Falah E Darain Society Pakistan

12/09/2026

رحیم یار خان: گداگری کے خاتمے کے لیے اینٹی بیگری واک، این جی اوز کے نمائندگان کی شرکت، عملی تجاویز پیش

رحیم یار خان میں محکمہ سوشل ویلفیئر اینڈ بیت المال کے زیر اہتمام گداگری کے خاتمے اور معاشرے میں اس کے منفی اثرات کے حوالے سے اینٹی بیگری واک اور آگاہی سیشن کا انعقاد کیا گیا، جس میں ضلع بھر سے مختلف سماجی تنظیموں اور این جی اوز کے نمائندگان نے شرکت کی۔

آگاہی سیشن کی صدارت ڈپٹی ڈائریکٹر سوشل ویلفیئر اینڈ بیت المال رحیم یارخان میڈم آسیہ نے کی۔ اس موقع پر گداگری کی روک تھام، مستحق افراد کی بحالی، عوام میں شعور اجاگر کرنے اور معاشرے میں پیشہ ورانہ گداگری کی حوصلہ شکنی کے حوالے سے تفصیلی گفتگو کی گئی۔

اس موقع پر فلاح دارین سوسائٹی (رجسٹرڈ)خان پور ضلع رحیم یارخان کے صدر آصف علی اکرم سمیت مختلف این جی اوز کے نمائندگان نے شرکت کی۔ شرکاء نے گداگری کے بڑھتے ہوئے رجحان کی وجوہات، مستحق اور پیشہ ور گداگروں میں فرق، غریب اور بے سہارا افراد کی معاونت اور انہیں باعزت روزگار کی طرف لانے کے لیے اپنی اپنی تجاویز پیش کیں۔

شرکاء کا کہنا تھا کہ گداگری کے خاتمے کے لیے صرف کارروائی کافی نہیں بلکہ حکومتی اداروں، سماجی تنظیموں، مخیر حضرات اور عوام کو مشترکہ طور پر اپنا کردار ادا کرنا ہوگا۔ مستحق افراد کی نشاندہی، ان کی بحالی، ہنر سکھانے، روزگار کے مواقع فراہم کرنے اور عوام میں آگاہی پیدا کرنے سے گداگری کے رجحان میں کمی لائی جا سکتی ہے۔

اسسٹنٹ ڈائریکٹر سوشل ویلفیئر اینڈ بیت المال رحیم یارخان رانا سجاد احمد نے این جی اوز کے نمائندگان کی تجاویز کو اہم قرار دیتے ہوئے گداگری کے خاتمے کے لیے اجتماعی کوششوں اور مربوط حکمت عملی کی ضرورت پر زور دیا۔

بعد ازاں شرکاء کی جانب سے اینٹی بیگری واک بھی کی گئی، جس میں شہریوں کو گداگری کی حوصلہ شکنی، مستحق افراد کی مدد اور معاشرتی ذمہ داری کا احساس اجاگر کرنے کے حوالے سے آگاہی دی گئی۔ واک کے ذریعے یہ پیغام دیا گیا کہ مستحق افراد کی مدد باعزت اور منظم طریقے سے کی جائے جبکہ پیشہ ورانہ گداگری کی حوصلہ شکنی کے لیے معاشرے کا ہر فرد اپنا کردار ادا کرے۔

06/09/2026

خان پور : سردار گڑھ حادثہ، محترم فیاض مراد خان رند کا اظہارِ افسوس

خان پور : سردار گڑھ کے قریب ٹریکٹر ٹرالی اور ٹریلر کے المناک تصادم کے نتیجے میں 7 افراد کے جاں بحق اور 49 افراد کے زخمی ہونے پر سماجی تنظیم فلاح دارین سوسائٹی کے سرپرست اعلیٰ فیاض مراد خان نے گہرے دکھ اور افسوس کا اظہار کیا ہے۔

اپنے تعزیتی بیان میں فیاض مراد خان نے کہا کہ حادثے میں قیمتی انسانی جانوں کا ضیاع انتہائی افسوسناک اور ناقابلِ تلافی نقصان ہے۔ انہوں نے جاں بحق افراد کے لواحقین سے دلی ہمدردی اور تعزیت کا اظہار کرتے ہوئے دعا کی کہ اللہ تعالیٰ مرحومین کو جوارِ رحمت میں اعلیٰ مقام عطا فرمائے اور سوگوار خاندانوں کو صبرِ جمیل دے۔

انہوں نے حادثے میں زخمی ہونے والے افراد کی جلد صحت یابی کے لیے بھی دعا کرتے ہوئے کہا کہ متاثرہ خاندانوں کے غم میں برابر کے شریک ہیں۔ فیاض مراد خان نے متعلقہ اداروں پر زور دیا کہ ٹریفک حادثات کی روک تھام کے لیے مؤثر اقدامات اور ٹریفک قوانین پر سختی سے عملدرآمد یقینی بنایا جائے۔

06/09/2026

01/09/2026

رحیم یارخان (ایف ڈی ایس رپورٹ)لٹریسی ڈیپارٹمنٹ رحیم یارخان کے ایل ایم خرم اقبال نے فلاح دارین سوسائٹی کے فیلڈ آفس، چک نمبر 45 پی، اور فلاح دارین ووکیشنل انسٹی ٹیوٹ کا دورہ کیا۔دورے کے دوران فلاح دارین سوسائٹی کے جنرل سیکریٹری ڈاکٹر عبید الرحمن نے ایل ایم خرم اقبال کو علامہ اقبال لائبریری اور ووکیشنل انسٹی ٹیوٹ کے مختلف شعبہ جات کی کارکردگی، تعلیمی و فنی سرگرمیوں اور ادارے کی جانب سے علاقے میں فراہم کی جانے والی سہولیات کے حوالے سے تفصیلی بریفنگ دی۔
اس موقع پر خرم اقبال نے ادارے کی کارکردگی اور تعلیمی و فنی خدمات کو سراہتے ہوئے کہا کہ ایسے ادارے مقامی سطح پر تعلیم اور ہنر کے فروغ میں اہم کردار ادا کر رہے ہیں۔انہوں نے مستقبل میں باہمی تعاون کو مزید فروغ دینے اور علاقے میں تعلیمی اداروں کی بہتری، شرحِ خواندگی میں اضافے اور نوجوانوں کو فنی تعلیم کے بہتر مواقع فراہم کرنے کے لیے مشترکہ کوششیں جاری رکھنے پر زور دیا۔دورے کے اختتام پر ادارے کی تعلیمی و فنی سرگرمیوں اور مستقبل کے منصوبوں کے حوالے سے بھی تبادلہ خیال کیا گیا۔

18/08/2026

*حاجی مراد خاں بلوچ: سیاست سے خدمتِ خلق تک ایک یادگار سفر*
تحریر:میاں آصف علی اکرم صدر فلاح دارین سوسائٹی (رجسٹرڈ) خان پور ضلع رحیم یارخان

کلُّ نفسٍ ذائقۃُ الموت
ہر ذی روح نے موت کا ذائقہ چکھنا ہے۔

آج طویل علالت کے بعد حاجی مراد خاں بلوچ، سابق چیئرمین میونسپل کمیٹی خان پور، بانی فلاحِ دارین سوسائٹی (رجسٹرڈ) خان پور اور خان پور کے پہلے تحصیل ناظم کے انتقال کی المناک خبر نے دل رنجیدہ کر دیا۔ ان کی وفات بلاشبہ اہلِ خان پور، ان کے خاندان، دوست احباب اور سماجی و سیاسی حلقوں کے لیے ایک بڑا نقصان ہے۔
عام طور پر لوگ حاجی مراد خاں مرحوم کو ایک سیاسی شخصیت کے طور پر جانتے تھے، لیکن میرے نزدیک ان کی اصل پہچان ان کا سماجی سفر اور خدمتِ خلق کا جذبہ تھا۔ وہ ایک دردِ دل رکھنے والے سماجی رہنما اور فلاحِ دارین سوسائٹی کے بانی تھے۔ اس پلیٹ فارم کے ذریعے انہوں نے مستحق، غریب اور ضرورت مند لوگوں کی مدد کو اپنا مشن اور انسانی فریضہ سمجھا۔
آج جس فلاحِ دارین سوسائٹی (رجسٹرڈ) کی صدارت میرے پاس ہے، یہ دراصل حاجی مراد خاں مرحوم کا لگایا ہوا وہ پودا ہے جو آج ایک تناور درخت کی صورت میں سماجی خدمت میں مصروفِ عمل ہے۔ جب ان کی طبیعت ناساز رہنے لگی تو انہوں نے اپنے اعتماد اور ہمارے سماجی کام کو دیکھتے ہوئے یہ ذمہ داری ہمارے سپرد کر دی۔ وہ اکثر کہا کرتے تھے کہ "یہ خدمت کا کام رکنا نہیں چاہیے۔" الحمدللہ، ان کے اسی مشن کو آگے بڑھاتے ہوئے آج بھی فلاحِ دارین سوسائٹی دکھی انسانیت کی خدمت میں مصروف ہے۔
حاجی مراد خاں بلوچ کا کردار صرف سماجی خدمات تک محدود نہیں تھا، بلکہ ضلع رحیم یار خان اور بالخصوص خان پور کی سیاست میں بھی ان کا ایک نمایاں مقام تھا۔ انہیں محنت، دیانت اور خدمت کا جذبہ اپنے والدِ گرامی سے ورثے میں ملا۔ ٹرانسپورٹ کے کاروبار سے عملی سیاست کا سفر شروع کیا تو اپنی اصول پسندی، معاملہ فہمی اور عوامی رابطے کے باعث کامیابی کی منازل طے کرتے گئے۔ پہلے کونسلر، پھر وائس چیئرمین اور بعد ازاں چیئرمین بلدیہ خان پور منتخب ہوئے۔ نئے بلدیاتی نظام کے جمہوری عمل میں خان پور کے پہلے تحصیل ناظم بننے کا اعزاز بھی انہی کے حصے میں آیا۔
حاجی مراد خاں مرحوم کی شخصیت تحمل، برداشت، بردباری اور شائستگی کا حسین امتزاج تھی۔ انہوں نے سیاست ضرور کی، مگر کبھی سیاست کو ذاتی دشمنی میں تبدیل نہیں ہونے دیا۔ مخالفین کی تلخ باتوں اور کم ظرف لوگوں کی گالیوں کا جواب بھی گالی سے نہیں بلکہ صبر، تحمل اور وقار سے دیا۔ یہی ان کی شخصیت کی سب سے بڑی خوبصورتی تھی۔
ایک بہترین منتظم کی حیثیت سے بھی انہوں نے اپنی صلاحیتوں کا لوہا منوایا۔ وہ کم گو ضرور تھے، مگر ان کی خاموشی میں گہری معاملہ فہمی، بصیرت اور سنجیدگی پوشیدہ تھی۔ پیچیدہ معاملات میں بھی وہ تحمل سے راستہ نکالنے اور مشکلات کو آسانیوں میں بدلنے کا ہنر رکھتے تھے۔ بلدیاتی نظام اور مقامی سیاست کے نشیب و فراز کا انہیں گہرا ادراک تھا۔
خان پور کی سیاسی و سماجی تاریخ جب بھی لکھی جائے گی تو حاجی مراد خاں بلوچ مرحوم کا ذکر ایک نمایاں مقام پر ضرور ہوگا۔ ان کی زندگی خدمت، اصول پسندی، برداشت اور عوامی بھلائی سے عبارت رہی۔ ان کی وفات صرف ان کے اہلِ خانہ یا برادری کا نقصان نہیں بلکہ خان پور کی سماجی و سیاسی زندگی کے لیے بھی ایک بڑا خلا ہے۔
اللہ تعالیٰ حاجی مراد خاں بلوچ مرحوم کی تمام خدمات کو اپنی بارگاہ میں قبول فرمائے، ان کی لغزشوں سے درگزر فرمائے، انہیں جنت الفردوس میں اعلیٰ مقام عطا فرمائے اور اپنے حبیبِ کریم حضرت محمد ﷺ کے صدقے ان کی مغفرت فرمائے۔ اللہ پاک تمام لواحقین، اہلِ خانہ، دوست احباب اور چاہنے والوں کو صبرِ جمیل عطا فرمائے۔
آمین یا رب العالمین۔

18/08/2026

خبر غم

ریاض مراد خان سابق ناظم ،فیاض مراد خان کے والد محترم، محمد اقبال صادق بلوچ سابق کونسلر کے چچا جان،
سابق تحصیل ناظم و بانی فلاح دارین سوسائٹی رجسٹرڈ خان پور حاجی محمد مراد خان صاحب بقضائے الٰہی وفات پا چکے ہیں ۔ جن کی نمازِ جنازہ کا اعلان بعد میں کیا جائے گا ۔

انا للّٰہ وانا الیہ راجعون

15/08/2026

رحیم یار خان وچ چوپال تے فلاح دارین سوسائٹی دے زیر اہتمام جشن آزادی سپورٹس میلہ

15/08/2026

رحیم یار خان وچ چوپال تے فلاح دارین سوسائٹی دے زیر اہتمام جشن آزادی سپورٹس میلہ..