Anjumn e Ghulaman e Wali ASAR - A.s Rawalpindi

22/08/2026

اظہارِ تشکر
انجمن غلامانِ ولیِ عصرؑ راولپنڈی کی جانب سے تمام معزز ممبران کو دل کی گہرائیوں سے اظہارِ تشکر پیش کرتے ہیں، جنہوں نے ماہِ محرم الحرام، ماہِ صفر المظفر اور 8 ربیع الاول تک تمام ایامِ عزا، مجالس اور جلوسِ عزا میں بھرپور، بروقت اور عقیدت و اخلاص کے ساتھ شرکت فرمائی۔
آپ تمام مومنین کی مسلسل شرکت، نظم و ضبط، تعاون اور امامِ مظلوم حضرت امام حسین علیہ السلام کی عزاداری میں خلوص یقیناً قابلِ تحسین ہے۔ آپ نے اپنی ذمہ داری کو محض ایک فرض نہیں بلکہ محبتِ اہلِ بیتؑ اور خدمتِ عزاداری سمجھ کر ادا کیا۔
ہم بارگاہِ مولا حضرت امام حسین علیہ السلام میں دعاگو ہیں کہ:
مولا حسینؑ آپ سب کو ہر غم و پریشانی سے محفوظ فرمائیں، آپ کے گھروں میں خوشیاں، سکون، سلامتی اور برکت عطا فرمائیں، اور آپ کو دنیا و آخرت کی تمام بھلائیاں نصیب فرمائیں۔
مولا حسینؑ آپ کی تمام حاضری، ڈیوٹی، خدمت اور عزاداری کو اپنی بارگاہِ اقدس میں شرفِ قبولیت عطا فرمائیں، آپ کی محنتوں کو اپنی بارگاہ میں منظور فرمائیں اور آپ سب کو ہمیشہ ذکرِ حسینؑ، غمِ حسینؑ اور خدمتِ عزاداری سے وابستہ رکھیں۔
اللہ تعالیٰ ہم سب کو ہمیشہ مولا حسین علیہ السلام کی عزاداری کی خدمت کا موقع عطا فرمائے۔
آمین بحقِ محمدؐ و آلِ محمدؑ
منجانب:
انجمن غلامانِ ولیِ عصرؑ، راولپنڈی

01/03/2026

أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ
انجمن غلامانِ ولیِ عصرؑ راولپنڈی انجمن کے سینئر رکنِ محترم جناب راقب زیدی صاحب
کے والدِ محترم کی صحت و سلامتی کے لیے تمام اراکین اور محبینِ اہلِ بیتؑ سے خصوصی دعا کی درخواست ہے۔اللہ ربّ العزت بحقِ محمد و آلِ محمدؑ
ان کو کامل صحتِ عاجلہ عطا فرمائے،
ہر بیماری اور تکلیف کو دور فرمائے،
اور انہیں صحت و عافیت کے ساتھ دراز عمر نصیب فرمائے۔ 🤲

09/12/2025

29/11/2025

22/11/2025

الحاج شیخ عطا الہی کے بیٹے نوحہ خوان شیخ منظر عباس المعروف مونٹی بھائی انتقال فرما گئے ہیں جنازہ کا اعلان بعد میں کیا جائے گا
゚viralシfypシ゚viralシ

06/02/2025

السلام علیکم و رحمتہ اللہ و برکاته، قبلہ جناب مولانا محسن کاظمی صاحب دامت برکاتہ!
مولا علیہ السلام آپ کو صحت و سلامتی عطا فرمائیں، ہر شر، شیاطین اور منافقین کے فتنوں سے محفوظ رکھیں، اور دینِ مبین کی خدمت میں مزید برکتیں عطا فرمائیں۔

ہم، انجمن غلامانِ ولی العصر، راولپنڈی، تہہ دل سے آپ کے شکر گزار ہیں کہ ہمیں اور مولا کے مہمانوں کو آپ کی پُراثر اور علم و حکمت سے بھرپور خطابت سے فیض یاب ہونے کا شرف حاصل ہوا۔ آپ کی گرانقدر خدمات ہمارے لیے باعثِ سعادت ہیں، اور ہم دعا گو ہیں کہ مولا آپ کو مزید عزت، کامیابی اور برکتوں سے نوازے۔
خصوصی شکریہ انجمن غلامانِ ولی العصر کے محترم صدر سید رومیل نقوی کی جانب سے، جن کی سرپرستی میں یہ بابرکت محفل منعقد ہوئی۔ اللہ تعالیٰ ہم سب کو مولا علیہ السلام کی حقیقی غلامی کا شرف عطا فرمائے اور ہمیں دین کی خدمت میں استقامت بخشے۔

و السلام علیکم و رحمتہ اللہ و برکاته

06/02/2025

بسم اللہ الرحمن الرحیم

السلام علیکم یا عشاقِ اہلِ بیت علیہم السلام!

اللہ تعالیٰ آپ سب کو سلامت رکھے، آپ کے دلوں میں حبِّ اہلِ بیتؑ کو مزید جِلا بخشے، اور آپ کو ہر شر، فتنہ اور آزمائش سے محفوظ رکھے۔ حق و باطل کی اس جنگ میں آپ کا ہر آن اور ہر لمحہ ولایتِ علیؑ و اولادِ علیؑ پر ثابت قدمی کے ساتھ بسر ہو، اور مولا علی علیہ السلام کے سچے غلاموں میں آپ کا شمار ہو۔

انجمن غلامانِ ولی العصر کی جانب سے تمام عزادارانِ امام حسین علیہ السلام کی خدمت میں خراجِ تحسین پیش کیا جاتا ہے کہ وہ اپنے خونِ جگر سے چراغِ عزاداری کو روشن رکھے ہوئے ہیں۔ یہ عزاداری فقط آنسوؤں کا نام نہیں بلکہ امامِ مظلوم کے مقدس مشن کو زندہ رکھنے کا عہد ہے۔ یہی وہ نور ہے جو قیامت تک باطل کو مٹاتا رہے گا اور ظالموں کے چہروں سے نقاب کھینچتا رہے گا۔

جو قدم حسینیت کے راستے میں اٹھے، وہ کبھی نہ ڈگمگائیں! جو آنکھیں غمِ حسینؑ میں برستی ہیں، وہ کبھی خشک نہ ہوں! اور جو دل علیؑ کے غم میں تڑپتا ہے، وہ ہمیشہ ولایت کے سائے میں دھڑکتا رہے!

ہم سب دعا گو ہیں کہ اللہ تعالیٰ ہمیں اسی طرح اپنی زندگیاں اہلِ بیتؑ کی محبت اور عزاداری کے فروغ میں بسر کرنے کی توفیق عطا فرمائے اور ہمیں امامِ زمانہ علیہ السلام کے سچے سپاہیوں میں شامل فرمائے۔

و السلام علیکم و رحمتہ اللہ و برکاته