Voice updete

23/07/2026

23/07/2026

فیض محمد روڈ، کوئٹہ میں قائم مختلف اکیڈمیوں کے اطراف کا ماحول دن بہ دن خراب ہوتا جا رہا ہے۔ بلوچستان کے دور دراز علاقوں سے آنے والے طلبہ و طالبات یہاں صرف تعلیم اور اپنے روشن مستقبل کے لیے آتے ہیں، مگر افسوس کہ کچھ اوباش عناصر کی وجہ سے تعلیمی ماحول متاثر ہو رہا ہے۔ لڑکیوں کو ہراساں کرنا، ان کا پیچھا کرنا، موبائل نمبر پھینکنا، غنڈہ گردی، لڑائی جھگڑے، نشے اور دیگر غیر اخلاقی سرگرمیاں ایک سنگین مسئلہ بنتی جا رہی ہیں۔

▪️سب سے افسوسناک بات یہ ہے کہ کچھ طلبہ اپنی پڑھائی پر توجہ دینے کے بجائے انہی فضول سرگرمیوں میں اپنا قیمتی وقت ضائع کر دیتے ہیں۔ پھر جب MDCAT یا دیگر مقابلے کے امتحانات میں کامیابی حاصل نہیں کر پاتے، یا کسی اچھی یونیورسٹی میں داخلہ نہیں ملتا، تو سارا الزام نظام، امتحان یا نصاب پر ڈال دیتے ہیں۔ یقیناً اگر کہیں ناانصافی ہو تو اس کے خلاف آواز اٹھانا ہر شہری کا حق ہے، لیکن یہ بھی حقیقت ہے کہ کامیابی محنت، نظم و ضبط اور مسلسل تیاری سے حاصل ہوتی ہے، نہ کہ وقت ضائع کرنے سے۔

▪️والدین اپنے بچوں کو بڑی امیدوں اور بے شمار قربانیوں کے ساتھ کوئٹہ بھیجتے ہیں تاکہ وہ تعلیم حاصل کریں، اپنے خواب پورے کریں اور اپنے خاندان اور صوبے کا نام روشن کریں۔ افسوس ہے کہ چند غیر ذمہ دار افراد کی حرکتوں نے نہ صرف تعلیمی ماحول خراب کیا ہے بلکہ سنجیدہ طلبہ و طالبات کے لیے بھی مشکلات پیدا کر دی ہیں۔ اگر یہی صورتحال برقرار رہی تو اس کے اثرات آنے والی نسلوں پر بھی پڑیں گے۔

▪️ہم حکومتِ بلوچستان، ضلعی انتظامیہ، پولیس، اکیڈمی مالکان اور خود طلبہ سے اپیل کرتے ہیں کہ اس مسئلے کو سنجیدگی سے لیں۔ تعلیمی اداروں کے اطراف سیکیورٹی بہتر بنائی جائے، ہراسانی، غنڈہ گردی، منشیات اور اسلحہ رکھنے والوں کے خلاف سخت کارروائی کی جائے، اور ہر طالب علم یہ عہد کرے کہ وہ یہاں صرف تعلیم حاصل کرنے آیا ہے، نہ کہ دوسروں کے مستقبل اور سکون کو برباد کرنے۔ یاد رکھیں، کامیابی نعروں سے نہیں بلکہ محنت، کردار اور نظم و ضبط سے حاصل ہوتی ہے۔

17/07/2026

خامنائی کو شہر مشہد میں جس مزار کے اندر دفن کیا گیا ہے اس مزار میں بری طرح آگ بھڑک اٹھی ہے....

یاد رہے اس پر یہ دوسری مرتبہ اگ بھڑکی ہے اور وہ بھی دنیا میں....

17/07/2026

ڈسکور پاکستان کی خوبصورتی یہی تھی کہ وہ سیاست سے ہٹ کر پاکستان کی تاریخ، ثقافت، سیاحت اور مثبت پہلوؤں کو اجاگر کرتا تھا۔ یہی وجہ تھی کہ ہر سوچ کے لوگ اسے پسند کرتے تھے۔ اگر یہ پلیٹ فارم بھی سیاسی مواد کی طرف زیادہ جھک جائے تو اس کی منفرد پہچان متاثر ہو سکتی ہے۔ ہر پلیٹ فارم کی اپنی شناخت ہوتی ہے، اور کچھ جگہیں ایسی رہنی چاہییں جہاں لوگ صرف پاکستان کو دریافت کریں، سیاست کو نہیں۔