Alpial Welfare Trust الپیال ویلفئیر ٹرسٹ

19/10/2025

گزشتہ روز چیئرمین الپیال ویلفئیر ٹرسٹ بریگیڈیئر جاوید الپیال صاحب نے ہمراہ معزز عہدیدارانِ ٹرسٹ
چوہدری حق نواز صاحب (وائس چیئرمین)،
ظفر چوہدری صاحب (جنرل سیکرٹری)،
جنرل جاوید اسلم صاحب (ٹرسٹی)،
اور کرنل رفعت محمود الپیال صاحب (ٹرسٹی)
کے ساتھ فاطمتہ الزہرہ سلام اللہ علیہا میڈیکل سینٹر پڑیال کا تفصیلی دورہ کیا۔

دورہ کے دوران چیئرمین صاحب اور وفد نے جاری تعمیراتی کام، بنیادی ڈھانچے اور ترقیاتی امور کا بغور جائزہ لیا اور کام کی رفتار و معیار پر اطمینان اور مسرت کا اظہار کیا۔
اس موقع پر پڑیال ویلفئیر سوسائٹی کی مجلسِ عاملہ کے اراکین بھی موجود تھے جنہوں نے وفد کو تعمیراتی پیش رفت اور منصوبے کے مختلف پہلوؤں پر تفصیلی بریفنگ دی۔

یہ عظیم فلاحی منصوبہ الپیال ویلفئیر ٹرسٹ اور پڑیال ویلفئیر سوسائٹی کا ایک مشترکہ صدقۂ جاریہ ہے، جس کا مقصد علاقے کے مستحق اور نادار افراد کو معیاری طبی سہولیات فراہم کرنا ہے۔

وفد نے اس موقع پر اس عزم کا اعادہ کیا کہ یہ منصوبہ ان شاءاللہ جلد اپنی تکمیل کو پہنچے گا اور علاقہ پڑیال و گردونواح میں صحت و خدمت کا نیا باب رقم کرے گا۔

01/09/2025

گزشتہ روز وائس چیئرمین الپیال ویلفئیر ٹرسٹ (رجسٹرڈ)
چوہدری حق نواز صاحب آف ڈھیری نے
فاطمتہ الزہرا سلام اللہ علیہا میڈیکل سینٹر پڑیال کی سائٹ کا دورہ کیا
اور جاری تعمیراتی کام پر مکمل اطمینان کا اظہار فرمایا۔

اس موقع پر کرنل چوہدری خالد صاحب (ٹرسٹی الپیال ویلفئیر ٹرسٹ)
اور چوہدری محمود ایاز الپیال صاحب (ممبر مرکزی مجلس عاملہ منج راجپوت الپیال قبیلہ) بھی موجود تھے۔

صوبیدار چوہدری شوکت صاحب اور پروفیسر ڈاکٹر عبد الماجد
(ممبران مرکزی مجلس عاملہ پڑیال ویلفئیر سوسائٹی) نے
معزز حاضرین کو جاری تعمیراتی کام کے بارے میں تفصیلی بریفنگ دی۔

ان شاءاللہ تعالیٰ
الپیال ویلفئیر ٹرسٹ اور پڑیال ویلفئیر سوسائٹی کا یہ مشترکہ فلاحی منصوبہ
بہت جلد خواب سے حقیقت کا روپ دھارے گا
اور اہلِ علاقہ کے لیے صحت و سہولت کا عظیم ذریعہ بنے گا۔

عزیز اہلِ خیر
یہ منصوبہ آپ کے تعاون اور دعاؤں کا طلبگار ہے۔
آئیں، بڑھ کر ہاتھ بٹائیں تاکہ یہ نیکی کا سفر تیزی سے مکمل ہو سکے
اور آنے والی نسلیں اس سے فیض یاب ہوں۔

03/07/2025

ماشاءاللہ ۔
الپیال ویلفیئر ٹرسٹ اور پڑیال ویلفیئر سوسائٹی کے مشترکہ پروجیکٹ
فاطمتہ الزہرہ میڈیکل سینٹر پڑیال
تعمیراتی کام جاری وساری ہے احباب سے تعاون کی درخواست ہے

04/06/2025

🌟 علاقہ سواں میں جدید طبی معجزہ! 🌟
فاطمتہ الزہرہ ہسپتال، راجڑ چکری روڈ راولپنڈی — امید، شفا اور خدمت کی روشن مثال

🤝 الپیال ویلفیئر ٹرسٹ اور پاکستان سویٹ ہوم کے اس عظیم فلاحی منصوبے نے علاقہ سواں اور گردونواح کے عوام کو زچہ و بچہ کی صحت کی بنیادی سہولت فراہم کر کے نئی زندگی دی ہے۔

محترم زمرد خان (ہلالِ امتیاز) کی دعوت پر معزز اراکینِ اسمبلی محترمہ طاہرہ اورنگزیب (ایم این اے)، محترمہ شازیہ رضوان (ایم پی اے، پارلیمانی سیکرٹری اطلاعات و ثقافت)، اور محترمہ اسمہ ناز عباسی (ایم پی اے و فوکل پرسن وزیر صحت پنجاب) نے فاطمتہ الزہرہ زچہ و بچہ ہسپتال راجڑ چکری روڈ کا خصوصی دورہ کیا۔

🏥 جدید سہولیات، مثالی صفائی، بااخلاق عملہ اور دیہی ماحول میں ایک مکمل طبی مرکز دیکھ کر سب حیران رہ گئے۔
💐 زمرد خان صاحب نے معزز مہمانوں کا استقبال کیا، ہسپتال کی سروسز کا جائزہ لیا گیا، مریضوں سے بات چیت کی گئی، اور انتظامیہ کی کارکردگی کو سراہا گیا۔

👩‍⚕️ محترمہ طاہرہ اورنگزیب: "یقین نہیں آتا کہ ایسا شاندار ہسپتال دیہی علاقے میں قائم ہے!"
🧼 محترمہ اسمہ ناز عباسی: "صفائی اور نظام مثالی ہے!"
🏗️ محترمہ شازیہ رضوان: "زمرد خان وہ شخصیت ہیں جو جو کام شروع کرتے ہیں، مکمل کر کے ہی دم لیتے ہیں۔"

یہ صرف ہسپتال نہیں، یہ علاقہ سواں کی عوام کی زندگی بدلنے والا خواب ہے — جو حقیقت بن چکا ہے! 🙌
#چکری

27/05/2025

الحمدللہ!
فاطمتہ الزہرہ سلام اللہ علیہا میڈیکل سینٹر، پڑیال
جو کہ الپیال ویلفئیر ٹرسٹ اور پڑیال ویلفیئر سوسائٹی کا ایک مشترکہ فلاحی منصوبہ ہے، اُس کی تعمیراتی پیش رفت جاری ہے۔

آج
چوہدری حق نواز صاحب
(وائس چیئرمین الپیال ویلفیئر ٹرسٹ و چیئرمین میڈیکل سینٹر تعمیراتی کمیٹی)
اور
جنرل سیکرٹری ظفر چوہدری صاحب
نے موقع پر جا کر جاری تعمیراتی و سولنگ کے کام کا معائنہ کیا اور مکمل اطمینان کا اظہار فرمایا۔

یہ منصوبہ اہلِ علاقہ کے لیے صحت کی سہولیات کی فراہمی کی طرف ایک بابرکت قدم ہے۔

اللہ رب العزت اس خدمت کو اپنی بارگاہ میں شرفِ قبولیت عطا فرمائے اور تمام معاونین، کارکنان و مخلص افراد کو جزائے خیر عطا کرے۔ آمین۔

11/04/2025

مفاہمتی یادداشت

پڑیال ویلفیئر سوسائٹی اور الپیال ویلفیئر ٹرسٹ کے مابین فاطمتہ الزہرہؓ میڈیکل سینڑ پڑیال کی تعمیر کے حوالے سے ایک مفاہمتی یادداشت پر دستخط کرنے کی تقریب سعید , الپیال ویلفیئر ٹرسٹ کے دفتر واقع جدہ ٹاور اسکیم تھری چک لالہ راولپنڈی میں منعقد ہوئی ۔ اس تقریب میں بریگیڈیئر ریٹائرڈ جاوید الپیال صاحب چیرمین الپیال ویلفیئر ٹرسٹ ،جنرل ریٹائرڈ جاوید اسلم صاحب ٹرسٹی ، ظفر چودھری صاحب جنرل سیکرٹری ، چودھری حق نواز صاحب وائس چیرمین چودھری طاہر ٹرسٹی الپیال ویلفئیر ٹرسٹ نے شرکت کی۔

پڑیال ویلفیئر سوسائٹی کی جانب چودھری غلام شبیر صاحب ، چودھری عدنان الپیال ، صوبیدار شوکت علی ، چودھری جبران یوسف ، عزیزم عطاء الرحمٰن عزیزم اویس رضا نے پڑیال ویلفیئر سوسائٹی کی نمائندگی کی اس تاریخی موقع پر راقم الحروف ( افتخار احمد ) بھی موجود تھا فالحمدللہ علی ذلک ۔

مختلف امور زیرِ بحث آئے میڈیکل سینٹر کے مجوزہ نقشے پر تفصیلی غور و خوض کیا گیا ۔ دونوں جانب سے اس عزم کا اظہار کیا گیا کہ عوام کی فلاح و بہبود کی خاطر صبر وتحمل سے کام لیتے ہوئے ہمیں آگے بڑھنا ہے اور راستے کی مشکلات سے صرف نظر کرتے ہوئے منزل مقصود پر نظر رکھنی ہے ۔ فنڈ ریزنگ کی مہم تیز کرنی ہے ۔ فریقین نے مفاہمت کی ایک یادداشت پر دستخط کیے ہیں۔ سوسائٹی کی جانب سے چودھری غلام شبیر صاحب ، چودھری عدنان الپیال صاحب اور ناظم مالیات عزیزم عطاء الرحمٰن نے دستخط کیے ۔
اس موقع پر منصوبے کی تکمیل کے لیے دعا کرائی گئی ۔

اس معاہدے یا مفاہمتی یادداشت کا مقصد فاطمتہ الزھراء سلام اللہ علیہا میڈیکل سنٹر پڑیال کی تعمیر اور دیکھ بھال کے شعبوں میں تعاون کو بڑھانا ہے۔ نیز طے پایا کہ ہرممکن کوشش کی جائے کہ
عوامی شرکت زیادہ سے زیادہ ہو عطیہ دینے والوں کی حوصلہ افزائی کی جائے تاکہ وہ مستقبل میں اس سنٹر کے مستقل ڈونر بن جائیں ۔

یہ اقدام ان کی خدمات کے اعتراف کے ساتھ ساتھ اس ادارے کے مستقبل کے لیے ضروری ہے ۔ نیز یہ کوشش عوامی شراکت داری کو فروغ دینے میں اہم کردار ادا کرے گی ۔ اراکین سوسائٹی کی دلچسپی ہی ان کے کردار کو اجاگر کرتی ہے اور دو جمع دو چار کی طرح یہ واضح ہو جاتا ہے کہ
بقول شاعر مشرق علامہ اقبال

تُو صاحبِ منزل ہے کہ بھٹکا ہوا راہی

براہِ کرم بڑھ چڑھ کر اپنی خدمات پیش کریں ۔

25/02/2025

17/02/2025

ان شاء اللہ عزوجل

08/02/2025

*الپیال ویلفیر ٹرسٹ* کا *پڑیال ویلفئیر سوسائٹی* کے تعاون سے ایک اور شاندار فلاحی منصوبہ

الحمد للہ *فاطمتہ الزہرہ زچہ و بچہ ہسپتال راجڑ چکری روڈ راولپنڈی* کے بڑے منصوبہ کی کامیابی سے تکمیل کے بعد الپیال ویلفیئر ٹرسٹ ان شاء اللہ جلد ہی *پڑیال ویلفیر سوسائیٹی* کے تعاون سے *فاطمتہ الزہرہ میڈیکل سینٹر پڑیال* کی تعمیر شروع کرنے جا رہا ھے ۔

اس سلسلہ میں بنیادی مراحل طے ھو چکے ھیں۔ ان شا اللہ عزوجل ھم اسی مُبارک مہینے میں اس ہسپتال کا سنگ بنیاد رکھنے جا رھے ہیں۔

جس طرح اہل علاقہ نے *فاطمتہ الزہرہ زچہ و بچہ ہسپتال راجڑ چکری روڈ راولپنڈی* کی تعمیر میں اپنی دلچسپی کا مظاہرہ کیا ھے ھم امید کرتے ھیں کہ اس ہسپتال کی تعمیر و ترقی میں بھی عوام بھرپور کردار ادا کریں گے۔

آئیے آگے بڑھیں اور *فاطمتہ الزہرہ میڈیکل سینٹر پڑیال* کی تعمیر میں *پڑیال ویلفئیر سوسائٹی* اور *الپیال ویلفئیر ٹرسٹ* کے دست و بازو بنیں۔

ھم ہمیشہ آپ کے تعاون کے مشکور رہیں گے۔

جزاک اللہ خیراً۔
ظفر چوہدری
جنرل سیکرٹری
الپیال ویلفیئر ٹرسٹ ( رجسٹرڈ )