے لیے کوشاں رہتے ہیں۔

لہٰذا، ہیومن رائٹس کونسل آف پاکستان (AJK) کی جانب سے آپ سے پُرزور اپیل کی جاتی ہے کہ:
1. بجلی کے ہیٹرز اور دیگر برقی آلات کے استعمال کو محدود کریں تاکہ گرڈ اسٹیشنز اور ٹرانسفارمرز پر لوڈ کم ہو سکے۔
2. بجلی کے ذمہ دارانہ استعمال سے اپنی اور اپنے علاقے کے دیگر افراد کی زندگیوں میں آسانی پیدا کریں۔
3. ان سرد راتوں میں ان محنت کش بھائیوں کا احساس کریں جو بجلی کی لائنز کی بحالی کے لیے دن رات کام کر رہے ہیں۔

آئیں مل کر اپنی ذمہ داری کا مظاہرہ کریں اور بجلی کے وسائل کو دانشمندی سے استعمال کرتے ہوئے سرد موسم میں محفوظ اور پُرامن زندگی کو ممکن بنائیں۔

18/12/2024

ہیومن رایٹس کونسل آف پاکستان (AJK) کی جانب سے ڈی جی ہیلتھ کے نام خط!
ہیومن رائٹس کونسل آف پاکستان (AJK) نے آزادکشمیر کے عوام کے لئے ہیلتھ کارڈ کی بحالی کا مطالبہ کیا ہے تاکہ آزادکشمیر کے عوام کو صحت کی بنادی سہولیات مفت فراہم ہو سکیں!
Government of Azad Jammu and Kashmir
Human Rights Council of Pakistan
Government of Pakistan

18/12/2024

ہیومن رایٹس کونسل آف پاکستان (AJK) فلاحی تنظیم کورٹ کو راولاکوٹ آزادکشمیر میں اکتالیس (41) ضرورت مندوں کو اُنکے گھر تعمیر کروا کر چابیاں حوالے کرنے پر مبارکباد پیش کرتی ہے!
چیرمین کورٹ چوہدری محمد اختر صاحب اور اُنکی پوری ٹیم بہترین کام کرنے پر خصوصی مبارکباد کی مستحق ہے !
انسانیت کی خدمت اور انسانی حقوق کا تحفظ کرنے والا ہر ادارہ ہر شخص یقیناً قابل تحسین ہے۔
Government of Azad Jammu and Kashmir
Human Rights Council of Pakistan
Highlight
KORT Kashmir Orphan Relief Trust

16/12/2024

سانحہ آرمی پبلک سکول !

16/12/2024

Alhumdulillah Page Restored!

14/12/2024

ہیومن رایٹس کونسل آف پاکستان (AJK) کے زیر اہتمام ہونے والی کشمیر کانفرنس کی پینل ڈسکیشن میں صحافی دانش ارشاد کشمیر اور گلگت بلتستان میں سول رائٹس موومنٹ کے حوالے سے گفتگو کرتے ہوۓ !

ویڈیو ضرور دیکھیں اور اپنی راۓ ضرور دیں !





Human Rights Council of Pakistan

14/12/2024

پریس ریلیز
کشمیر کانفرنس: انسانی حقوق کے عالمی دن کے موقع پر تاریخی تقریب کا انعقاد !
پروگرام کی میزبانی کے فرائض جنرل سیکریٹری ہیومن رائٹس کونسل آف پاکستان (AJK) مہوش نذیر ایڈووکیٹ نے کی

اسلام آباد (پریس ڈیسک):
ہیومن رائٹس کونسل آف پاکستان (AJK) کے زیر اہتمام چوتھی بین الاقوامی انسانی حقوق کانفرنس کا انعقاد 10 دسمبر 2024 کو پاک چائنا فرینڈشپ سینٹر، اسلام آباد میں کیا گیا۔ اس کانفرنس کا مقصد آزادکشمیر، گلگت بلتستان اور مقبوضہ کشمیر میں انسانی حقوق کی صورتحال پر روشنی ڈالنا اور ان کے تحفظ کے لیے لائحہ عمل تیار کرنا تھا۔

پروگرام کا آغاز شام 4 بجے ہوا جس میں تلاوتِ کلامِ پاک حافظ فرحان اشتیاق نے کی، جبکہ عفیفہ خان سدوزئی نے نعتِ رسولِ مقبول ﷺ پیش کی۔ اس کے بعد پاکستان اور آزادکشمیر کے قومی ترانے پیش کیے گئے۔

استقبالیہ:
پروگرام کے آغاز میں صدر ہیومن رائٹس کونسل آف پاکستان، اشتیاق احمد قریشی نے استقبالیہ خطاب کیا اور انسانی حقوق کے تحفظ کے لیے کونسل کی کارکردگی پر روشنی ڈالی۔

پہلی پینل ڈسکشن: مقبوضہ کشمیر میں انسانی حقوق کی خلاف ورزیاں

پروگرام کی پہلی پینل ڈسکشن مقبوضہ کشمیر میں جاری انسانی حقوق کی خلاف ورزیوں پر مرکوز تھی۔ اس سے قبل مقبوضہ کشمیر کی صورتحال پر ایک مختصر ڈاکیومینٹری پیش کی گئی۔ پینل ڈسکشن کی میزبانی عمران جہانگیر کیانی نے کی۔

پینل کے معزز مہمانان:
• ڈاکٹر نذیر گیلانی (صدر، جموں کشمیر کونسل برائے انسانی حقوق)
• ایڈووکیٹ پرویز شاہ (سیکریٹری جنرل، آل پارٹیز حریت کانفرنس)
• ڈاکٹر ماریہ حمید (اسٹریٹیجک اینالسٹ اور ماہر امن و تنازعات)
• محمد رفیق ڈار (ترجمان، جموں کشمیر لبریشن فرنٹ)

پینل کے دوران مقررین نے مقبوضہ کشمیر میں انسانی حقوق کی سنگین خلاف ورزیوں، بھارتی ریاستی جبر، اور کشمیری عوام کی جدوجہد پر تفصیلی گفتگو کی۔

دوسری پینل ڈسکشن: آزادکشمیر اور گلگت بلتستان میں سول رائٹس موومنٹ

پروگرام کی دوسری پینل ڈسکشن آزادکشمیر اور گلگت بلتستان میں جاری سول رائٹس موومنٹ کے موضوع پر منعقد ہوئی۔ اس سے قبل آزادکشمیر اور گلگت بلتستان کی صورتحال پر ڈاکیومینٹری پیش کی گئی۔ پینل ڈسکشن کی میزبانی عفیفہ خان سدوزئی نے کی۔

پینل کے معزز مہمانان:
• شوکت نواز میر (ممبر جوائنٹ عوامی ایکشن کمیٹی)
• فیصل ممتاز راٹھور (وزیر حکومت آزادکشمیر)
• فیصل جمیل کشمیری (ممبر جوائنٹ عوامی ایکشن کمیٹی)
• روشن دیامیری (معروف صحافی، گلگت بلتستان)
• دانش ارشاد (سینئر صحافی، آزادکشمیر)

مقررین نے سول رائٹس موومنٹ کی کامیابیوں اور چیلنجز پر روشنی ڈالی اور خطے کی ترقی کے لیے عوامی شراکت کو ناگزیر قرار دیا۔

اختتامی تقاریر اور ایوارڈز کی تقسیم

کانفرنس کے اختتام پر صدر ہیومن رائٹس کونسل آف پاکستان (AJK)، اشتیاق احمد قریشی نے قرارداد پیش کی جس میں کشمیری عوام کے بنیادی حقوق کے تحفظ کے لیے عالمی برادری سے فوری اقدامات کا مطالبہ کیا گیا۔

پروگرام کے آخر میں مہمانانِ گرامی کو شیلڈز پیش کی گئیں، اور شوکت نواز میر کو کشمیری عوام کے حقوق کے لیے ان کی خدمات کے اعتراف میں خصوصی ایوارڈ دیا گیا، جو صدر آزادکشمیر نے پیش کیا۔ آخر میں ٹیم کے ممبران کو شیلڈز اور سرٹیفکیٹس تقسیم کیے گئے۔

کانفرنس کے چیئرمین، جمشید حسین نے شکریہ کے کلمات ادا کرتے ہوئے کانفرنس کو کامیاب بنانے والے تمام شرکاء اور ٹیم کا شکریہ ادا کیا۔
پریس ریلیز (اضافہ)

کانفرنس کے اختتام پر صدر ہیومن رائٹس کونسل آف پاکستان (AJK)، اشتیاق احمد قریشی نے آزادکشمیر کی پوری ٹیم کا خصوصی شکریہ ادا کیا، جنہوں نے دور دراز علاقوں سے سفر کر کے اپنا قیمتی وقت نکالا اور اس کانفرنس میں شرکت کی۔ انہوں نے کہا کہ ٹیم کی موجودگی اور تعاون اس کانفرنس کی کامیابی میں اہم کردار ادا کرتے ہیں اور یہ اس بات کا ثبوت ہے کہ آزادکشمیر کی عوام انسانی حقوق کے تحفظ کے لیے کتنی پرعزم ہیں۔

یہ کانفرنس آزادی، انسانی حقوق، اور کشمیری عوام کی جدوجہد کی بھرپور ترجمانی کرتے ہوئے، ایک یادگار تقریب ثابت ہوئی۔





Human Rights Council of Pakistan

14/12/2024

14/12/2024

ہیومن رائٹس کونسل آف پاکستان (AJK) بھارتی فوج کی جانب سے لائن آف کنٹرول عبور کر کے بٹل دھرمسال، آزاد کشمیر کے سولین علاقوں میں داخل ہونے کے واقعے کی شدید مذمت کرتی ہے۔ یہ واقعہ نہ صرف لائن آف کنٹرول کی کھلی خلاف ورزی ہے بلکہ علاقے کے معصوم عوام کے جان و مال کے لیے سنگین خطرہ بھی ہے۔ہم اقوام متحدہ اور عالمی برادری سے اپیل کرتے ہیں کہ وہ اس واقعے کی فوری تحقیقات کریں اور بھارت کو ایسے جارحانہ اقدامات سے باز رکھنے کے لیے مؤثر اقدامات کریں۔بھارتی فوج کا یہ اقدام بین الاقوامی قوانین، اقوام متحدہ کے چارٹر اور انسانی حقوق کی کھلی خلاف ورزی ہے۔ ہم اس معاملے پر اقوام متحدہ کے مبصرین کی فوری توجہ چاہتے ہیں تاکہ علاقائی امن کو یقینی بنایا جا سکے اور معصوم شہریوں کو تحفظ فراہم کیا جا سکے۔

13/12/2024

ہیومن رائٹس کونسل آف پاکستان (AJK) کے زیر اہتمام منعقد ہونے والی کشمیر کانفرنس میں آزادکشمیر اور گلگت بلتستان میں ہونے والی سول رایٹس موومنٹ کے حوالے سے گلگت بلتستان کے نمائندہ صحافی روشن دیامیری گفتگو کرتے ہوۓ!
Human Rights Council of Pakistan

12/12/2024

ممبرر جوائنٹ عوامی ایکشن کمیٹی شوکت نواز میر ہیومن رایٹس کونسل آف پاکستان (AJK) کے صدر اشتیاق احمد قریشی سے ایوارڈ لیتے ہوۓ!




Human Rights Council of Pakistan

12/12/2024

ہیومن رایٹس کونسل آف پاکستان (AJK) کی مرکزی ٹیم سٹیج پر عوامی ایکشن کمیٹی کے نمائندگان شوکت نواز میر اور فیصل جمیل کشمیری کے ساتھ موجود اس موقع پر فرزند مقبول بٹ شہید جاوید بٹ بھی موجود !