Falah E Darain Society Pakistan

30/05/2026

Dated: 29/05/2026
خان پور (ایف ڈی ایس رپورٹ) فلاح دارین سوسائٹی رجسٹرڈ خان پور ضلع رحیم یارخان کے زیر اہتمام فیلڈ آفس چک 45 پی میں مقامی علماء کرام کے اعزاز میں ایک پروقار عشائیہ کا اہتمام کیا گیا، جس میں مختلف مکاتبِ فکر اور ہر فرقے سے تعلق رکھنے والے مقامی علماء کرام نے شرکت کی۔ تقریب کا مقصد باہمی اتحاد، دینی و سماجی ہم آہنگی اور انسانیت کی خدمت کے جاری منصوبوں سے علماء کرام کو آگاہ کرنا تھا۔
اس موقع پر فلاح دارین سوسائٹی کے صدر میاں آصف علی اکرم نے ادارے کی جانب سے جاری فلاحِ انسانیت کے مختلف منصوبوں پر تفصیلی بریفنگ دیتے ہوئے کہا کہ دکھی انسانیت کی خدمت ہی اصل عبادت ہے اور فلاح دارین سوسائٹی بلا رنگ و نسل مستحق افراد کی خدمت میں مصروفِ عمل ہے۔
تقریب سے بات کرتے ہوئے جنرل سیکرٹری ڈاکٹر عبیدالرحمن نے ادارے کے زیر اہتمام مستحق اور لاوارث میتوں کے لیے جاری کفن سروس کے حوالے سے آگاہ کیا۔ انہوں نے بتایا کہ قرآن پاک کے مقدس اوراق اور قرآنی آیات کے احترام و تحفظ کے لیے مختلف یونین کونسلز میں قرآنی بکس نصب کیے گئے ہیں تاکہ مقدس اوراق کی بے حرمتی سے بچایا جا سکے۔ مزید برآں مختلف مساجد اور مدارس میں دینی علوم حاصل کرنے والے طلباء و طالبات کے لیے قرآنی سپارے اور پارے رکھنے والی ریلز کی ضرورت پر ادارے کی جانب سے تعاون کی یقین دہانی بھی کروائی گئی۔
علماء کرام نے فلاح دارین سوسائٹی کی انسانیت دوست خدمات کو سراہتے ہوئے کہا کہ اسلام انسانیت کی خدمت، بھلائی اور آسانی پیدا کرنے کا درس دیتا ہے۔ انہوں نے قرآن مجید کی آیت "وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا" کا حوالہ دیتے ہوئے کہا کہ جس نے ایک انسان کی جان بچائی گویا اس نے پوری انسانیت کو زندگی بخشی۔
علماء کرام نے کہا کہ دکھی انسانیت کی خدمت، لاوارث افراد کی مدد اور قرآن پاک کے تقدس کے تحفظ جیسے اقدامات صدقۂ جاریہ ہیں، جن پر فلاح دارین سوسائٹی مبارکباد کی مستحق ہے۔
تقریب کے اختتام پر ملک و قوم کی سلامتی، اتحادِ امت، انسانیت کی خدمت اور فلاح دارین سوسائٹی کے فلاحی منصوبوں کی کامیابی کے لیے خصوصی دعا بھی کی گئی۔

27/05/2026

26/05/2026

خان پور(ایف ڈی ایس رپورٹ)فلاح دارین ووکیشنل انسٹیٹیوٹ کا افتتاح،دیہی خواتین کو ہنر مند بنانے کی جانب اہم قدم

خان پور : ضلع رحیم یارخان کی یونین کونسل 45 پی میں سماجی و فلاحی تنظیم "فلاح دارین سوسائٹی رجسٹرڈ" کے زیر اہتمام "فلاح دارین ووکیشنل انسٹیٹیوٹ" کا باقاعدہ افتتاح کر دیا گیا۔ افتتاحی تقریب کی مہمانِ خصوصی پرنسپل گورنمنٹ فاطمہ جناح ایسوسی ایٹ کالج برائے خواتین چک 103 ون ایل خان پور، میڈم عظمیٰ ناز تھیں، جنہوں نے ادارے کا افتتاح کیا۔

تقریب سے خطاب کرتے ہوئے مقررین نے کہا کہ فلاح دارین ووکیشنل انسٹیٹیوٹ کا مقصد دیہی خواتین اور نوجوانوں کو جدید اور فنی تعلیم فراہم کرکے انہیں ہنر مند بنانا اور باعزت روزگار کے مواقع مہیا کرنا ہے۔ ادارے میں سلائی کڑھائی، کمپیوٹر شارٹ کورسز، انگلش لینگویج، یوٹیوب آٹومیشن اور دیگر جدید کورسز کروائے جائیں گے تاکہ خواتین معاشی طور پر خودمختار بن سکیں۔

مہمانِ خصوصی میڈم عظمیٰ ناز نے فلاح دارین سوسائٹی کی فلاحی خدمات، انسان دوستی اور تعلیم و ہنر کے فروغ کے لیے کاوشوں کو سراہتے ہوئے کہا کہ ایسے ادارے معاشرے میں مثبت تبدیلی، خواتین کے بااختیار ہونے اور نوجوان نسل کے روشن مستقبل میں اہم کردار ادا کرتے ہیں۔

تقریب کے اختتام پر ملکی سلامتی، ترقی، خوشحالی اور فلاح دارین سوسائٹی کی کامیابی کے لیے خصوصی دعا خیر بھی کی گئی۔

17/05/2026

سماجی و فلاحی تنظیم فلاح دارین سوسائٹی رجسٹرڈ خان پور ضلع رحیم یارخان کے زیرِ اہتمام فیلڈ آفس چک 45 پی میں “فلاح ووکیشنل انسٹیٹیوٹ” کا باقاعدہ آغاز کر دیا گیا ہے، جس کا مقصد علاقے کے نوجوانوں اور خواتین کو جدید دور کے تقاضوں کے مطابق فنی و پیشہ ورانہ تعلیم فراہم کرنا ہے۔ ادارے میں خواتین کو بااختیار اور خود مختار بنانے کے لیے سلائی، کڑھائی، ڈریس ڈیزائننگ اور دیگر گھریلو ہنر سکھائے جائیں گے جبکہ نوجوانوں کی شخصیت سازی، اعتماد میں اضافہ اور روزگار کے بہتر مواقع پیدا کرنے کے لیے انگلش لینگویج کورس، کمپیوٹر شارٹ کورسز، آن لائن لرننگ پروگرامز اور مختلف تکنیکی تربیتی کورسز بھی کروائے جائیں گے۔

انتظامیہ کے مطابق اس فلاحی اقدام کا بنیادی مقصد نوجوان نسل کو ہنر مند، باصلاحیت اور خود کفیل بنانا ہے تاکہ وہ نہ صرف اپنے خاندان کا سہارا بن سکیں بلکہ معاشرے کی ترقی میں بھی مثبت کردار ادا کریں۔ علاقہ مکینوں، سماجی شخصیات اور والدین نے اس شاندار اقدام کو خوش آئند قرار دیتے ہوئے امید ظاہر کی ہے کہ یہ ادارہ علاقے میں تعلیم، ہنر اور روزگار کے فروغ میں اہم سنگِ میل ثابت ہوگا۔






#خانپور

09/05/2026

Falah Dareen Society organized a Free Medical Camp in District Rahim Yar Khan, where specialist doctors provided free medical checkups to around 400 patients and distributed free medicines among deserving people.
A large number of men, women, elderly citizens, and children from different areas attended the camp. Along with medical treatment, awareness regarding health and hygiene was also provided to the patients.
The welfare initiative of Falah Dareen Society was highly appreciated by the public, while local media also gave wide coverage to the medical camp.

08/05/2026

With Mian Asif Ali Akram I just got recognized as one of their top fans! 🎉

08/05/2026

Dated: 08.05.2026
خان پور (ایف ڈی ایس رپورٹ)
سماجی تنظیم فلاح دارین سوسائٹی رجسٹرڈ اور الخدمت فاؤنڈیشن کے باہمی تعاون سے یونین کونسل 45 پی میں ایک روزہ فری میڈیکل کیمپ کا انعقاد کیا گیا، جہاں مختلف شعبہ جات سے تعلق رکھنے والے ماہر ڈاکٹروں کی ٹیم نے سینکڑوں مریضوں کا مفت معائنہ کیا اور انہیں مفت ادویات بھی فراہم کیں۔ میڈیکل کیمپ میں خواتین، بچوں، بزرگوں اور دیہی علاقوں سے تعلق رکھنے والے افراد کی بڑی تعداد نے شرکت کی۔
کیمپ کے دوران تقریباً 400 مریضوں کا چیک اپ کیا گیا جبکہ شوگر، بلڈ پریشر، بخار، جلدی امراض اور دیگر بیماریوں کے ٹیسٹ و علاج کی سہولیات بھی فراہم کی گئیں۔ اس موقع پر سماجی تنظیم فلاح دارین سوسائٹی کے میڈیکل انچارج ڈاکٹر ظہیر حسین نے ڈاکٹر زاہد محمود اور ڈاکٹر احمد حسین کے ہمراہ گفتگو کرتے ہوئے کہا کہ الخدمت فاؤنڈیشن کے تعاون سے لگائے گئے اس فری میڈیکل کیمپ کا مقصد غریب، نادار اور دور دراز علاقوں میں رہنے والے مستحق افراد کو ان کی دہلیز پر مفت اور معیاری طبی سہولیات فراہم کرنا ہے تاکہ وہ بروقت علاج سے مستفید ہو سکیں۔
انہوں نے کہا کہ صحت مند معاشرہ ہی ترقی یافتہ معاشرے کی بنیاد ہوتا ہے اور فلاحی تنظیمیں انسانیت کی خدمت کے جذبے کے تحت ایسے اقدامات جاری رکھیں گی۔ علاقہ مکینوں نے فلاح دارین سوسائٹی اور الخدمت فاؤنڈیشن کی اس کاوش کو سراہتے ہوئے اسے عوامی خدمت کا بہترین اقدام قرار دیا۔