Personal Palette by IB

13/07/2026

إِنَّا لِلّٰهِ وَإِنَّا إِلَيْهِ رَاجِعُون.

ایک عہد تمام ہوا۔ سابق امیرِ قطر نے اپنی جان جانِ آفریں کے سپرد کر دی۔ وہ ایک باوقار، باعزم اور دوراندیش رہنما تھے جنہوں نے اپنے ملک کی ترقی، استحکام اور عالمی وقار کے لیے بے مثال خدمات انجام دیں۔ جدید قطر کی تعمیر و ترقی، تعلیم و صحت کے شعبوں میں انقلابی اقدامات، اور عالمی سفارت کاری میں فعال کردار کے لیے ان کی کوششیں ہمیشہ سنہری حروف میں لکھی جائیں گی۔

انہوں نے اپنی حکمتِ عملی، بصیرت اور مضبوط قیادت کے ذریعے قطر کو عالمی سطح پر ایک بااثر، مستحکم اور باوقار ریاست کے طور پر اُبھارا۔ ان کی شخصیت میں وقار، تدبر اور خدمتِ خلق کا وہ امتزاج تھا جس نے انہیں نہ صرف اپنے عوام بلکہ پوری امتِ مسلمہ میں احترام اور عزت کا مقام عطا کیا۔

اللہ تعالیٰ مرحوم کو جوارِ رحمت میں اعلیٰ مقام عطا فرمائے، ان کی لغزشوں کو معاف فرمائے، اور قطر کی قیادت و عوام کو صبرِ جمیل عطا کرے۔

12/07/2026

کبھی کبھی یوں محسوس ہوتا ہے کہ ہم نے ترقی کے نام پر اپنی زبان، اپنا اخلاق اور اپنا ایمان گروی رکھ دیا ہے۔ یہ وہی امت ہے جس کے بزرگوں نے صحابۂ رسول ﷺ کی محبت کو ایمان کا حصہ سمجھا، اور آج کچھ لوگ اسی محبت پر سوال اٹھاتے ہوئے بدزبانی کی آخری حدوں کو چھو رہے ہیں۔
صحابۂ کرامؓ وہ مقدس ہستیاں ہیں جنہوں نے دنیا کا بہترین زمانہ پایا—وہ زمانہ جس میں امام الانبیاء حضرت محمد ﷺ موجود تھے۔ یہ وہ خوش نصیب لوگ ہیں جنہوں نے نورِ نبوت کو اپنی آنکھوں سے دیکھا، اس نور کو دلوں میں اتارا، اور پھر اسے دنیا کے ہر گوشے تک پہنچانے کے لیے اپنی جان، مال اور زندگی تک قربان کر دی۔
اسلام کی بنیادیں انہی پاکیزہ نفوس کے ہاتھوں مضبوط ہوئیں۔ قرآنِ کریم، حدیثِ نبوی اور تاریخِ اسلام ان کے کردار، اخلاص اور قربانیوں سے بھری پڑی ہے۔
افسوس ناک امر یہ ہے کہ
۱۴۰۰سال گزر جانے کے بعد آج کچھ ایسے لوگ بھی سامنے آ رہے ہیں جو نہ دین کی سمجھ رکھتے ہیں اور نہ دنیا کا شعور۔ یہ افراد صحابۂ کرامؓ جیسے مقدس ترین لوگوں کے ایمان، کردار اور نیت پر سوال اٹھاتے ہوئے بدزبانی اور اخلاقی پستی تک جا پہنچتے ہیں۔
یہ رویہ نہ صرف دین کے منافی ہے بلکہ معاشرے میں انتشار، نفرت اور فتنہ پھیلانے کی ایک خطرناک کوشش بھی ہے۔
صحابۂ کرامؓ کی عظمت اور حرمت قرآن و حدیث میں واضح طور پر بیان کی گئی ہے
سورۃ التوبہ، آیت 100 میں اللہ تعالیٰ نے فرمایا
﴿رَضِیَ اللّٰہُ عَنْهُمْ وَرَضُوا عَنْهُ﴾ یعنی اللہ ان سے راضی ہوا اور وہ اللہ سے راضی ہوئے۔ یہ آیت صحابہؓ کی عظمت کا ایسا اعلان ہے جسے کوئی زبانِ بدگو کبھی جھٹلا نہیں سکتی۔
صحیح بخاری، حدیث 3673 میں رسول اللہ ﷺ نے فرمایا:
میرے صحابہ کو گالی مت دو۔ “لا تسبّوا أصحابي”
ہم سب کو اپنی دینی اور اخلاقی ذمہ داری کو سمجھتے ہوئے ایسے عناصر کی بھرپور مذمت کرنی چاہیے جو صحابۂ رسول ﷺ جیسے مقدس ترین لوگوں کی شان میں گستاخی کرتے ہیں۔ یہ صرف ایمان کا تقاضا نہیں بلکہ معاشرتی امن کا بھی بنیادی ستون ہے۔
اللہ تعالیٰ ہم سب کی حفاظت فرمائے، ہماری زبانوں کو پاک رکھے، ہمارے دلوں کو ایمان سے روشن کرے، اور ہماری زندگی کا اختتام ایمان کی حالت میں ہو۔ آمین ثم آمین۔

23/06/2026

قومی احتساب بیورو کی جانب سے شائع کیا گیا یہ نوٹس کسی حد تک قابلِ تحسین ہے، کیونکہ بہت سے لوگ ایسے ہیں جو بحریہ ٹاؤن فیز 8 کے متاثرین میں شامل ہیں—خصوصاً بحریہ آرچرڈ کے وہ سرمایہ کار جنہوں نے اپنی محنت کی کمائی سے تھوڑا تھوڑا جمع کرکے کوئی پلاٹ بُک کروایا تھا۔ لیکن ایک طویل عرصہ گزر جانے کے باوجود بھی بحریہ ٹاؤن کی انتظامیہ کی طرف سے نہ تو کسی قسم کی ترقیاتی سرگرمی دکھائی دیتی ہے اور نہ ہی قبضہ دینے کے حوالے سے کوئی باضابطہ اطلاع سامنے آئی ہے۔

اب اس کا نتیجہ کیا نکلتا ہے، یہ تو وقت کے ساتھ ہی معلوم ہوگا۔ میرے خیال میں متعلقہ حکام کو چاہیے کہ وہ ڈیویلپرز کو پابند کریں کہ جب بھی کوئی غیر ترقی یافتہ منصوبہ فروخت کیا جائے تو فروخت کے معاہدے میں قبضے کی واضح ٹائم لائن لازماً درج ہو۔ دنیا بھر میں معاملات آن لائن ہو چکے ہیں، مگر ہمارے ہاں اب بھی دفاتر کے چکر لگانے پڑتے ہیں۔

مرحلہ وار ایک ایسا آن لائن شکایتی پورٹل ہونا چاہیے جس میں پہلے صارف یا متاثرہ شخص اپنی شکایت سوسائٹی لیول پر درج کرے۔ اگر سوسائٹی مقررہ مدت میں مسئلہ حل نہ کرے تو اگلا مرحلہ سرکاری سطح پر اسی شکایت کو آن لائن درج کرنے کا ہونا چاہیے—جس کے لیے ایک واضح وقت مقرر ہو اور اس دوران مسئلہ حل کرکے متاثرہ فرد کو ریلیف فراہم کیا جائے۔

یہ تمام شقیں سوسائٹی کے سیل ایگریمنٹ میں شامل ہونی چاہئیں تاکہ مستقبل میں کسی بھی صارف کو غیر ضروری مشکلات کا سامنا نہ کرنا پڑے۔

22/06/2026

زندگی اور موت واقعی لازم و ملزوم ہیں — ایک دوسرے سے کبھی جدا نہیں ہوتے۔ ہر روح نے اس دنیا سے گزرنا ہے، مگر حادثاتی موت اپنے پیچھے صرف آنسو نہیں چھوڑتی بلکہ وہ ادھوری باتیں، ادھوری ملاقاتیں اور وہ گہرا پچھتاوا بھی چھوڑ جاتی ہے جو پس ماندگان کے دلوں میں برسوں تک محسوس ہوتا رہتا ہے۔

اللہ ہم سب پر رحم فرمائے۔

21/06/2026

پانی اللہ تعالیٰ کی عظیم نعمت ہے، مگر بدقسمتی سے پاکستان کے کئی شہروں کی طرح راولپنڈی اور اسلام آباد بھی پانی کی کمی اور اس کے غیر ذمہ دارانہ استعمال کے سنگین مسئلے سے دوچار ہیں۔ بڑھتی ہوئی آبادی، غیر منصوبہ بند تعمیرات اور پانی کے بے دریغ استعمال نے صورتحال کو مزید خراب کر دیا ہے۔ اس لیے ضروری ہے کہ ہم اجتماعی اور انفرادی سطح پر پانی کے تحفظ کو اپنی ذمہ داری سمجھیں۔
راولپنڈی اور اسلام آباد میں پانی کی موجودہ صورتحال راولپنڈی
شہر کا بڑا انحصار خانپور ڈیم اور راول ڈیم پر ہے۔
گرمیوں میں پانی کی طلب بڑھ جاتی ہے جبکہ سپلائی کم ہو جاتی ہے۔
بے تحاشا بورنگ اور زیرِ زمین پانی کے حد سے زیادہ استعمال نے پانی کی سطح کو خطرناک حد تک نیچے کر دیا ہے۔ اسلام آباد
اسلام آباد ایک منصوبہ بند شہر ہونے کے باوجود پانی کی قلت کا شکار ہے۔
سملی ڈیم اور خانپور ڈیم دونوں پر دباؤ بڑھ چکا ہے۔
کئی سیکٹرز میں پانی کی شیڈولڈ سپلائی معمول بن چکی ہے، جس سے مسئلے کی سنگینی واضح ہوتی ہے۔
🚰 پانی کے ضیاع کی بنیادی وجوہات
نلکوں کا کھلا رہ جانا اور لیکیج کا بروقت حل نہ کرنا۔
گاڑیوں اور گھروں کی دھلائی میں ضرورت سے زیادہ پانی استعمال کرنا۔
ہوٹلوں، پلازوں اور تعمیراتی مقامات پر پانی کا بے دریغ استعمال۔
زیرِ زمین پانی کا حد سے زیادہ نکالنا۔
بارش کے پانی کو محفوظ نہ کرنا۔
🌱 پانی بچانے کے مؤثر طریقے
لیک ہونے والے نلکوں کی مرمت فوراً کروائیں۔
بالٹی سے غسل کریں، شاور کم استعمال کریں۔
گاڑی دھونے کے لیے پائپ کی بجائے بالٹی استعمال کریں۔
برتن دھوتے وقت نل بند رکھیں۔
محلوں اور سوسائٹیز میں
بارش کے پانی کو محفوظ کرنے کے نظام لگائیں۔
آگاہی مہمات چلائیں۔
کار واش پوائنٹس کی نگرانی سخت کریں۔
حکومتی سطح پر
چھوٹے ڈیموں کی تعمیر تیز کی جائے۔
گراؤنڈ واٹر نکالنے پر پابندی لگائی جائے۔
سمارٹ واٹر میٹرنگ کا نظام متعارف کرایا جائے۔
🕌 اسلامی نقطۂ نظر
اسلام میں پانی کو ضائع کرنے سے سختی سے منع کیا گیا ہے۔ حدیثِ مبارکہ ہے: "پانی کو ضائع نہ کرو، چاہے تم بہتے ہوئے دریا پر ہی وضو کیوں نہ کر رہے ہو۔" یہ تعلیم ہمیں بتاتی ہے کہ پانی کی حفاظت صرف سماجی نہیں بلکہ دینی ذمہ داری بھی ہے۔

21/06/2026

20/06/2026

TownLalkurti CanttIslamabad United

سجان سنگھ حویلی کی کھڑکی سے راولپنڈی شہر کا ایک منظر

20/06/2026

سجان سنگھ حویلی کی کھڑکی سے راولپنڈی شہر کا ایک منظر

15/06/2026

پنکی نامہ اور پنکے —
خبر کی عمر سات دن،
لیکن پنکی کی حرکتیں ایسی کہ
خبر خود ہی کہہ اٹھے:
'بھائی میں تو جا رہی ہوں… إِنَّا لِلّٰهِ وَإِنَّا إِلَيْهِ رَاجِعُونَ' "

11/06/2026

"عزیز بھائی، سب سے پہلے ہمیں یہ بات سمجھنا ضروری ہے کہ ٹرانسفارمر لگوانا یا اسے ٹھیک کروانا واپڈا یا علاقے کی متعلقہ بجلی کمپنی کی ذمہ داری ہوتی ہے، نہ کہ اپنے حلقے کے کسی بااثر شخص کی۔ اگر صارف کی شکایت کا ازالہ متعلقہ ادارہ نہیں کرتا تو اس کا مطلب ہے کہ ادارے میں بیٹھے لوگ اپنا کام صحیح نہیں کر رہے یا ان کے افسران اپنی ذمہ داریاں نبھانے کے قابل نہیں ہیں